E ku ka më mirë së një festë e madhe dhe e hareshme që promovon produktet e shkëlqyera vendase! Mos humbisni Festën e Përvitshme të Mandarinës në Xarrë, që organizohet këtë fundjavë, nën kujdesin dhe mbështetjen e USAID dhe AAC-Lushnja, bashkë me Bashkinë Konispol.

Të gjithë mund të marrin pjesë, jo vetëm për të shijuar mandarinat e freskëta e plot aromë, por edhe për të mbledhur agrumet e për të shijuar veprimtari të tjera agro-turizmi, së bashku me fermerët dhe agrobizneset. Festivali i VI i Mandarinës do të organizohet këtë vit në Xarrë të Sarandës në 26 Nëntor 2016 nën kujdesin dhe mbështetjen e USAID dhe AAC-Lushnja.

Planifikoni të jeni në Xarrë për të shijuar mandarinat e freskëta e plot aromë, por edhe për të mbledhur agrumet e për të shijuar veprimtari të tjera agro-turizmi, së bashku me fermerët dhe agrobizneset. Festivali është i hapur për të gjithë dhe të jenë të pranishëm përfaqësues nga USAID, Ministria e Bujqësisë dhe Qeveria Vendore.

Festivali promovon prodhimin e agrumeve shqiptare. Koha kur zhvillohet festivali, është ajo e vjeljes së agrumeve dhe kulminacioni i një viti pune e përpjekjesh të kultivuesve në jug të Shqipërisë. Kjo zonë ka një prodhimtari të konsiderueshme agrumesh. Lexo më shumë se çfarë të ofron Xarra, toka e mandarinave shqiptare. Kliko këtu.

Komuna e Xarrës është e njohur për prodhimin e saj të agrumeve. Aktualisht Xarra ka mbi 85 mijë pemë dhe agrume në prodhim, nga të cilat 75 mijë janë mandarina. Prodhimi i përgjithshëm i mandarinës është rritur nga 2.480 tonë në vitin 2009 (me prodhimtari 40.6 kg për pemë) në 8.100 tonë në vitin 2013, me prodhimtari mesatare 85 kilogramë për pemë.

Veprimtari argëtuese në fermë, panair dhe koncert

13:00 – 14:00 Lojëra në fermë
14:00 – 14:30 Konkursi i Vjeljes
15:00 – 16:00 Futboll: Ekipi i vizitorëve me ekipin e Konispolit
15:00 – 17:00 Panair dhe koncert festiv