Instituti i Shëndetit Publik Ngre Alarmin Për Gripin e Syrit Në Shqipëri

Instituti i Shëndetit Publik ka ngritur alarmin për përhapjen pothuajse epidemike të virusit të gripit të syrit në vendin tonë. Sipas një paralajmërimi të publikuar në faqen e këtij institucioni në Facebook, ISHP thotë se virusi i gripit të syve është i formës agresive dhe manifestohet me simptoma dy javë pas prekjes.

ISHP ka paralajmëruar qytetarët që të tregojnë kujdes me higjenën sepse ky virus transmetohet përmes kontaktit të syve me duar të palara por edhe me anë të ajrit, peshqirëve, këllëfit të jastëkut dhe duarve.

Pishinat dhe plazhet janë ambientet që ofrojnë një terren më të përshtatshëm për përhapjen e këtij virusi, thotë ISHP.

Ndërkohë, okulistët konfirmojnë një numër në rritje të personave të prekur nga ky infeksion.

Ka pasur një numër rekord që ne nuk e kemi hasur asnjë vit tjetër. Ndoshta nuk kemi 100% një statistikë të saktë por numri ka qenë tepër i lartë në krahasim me vitet e tjera, pra ketë vit ka thyer cdo rekord”-tha okulisti Rubin Topi në një intervistë për Report TV.

Simptomat e Gripit të Syve

Virusi që shkakton gripin e syve shkakton një sërë simptomash dhe komplikacionesh.

Kur sytë preken nga ky grip ato fryhen dhe skuqen.

Njeriu e ka të vështirë të shikojë qartë ndërkohë që virusi mund të vështirësojë hapjen e syve.

Okulistët shpjegojnë se kur virusi është i pranishëm, sytë janë ndjeshëm të skuqur ndërkohë që në mëngjes njeriu mund të përballet me sekrecione në formën e sklepave.

Në shumicën e rasteve, kapakët e syve janë të ngjitur nga sklepat dhe nuk hapen dot natyrshëm.

Njeriut i duhet të përdorë dorën për të hapur syrin dhe për të parë, thonë ekspertët.

Komplikacionet mund të rëndohen duke kulmuar edhe me humbjen e shikimit.

Mjekët kanë paralajmëruar  që të sëmurët nga ky virus të mos frekuentojnë detin dhe pishinën sepse ky infeksion mund të përhapet edhe nëpërmjet ujit. /AgroWeb.org

 

Mënyrat Më Të Mira Që Duhet Të Dini Kur Përgatisni Brumin e Bukës

Asgjë nuk ia kalon aromës së bukës që përgatitet në shtëpi, por edhe përgatitja e saj kërkon një mjeshtëri të vetën.

Ndonjëherë brumi nuk fryhet sa duhet, herë të tjera del me lagështirë apo korja e bukës forcohet shumë.

Të gjitha këto probleme lidhen me hapat e përgatitje së brumit të bukës.

AgroWeb.org ju tregon disa truke apo sekrete që do t’ju mundësojnë që të përgatisni çdoherë bukën më të shijshme që keni provuar.

Mielli që keni përdorur

Për rezultate më të mira, AgroWeb.org ju sugjeron që të përdorni miellin e bardhë që ndryshe njihet si mielli i bukëpjekësve.

Mielli i bardhë përmban më shumë proteina që mundësojnë që brumi i bukës të ketë elasticitetin e duhur.

Nëse nuk gjeni miell për bukë, mund të përdorni miellin e thjeshtë e për përdorim të gjerë.

Temperatura e uji

Nëse uji është shumë i nxehtë, nuk do të veprojë me majanë e bukës dhe kështu brumi nuk do të fryhet.

Në rastin kur uji është më i ftohtë seç duhet, atëherë brumit do t’i duhet më shumë kohë që të fryhet.

Për të patur temperaturën perfekte, hidhni disa pika në kyçin tuaj dhe nëse e duroni atëherë është në rregull.

Kripa elementi kryesor

Kripa arrin të forcojë brumin dhe nuk e lejon atë që të lëshohet gjatë pjekjes.

Ajo që duhet të bëni është që të siguroheni që mielli dhe majaja të jenë përzierë mirë para se të hidhni kripën.

Pasi nëse e hidhni direkt pas majasë, kripa nuk e lejon atë të veprojë dhe kështu që brumi i bukës nuk fryhet.

Duhet të zgjidhni majanë e duhur

Zakonisht majaja që përdoret për përgatitjen e bukës është ajo e thata e cila mund të gjendet lehtësisht nëpër markete.

Por nëse keni kohë që e keni blerë majanë, është më mirë që ta përzieni me pak sheqer dhe 125 ml qumësht të vakët.

Lëreni që të pushojë 5 minuta dhe të shihni nëse ka krijuar një ajkë në sipërfaqen e saj.

Shtojeni këtë përzierje tek mielli dhe vazhdoni me hapat e recetës.

Punimi i brumit

Të gjitha amvisat e dinë se dhe punimi i brumit është një nga fazat më të rëndësishme të përgatitjes së brumit.

Punimi i brumit bën të mundur që majaja të përhapet mirë dhe të aktivizohet.

AgroWeb.org ju këshillon që ta punoni brumin me të dyja duart duke e shtypur e palosur derisa të jetë i lëmuar dhe elastik.

Pjekja e bukës

Është shumë e rëndësishme që furra të jetë e ngrohur në temperaturën që përcaktohet në recetë.

Duhet të jetë e ngrohtë mjaftueshëm sa bulëzat e ajrit që gjenden tek brumi të fryhen. Prandaj sigurohuni që të ndiqni këshillat e recetës së bukës./AgroWeb.org

Plani i Investimit për Evropën – Edhe 800 milionë Euro të tjera për SME-të Ndërkohë që EIF dhe ProCredit Dyfishojnë Mbështetjen për Kompanitë Novatore

Fondi Evropian i Investimeve (EIF) dhe Grupi ProCredit ofrojnë edhe 800 milionë Euro të tjera për kompanitë e vogla dhe të mesme (SME) novatore, duke u sjellë kompanive të njëmbëdhjetë vendeve 1.62 miliardë Euro gjithsej.

Ky financim i mbështetur nga EIF është tashmë në dispozicion përmes bankave ProCredit në Evropën Lindore dhe Juglindore dhe ka në fokus kompanitë që përdorin teknologji të reja dhe që prodhojnë produkte të reja në secilin prej njëmbëdhjetë vendeve që mbulon ky program (Shqipëri, Bosnje-Hercegovinë, Bullgari, Gjeorgji, Gjermani, Greqi, Moldavi, Republika e Maqedonisë së Veriut, Rumani, Serbi dhe Ukrainë). Deri tani, marrëveshjet me ProCredit-in kanë mbështetur rreth 2,000 SME novatore, kryesisht në sektorët e Prodhimit dhe Tregtisë me Shumicë dhe me Pakicë dhe shumë të tjera do të financohen në vitet në vijim.

Këto marrëveshje janë nënshkruar nën kuadrin e nismës InnovFin të Komisionit Evropian, me mbështetjen e programit të BE-së për kërkime dhe novacione, Horizon 2020. Nisma InnovFin u jep mundësi bankave pjesëmarrëse t’u japin kredi kompanive novatore, duke pasur si mbështetje një garanci të dhënë nga EIF.

Marrëveshjet e nënshkruara në vendet anëtare të BE-së janë mundësuar me mbështetjen e Fondit Evropian për Investime Strategjike (EFSI). EFSI është shtylla qendrore e Planit të Investimit të Komisionit Evropian për Evropën, i njohur gjithashtu si “Plani Juncker”.

Zëvendëspresidenti i Komisionit Evropian Jyrki Katainen, përgjegjës për Punësimin, Rritjen, Investimet dhe Konkurrueshmërinë, tha: “Dy vjet pas shpalljes së fondit prej 820 milionë Euro për SME-të në njëmbëdhjetë vende, Fondi Evropian i Investimeve dhe ProCredit po e dyfishojnë mbështetjen e tyre financiare, që do të thotë se janë tashmë 1.62 miliardë Euro në dispozicion për financimin e kompanive të vogla dhe të mesme në të gjitha këto vende. Kjo mbështetje e vazhdueshme dhe në rritje nga BE-ja do të shënojë një dallim të prekshëm për mijëra persona me ide novatore biznesi, të cilët kanë nevojë për financim, përveç 2000 SME-ve që kanë përfituar tashmë nga kjo skemë.”

Shefi Ekzekutiv i EIF, Pier Luigi Gilibert tha: “Jemi të kënaqur që marrëveshjet për garancinë InnovFin për SME-të me bankat ProCredit po japin rezultate kaq pozitive. Rrjeti i konsoliduar i shpërndarjes i ProCredit, kombinuar me ekspertizën e kësaj banke në dhënien e kredive për SME-të, garanton që kreditë e mbështetura nga KE-ja të mund të jepen në mënyrë të shpejtë në të njëmbëdhjetë territoret. Këto transaksione do t’i ndihmojnë këto kompani në marrjen e financimeve me mbështetje të BE-së me qëllim çuarjen përpara të axhendës së novacionit në të gjithë Evropën.”

Dr. Claus-Peter Zeitinger, Kryetar i Bordit Mbikëqyrës të ProCredit Holding shtoi: “Zgjerimi i marrëveshjes sonë përbën një sinjal të rëndësishëm për grupin tonë. Ai u tregon klientëve tanë se investimet nga SME-të novatore në Evropën Lindore dhe Juglindore do të vazhdojnë të mbështeten nga BE-ja, si dhe tregon gjithashtu se kontributi që japin bankat ProCredit për zhvillimin në vendet e tyre po njihet nga BE-ja”.

Rreth EIF

Fondi Evropian i Investimeve (EIF) është pjesë e Grupit të Bankave Evropiane për Investim. Misioni i tij kryesor është mbështetja e bizneseve mikro, të vogla dhe të mesme të Evropës (SME), duke i ndihmuar ato me mundësi financimi. EIF projekton dhe zhvillon kapitalin fillestar dhe atë të rritjes, instrumente garancie dhe instrumente mikrofinancime, të cilat synojnë specifikisht këtë segment të tregut. Në këtë rol, EIF nxit objektivat e BE-së në mbështetje të novacionit, kërkimeve dhe zhvillimit, sipërmarrjes, rritjes dhe punësimit. Më shumë informacion për punën e EIF në kuadrin e EFSI mund të gjendet këtu.

Rreth Grupit ProCredit

ProCredit Holding AG&Co. KGaA, me qendër në Frankfurt am Main, Gjermani, është kompania mëmë e grupit ndërkombëtar ProCredit, i cili përbëhet nga banka për sipërmarrjet e vogla dhe të mesme (SME), fokusi operacional i të cilit është Evropa Lindore dhe Juglindore. Përveç këtij fokusi rajonal, grupi ProCredit është gjithashtu i pranishëm në Amerikën e Jugut dhe në Gjermani. Aksionet e kësaj kompanie tregtohen në segmentin Prime Standard të Bursës së Frankfurtit. Aksionerët kryesorë të ProCredit Holding AG&Co. KGaA përfshijnë investitorët strategjikë Zeitinger Invest dhe ProCredit Staff Invest (i cili përbëhet nga instrumentet e investimit për stafin e ProCredit), Dutch DOEN Participaties BV, Banka e Zhvillimit KfW, si dhe IFC (pjesë e Grupit të Bankës Botërore). Si nënkompani e grupit, sipas ligjit gjerman për bankat, ProCredit Holding AG&Co. KGaA mbikëqyret në nivel të konsoliduar nga Autoriteti Federal Gjerman për Mbikëqyrjen Financiare (Bundesanstalt für Finanzdienstleistungsaufsicht, BaFin) dhe nga Banka Qendrore Gjermane. Më shumë informacion mund të gjendet në faqen zyrtare të kompanisë në www.procredit-holding.com.

Rreth Planit Juncker

Plani i Investimeve për Evropën, i ashtuquajturi “Plani Juncker”, është një prej prioriteteve kryesore të Komisionit Evropian. Ai fokusohet te nxitja e investimeve për krijimin e punëve të reja dhe rritjen përmes përdorimit më inteligjent të burimeve të reja dhe burimeve financiare ekzistuese, eliminimit të pengesave ndaj investimeve, si dhe rritjes së vizibilitetit dhe asistencës teknike për projektet e investimeve.

Fondi Evropian për Investimet Strategjike (EFSI) përbën shtyllën qendrore të Planit Juncker. Ai ofron një garanci të parë për humbjen, duke i dhënë mundësi Bankës Evropiane për Investime të investojë në më shumë projekte, shpesh me më shumë rrezik. Projektet dhe marrëveshjet e miratuara për t’u financuar në kuadrin e EFSI-t deri tani pritet të mobilizojnë pothuajse 410 miliardë Euro në investime dhe të mbështesin rreth 952,000 SME në të 28 Shtetet Anëtare.

Rreth InnovFin

Programi InnovFin i Garancive për SME-të  është themeluar në kuadrin e “Financimeve InnovFin të BE-së për Novatorët”, ngritur si pjesë e Horizon 2020, Programit Kuadër të BE-së për Kërkime dhe Novacion. Ai ofron garanci dhe kundër-garanci për financimin e borxheve në shumat nga 25 mijë Euro deri në 7.5 milionë euro me qëllim përmirësimin e aksesit në financimin e kredive për sipërmarrjet novatore të vogla dhe të mesme, si dhe për ndërmarrjet e vogla deri mesatare (me më pak se 500 punonjës).

Ky instrument menaxhohet nga EIF dhe realizohet përmes ndërmjetësve të ndryshëm financiarë – banka dhe institucione të tjera financiare – në Shtetet Anëtare të BE-së dhe në vendet me statusin e asocimit. Në kuadrin e këtij instrumenti, ndërmjetësit financiarë garantohen nga BE-ja dhe EIF përkundrejt një pjese të humbjeve që mund të kenë nga financimi i borxheve që mbulon ky instrument./Agroweb.org

 

Mënyra e Shijshme e Përgatitjes së Karameleve Zana Në Shtëpi

Dikur ishin ëmbëlsirat më magjepsëse për fëmijë e të rritur. Por ashu si dikur edhe sot, karamelet Zana mbeten të veçanta dhe me shije të mrekullueshme duke tërhequr nepsin e kujtdo.

AgroWeb.org ju sjell më poshtë recetën fantastike të përgatitjes së këtyre karameleve unike krejt lehtë në shtëpi.

Përgatitja e Karameleve Zana Në Shtëpi

Përbërësit

Gjysmë gote me ujë

400 g sheqer

Gjysmë luge çaji me vanilje

1 kuti me qumësht të kondesuar (qumësht panda)

300 g mjaltë (jo i ngurtë ose i fortë)

12 lugë gjelle me gjalpë të zbutur

1 lugë çaji me kripë

Përgatitja

Në një tas të madh, AgroWeb.org ju udhëzon të bashkoni ujin, sheqerin, vaniljen dhe përzjejeni masën derisa ajo të jetë homogjene.

Kokrrizat e sheqerit duhet të jentë tretur para se të shtoni mjaltin, qumështin panda dhe gjalpin.

Kalojeni përbërjen në një tenxhere dhe vendoseni në zjarr të ngadaltë.

AgroWeb.org ju këshillon që të tregoni kujdes dhe të përzjeni gjatë gjithë kohës me një tel kuzhine. Kështu masa nuk do të ngjitet në fundin e tenxheres.

Masa do të fillojë të trashet dhe të marrë një ngjyrë të artë.

Tenxheren duhet ta lini në zjarr derisa masa të ketë valuar.

Për të kuptuar që përzjerja është gati, merrni një tas të vogël me ujë të ftohtë.

Merrni me një lugë pak nga masa e formuar dhe futeni në tasin me ujin e ftohtë. Pasi të jetë ftohur shtypeni me dorë, karameli duhet të jetë i plotë por jo i fortë.

Ngjyra do të jetë ajo tipikja e karameleve të dashura që jemi mësuar.

Hiqeni nga zjarri dhe vazhdoni ta përzjeni dhe për 5 minuta të tjera. Kështu do të lejoni që nxehtësia e tenxheres të mos vazhdojë të ndikojë tek fortësia e karamelit.

Në një tavë vendosni një letër kuzhine, ajo do të mundësojë lehtësi për heqjen e karamelit, kur ai të jetë ngurtësuar.

Masën që përgatitët hidheni në tavë dhe hapeni me një lugë në mënyrë që të krijohet një shtresë e barabartë në trashësi.

Lëreni që të ftohet në temperaturë ambjenti përreth 2 orë.

Më pas hiqeni karamelin nga tava duke kapur anët e letrës së kuzhinës.

Me një thike priteni në format karakteristike katrore të karameleve Zana.

Mjafton t’i vendosni të gjitha në një pjatë dhe t’i shijoni me familjen dhe të afërmit.

Për t’i ruajtur, AgroWeb.org ju sugjeron që t’i mbështillni me qese kuzhine. Në këtë formë do të qëndrojnë për dy ditë./AgroWeb.org

Si Të Përgatisni në Shtëpi Gurabijet e Dikurshme Me Gjalpë

Gurabiet janë një ëmbëlsirë e thjeshtë por që përdoren gjërësisht në vendin tonë.

Ajo me siguri ka qenë ëmbëlsira më e preferuar për shumë njerëz që kanë kaluar fëmijërinë përpara viteve 90.

Gurabijet janë biskota të përdorura gjërësisht në shumë vende të botës, kryesisht ato myslimane.

Emri Gurabije vjen nga perandoria Osmane dhe është përmendur për herë të parë në shekullin e 15-të.

Ato mund të konsumohen veçmas ose të shoqërohen me një filxhan me çaj.

Në krahasim me ëmbëlsirat e tjera që kanë shumë përbërës, gurabijet me gjalpë janë të thjeshta por me një shije sublime dhe të shkrihen në gojë.

Ato përgatiten nëpër pastiçeritë e të gjithë vendit, por si gjthnjë, diçka e gatuar në shtëpi nuk ka të krahasuar.

Përbërësit për 40 gurabije me gjalpë:

500 gramë gjalpë të tretur

600 gramë sheqer pudër

1 kg miell

1  gramë vanilje

Përgatitja e gurabijeve

Ndajmë nga sheqeri pudër 50-100 gramë për ta përdorur për pudrosjen e gurabijeve.

Pjesën tjetër e sitim dhe e hedhim mbi sipërfaqen e tavolinës ku do të punojmë brumin.

Në mes të sheqerit hapim një gropë dhe hedhim gjalpin e tretur.

Me një pirun rrahim pak përbërësit sa të krijohet një masë homogjene.

Anash sheqerit të përzjerë me gjalpë hedhim miellin.

Shtojmë vaniljen dhe i përziejmë përsëri.

Pasi masa të ketë filluar të lidhet e të ketë formuar brumin, fillojmë ta punojmë me duar.

AgroWeb.org ju këshillon që brumin të vazhdoni ta punoni derisa sipërfaqja e tij të jetë e lëmuar.

Brumin e presim në forma sipas dëshirës siç mund të jetë gjysmë hënë ose rrumbullake.

Gurabijat vendosini në një tepsi dhe piqini në furrë në temperaturë rreth 150 C.

Pasi të jenë pjekur dhe ftohur pudrosini me sheqerin pudër./AgroWeb.org

 

Majdanozi – Si Të Rrisni Bimën Shëruese Në Ballkon

Majdanozi është një bimë që është kultivuar nga njeriu për plot 2,000 vjet.

Kjo bimë e gjelbër është kultivuar fillimisht për t’u përdorur në mjekësinë popullore dhe më pas u përdor edhe në kuzhinë.

Majdanozi është një barishte aromatike me tufa të mëdha dhe gjethe me forma të këndshme.

Ajo ka kërcenj të gjatë ndërkohë që e gjithë bima merr formë rrumbullake.

Ka dy lloje majdanozi: e para me gjethe të sheshta që përdoret për zbukurim dhe e dyta me gjethe të përthyera që përdoret për supa ose gatime me mish.

Majdanozi është i pasur me vitamina thelbësore siç janë: K, B12, C dhe A.

Kjo do të thotë se majdanozi forcon imunitetin, kockat dhe sistemin nervor.

Si Ta Mbillni Majdanozin Në Shtëpi

Blini farat e majdanozit dhe zgjidhni vendndodhjen e saksisë.

Farat mund t’i mbillni direkt në kopësht në kohën e pranverës ose në saksi.

Mënyra më e mirë është që t’i mbillni farat në saksi dhe ta mbani brenda në shtëpi pa ardhur pranvera.

Farat e majdanozit duan të paktën tre javë që të lëshojnë filiza.

Farat janë të vogla, ndaj nuk ka nevojë që t’i mbuloni shumë me dhe.

Thjesht shpërndajini në sipërfaqe dhe ujitini.

Kur farat të kenë çelur filiza sigurohuni që të mbani një ose dy filizë në një saksi.

Majdanozi preferon tokë të kulluar mirë, ndriçim të bollshëm, por edhe të pjesshëm.

Ujiteni herë pas here dhe ushqejeni me pleh organik.

Majdanozin mund ta mblidhni gjatë gjithë vitit duke nisur nga momenti kur gjethet nisin të përthyhen.

Për një aromë më të mirë mblidheni majdanozin në mëngjes.

Majdanozin mund ta përdorni të freskët ose ta fusni në ngrirje për më vonë.

Majdanozi i tharë e humbet aromën dhe disa prej vlerave.

Nëse e ruani në ngrirje,  atëherë sigurohuni që ta përdorni brenda vitit.

Majdanozin mund edhe ta mbillni me filiza, të cilat i gjeni në tregjet e fshatarëve dhe në pikat ku shiten fidanë.

A e dinit se? 

Majdanozi është përdorur gjerësisht në Romën e lashtë si një përbërës sallatash, për eliminimin e efekteve të alkolit të tepërt dhe në kurora.

Majdanozi është një nga barishtet më të përdorura në mbarë botën.

Përtypja e majdanozit eliminon erën e keqe të gojës, veçanërisht pasi keni ngrënë hudhër.

Çaji i majdanozit përmirëson qarkullimin e gjakut.

Gratë shtatzënë duhet të shmangin konsumin e majdanozit sepse nxit kontraktimet e mitrës dhe mund të shkaktojë abort të pavullnetshëm.

Majdanozi përdoret në industrinë kozmetike për përgatitjen e sapunëve dhe kremërave të trupit për lëkurë të thatë./AgroWeb.org

Quhet Tulipa Albanica – Tulipani i Kuq Më i Rrallë Në Botë Gjendet Në Shqipëri

Shqipëria ka thesare të çmuara që natyra i ka dhuruar për të mbetur e veçantë dhe të krenohet me pasuri të mrekullueshme që nuk gjenden askund në botë.

I tillë rasti i “Tulipa Albanica”, i cili sipas  të dhënave të AgroWeb.org prej qindra  e qindra vitesh rritet vetëm në Shqipëri, e së fundmi është zbuluar edhe në sytë e botës duke marrë trofenë që meriton për autenticitetin e tij.

Gjendet në rajonin e Kukësit dhe është në gjendje të egër. Ka ngjyrë të kuqe të fortë karakterizuar nga nuancat e verdha në pjesën fundore të tij.

Tulipa Albanica, është një ndër llojet e rralla që i futet shkencës botërore të llojeve bimore.

Tulipa Albanica ka fituar statusin e mbrojtjes ndërkombëtare. Foto: WebLibrary

Për shkak të autenticitetit të saj kjo bimë e rrallë ka fituar statusin e mbrojtjes ndërkombëtare.

Sipas raportimeve në media, revista shkencore “Phytotaxa” në artikullin “Tulipa albanica (Liliaceae), a neë species from northeastern Albania”(Tulipani shqiptar (Liliaceae), një specie e re nga Shqipëria Verilindore), ka publikuar zbulimin e këtij lloji të ri tulipani në Kukës.

Veçantia e Tulipa Albanica  

Zbuluesit e tij janë Prof As. Dr. Lulëzim Shuka, pedagog i Fakultetit të Shkencave të Natyrës në Universitetin e Tiranës me Prof. Kit Tan, pedagoge në Institutin e Biologjisë në Universitetin e Kopenhagenit.

Gjendet në rajonin e Kukësit dhe është në gjendje të egër. Foto: WebLibrary

Analizat gjenetike të këtij tulipani janë kryer nga Prof. Sonja Siljak-Yakovlev e departamentit të Ekologjisë në Universitetin e Parisit.

“Rritet vetëm në Shqipëri. Në asnjë vend tjetër. Ka bërë bujë në të gjithë botën. Një bimë e re duhet të kalojë disa filtra që të regjistrohet në data-bazen ndërkombëtar të regjistrimit të bimëve. Ky hyri që javën e parë.

Kishte shumë gjera që e veçonin dhe nuk linin vend për dyshim nëse ishte apo jo një gjë false” është shprehur profesor Shuka për mediat lidhur me zbulimin e tulipanit të rrallë shqiptar.

Tulipani Shqiptar në Kopshtin Botanik të Danimarkës

Në botë, deri tani njiheshin rreth 113 lloje tulipanësh, ndërsa tulipani i Kukësit renditet i 114-ti. Tulipani shqiptar emërtohet i tillë sepse rritet vetëm në afërsi të fshatit Surroj të Kukësit dhe përbën një lloj të ri endemik për Shqipërinë.

Tulipa Albanica mund të mbillet apo kultivohet bazuar në klimën që i përshtatet.

Që nga koha e zbulimit dhe deri sot është mbjellë dhe vijon të jetojë jo vetëm në zonën e Kukësit por edhe në Kopshtin Botanik të Kopenhagenit në Danimarkë, aty ku ndodhen të gjitha bimët e rralla në botë./AgroWeb.org

Tulipa Albanica, është një ndër llojet e rralla që i futet shkencës botërore të llojeve bimore. Foto: WebLibrary

Kura Me Vaj Ulliri Dhe Lule Kamomili Për Pastrimin E Gjakut

Kamomili është një bimë e cila që në lashtësi është përdorur për të kuruar sëmundje nga më të ndryshmet.

Vetitë janë të shumta, duke nisur nga problemet me lëkurën e deri tek pastrimi i enëve të gjakut.

Një studim i ri, të cilit i referohet edhe AgroWeb.org, sugjeron se kamomili mund të parandalojë rritjen e nivelit të sheqerit në gjak.

Diçka e tillë ndihmon në parandalimin dhe lehtësimin e komplikimeve që sjell sëmundja e diabetit.

Lulet e kamomilit janë përdorur për çajra qetësues, dhe për të luftuar ankthin e stresin.

Në këtë artikull AgroWeb.org ju sjell një kurë me dy përbërës që mund t’i gjeni fare lehtë.

Vaji me lule kamomili, ndihmon të gjithë sistemin kardiovaskular.

Ai lehtëson qarkullimin e gjakut, e pastron atë nga ngurtësimet e qelizave të gjakut (tromboza) dhe përshpejton procesin e oksigjenimit të tij.

Si të përgatisim vajin me lule kamomili

Për këtë kurë mund të përdorni lule kamomili të thara. Mund t’i blini në farmacitë bimore, ose të përdorni kamomilit të freskët.

Nëse përdorni kamomil të freskët, duhet të këpusni lulet nga pjesa tjetër e bimës.

Në një kavanoz të madh qelqi, hedhim gjysëm litër vaj ulliri ekstra të virgjër, më pas shtojmë rreth 3-4 lugë të plota gjelle me lule kamomili.

AgroWeb.org ju këshillon që me ndihmën e një luge të përzieni përbërjen, në mënyrë që lulet të jenë të zhytura plotësisht në vaj.

Më pas e mbyllim kavanozin me kapak dhe duhet ta vendosim në një vend me dritë.

Përbërjen do ta lini kështu për dy javë, në këtë mënyrë lulet e kamomilit do të kenë lëshuar të gjitha enzimat e tyre tek vaji i ullirit.

Si të ruani dhe ta konsumoni vajin me lule kamomili

Pasi të kenë kaluar dy javë, kullojmë lulet e kamomilit dhe vajin e hedhim në një tjetër enë qelqi.

Këtë përbërje ruajeni në një vend të freskët, ose në derën e frigoriferit.

Këshillohet që të konsumohet një lugë gjelle esëll në mëngjes, të vazhdohet kështu derisa të ketë mbaruar përbërja./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Qumësht i Ngrohtë me Sodë Buke – Për Shëndetin e Stomakut  

Soda e bukës është një përbërës fantastik që krahas recetave të gatimit gjen përdorim të veçantë në shumë kura shëruese natyrale.

AgroWeb.org ju sjell më poshtë një kurë të vjetër me përbërës kryesor sodën e bukës dhe qumështin për të luftuar kollën dhe fytin e acaruar nga e ftohura por njëkohësisht edhe për shëndetin e mirë të stomakut.

Duke qenë se është pikërisht periudha kur me uljen e temperaturave, gripi dhe virozat shoqërohen përherë me dhimbje fyti dhe kollë kjo është një nga metodat më të mira natyrale për të mbrojtur shëndetin nga e ftohura dhe problemet e shkaktuara më sipër.

Kundër kollës, fytit të acaruar dhe problmeve me stomakun

Konsiderohet si metoda më e shpejtë natyrale dhe më efikase në lehtësimin e fytit të acaruar dhe largimit të kollës nga e ftohura.

Ai vepron menjëherë duke lehtësuar dhimbjet e fytit dhe duke larguar kollën gjithashtu.

Krahas këtij efekti mirëbërës, qumështi i ngrohtë me sodë buke ndihmon sistemin tretës të mirëfunksionojë.

AgroWeb.org ju udhëzon se kjo kurë rekomandohet që të pihet për dy javë rresht në muaj çdo mëngjes, para ose pas ushqimit.

Më pas, kura ndërpritet dhe mund të përsëritet disa herë në vit.

Megjithatë për përsonat që kanë probleme me stomakun rekomandohet që të këshillohen më parë me mjekun.

Përgatitja dhe përdorimi

AgroWeb.org ju këshillon se mjafton të shtoni një lugë kafeje me sodë buke në një gotë me qumësht të ngrohtë.

Përziejeni dhe më pas konsumojeni. Në rastin e problemeve me fytin dhe kollën rekomandohet të konsumohet një orë para se të flini.

Ndërsa për tretjen e mirë dhe shëndetin e stomakut, e njëjta kurë rekomandohet të pihet në mëngjes.

Të tjera përdorime

 Qumështi me sodën e bukës kanë përdorim të gjerë edhe për shëndetin e lëkurës.

Krijimi i një paste me 2 lugë çaji qumësht dhe 1 lugë çaji sodë është shumë i rekomandueshëm për lëkurën e fytyrës.

Majfton të përgatisësh këtë masë, ta aplikosh në fytyrë ta mbash përreth 15 minuta e më pas ta shpëlani me ujë të vakët.

Kjo masë do të ndihmojë në rigjenerimin e lëkurës së fytyrës dhe mund ta përdorni një herë apo edhe dy herë në javë./AgroWeb.org

Rrudhat e Syve – Si t’i Largoni me Metoda Natyrale

Rrudhat në pjesën e poshtme të syve mund të jenë acaruese sepse janë ndër shenjat e para të plakjes.

Ato dalin më shumë në pah kur buzëqeshni, rrudhni vetullat ose qeshni me të madhe.

Shpesh, rrudhat mund të tjetërsojnë paraqitjen tuaj dhe t’ju bëjnë të dukeni të mëdhenj në moshë.

Lëkura poshtë syve është shumë delikate dhe rrudhat mund të shfaqen edhe në një moshë shumë të re si pasojë e mungesës së lagështisë.

Humbja e kolagjenit, ekspozimi në diell dhe humbja e elasticitetit të lëkurës janë të gjithë kontribues në shfaqjen e rrudhave.

Në treg mund të gjeni shumë kura premtuese që mund t’i përgatisni në shtëpi.

Megjithatë këto kura janë ideale për zbutjen e rrudhave dhe jo zhdukjen e tyre.

Kurat e rekomanduara nga AgroWeb kanë për synim ushqimin e zonës rreth syve.

Sa më e ushqyer të jetë kjo zonë aq më të zbehta do të jenë rrudhat.

Shkaktarët E Rrudhave Të Syve

Sipas të dhënave të AgroWeb.org me humbjen e kolagjenit dhe elastinës, vijat e holla transformohen në rrudha.

Ekspozimi i lartë në diell është një nga shkaktarët më të mëdhenj të shfaqjes së rrudhave.

Një tjetër arsye është kontraktimi i muskujve të fytyrës si pasojë e të qeshurës, ose duhanpirja.

Kurat Kundër Rrudhave Në Pjesën e Poshtme Të Syve

Sipas studimeve të cilave u referohet AgroWeb.org përdorimi i rregullt i një kremi hidratues mund të zbusë paraqitjen e tyre.

Kremi ose kura e duhur mund të zbusë paraqitjen e rrudhave me 20%.

Vaji i Arrës Së Kokosit

Nëse aplikoni vaj të arrës së kokosit në pjesën poshtë syve do të vëreni një zbutje të konsiderueshme të rrudhave.

Ky vaj e ushqen ndjeshëm lëkurën delikate.

Ai nxit prodhimin e kolagjenit dhe përmban shumë antioksidantë që shkatërrojnë radikalet e lira të cilat kontribuojnë tek plakja.

Vajin e arrës së kokosit duhet ta përdorni dy deri në tre herë gjatë ditës, përfshirë në mbrëmje përpara gjumit.

Pas aplikimit bëni një masazh të lehtë duke përdorur mollëzat e gishtave.

Aloe Vera

Xheli i aloe verës është shumë i mirë për të zbehur vijat e holla dhe rrudhat e syve sepse e bën lëkurën më elastike.

Xheli i aloe verës e ushqen lëkurën shumë mirë sepse është i pasur me antioksidantë.

Sipas të dhënave të AgroWeb.org përbërësit e xhelit kanë aftësi shtrënguese për lëkurën dhe e bëjnë atë më të tendosur falë nxitjes së prodhimit të kolagjenit dhe fibrës.

Përdoreni xhelin dy ose tre herë në ditë dhe bëni një masazh të lehtë.

Aloe vera është ideale për të trajtuar paraqitjen e lodhur të syve dhe heqjen e rrathëve të zinj.

Vaji i Avokados

Vajin e avokados mund ta përzieni me vaj limoni apo qitroje dhe të krijoni një kurë shumë të mirë kundër rrudhave.

Përzieni një pikë vaj limoni me një lugë gjelle me vaj avokadoje.

Më pas me mollëzat e gishtave masazhoni zonën rreth syve duke përdorur disa pika nga kombinimi i mësipërm.

Përsëriteni kurën dy ose tre herë në ditë.

Kastraveci

Ekstraktet e kastravecit ndihmojnë në rritjen e elastinës dhe ushqimin e lëkurës me antioksidantë.

Kastraveci jo vetëm që e ushqen dhe freskon lëkurën por zbut ndjeshëm shenjat e plakjes së saj.

Mbajini fetat e kastravecit për 10-15 minuta dhe më pas fërkojeni zonën lehtë me vaj të arrës së kokosit.

Si Të Parandaloni Rrudhat

Mënyra më e mirë për të luftuar rrudhat është të mësoni se si t’i parandaloni ato.

Rregullat e arta për një lëkurë elastike në zonën e syve sipas të dhënave të AgroWeb.org janë:

Përdorni krem kundër diellit

Mbani syze dielli

Pini 8-10 gota ujë në ditë për të përmirësuar kompleksitetin e lëkurës.

Hidratimi është i rëndësishëm.

Në mos kundër rrudhave, hidratohuni për të mirën e shëndetit./AgroWeb.org

Kulaç Shtëpie në Tigan – Shija Fantastike Që Duhet Të Provoni Patjetër

Nëse doni një recetë ndryshe për të përgatitur për të dashurit tuaj, kulaçët në tigan janë zgjedhja perfekte.

Të lehtë për t’u përgatitur, dhe vetëm me dy përbërës, këta kulaçë do të kthehen në të preferuarit tuaj.

Lexoni mëposhtë për të zbuluar recetën e radhës që AgroWeb.org sjell për ju.

Përbërësit

400 g kos

700 g miell

1 lugë çaji me sodë buke

Kripë

Përgatitja

Si fillim, AgroWeb.org ju udhëzon të sitni miellin dhe përzjeheni me sodën e bukës dhe kripën.

Në një tas hidhni kosin dhe më pas shtoni dalëngadalë miellin me sodë dhe kripë.

AgroWeb.org ju këshillon që të përzjeni masën me ndihmën e telit të kuzhinës.

Pasi të ketë kaluar afërsisht gjysma e sasisë së miellit, masa do të ketë filluar të lidhet.

Brumi që do të formohet do të jetë me butësinë e brumit që përgatisni për petët e byrekut.

Nëse ju duket që brumi ka ende lagështirë mund t’i shtoni miell. Kjo dukuri ndodh kur kosi ka shumë ujë, por diçka e tillë nuk është shqetësuese.

AgroWeb.org ju sugjeron që ta zhvendosni nga tasi brumin dhe ta punoni me duar dhe për pesë minuta.

Mbulojeni brumin me një pecetë kuzhine dhe lëreni përreth dhjetë minuta, sa brumi të fryhet.

Më pas ndajeni në kulaçë mesatarë, mbulojini përsëri me pecetën e kuzhinës.

Kulaçët AgroWeb.org ju këshillon që t’i hapni pak, pasi nuk duhet të jenë shumë të hollë.

Në mesin e tyre krijoni një vrimë, e cila do të ndohmojë me skuqjen më të shpejtë të kulaçit.

Në zjarr ndërkohë keni vendosur një tigan me vaj për skuqje në zjarr mesatar.

Kur vaji të jetë ngrohur vendosim kulaçin e parë për t’u skuqur.

Do të shikoni që në sipërfaqen e tij do të krijohen disa flluska ajëri, nëse nuk i shponi do pengojnë skuqjen e njëtrajtshme.

Pasi kulaçi të ketë filluar të shkëputet nga tigani, kthejeni nga ana tjetër derisa të ketë marrë një ngjyrë të artë.

Në një pjatë vendosni letër kuzhine e cila do të përthithi dhe vajin e tepërt.

Këto kulaçë tigani janë të përkryer për mëngjeset në familje apo me të afërmit tuaj.

Mund të shoqërohen me çdo gjë, të ëmbël apo të kripur, duke filluar nga mjalti e reçeli e deri tek sallatat me perime dhe djathë. /AgroWeb.org

Era E Keqe E Gojës – Çfarë E Shkakton Dhe Ushqimet Që E Largojnë

Nuk ka gjë më të sikletshme se sa të takosh a të bisedosh me dikë ndërsa duke folur kupton se fryma lëshon një aromë të keqe.

Është një problem i sikletshëm që prek të gjithë njerëzit.

Paralajmërimi i një sëmundjeje apo komplikacioni shëndetësor, ushqimet që konsumoni dhe higjena e varfër e gojës janë tre faktorët kryesorë të aromës së keqe të frymës.

Problemet Shëndetësore Që Lidhen Me Erën E Keqe Të Gojës

Era e keqe e gojës apo ndijesia e shijes së keqe në shumë raste paralajmëron disa lloj sëmundjesh.

Ndër më kryesoret është ajo që ka të bëjë me dhimbët dhe mishrat e tyre.

Quhet Periodontis dhe ndodh në rastet kur indet preken nga inflamacioni.

Në këtë rast, arteriet e vogla të indeve të dhëmbit të cilat mbajnë oksigjenin dhe ushqyesit shkatërrohen duke bllokuar funksionin e indeve.

Kjo sëmundje shkaktohet nga sëmundje të tjera që mund të jetë i prekur trupi, nga pirja e duhanit, alkoolit si dhe higjena e dobët orale.

Në forma akute kjo sëmundje bëhet kronike.

Problemet e sëmundjes së Periodontis kanë nevojë për ndërhyrjen e dentistit.

Simptoma e ndijesisë së gojës së thatë gjithashtu shkakton erën e keqe të frymës.

Goja e thatë mund të jetë rezultat i mjekimeve të ndryshme që trupi merr për trajtimin e komplikacioneve shëndetësore.

Janë edhe shumë sëmundje të tjera të cilat shkaktojnë sëmundjen e gojës për të cilat duhet të bëni kujdes.

Disa prej të cilave janë infeksionet në aparatin e frymëmarrjes siç është pneumonia apo bronshiti, infeksionet kronike të sinuseve, diabeti,  niveli i lartë i aciditetit në stomak si dhe problemet e mëlçisë dhe veshkave.

Ushqimet që Luftojnë Erën e Keqe të Gojës

Higjena e gojës dhe pastrami i saj në mëngjes dhe në darkë është një faktor i rëndësishëm i erës së gojës ashtu si edhe mënyra e të ushqyerit.

Më poshtë AgroWeb.org u sugjeron disa prej ushqimet që largojnë erën e keqe të gojës.

Çaji jeshil apo i zi përmban një nivel të lartë antioksidantësh.

Sipas studimeve të fundit ka rezultuar se konsumimi i çajit të zi apo jeshil ndihmon në largimin e erës së keqe të gojës kjo për shkak të fuqisë së tyre në shkatërrimin e baktereve që shkaktojnë erën e keqe në gojë.

Kosi është një produkt fantastik për higjenën e gojës.

Konsumimi i një gote me kos çdo ditë redukton nivelin e aromës së keqe në gojë. Efektet e mira të kosit vijnë për shkak të probiotikëve që ai përmban.

Uji është ilaçi natyral dhe burimi kryesor i mirëqenies së organizmit përfshirë këtu edhe shëndetin e gojës.

Konsumimi i ujit ndihmon në largimin e mbetjeve ushqimore nëpër dhëmbë.

Pirja e ujit nxit prodhimin e salivës, element që vepron si agjent psatrues në gojë.

Majdanozi dhe Borziloku, të dy këta përbërës ndihmojnë shumë në largimin erës së keqe së gojës sidomos kur konsumojmë hudhra apo qepë.

Ideale në përfitimin edhe e më shumë vlerave është kombinimi i hudhrave apo qepës me këto dy erëza gjatë konsumimit.

Mollët dhe Spinaqi janë dy përbërës fantastik në largimin e erës së keqe të gojës.

Mollët mund të konsumohen pas çdo fakti ushqimor, por edhe në mëngjes ndërsa spinaqi rekomandohet të konsiderohet më së shumti i pagatuar dhe sallatë./AgroWeb.org

Parfe Shtëpie E Ftohtë dhe e Freskët – Si Ta Përgatisni

Një ëmbëlsirë unike, e cila përgatitet krejt lehtë në shtëpi.

Kërkon pak mundim dhe pak përbërës por të mrekullon me shijen e saj freskuese.

Mund ta kombinoni me fruta të ndryshme sipas dëshirës e ta konsumoni në çdo kohë të ditës, ajo do t’ju freskojë dhe ëmbëlsojë menjëherë mendjen edhe shpirtin jo vetëm ju por edhe më të dashurve tuaj.

AgroWeb.org ju sugjeron recetën e përgatitjes së parfesë në shtëpi. Krahas recetës bazë, mund të shtoni edhe përbërës të tjerë sipas preferencës.

Përgatitja e Parfesë në Shtëpi

(Përbërësit më poshtë janë për 4-5 persona)

Përbërësit

3  filxhan çaji ajkë qumështi (e gjeni në markete)

1 filxhan çaji sheqer

1 filxhan çaji qumësht

4 të verdha veze

Pak vanilje

Përgatitja

Në një tenxhere hedhim të verdhat e vezëve, sheqerin dhe përzihen derisa sheqeri të jetë tretur plotësisht dhe të jetë formuar një krem i verdhë i çelët. Shtojmë qumështin dhe vazhdojmë ta përziejmë që masa të jetë homogjene.

Tenxheren e vendosin në zjarr të ulët, AgroWeb.org ju këshillon që ta përzieni vazhdimisht dhe të tregoni kujdes që të mos priten vezët.

Kur masa të trashet hiqet nga zjarri, shtojmë vaniljen, dhe e kalojmë në një enë. Është e këshillueshme që vendoset në ngrirje për rreth 2 orë.

Më pas kur kremi të jetë ftohur, në enën ku gjendet akullorja shtojmë ajkën e qumështit, derisa masa që formohet të jetë e trashë dhe e njëllojtë.

E përziejmë ngadalë që të mos shkrihet dhe përzierja të lëshojë ujë.

Në enën që e kemi e vendosim përsëri në frigorifer për t’u ngrirë për rreth 6-10 orë.

Parfeja mund të përgatitet dhe me bajame, arra, lajthi apo çokollatë.

Mjafton që kur të keni përzierë vezët me sheqerin të shtoni dhe një filxhan çaji me bajamet, arrat apo lajthitë e pjekura.

Ndërsa nëse doni ta bëni me çokollatë, kur të shtoni ajkën e qumështit, shtoni dhe copëzat e çokollatës.

Kur ta servirni, AgroWeb.org ju sugjeron që ta spërkatni sipas preferencës me copëza çokollate, reçel kajsie, qershie apo luleshtrydheje për t’i shtuar dhe më shumë shijen./AgroWeb.org

Pulë me Kos dhe Hudhra -Receta Plot Shije dhe Shëndet

Aroma e mrekullueshme e kësaj recete të vjetër, traditë e nënave dhe gjysheve shqiptare mbush gjithë shtëpinë me dëshirën për ta konsumuar menjëherë sapo ajo shërbehet në tryezë.

E lehtë dhe plot shije, kjo pjatë tipike e kuzhinës tradicionale është ideale për gjallërimin e organizmit dhe shoqërohet në mënyrë të shkëlqyer me sallata të freskëta të stinës.

AgroWeb.org ju sugjeron më poshtë recetën e shijshme të përgatitjes së supës me mish pule dhe kos e hudhra në shtëpi.

Përgatitja e Supës me Mish Pule dhe Kos

(Përbërësit më poshtë janë për 4-5 persona)

4-5 thela mish pule

2 lugë gjelle miell gruri

Një filxhan çaji me kos

1 kokërr vezë

Vaj ulliri

Pak gjalpë i freskët

Piper

Kripë

Majdanoz

1-2 thelpinj hudhra të shtypura

Përgatitja

Si fillim, AgroWeb.org ju udhëzon të pastroni me ujë të rrjedhshëm thelat e pulës dhe më pas vendosini në një tenxhere ku keni hedhur pak vaj ulliri dhe pak gjalpë të freskët.

Kaurdisini për 1-2 minuta nga të dyja anët, shtoni kripë dhe mbulojini mirë me ujë.

Lërini të ziejnë derisa mishi i pulës të jetë zbutur.

Ndërkohë, në një tas më vete rrihni vezën, më pas shtoni kosin dhe përziejeni mirë masën derisa ajo të bëhet homogjene.

Në vijim, vendosni një tigan në zjarr. Shtoni pak gjalpë dhe pak vaj ulliri dhe kaurdisni miellin derisa të marrë ngjyrë të artë.

Në këtë moment hiqeni nga zjarri dhe nisni të hidhni nga pak masën e kosit dhe vezës duke e përzjerë masën në mënyrë të pandërprerë derisa e gjithë masa të bëhet e njëtrajtshme dhe të mos ketë kokërriza.

Pasi mishi i pulës të ketë zierë, i largojmë thelat nga tenxherja dhe i lëmë mënjanë.

AgroWeb.org ju udhëzon të shtoni masën e kosit me vezë dhe miell tek lëngu i pulës dhe përzjeheni mirë derisa masa të njëtrajtësohet me lëngun.

Vendoseni tenxheren në zjarr të ulët. Shtoni thelat e mishit të pulës dhe lëreni të zjejë për 5 minuta duke e përzierë herë pas here.

Në fund i hidhet piper, majdanoz, 1-2 thelpinj hudhra të shtypura sipas dëshirës.

Kur shërbehet i hidhet sipër sipas preferencës pak lëng limoni disa pika gjalpë të freskët të shkrirë./AgroWeb.org

Qumështi i Gjembgomarit më i Miri për Sëmundjet e Mëlçisë dhe Prostatën

Problemet me prostatën duket sikur janë një aspekt i pandashëm i plakjes tek meshkujt ose thjesht çështje fati.

Por kjo nuk është domosdoshmërisht kështu.

Meshkujt mund të konsumojnë disa ushqime të rëndësishme të cilat mbështesin shëndetin e prostatës.

I tillë është rasti i hithrës apo gjembgombarit.

Sipas studimeve të cilave u referohet AgroWeb.org, gjembgomari përmban disa flavonoidë që përmirësojnë shëndetin e prostatës dhe ekuilibrat hormonalë tek meshkujt.

Gjembgomari, Mbrojtësi i Prostatës

Studimet kanë konfirmuar se substancat përbërëse të kësaj bime mbajnë nën kontroll zhvillimin e prostatës dhe funksionin normal të qelizave.

Këto flavonoidë janë identifikuar si agjentë mbrojtës për prostatën.

Përveç saj, flavonoidët e gjembgomarit gjallërojnë nivelet e hormoneve të seksit tek meshkujt, përfshirë testosterone.

Qumështi i gjembgomarit besohet të ketë një ndikim të drejtpërdrejtë tek këto hormone dhe është i rekomandueshëm për meshkujt e prekur nga andropauza.

Vlera Të Tjera Të Rëndësishme Të Gjembgomarit

Gjembgomari është një bimë që lulëzon dhe që i përket familjes botanike të luledeles dhe mban emrin botanik Silybum Marianum.

Kjo bimë nxjerr një lëng të ngjashëm me qumështin, i cila i jep asaj të gjithë ushqyesit e shëndetshëm që përdoren për trajtimin e sëmundjeve kronike të mëlçisë.

Gjembgomari gjendet shpesh në gjendje të egër në të gjithë territoret shqiptare dhe eksportohet fuqishëm drejt tregjeve të huaja.

Ekstrakti i gjembgomarit, që përgatitet nga farat e bimës ndihmon me proçesin e detoksifikimit dhe shërben si tonik për mëlçinë duke riparuar dëmet e saj.

Gembgomari është përdorur gjithashtu për të trajtuar cirrozën hepatike, mëlçinë e dhjamosur, helmimet e mëlçisë dhe hepatitin .

Bima është efikasenë shmangien e efekteve anësore të ilaçeve kundër dhimbjeve.

Qumështi i gjembgomarit përmban acid linoleik që mund të ulë rrezikun e sëmundjeve të zemrës.

Ai mban nën kontroll nivelin e kolesterolit dhe sheqernave në gjak tek pacientët që vuajnë nga diabeti i tipit 2. /AgroWeb.org

Hudhër Me Limon Për Të Pastruar Enët e Gjakut në 40 Ditë

Bashkimi bën fuqinë! Kjo është një shprehje që gjen vend edhe në kuzhinë, sidomos në rastin e hudhrës me limonin.

Kura e mëposhtme me limon dhe hudhër mund të pastrojë organizmin dhe të parandalojë sëmundjet.

Vlerat e Kurës me Hudhër dhe Limon

Kura me limon dhe hudhër është efikase në eliminimin e dëpozitave të yndyrës në organizëm.

Këto përbërës ulin kolesterolin e keq dhe pakësojnë numrin e triglicerideve në gjak.

Limoni dhe hudhra parandalojnë trombozën dhe ulin tensionin e gjakut.

Së bashku ato përmirësojnë funksionet e mëlçisë dhe aftësinë e saj për të pastruar gjakun.

Për më tepër, limoni me hudhrën përmirësojnë funksionin e veshkave dhe qarkullimin e gjakut.

Sistemi imunitar është më i fortë ndërkohë që hudhra dhe limoni parandalojnë radikalet e lira.

Qelizat janë më të mbrojtura dhe plot gjallëri falë antioksidantëve që gjenden tek limoni dhe hudhra.

Kura me Hudhër me Limon Duhet Përdorur Në Këto Raste:

Kura pastruese rekomandohet për të parandaluar sëmundjet ose për të pastruar organizmin.

Ajo duhet shfrytëzuar një herë në vit.

Kjo kurë është shumë e dobishme nëse vuani nga problemet e mëposhtme:

  • Mbipesha
  • Ishemia
  • Sinoziti
  • Sëmundjet e rrugëve të frymëmarrjes
  • Dhimbjet e kokës
  • Artriti
  • Reumatizma
  • Gastriti
  • Hemorroidet
  • Problemet me shikimin dhe dëgjimin
  • Anemia

Përbërësit:

Për kurën me limon dhe hudhër ju nevojiten:

4 limonë

4 thelpinj hudhër

3 litra ujë të zier të ngrohtë

Zgjidhni limonë organikë që të përdorni agrumen me gjithë lëkurë të pastër dhe të paprekur nga pesticidet.

Përgatitja:

Qëroni hudhrat, merrni 4 thelpinj dhe ndajini thelbinjtë në gjysma.

Lajini limonët me ujë të bollshëm dhe prijini në copa të vogla

Hidhini në një enë me ujë të ngrohtë të zier paraprakisht, dhe të gjithë masën ndajeni në kavanozë qelqi.

Mbyllini kapakët dhe futini në frigorifer për tre ditë.

Më pas kullojeni lëngun dhe futeni sërish nëpër kavanozë në frigorifer.

Si ta konsumoni

Në ditët e para duhet të merrni nga një lugë gjelle, gjysëm ore përpara çdo vakti.

Nëse nuk vini re ndonjë efekt anësor atëherë duhet ta rrisni dozën në dy lugë e më shumë deri sa të arrini të konsumoni 50 ml tre herë në ditë.

Kjo kurë duhet të zgjasë për 40 ditë.

Kjo kurë është pastruese dhe në ditët e para mund të përballeni me simptoma si sekrecione ose dhimbje koke.

Këto simptoma janë normale sepse tregojnë se trupi po largon toksinat.

AgroWeb.org ju sugjeron që çdo kurë ose trajtim, natyral ose jo të ndërmerret duke u shoqëruar me mbikqyrjen e mjekut.

Ky sugjerim është thelbësor nëse vuani nga sëmundjet e mësipërme apo jeni duke marrë medikamente specifike./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi: U.S. National Library of Medicine

Speca Gogozhare Në 10 Minuta – Si T’i Përgatisni Krejt Lehtë Dhe Plot Shije Në Shtëpi

Specat gogozhare janë ndër produktet me të cilat çdo amvisë shqiptare mund të shpalosë talentin e saj.

Të përgatitura në kavanoza ato gjenden në çdo dyqan, por më të shijshmet janë ato që përgatiten në kushtet e shtëpisë.

Specat gogozhare, sipas të dhënave të AgroWeb.org përmbajnë shumë vitaminë C, më shumë sesa limonat, ndaj konsumi i tyre i bën shumë mirë organizmit.

Ideale janë specat e kuq të rrumbullakët, tipike të Korçës, por edhe specat e tjerë të kuq me tul të plotë janë shumë të përshtatshme.

Ndiqni më poshtë recetën nga AgroWeb.org dhe në vetëm 10 minuta ose edhe më pak mund të bëni gogozharet më të shijshme që keni provuar. Ju duhet të keni një tenxhere me presion që përgjithësisht gjendet në shtëpitë e amvisave shqiptare.

Nëse nuk keni tenxhere me presion mund të përdorni tenxhere të zakonshme por do të duhet më shumë kohë për përgatitjen derisa sa specat të zbuten.

Përbërësit

5-6 speca të kuq në mënyrë që tenxherja të mos mbushet plot

4-5 thelpinj hudhra ose më shumë, sipas shijes

Piper i zi, preferohet kokërr

1-2 gjethe dafine nëse dëshironi

1 filxhan kafe vaj ulliri

1 filxhan kafe uthull

Kripë sipas dëshirës

Përgatitja

Pastroni specat duke u hequr bishtin dhe farat me kujdes, pa u prishur formën. Lajini me ujë të bollshëm.

I vendosim specat në tenxheren me presion, u hedhim kripën, kokrrat e piperit, thelpinjtë e qëruar të hudhrës.

Thelpinjtë mund t’i lini të plotë ose të prerë, sipas dëshirës.

Shtojmë gjethet e dafinës.

Më pas shtojmë vajin e ullirit dhe uthullën e cila mund të jetë uthull rrushi ose molle.

AgroWeb.org rekomandon uthullën e mollës.

Mbylleni tenxheren me presion dhe vendoseni në zjarr mesatar.

Pas pak minutash, tenxherja fillon zhurmën karakteristike të presionit.

Nga ky moment lereni të qëndrojë edhe 2-3 minuta të tjera në zjarr e më pas hiqeni.

Specat gogozhare duhet të jenë gati, por kontrollojeni me nje pirun nëse është fortësia që doni.

Nëse i preferoni më të buta mund t’i lini dhe 2-3 minuta të tjera në zjarr duke bërë kujdes të mos e lini më shumë pasi mund të digjen.

Pasi ftohen, mund t’i shtoni vaj ulliri dhe uthull gjatë servirjes nëse dëshironi./AgroWeb.org

Tasqebapi i Shtëpisë – Shije Perfekte Për Çdo Stinë

Një recetë tipike, e vjetër dhe e trashëguar brez pas brezi në të gjitha trevat, tasqebapi vijon të mbetet ashtu si dikur një nga gjellët më shijeplota e të mrekullueshme të sofrës shqiptare.

Tasqebapi i shtëpisë padyshim nuk mund të bëjë përjashtim në menunë tradicionale të gjellëve nga duart e nënave dhe gjysheve shqiptare.

Një gatim special, krejtësisht i lehtë për t’u përgatitur, Tasqebapi është një ndër gjellët tipike për një vakt të shijshëm dreke.

Është gjella që nuk mungon në asnjë menu të restoranteve tradicionale shqiptare, e që krahas sigurisht shqiptarëve, kjo pjatë ka mahnitur edhe turistët e huaj duke kënaqur nepsin e tyre me shijen e plotë të saj.

Tasqebapi shoqërohet në mënyrë fantastike me një shumëllojshmëri gatimesh të tjera tipike shqiptare, duke nisur nga pilafi, sallatat e freskëta të çdo stine apo edhe bukë të thekur të marinuar me vaj ulliri e pak kripë.

Por për një shije edhe më të mrekullueshme ai shijon shumë sigurisht me zahiretë e famshme të kuzhinës sonë, sidomos me turshitë e përgatitura nga amvisat shqiptare.

Sipas dëshirës, mund të shoqërohet dhe me garniture perimesh, në mënyrë të veçantë shkon me pure patatesh ose patate të ziera.

Tasqebapi Krejt Lehtë Në Shtëpi

(Përbërësit e kësaj recete janë për 4-5 persona)

500 gr mish

2-3 kokrra qepë

4-5 lugë gjelle vaj ulliri

1 lugë gjelle me miell

gjysmë filxhan çaji me verë

1 gjethe dafine

gjysmë lugë gjelle me salcë ose 2-3 kokrra domate mesatare

3-4 thelbinj hudhra

kripë dhe pak spec i kuq

Përgatitja

Tasqebapi zakonisht, përgatitet me mish viçi ose dashi.

Mishi tul pritet në shirita të hollë në drejtimin e kundërt të fijeve ose në copa katrore.

Skuqet në yndyrë së bashku me qepët e prepra fije-fije, derisa t’i avullojë uji dhe krijohet një shtresë e kuqe.

Shtohet mielli, skuqet edhe pak, shuhet me verë, hidhet salcë domatesh, gjethe dafine, disa thelbinj hudhër, kripë dhe ujë sa të mbulohet mishi.

Lihet të ziejë në zjarr të ngadaltë, derisa gjella të jetë gati.

Tasqebapi shoqërohet me salcën e vet. /AgroWeb.org

Ujë Me Mjaltë – Pija e Shëndetit të Mirë

Mjalti ky eliksir i jetëgjatësisë, është përdorur prej shekujsh në të mirë të shëndetit të njeriut.

Ai është i pasur me antiokisdantë, enzima dhe sheqerna natyralë.

Mjalti rekomandohet kundër inflamacionit dhe arrin të parandalojë disa çrregullime të ndryshme shëndetsore.

Falë këtij profili të pasur, mjalti është një nga përbërësit kyç të kurave popullore dhe produkteve kozmetike natyrale.

Ndikimi i mjaltit në organizëm është më i thellë kur kombinohet me ujin.

Kjo kurë e thjeshtë ndiqet me përpikmëri nga miliona njerëz në botë.

Në këtë artikull do të mësoni për përfitimet që do të merrni duke pirë ujë me mjaltë çdo ditë.

Tretje më e mirë

Enzimat tek mjalti përmirësojnë funksionet e mëlçisë dhe ofrojnë një tretje më të mirë të ushqimit.

Ngrënia e mjaltit e mbron florën bakteriale dhe lehtëson përthithjen e ushqyesve gjatë vakteve.

Sikur të mos mjaftonte kjo, uji me mjaltë ka një efekt laksativ që rregullon lëvizjen e zorrëve dhe parandalon konstipacionin.

Humbje në peshë

Mijëra njerëz pijnë ujë me mjaltë çdo mëngjes sepse i ndihmon të humbasin në peshë.

Mjalti përmban sheqerna natyralë që ofrojnë një energji të shëndetshme që pakëson nepsin dhe rrit djegien e kalorive.

Imunitet më të fortë

Sistemi imunitar ka një përfitim të menjëhershëm nga uji i ngrohtë me mjaltë.

Kjo kurë përmban enzima, vitamina dhe minerale që e forcojnë imunitetin dhe e mbrojnë atë nga patogjenët e dëmshëm.

Vetitë antibakteriale të mjaltit shkatërrojnë mikroorganizmat që mund t’u rezistojnë edhe antibiotikëve më të fortë.

Më pak alergji

Mjalti pakëson ndjeshmërinë ndaj polenit dhe nxitësve mjedisorë të alergjive.

Ai lehtëson largimin e sekrecioneve dhe pastron rrugët e frymëmarrjes.

Më shumë energji

Sheqernat tek mjalti janë një burim i shëndetshëm kalorish që përmirësojnë performancën tuaj fizike dhe mendore.

Nëse pini ujë me mjaltë në vend të kafesë së mëngjesit do të ndiheni energjikë dhe plot gjallëri.

Për më tepër, trupi do të jetë më i hidratuar dhe do të optimizojë të gjitha funksionet e tij.

Kundër kollës

Uji i ngrohtë me mjaltë është një tonik natyral që lubrifikon rrugët e thata të frymëmarrjes dhe ndihmon në nxjerrjen e sekrecioneve.

Kjo kurë përmirëson shëndetin e mushkërive dhe parandalon kollën e shpeshtë që irriton fytin.

Një organizëm i pastër

Nëse shtoni pak lëng limoni në ujin e ngrohtë me mjaltë do të përfitoni një pije me efekt detoksifikues dhe përmirësues të tretjes.

Pija largon toksinat e akumuluara në gjak, mëlçi dhe zorrën e trashë.

Limoni përmban acid citric që maksimizon funksionin e enzimave të mjaltit, përmirëson tretjen dhe pastron organizmin.

Kolesteroli nën kontroll

Ata që e shfrytëzojnë këtë pije një herë në ditë do të vërejnë një ulje prej 10 përqind të kolesterolit brenda 2 orëve të para.

Në një periudhë afatgjatë kjo nënkupton më pak gjasa për sëmundje kardiovaskulare.

Kombinimi i ujit të ngrohtë me mjaltin është një kurë mjaft efikase për pastrimin e traktit urinar dhe pakësimin e infeksioneve urinare.

Përgatitja e ujit me mjaltë

Uji me mjaltë përmirëson mirëqenien tuaj për sa kohë e konsumoni rregullisht.

Përbërësit:

1 lugë çaji me mjaltë

1 filxhan me ujë të ngrohtë

Përgatitja

Treteni mjaltin në ujë të ngrohtë dhe pijeni me stomak bosh.

Përsëriteni këtë proces të paktën tre herë në javë për të korrur përfitimet e ofruara./AgroWeb.org

Pse Vitaminat B Dhe D Janë të Rëndësishme Për 40-50 Vjeçarët

Çfarë ju vjen ndërmend kur lexon për vitaminat?

AgroWeb.org ju rekomandon t’i perceptoni ato si një ushtri të mirëfilltë ushqyesish që mbrojnë organizmin nga simptomat më të këqija të plakjes.

Një regjim i mirë ushqimor është thelbësor në çdo moshë, por bëhet shumë i rëndësishëm pas moshës 40 vjeçare kur ‘rregullat e lojës’ ndryshojnë tërësisht.

Trupi nuk funksionon njësoj pas moshës 40 vjeç. Shtimi në peshë, sëmundjet e zemrës, diabeti dhe sëmundje të tjera kronike e kanë organizmin në shënjestër.

Një nga mënyrat më të mira për të qenë të shëndetshëm është të merrni vitaminat dhe ushqyesit e duhur dhe jo vetëm nga ushqimet por edhe suplementët.

Lista e Vitaminave 

Më poshtë do të lexoni nga AgroWeb.org për vitaminat më të rëndësishme që nuk duhet të mungojnë në regjimin tuaj ditor pas moshës 40 vjeçare.

Vitamina B12

Kur mbush 40 vjeç dhe i afrohesh të pesëdhjetave, vitamina B12 nuk duhet të mungojë.

Ajo është thelbësore për gjakun dhe trurin.

Kjo vitaminë gjendet tek produktet shtazore, të bulmetit dhe vezët, por suplementët janë të nevojshëm sepse me kalimin e moshës përthithja bëhet më e vështirë.

Ushqimet e rekomanduara nga AgroWeb.org me Vitaminë B12 janë:

  • Sardelet
  • Salmoni i egër
  • Drithërat e plota
  • Qumështi
  • Kosi
  • Djathi i bardhë
  • Vezët

Nëse nuk konsumoni shumë nga këto ushqime, merrni suplementë në sasinë 2.4 mg në ditë.

Vitamina D

Vitamina D është e rëndësishme pas të dyzetave.

Mungesa e saj ka lidhje me diabetin, sëmundjet e zemrës, sklerozën, kancerin e gjirit dhe zorrës.

Vitamina D është e nevojshme edhe për përthithjen e kalçiumit.

Ushqimet me Vitaminë D janë vaji i mëlçisë së peshkut, vaji i peshkut, produktet e pasuruara të bylmetit, drithërat e pasuruar.

Dielli është burimi më i mirë i kësaj vitamine por edhe suplementët.

Probiotikët

Probiotikët nuk janë as vitamina as minerale por janë të nevojshme për personat mbi 40 vjeç.

Probiotikët e mbajnë stomakun të shëndetshëm dhe ulin rrezikun e sëmundjeve të zemrës, goditjeve në tru dhe diabetit.

Probiotikët janë të dobishëm pas moshës 40 vjeçare kur masa muskulore tkurret dhe tendenca për të shtuar në peshë është më e madhe.

Probiotikët janë kultura të gjalla që gjenden kryesisht tek produktet e bulmetit siç është kosi./AgroWeb.org