6 Ushqimet Që Ndihmojnë Në Lehtësimin E Ankthit

Ankthi është një nga çrregullimet më të përhapuara të shëndetit mendor, i cili prek rreth 7.6% të popullsisë globale.

Në përgjithësi karakterizohet nga ndjenja të vazhdueshme tensioni, shqetësimi dhe nervozizmi që mund të ndikojnë edhe në jetën e përditshme.

Në shumë raste, mjekimi është edhe mënyra kryesore e trajtimit.

Megjithatë, ka disa strategji që mund t’ju ndihmojnë në reduktimin e simptomave të ankthit, duke filluar nga teknika e duhur e frymëmarrjes e deri tek ushqimet që konsumoni.

Ka disa ushqime që mund të ndihmojnë në mbështetjen e funksionit të trurit dhe në uljen e ashpërsisë së simptomave tuaja, kryesisht për shkak të vetive të tyre nxitëse të trurit.

AgroWeb.org iu njeh me 6 ushqime dhe pije, për të cilat shkenca beson se mund të ofrojnë lehtësim. Ato janë:

Salmoni

Salmoni përmban lëndë ushqyese që promovojnë shëndetin e trurit, duke përfshirë vitaminën D dhe acidet yndyrore omega-3.

Këto lëndë ushqyese mund të ndihmojnë në rregullimin e neurotransmetuesve dopaminë dhe serotonin, gjë që mund të ofrojë qetësi dhe relaks.

Në veçanti, një regjim ushqimor i pasur me këto lëndë ushqyese, ka treguar se shoqërohet me shkallë më të ulët të ankthit.

Kamomili

Falë vetive antioksiduese dhe anti-inflamatore, kamomili mund të ndihmojnë në uljen e inflamacionit të lidhur me ankthin.

Megjithëse mekanizmat nuk janë të qartë, besohet se ai ndihmon në rregullimin e neurotransmetuesve që lidhen me gjendjen shpirtërore si serotonina, dopamina dhe acidi gama-aminobutirik.

Shafrani i Indisë

Kjo erëz përmban kurkumin, që njihet për rolin e tij në përmirësimin e shëndetit të trurit dhe parandalimin e çrregullimeve të ankthit.

Falë këtyre vetive, kurkumina mund të ndihmojë në parandalimin e dëmtimit të qelizave të trurit që lidhen me inflamacionin kronik dhe stresin oksidativ.

Çokollata e zezë

Disa studime sugjerojnë se flavonolet tek çokollata e zezë, një lloj antioksidanti, mund të rrisin rrjedhjen e gjakut në tru dhe të përmirësojnë rrugët e sinjalizimit të qelizave.

Këto efekte mund t’ju lejojnë të përshtateni më mirë me situatat stresuese që mund të çojnë në ankth dhe çrregullime të tjera të humorit.

Por kini parasysh se çokollata e zezë duhet konsumuar në moderim, pasi është e lartë në kalori dhe mund ta teproni lehtë me kosnumin e saj.

Kosi

Probiotikët, ose bakteret e shëndetshme, që gjenden në disa lloje kosi mund të përmirësojnë disa aspekte të mirëqenies tuaj, përfshirë shëndetin mendor.

Edhe pse ende një fushë kërkimore në zhvillim, shkencëtarët besojnë se probiotikët mund të mbështesin boshtin zorrë-tru. Një sistem i ndërlikuar midis traktit gastrointestinal dhe trurit.

Çaji jeshil

Çaji jeshil përmban L-theanine, një aminoacid që është studiuar për efektet pozitive në shëndetin e trurit dhe reduktimin e ankthit.

Për më tepër, L-theanina mund të rrisë dopaminën dhe serotoninën, neurotransmetues që janë treguar të kenë efekte kundër ankthit.

Konsumi i disa filxhanëve çaj jeshil çdo ditë mund të shoqërohet me më pak shqetësime.

5 Llojet e Ushqimeve Dietike që Duhet të Blini

Sipas dietologëve hapi i parë drejt një trupi të shëndetshëm është ushqimi që konsumoni çdo ditë.

Një regjim i mirë duhet të përmbajë të paktën 5 produkte ose ushqime dietike të cilat përfshihen në receta të përditshme. 

AgroWeb në bashkëpunim me Gourmania ju sugjerojnë 5 produkte dietike që mund t’i konsumoni në çdo moment gjatë regjimit tuaj.

  1. Reçel dietik

 Reçeli konsumohet në mëngjes, në një vakt të shpejtë gjatë ditës apo në ëmbëlsira të ndryshme.

Megjithëse një produkt i ëmbël, nëse zgjidhni të duhurin, ju mund të konsumoni reçel çdo ditë.

Në Gourmania ju mund të gjeni reçel dietik me shije manaferre, boronice dhe sheqer të reduktuar.

  • Drithra

Drithrat janë pjesë e pandashme e regjimit ushqimor dhe larmishmëria e tyre është e madhe.

Kjo ofron edhe në sektorin ushqimor të dietës në Gourmania, shumë produkte të shijshme.

Ju mund të zgjidhni një vakt të lehtë me quinoa, thjerrëza, kuskus, hikërr apo bishtajorë.

Në Gourmania ju mund të gjeni çdo produkt dietik të prodhuar nga kompania Teuta.

  • Qumësht

Nëse jeni në dietë nuk keni pse hiqni dorë nga qumështi, por ta zëvendësoni atë.

Në këtë pikë për të mbajtur trupin në formë duhet të zgjidhni qumësht orizi, qumëshet lajthish, qumësht bajamesh.

Këto lloje qumështi përmbajnë jo më shumë se 100 kalori për çdo porcion dhe shumë pak karbohidrate.

Kjo i bën ata perfekt për t’i shijuar kur mbani dietë apo një regjim ushqimor. 

Nëse po kërkoni për një të tillë kërkoni në Gourmania qumësht nga Riso Scotti me shije të ndryshme.

  • Kefir

Kefiri është një nga produktet më të kërkuara të momentit për të gjithë ata që i janë përkushtuar jetesës së shëndetshme.

Kefiri është një probiotik natyral dhe një mënyrë e mirë për të humbur në peshë.

Kjo sepse përmban  kalcium vitaminë K2, B2,B12 të cilat ulin kolesterolin dhe nivelin e sheqerit në gjak.

Por shpesh kefiri është i vështirë për tu gjetur, prandaj Gourmania e sjell në Shqipëri me disa shije të ndryshme.

Kefiri vjen në tre shije të ndryshme në formën e pijes.

Atë mund ta prdorni në vend të kosit apo qumështit për ta konsumuar direkt apo në receta.

  • Bukë integrale

 Buka është një pjesë e përditashme e regjimit ushqimor, prandaj duhet të jetë gjithnjë e shëndetshme e dietike.

Në këtë mënyrë jeni më të mbrjotur nga kilogramët e tepërt.

Ekspertët e Gourmania përgatisin çdo ditë bukë të freskët e natyrale integrale, por edhe formate të paketuara.

Produktet integrale si buka e paketuar Roberti apo galetat e orizit integrale SCOTTI janë perfekte për t’u shijuar duke mbajtur trupin në formë.

5 Receta Natyrale Që Ju Ndihmojnë Të Zëvendësoni Pijet Me Gaz

Nëse dëshironi të eliminoni pijet me gaz, ju mund të përdorni disa nga këto receta me bazë ujin si zëvendësues të tyre.

Uji do ndihmojë organizmin tuaj të funksionojë më mirë, e gjithashtu do t’ju falë edhe shumë përfitime shëndetësore.

Nëse jeni fillestar në përgatitjen e pijeve të shëndetshme, AgroWeb.org ndan me ju disa receta fantastike dhe të thjeshta.

Trumzë, Qitro dhe Ujë me Limon

Shtoni në gotën tuaj katër kube akulli. Më pas hidhni disa feta qitro, katër feta limoni, pak trumzë të freskët dhe ujë me limon. Përziejini me lugë dhe pijeni!

Vlerat: Trumza është një ilaç që përdoret prej shekujsh. Ka sasi të larta të vitaminës C, kaliumit dhe manganit. Gjithashtu, është një barishte anti-inflamatore. Limoni është burimi i vitaminës C që do të forcojë sistemin tuaj imunitar.

Ujë me Xhenxhefil, Mollë dhe Borzilok

Mbusheni gotën tuaj përgjysmë me akull. Më pas, hidhni aty pesë feta të një molle jeshile, të prerë në rrathë të hollë, shtoni pak xhenxhefil, si edhe tetë gjethe borziloku. Hapi i fundit është uji.

Vlerat: Borziloku është burim i vitaminës K, e cila do t’i mbajë kockat tuaja të forta dhe të shëndetshme. Mollët janë të pasura me fibra, vitaminë C dhe polifenole. Xhenxhefili do ndihmojnë duke ulur inflamacionin në organizëm.

Ujë me Nenexhik, Luleshtrydhe dhe Boronica

Nëse dëshironi të bëni këtë recetë, përsëritni të njëjtat hapa me akullin. Shtoni në gotë një dorë plot luleshtrydhe dhe boronica, ujë dhe në fund shtoni gjethet e nenexhikut.

Vlerat: Luleshtrydhet janë të pasura me vitaminë C dhe B9, gjithashtu mangan dhe kalium. Nga ana tjetër, boronicat përmbajnë vitaminë C dhe K dhe mangan. Këto dy fruta janë antioksidantët më të mirë.

Ujë me Limon dhe Livando

Pasi të vendosni akull në gotën tuaj dhe pesë feta limoni. Mbusheni me një grusht të vogl livandoje të freskët.

Vlerat: Livando është reduktuesi më i mirë i stresit dhe eliminon pagjumësinë. Siç u përmend më parë, limoni është plot me vitaminë C dhe ndihmon me tretjen.

Ujë Me Limon, Nenexhik Dhe Kastravec

Prisni gjysmën e kastravecit në feta shumë të holla dhe përsërisni veprimin me ½ limoni. Më pas shtoni akull në gotë, kastravecin dhe limonin të përzier me disa gjethe nenexhiku. Mbulojini me ujë dhe shijoni pijen tuaj.

Vlerat: Kastraveci ka sasi të larta të vitaminës K dhe do të përmirësojë tretjen. Përfitimet e mentes dhe limonit janë përmendur më lart./AgroWeb.org

Kujdesi I Duhur Për Begonian Me Gjethe Të Pikturuara

Rex Begonia, e njohur gjithashtu si begonia me gjethe të pikturuara ose begonia me gjethe shumëngjyrëshe, është një bimë shumëvjeçare tropikale e famshme pikërisht për gjethet e saj karakterisitke.

Skajet e jashtme të gjethes janë zakonisht në jeshile të errët, ndërsa pjesa e brendshme mund të jetë me nuanca rozë, të kuqe, argjendi ose vjollcë.

Begonia me gjethe të pikturuara mund të rritet deri në 60 cm. Madhësitë e gjetheve të saj ndryshojnë, por variojnë nga 20 cm të gjata dhe 12 cm të gjera.

Ujitja

Në verë, begonia shumëngjyrëshe duhet të ujitet rregullisht, por duhet të kini kujdes të mos e ujisni së tepërmi pasi ajo është mjaft e ndjeshme ndaj kërpudhave dhe mund të kalbet lehtë.

Sigurohuni që gjysma e sipërme e dheut të jetë tharë para se ta ujisni, por kurrë mos e lini atë të thahet plotësisht.

Mundohuni të mos i lagni shumë gjethet, pasi kjo mund të shkaktojë probleme me mykun.

Në dimër, begonia mund t’i rrëzojë gjethet e saj. Vazhdoni ta ujisni me masë derisa të rriten gjethet e reja në pranverë.

Drita dhe temperatura

Kjo bimë lulëzon nën rrezet e diellit, por ato nuk duhet të jenë të drejtpërdrejta.

Nëse jetoni në vende të nxehta, ju duhet ta mbroni nga rrezet e forta të diellit.

Në vendet e ftohta e me pak diell, kjo nuk përbën problem, por bima duhet të mbahet në ambeintet e brendshme gjatë muajve më të ftohtë.

Temperatura ideale për bimën në verë është 23 gradë Celsius dhe 17 gradë Celsiuc në dimër.

Ato gjithashtu preferojnë të qëndrojnë në ambiente më lagështi të lartë.

Madhësia e vazos dhe lloji i dheut

Dheu i cili lejon një kullim të mirë të ujit është ideali sepse e mbron bimën nga kalbja e rrënjëve.

Begoniat gjetheshumëngjyrëshe pëlqejnë vazot e mëdha por të cekëta, kjo për shkak të kërcellit të shkurtër të rrënjës dhe nevojave për tokë poroze.

Sigurohuni që vazoja të ketë vrima kullimi në fund. Vendoseni bimën në një vazo më të madhe vetëm kur ajo aktualja të mbushet me rrënjë.

Problemet më të shpeshta

Pluhuri i bardhë në gjethe tregon praninë e mykut, i cili shpesh shfaqet për shkak të ujitjes ose nxehtësisë së madhe.

Hiqni të gjitha gjethet me myk dhe trajtojeni bimën me një fungicid./AgroWeb.org

Çfarë Duhet Të Dini Përpara Se Të Blini Një Hekur Për Hekurosje? Zbulojeni Këtu

Sipas shumë hulumtimeve, hekurosja është puna më pak e pëlqyer nga të gjitha punët e shtëpisë.

Edhe pse shpesh përpiqeni si e si ta shmangni, ka disa raste ku hekurosja është e domosdoshme.

Që ky proces të thjeshtësohet edhe më tepër është e rëndësishme të zgjidhni edhe një hekur cilësor.

AgroWeb.org ju vjen në ndihmë me disa këshilla të vlefshme, të cilat do t’ju ndihmojnë të bëni zgjedhjen e duhur.

Çfarë duhet të dini

Ka disa gjëra kryesore që duhet të merrni parasysh përpara se të blini një hekur. Ato janë:

Presioni i avullit

Sa më i lartë të jetë prodhimi i avullit, aq më efektivisht hekuri do të bëjë punën e tij.

Kjo matet me gramë. Çdo hekur me presion mbi 50 g/minutë konsiderohet një prodhim i cilësor.

Kapaciteti i rezervuarit

Sa më i madh të jetë kapaciteti i rezervuarit të ujit, aq më shumë rroba mund të hekurosni. Kapaciteti i hekurave që AgroWeb.org rekomandon varion nga 0,27 në 0,4 litra.

Gjithashtu ia vlen të zgjidhni një hekur me një hapje të madhe, për  një rimbushje të lehtë dhe nga ku mund të shihni nivelin e ujit përmes rezervuarit.

Karakteristika të tjera:

Ka disa elementë të tjerë që janë më pak të rëndësishëm, por ia vlen t’i mbani parasysh kur blini një hekur të ri.

Të gjitha modelet duhet të kenë funksione për parandalimin e grumbullimit të mbetjeve të dëmshme. Nëse jetoni në një zonë me ujë të fortë, kjo është një domosdoshmëri.

Gjithashtu nivelet e nxehtësisë kanë rëndësi sepse sa më e lartë shkalla e nxehjes, aq më shpejt dhe lehtë do të mund të hekurosni.

Për sa i përket sigurisë, zgjidhni një hekur që fiket në mënyrë automaktike.

Kështu nuk do t’ju duhet të vrisni mendjen dhe të bëheni merak nëse e keni harruar apo jo hekurin ndezur./AgroWeb.org

A Duhet të Hani Ushqime Tradicionale për një Trup në Formë

Ushqimi mund t’ju çojë në një kohë, vend dhe në një kulturë tjetër, prandaj gatimet tradicionale janë një mënyrë që lidh njerëzit me njëri-tjetrin.

Të gjithë kemi përjetuar momente kur kemi nuhatur apo ngrënë diçka që na ka kujtuar fëmijërinë, ose kemi rikrijuar një gatim që kemi provuar nga një vend të cilin kemi vizituar.

Edhe pse një regjim ushqimor i shëndetshëm përfshin edhe gatimet tradicionale, ky mesazh nuk është i dukshëm dhe shpesh nuk përcillet siç duhet.

Mesazhi kryesor i specialistëve është se çdo grup ushqimor ofron vitamina dhe minerale thelbësore të nevojshme për të mbështetur një shëndet të mirë.

Dhe në gatimet tradicionale, në një pjatë të vetme grupet e ushqimit kombinohen më së miri.

Ndërsa mungesa e përfaqësimit kulturor ose ilustrimeve të ndryshme etnike dërgon një mesazh të pashprehur se ushqimet vendase mund të jenë të pashëndetshme.

Ushqimi i shëndetshëm është më shumë nga ajo që shihni në faqet e internetit.

AgroWeb.org ju njeh me disa shembuj :

Është e vërtetë se kinoa është një burim i shkëlqyer i proteinave dhe fibrave, por ashtu janë edhe orizi dhe fasulet.

Salmoni është i pasur me acide yndyrore omega-3, por po ashtu janë edhe peshq të tjerë si sardelet.

Nëse kinoa dhe salmoni nuk janë të disponueshëm në vendin ku jetoni, kjo nuk do të thotë që regjimi juaj ushqimor është i varfër.

Ushqimi i shëndetshëm ndryshon nga vendi në vend, bazuar në aksesin dhe kultura në të ngrënë.

Si ndikon kultura në ushqimin që konsumoni?

Kultura, praktikat fetare, këndvështrimi juaj për mirëqenien dhe për kujdesin shëndetësor, luajnë një rol të rëndësishëm në mënyrën e të ushyerit.

Hulumtimet sugjerojnë se edhe mendimet tuaja rreth ushqimeve të caktuara dhe gatishmëria për të provuar ushqime të reja, ndikohen kryesisht nga prejardhja juaj kulturore.

Për më tepër, klasifikimi i asaj që konsiderohet si ushqim dhe çfarë jo, është gjithashtu i lidhur me kulturën tuaj.

Prandaj, ushqimi i shëndetshëm duhet të interpretohet dhe kuptohet brenda kontekstit të kulturës.

Ushqimet që rriten në vendin ku jetoni dhe gatimet tradicionale, përmbushin role jetike për shëndetin e komuniteteve dhe individëve brenda tyre.

Kuptimi i dallimeve kulturore rreth ushqimit është i rëndësishëm për një ushqyerje të shëndetshme dhe rezultate të kënaqshme shëndetësore./AgroWeb.org

Brokoli të Pjekur me Djathë – Fantastike për Shijen dhe Shëndetin

Vlerat ushqimore të tij, e bëjnë brokolin një nga perimet e gjelbra më të shëndetshme në botë.

Bëhet fjalë për një perime miqësore me stomakun dhe shumë e pasur në vlera dhe shije.

Brokoli është fantastike në çdo mënyrë gatimi, supë, sallatë, pure etj.

AgroWeb.org ju sugjeron më poshtë një recetë të mrekullueshme plot shije, e cila përgatitet krejt lehtë dhe shpejtë.

Brokoli Të Pjekura Me Djathë dhe Beshamelë

Përbërësit

700 – 800 gr brokoli

Kripë

Piper

Vaj ulliri

Për salcën e beshamelës 

3 lugë gjelle miell gruri

2 lugë gjelle gjalpë të freskët

2 deri 3 gota qumësht

2 kokrra vezë

3 lugë gjelle djathë kaçkavall i grirë

Kripë

Përgatitja

Shtojmë ujë dhe kripë në një tenxhere dhe e vendosim në zjarr që të ziejë.

Sapo uji të nisë të vlojë hedhim brokolit e ndara në degëza.

I lëmë të ziejnë për 10 minuta dhe më pas i heqim nga zjarri.

Kujdesemi t’i largojmë nga uji përmes një kullorëse dhe i shtrojmë në tavë. Sipër i spërkasim me vaj ulliri.

Përgatitja e Beshamelës

Në tigan skuqni gjalpin me miellin derisa të jetë zverdhur.

Shtoni qumështin dhe përziejeni fort dhe shpejt me një lugë druri derisa masa të jetë e njëtrajtshme.

Shtoni vezët e rrahura dhe vijoni ta përzieni.

Shtoni kripën sipas dëshirës si dhe djathin kaçkavall të grirë.

Masën e përgatitur të beshamelës e hedhim sipër brokolit dhe më pas i fusim në furrë të piqen derisa sipërfaqja të marrë ngjyrë të kuqërremtë.

Vlerat e Brokolit

Brokoli është i pasur edhe me fibër të tretshme që nxjerr kolesterolin e keq jashtë trupit.

Kjo perime shërben edhe si antioksidant duke qenë se ka nivele të larta e të përqendruara të vitaminës C dhe flavonoidëve që përmirësojnë funksionet e kësaj vitamine.

Brokoli është i pasur me mineralet alkalinë dhe si çdo perime tjetër e ndihmon organizmin të ulë nivelet e dëmshme të aciditetit dhe e pastron atë nga toksinat.

Procesi i detoksifikimit mbështetet nga substanca si glukorafanina, glukonasturtina dhe glukobrasicina, të cilat aktivizojnë, neutralizojnë dhe eliminojnë ndotësit e dëmshëm të organizmit.

Brokoli përmban nivele të larta të kalciumit dhe vitaminës K, të cilat janë të rëndësishme për shëndetin e kockave dhe parandalimin e osteporozës. Kjo perime e gjelbër bën mrekullira për zemrën./AgroWeb.org

Kura të Thjeshta Natyrale Kundër Dhimbjes së Duarve

Dhimbja e duarve del në pah gjithmonë kur njeriu ka probleme muskulare.

Duart janë ndër pjesët e trupit që vihen në punë më shumë.

Kjo i bën ato një shënjestër të lehtë të dhimbjes.

Në këtë artikull të AgroWeb.org do të mësoni më shumë për mënyrat natyrale të shuarjes së dhimbjes së duarve.

Kurat Natyrale Kundër Dhimbjes Së Duarve

Uji i Ngrohtë

Mbajini duart në ujë të ngrohtë për 15 deri në 20 minuta disa herë në ditë.

Uji i ngrohtë përmirëson qarkullimin e gjakut dhe qetëson muskujt nga ku buron dhimbja.

Menjëherë pas nxjerrjes nga uji, thajini duart dhe lyejini me krem që t’i zbusni ato.

Pirja e Ujit

Uji është një nga mënyrat më të mira për të përmirësuar qarkullimin e gjakut dhe heqjen e toksinave të akumuluara në muskuj.

Sipas të dhënave nga AgroWeb.org uji hidraton ligamentet dhe lehtëson lëvizshmërinë e duarve.

Në këto raste, rekomandohet të pini 10-12 gota me ujë në ditë që të hidratoheni siç duhet.

Duart Kanë Nevojë Për Pushim

Pushimi është një nga mënyrat më të mira për të lehtësuar dhimbjet e duarve.

Mos ushtroni presion ndaj tyre dhe mos bëni asgjë që të shtojë dhimbjet.

Kompresat e Ftohta

Sipas të dhënave të AgroWeb.org kompresat e ftohta janë efikase kundër të gjitha dhimbjeve, përfshirë ato të duarve.

Vendosni kompresa në duar dhe mbajini për 10-15 minuta disa herë në ditë.

Kompresa mund të përgatitet duke vendosur kuba akulli në një qese plastike të cilën mund ta mbështillni me peshqir përpara se ta vendosni mbi zonën e prekur nga dhimbja.

Masazhi i Duarve

Për të përmirësuar qarkullimin e gjakut, bëni masazh special për duart.

Një masazh i tillë mund të jepet vetëm nga një profesionist, i cili identifikon lehtë burimin e dhimbjes.

Një masazh i tillë duhet bërë një herë në ditë deri sa dhimbja të shuhet.

Nëse dhimbja zgjat shumë ditë, konsultohuni me një mjek profesionist./AgroWeb.org

Majdanoz me Limon Kundër Rrudhave, Njollave dhe Alergjive

Rrudhat, njollat, aknet, dhe alergjitë e ndryshme që dalin në lëkurë, janë tepër të përhapura në ditët e sotme.

Për fat të mirë, sot nuk ka përse të shpenzosh një mal me para për të gjetur kremëra apo kura të shtrenjta kundër këtyre problemeve.

Ekspertët rekomandojnë shumë kura natyrale që funksionojnë, siç është ajo me majdanoz dhe limon të ciluen AgroWeb.org e sjell më poshtë.

Kombinimi i të dyjave jo vetëm që pastron lëkurën por edhe e zbardh atë.

Me përdorimin e majdanozit dhe limonit apo uthullës së mollës, lëkura juaj do të jetë më e shëndetshme.

Vlerat E Majdanozit Për Lëkurën

Majdanozi është shumë i pasur me vitamina dhe minerale.

Lëngu i tij përmban vajra esencialë që ofrojnë sasi të jashtëzakonshme të manganit dhe kaliumit.

Vlerat e majdanozit e bëjnë atë shumë të kërkuar nga njerëzit që vuajnë nga diabeti, infeksionet urinare, temperature, lodhja apo inflamacioni i syve.

Në industrinë e kozmetikës, majdanozi ka aftësi rigjeneruese dhe zbardhuese.

Ai ju vjen në ndihmë për eliminimin e skuqjeve të lëkurës, freskinë dhe zbardhjen e saj.

Si Të Përdorni Majdanozin Dhe Limonin Për Shëndetin E Lëkurës

Përbërësit

1 lugë çaji me lëng limoni ose uthull molle

2 lugë gjelle me majdanoz të grirë hollë

200 ml ujë

Përgatitja

Në fillim duhet të zieni ujin në një tenxhere të vogël.

Më pas shtoni gjethet e grira hollë të majdanozit dhe lërini të ziejnë për 15 minuta.

Hiqeni tenxheren nga zjarri dhe lëreni lëngun të ftohet.

Shtoni lëngun e limonit ose uthullën e mollës dhe hidheni lëngun në një enë qelqi.

Ruajeni atë në frigorifer.

Përdorimi I Lëngut Të Majdanozit Dhe Limonit

AgroWeb.org ju këshillon ta përdorni këtë lëng dy herë në ditë, në mëngjes dhe në darkë duke lyer lëkurën.

Ai do të ngushtojë poret në lëkurë, do ta pastrojë dhe zbardhë atë.

Duke e përdorur këtë lëng në fytyrë, do të largoni njollat e errëta dhe lëkura juaj do të ketë një ngjyrë të njëtrajtshme.

Ajo do të ketë shkëlqim rinor dhe do të jetë më elastike.

Nëse e përdorni këtë lëng për gjatë gjithë muajit do të vëreni ndryshime befasuese./AgroWeb.org

A të Bën të Lumtur Ushqimi? Të Dhënat e Fundit

Ushqimi dhe Truri – Lidhja e Pashmangshme e Mirëqenies.

Specialistët kanë folur prej kohësh për lidhjen e fortë mes ushqyerjes dhe sëmundjeve si diabeti, sëmundjet e zemrës dhe mbipesha.

Së fundmi ata po analizojnë lidhjen që ekziston mes ushqyerjes dhe mirëqenies mendore.

Kjo lidhje në të vërtetë është zbuluar që në mesjetë, atëherë kur ushqimet e shpejta ishin thjesht të paimagjinueshme.

Por nga ana tjetër, qytetërimet e asaj kohe ishin shumë të ndërgjegjshme për rëndësinë e shegës.

Nëse ndiheshin të trishtuar, konsumonin më shumë ftonj dhe hurma.

Në mungesë të valiumit, ata përdornin sallatën jeshile ndërsa për qetësues zgjidhni çikoren.

Me kalimin e viteve, njerëzimi e humbi lidhjen mes trurit dhe ushqimit.

Ushqimet e Shpejta

Një studim i kohëve të fundit zbuloi se të rinjtë që hanë ushqime të shpejta më shumë se tre herë në javë përballen me një stres të madh mendor.

Ushqimet e shpejta janë të pasura me yndyrna të ngipura, trans dhe acide omega-6 të cilat provokojnë një inflamacion në organizëm që shkakton ankth dhe depresion.

Studimi zbuloi se ngrënia e një niveli të ulët karbohidratesh dhe të lartë frutash dhe perimesh zbut ankthin dhe depresionin.

Frutat dhe perimet janë të pasura me antioksidantë që promovojnë prodhimin e serotoninës.

Por ajo që shkaktoi habi në studim është mishi dhe rëndësia për trurin

Mishi dhe humori

Shkencëtarja Lina Begdache nga Nju Jorku thotë se mishi dhe humori janë të lidhura fort në një nivel qelizor.

Triptofani tek mishi është pararendës i serotoninës, ‘agjenti i lumturisë’ që ka zanafillën në tru.

Kjo përbën me të vërtetë çudi sepse karbohidratet janë të rrezikshme, por ato të mishit promovojnë prodhimin e serotoninës.

Studimi arriti në konkluzionin se një regjim ushqimor mesdhetar është i mirë për trurin dhe për trupin.

Sipas Begdache, ky regjim ushqimor përmban të gjithë komponentët e një strukture të shëndetshme të trurit: acide yndyrore të pangopura, mineralet nga drithërat, mishi dhe qumështi, magnezi nga barishtet dhe vitaminat B,C dhe E nga frutat, perimet dhe produktet e bylmetit.

Sipas Begdache, lidhja mes humorit dhe ushqimit është individuale./AgroWeb.org

Cilat Simptoma Sëmundjesh nuk Duhet t’i Injoroni

Dhimbjet e ndryshme të trupit jo domosdoshmërisht duhet të jenë tregues i një problem madhor shëndetësor.

Megjithatë, njeriu duhet të tregojë kujdes dhe vëmendje ndaj të paktën disa simptomave, të renditura më poshtë nga AgroWeb.org.

Mpirje Të Gjymtyrëve

Nëse vëreni mpirje të krahut, këmbës ose fytyrës, atëherë duhet të dini që kjo mund të jetë një tregues i ishemisë.

Kjo simptomë është veçanërisht shqetësuese nëse vërehet në njërën anë të trupit.

Ishemia manifestohet edhe me vështirësinë në ruajtjen e ekuilibrit, marramendjes ose problemeve në të ecur.

Nëse krejt papritur vëreni se nuk ndiheni mirë, ju dhemb koka, jeni konfuzë ose keni vështirësi në të folur e kuptuar, AgroWeb.org ju rekomandon të drejtoheni menjëherë tek mjeku.

Nëse ishemia kapet në kohë, pasojat e saj janë të kapërcyeshme.

Dhimbje Në Kraharor

Dhimbja dhe shtrëngimi në kraharor nuk duhen injoruar kurrë.

Nëse dhimbja shoqërohet me djersitje, vështirësi në frymëmarrje ose të përziera atëherë duhet të shkoni me urgjencë tek mjeku.

Studimet të cilave u referohet AgroWeb.org thonë se dhimbja e kraharorit ose ndjenja e shtrëngimit janë një tregues i një sëmundjeje të zemrës ose ataku në zemër.

Nëse shtrëngimi dhe dhimbja zgjat disa minuta dhe përsëritet sërish, kjo është një arsye më tepër për t’u vizituar në spital.

Dhimbje Të Pulpës Së Këmbës

Kjo dhimbje mund të jetë tregues i mpiksjes së gjakut në këmbë.

Sëmundja quhet Trombozë  Venoze dhe shfaqet në rastet kur keni qëndruar ulur ose shtrirë për shumë kohë.

Nëse dhimbja është si pasojë e kësaj sëmundjeje, ajo ndihet më shumë kur qëndroni në këmbë ose ecni.

Për shkak të sëmundjes, këmba e prekur enjtet dhe skuqet.

Vështirësi Në Frymëmarrje

Nëse gulçoni, merrni frymë me vështirësi ose ndieni një fishkëllimë sa herë që merrni frymë, shkoni menjëherë tek mjeku.

Nëse ky problem nuk trajtohet, mund të jetë me rrezik.

Këto probleme mund të jenë tregues të azmës, sëmundjeve të mushkërive si bronshiti ose pneunomia apo alergjive./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi: U.S. National Library of Medicine

Tre Mënyra për të Ulur Kolesterolin Deri në 40%

Shkaktarët e kolesterolit janë të shumtë e të ndryshëm.

Këtu përfshihet ushqyerja e keqe, mungesa e aktivitetit fizik por edhe stresi.

Kur kolesteroli është i lartë por niveli i triglicerideve është normal, atëherë stresi është përgjegjës për këtë situatë.

Kur niveli i triglicerideve dhe i kolesterolit janë të lartë, atëherë faji i takon sheqernave dhe tiroides.

Nëse kolesteroli është i lartë për shkak të stresit, medikamentet kundër kolesterolit nuk janë efikase dhe sekreti në këtë rast qëndron tek ushqyerja.

Sipas ekspertëve, niveli i shëndetshëm i kolesterolit është si më poshtë:

Kolesteroli i plotë duhet të jetë më pak se 200 mg/dl (miligramë për një decilitër gjaku)

Kolesteroli LDU duhet të jetë më pak se 100 mg/dl

Kolesteroli LDL duhet të jetë 40 mg/dl  ose pak më i lartë.

Ekspertët, të cilëve i’u referohet AgroWeb.org thonë se kufizimi i sheqerit por edhe përfshirja e tre ushqimeve të caktuara në regjimin tuaj të përditshëm mund të ulë kolesterolin deri në 40%.

Një Gjysmë Mollë e Kuqe Në Ditë

Molla e kuqe ofron antioksidantët më të mirë. Ajo është gjithashtu e pasur me fibër, flavonoidë dhe ushqyes të tjerë.

Frutat në përgjithësi kanë një ndikim të fortë tek njerëzit që vuajnë nga niveli i lartë i triglicerideve dhe shkaktojnë dhjamosje të mëlçisë.

Për këtë shkak, ekspertët rekomandojnë që të konsumoni vetëm një gjysmë molle të kuqe në ditë kundër kolesterolit.

Treçerek Filxhani Me Copa Panxhari

Fibra tek panxhari është e domosdoshme për mbajtjen nën kontroll të kolesterolit dhe shëndetit të zemrës, pavarësisht nivelit të triglicerideve.

Panxhari përmban shumë fibër dhe ushqyes të rëndësishëm që ndihmojnë zemrën, mëlçinë dhe trurin.

1 Karrotë Mesatare

Karrotat janë të shkëlqyera për zemrën dhe për sistemin tretës.

Ato janë të pasura me fibër, beta karoten, antioksidantë, vitamina dhe minerale.

Karrota e përmasave mesatare përputhet më së miri me gjysmën e mollës dhe copat e panxharit duke ofruar kurën ideale me tre përbërës kundë kolesterolit të lartë./AgroWeb.org

Akullore Shtëpie me Qumësht – E Freskët, e Shëndetshme

Krejt e lehtë, e shëndetshme dhe me shije të freskët.

Akullorja e shtëpisë është padyshim një delikatesë fantastike, e cila shijon pa masë, sidomos tani që temperaturat janë rritur.

AgroWeb.org ju sugjeron më poshtë një recetë të mrekullueshme të përgatitjes së akullores me qumësht.

Kërkon pak mundim dhe pak përbërës por të mrekullon me shijen e saj freskuese.

Mund ta kombinoni me fruta të ndryshme sipas dëshirës e ta konsumoni në çdo kohë të ditës, ajo do t’ju freskojë dhe ëmbëlsojë menjëherë mendjen edhe shpirtin jo vetëm ju por edhe më të dashurve tuaj.

Përgatitja e Akullores së Shtëpisë me Qumësht

Përbërësit

 (Përbërësit më poshtë janë për 4-5 persona)

4 filxhanë çaji me qumësht

30 gr kajmak ose ajkë qumështi

4 kokrra vezë

1 filxhan çaji sheqer

Një lugë çaji vanilje

1 lugë gjelle niseshte

Përgatitja

Si fillim, AgroWeb.org ju udhëzon të zjeni qumështin dhe ta lini të ftohet pak.

Më pas, rrihni vezët bashkë me sheqerin dhe kajmakun dhe hidhini në tenxheren ku keni qumështin.

Merrni pak nga masa e qumështit shkrini niseshtenë dhe hidheni masën në tenxheren e qumështit.

Përzjeheni mirë dhe vendosini në zjarr shumë të ngadaltë duke i përzjerë vazhdimisht në mënyrë që masa të mos nisë të zjejë pasi priten vezët.

Kur masa të trashet, AgroWeb.org ju udhëzon ta largoni nga zjarri.

Hidhini vaniljen ose nëse preferoni lëkurë limoni të grirë.

Vendoset në kupa ose në një tas të madh dhe pasi ftohet në temperaturë ambjenti futet në zonën e ngrirjes së frigoriferit.

Sapo të ftohet dhe të ngrijë sa duhet është gati për t’u servirur.

Shoqërohet në mënyrë fantastike me reçel qershie apo luleshtrydhe, fruta të thata si dhe arra e bajame gjithashtu.

Për një shije edhe më fantastike, këtë akullore mund ta përdorni edhe në shoqërimin e kekëve të ndryshëm apo edhe krepave të ëmbla.

Nëse preferoni akulloren mund ta shoqëroni edhe me copëza çokollate apo biskotash të ndryshme.

Këtë recetë mund ta përgatisni edhe pa kajmak duke përdorur përbërësit e tjerë më sipër./AgroWeb.org

Poleni apo Propolis – Cila Është më e Mirë Nga Mjalti

Konsumi i polenit ul lodhjen dhe rrit kapacitetin intelektual

Poleni i bletës është një produkt natyral që nxirret nga shumica e bimëve me lule, vlerat e të cilave janë të mrekullueshme për organizmin tonë.

Këto vlera vijnë si pasojë e vitaminave, enzimave dhe mineraleve që gjenden tek poleni.

Konsumi i polenit ul lodhjen dhe rrit kapacitetin intelektual.

Për më tepër, poleni është një kurë e jashtëzakonshme për disa sëmundje, sepse misioni i tij i parë është të forcojë sistemin imunitar.

Polenin mund ta gjeni në Shqipëri në çdo zonë të vendit tonë që është popullore për prodhimin e mjaltit siç janë Tropoja, Korça, Himara, Puka, Gjirokstra etj.

Ne të AgroWeb.org, dëshirojmë që të ndajmë me ju këto informacione të vlefshme për polenin e bletës në mënyrë që ta bëni pjesë të ditës tuaj.

Faktet mbi Polenin

1. Poleni i bletës është një produkt që përmban elementët kryesorë të jetës dhe nxirret nga organet mashkullore të bimëve që e përdorin këtë lëndë për fertilizimin e organeve femërore të bimëve. Poleni ka nivel të lartë proteinash, mineralesh, vitaminash dhe hormonesh që promovojnë rritjen.

2. Përbërja e pazakontë e polenit e bën atë një produkt ideal për rigjallërimin, forcimin dhe pastrimin e organizmit tonë. Duke konsumuar polen ne arrijmë të stimulojmë oreksin, rrisim intelektin, përqendrimin, kapacitetin dhe ulim tensionin në arterie.

3. Përbërja e polenit e bën atë një zëvëndësues ushqimi tepër të mirë për të luftuar aneminë. Kjo sepse kontribuon në krijimin e qelizave të reja të kuqe të gjakut.

4. Ushqyesit që përmban poleni e bëjnë atë një produkt ideal për fëmijët, sepse u jep atyre energji, gjallëri dhe përmirëson rritjen e tyre.

Poleni është i rekomandueshëm edhe për njerëzit që vuajnë nga dobësia, siç janë të moshuarit, femrat shtatzënë dhe pacientët që po rimëkëmben nga ndonjë sëmundje.

5. Sa i përket vlerave medicinale, ia vlen të përmendet se poleni është ideal për të parandaluar sëmundjen e prostatës që godet meshkujt.

6. Poleni i bletës është gjithashtu i dobishëm për mëlçinë, ndihmon femrat që kanë probleme me menstruacionet, lufton problemet e zorrëve, minimizon astmën bronkiale, ul hipertensionin dhe alergjitë, parandalon formimin e ekzemës, lufton çrregullimet me shikimin dhe parandalon rënien e flokëve.

7. Së fundmi, duhet përmendur që poleni i bletëve mund të jetë ideal si kurë kundër depresionit dhe problemeve me ankthin.

8. Të rriturit mund të marrin deri në tre lugë me polen në ditë, ndërsa për fëmijët mjafton gjysma e kësaj sasie.

Polenin mund ta përfshini në ushqime të tjera, siç është kosi, ose ta përzieni me lëngje të tjera ose ta hani veçmas.

Preferohet që ta konsumoni në mëngjes, sepse në këtë mënyrë do të përmirësojë qarkullimin e gjakut dhe do t’ju japë energji.

Ndryshimi mes propolisit dhe polenit të bletës:

Propolis

Propolisi është substancë rrëshinore e bletëve që e përdorin për të vulosur hojet e mjaltit. Ai ndihmon sistemin imunitar në mënyra të shumëllojshme. Bletët e prodhojnë propolisin nga mbetjet e bimëve, por në të gjendet edhe rrëshirë nga pemët halore dhe plepi. Studimet kanë treguar që propolisi është i dobishëm në trajtimin e disa llojeve të infeksioneve.

Vlerat e propolis:

Parandalon infeksionet dentare
Trajton alergjitë
Ofron trajtim efektiv për lythat
Ul tensionin e gjakut
Vret radikalet e lira në zorrën e trashë

Poleni i bletës

Poleni konsiderohet si një prej ushqimeve natyralisht të fuqishme me vlera, duke qenë se përmban 40% proteina vitamina, acid folik dhe amino acide të lira. Në të vërtetë, poleni ka më shumë proteina se çdo burim shtazor.

Vlerat e polenit:

Ofron shumë energji
Parandalon shfaqjen e azmës
Trajton alergjitë
Fuqizon sistemin imunitar, si edhe mbështet fort sistemin kardiovaskular/AgroWeb.org

Salca e Borzilokut – Për t’i Shtuar Shije Çdo Gatimi

Salca e Borzilokut është speciale me aromë fantastike, e lehtë dhe delikate, një mënyrë fantastike për t’i shtuar edhe më shumë shije gatimeve dhe recetave të ndryshme.

Salca me borzilok është e plotë në shije, e thjeshtë për t’u përgatitur dhe e kombinueshme me shumë ushqime të tjera.

Një salcë jashtëzakonisht e shijshme, për të lyer fetat e bukës së thekur, shoqëruar makaronat, filetot e pjekura të pulës apo shumë gatime të tjera tradicionale e jo vetëm.

Me përbërës të shijshëm, të freskët e natyralë, borzilokë e vaj ulliri, kombinuar me stika pishe dhe djathë kaçkavall, kjo recetë është fantastike për t’u përdorur shpesh herë  në kuzhinë e për ti dhënë shije speciale çdo gatimi.

AgroWeb.org u sugjeron më poshtë recetën e përgatitjes së salcës së borzilokut krejt lehtë në shtëpi.

Si të përgatisim salcën e borzilokut në shtëpi

Përbërësit

(Sasia e përbërësve varet nga sasia e preferuar e salcës që doni të përgatisni. Receta më poshtë është për makarona për katër persona)

50 gr gjethe borziloku

Dy thelpinj hudhër

15 gr stika pishe

70 gr djathë kaçkavall

100 ml vaj ulliri

Kripë

Përgatitja

Pastroni mirë gjethet e borzilokut dhe lërini të thahen mirë.

Bëni kujdes gjatë pastrimit të borzilokut në mënyrë që gjethet që mos dëmtohen pasi në të kundërt shija e salcës mund të bëhet e hidhur.

Hidhni në një tas qelqi (mundësisht edhe druri) gjethet e borzilokut dhe kripën dhe shtypini fortë me një lugë druri.

Shtypini duke i përzjerë. Teksa i shtypni do shihni se nga gjethet e borzilokut do të dalë një lëng i gjelbër.

Në këtë moment do shtoni stikat e pishës dhe do vijoni të shtypni masën duke e përzjerë.

Në fund ndërsa vijojmë t’i shtypin e përzjejmë hedhim nga pak djathin kaçkaval si dhe vajin e ullirit.

Sa më shpejt ta përgatisni salcën, aq më mirë do të jetë për të shamngur oksidimin e përbërësve.

Salcën mund ta përgatisni edhe në mikser por duhet të bëni shumë kujdes duke përdorur gradacionin më të ulët të makinerisë.

Pasi i keni përgatitur salcën e përftuar hidheni në kavanoz qelqi.

Salcën e borzilokut mund ta ruani në frigorifer deri në 10 ditë duke e mbuluar me vaj ulliri në sipërfaqe. Ose ta vendosni në frigorifer dhe më pas të lini që të shkrirë në temperaturë ambjenti./AgroWeb.org   

 

Bufkat e Kuqe – Mini Specat e Përkryer për Turshi

Ngjyra e ndezur e kuqe dhe forma e ngjashme me zemrën, të sjell ndërmend mbrëmjet e bukura të vjeshtës.

Bufkat e kuqe kanë ndezur oreksin e shqiptarëve që në lashtësi. Janë të shijshme, të shëndetshme, të lehta për t’u gatuar dhe të çmuara në vlerat e tyre.

Specat ashtu si edhe bufkat, janë miket më të mira të organizmit falë vitaminave ushqyese që kanë.

Receta e bufkave të kuqe është perfekte për t’u ndarë me ata që janë në kërkim të diçkaje tradicionale dhe të shijshme shqiptare.

Bufkat e kuqe janë speca të vegjël me ngjyrë të kuqe dhe djegës që na serviren kryesisht nga juglindja e vendit.

Këta speca gatuhen me avull, piqen  ose bëhen turshi. Shija e tyre është e ëmbël dhe gjatë fermentimit, shumica e farave djegëse hiqen duke bërë kështu që specat të shijohen lirshëm nga të gjithë.

Të rritur e fëmijë i adhurojnë bufkat e kuqe, sidomos kur janë të mbushura me djathë, hudhër dhe qepë të njoma ose barishtet e qepujkave.

AgroWeb.org sjell një recetë krejt të lehtë për t’u përgatitur dhe shumë e shijshme për t’iu ofruar gjithë familjes.

Bufkat e kuqe të mbushura me djathtë, hudhër dhe qepë të njoma  

16 racione

16 speca bufka (sipas preferencës mund të përdoren edhe speca bufka turshi)

60 gramë djathë të grirë në copa të imëta

4 lugë gjelle me gjizë

2 thelpinj hudhër të grirë hollë

1 lugë gjelle me barishte ose qepë të njoma të prerë hollë ose më shumë për zbukurimin e bufkave

Një majë luge me kripë

Piper të zi

Vaj ulliri ekstra të virgjër

Përgatitja 

Kur gjyshet tona i gatuanin bufkat preferonin të përdornin feta të mëdha të djathit të zakonshëm, sepse kështu ai ishte më kremoz dhe më pak i kripur se djathi i grirë në copa.

Shpesh ato përdornin edhe gjizë sipas recetës origjinale. Të gjithë përbërësit e lartpërmendur përzihen dhe shtypen së bashku.

Më pas pureja e djathit dhe hudhrës transferohet në një qese pastiçerie ose të ngjashme me të për të mbushur specat.

Pasi i keni mbushur specat, shtoni barishtet e prera në copa të vogla dhe vaj ulliri.

Servirini në pjatanca ose pjata të vogla duke vendosur sipër tyre shkopinj të vegjël ose pirunj për t’u ngrënë lehtësisht.

Përsa i përket bufkave, sipas preferencës ato mund të piqen në furrë ose edhe në zgarë para mbushjes ose për këtë recetë për të përftuar një gatim edhe më të shijshëm mund të përdoren edhe bufka turshi. Ju bëftë mirë!/AgroWeb.org

Dekafeinato apo me Kafeinë? Cila kafe është më e mira

Kafeja është një nga produktet më të dashura për njeriun.

Ajo arrin të shuajë përgjumjen tek gjithësecili prej nesh dhe të ofrojë një energji të menjëhershme.

Për më tepër, kafeja si ajo me kafeinë apo edhe ajo pa kafeinë, është një burim i shkëlqyer antioksidantësh.

Për të pasur një tablo më të qartë, lexuesit e AgroWeb.org duhet të dinë që kafeja dekafeinato nuk përmban kafeinë, ndërsa ajo e zakonshme përmban kafeinë.

Si ndahen

Kafja është një substancë alkaloide që nxirret nga kokrrat e kafesë dhe gjethet e çajit.

Konsiderohet si stimulues që ka ndikim në sistemin nervor qendror siç është truri.

Efektet e kafeinës janë të shumëfishta duke nisur me gjallërinë mendore duke e bërë njeriun më vigjilent, aktiv dhe më të përqendruar.

Nga ana tjetër, kafeja ka një efekt diuretik, që do të thotë se ajo ndihmon nxjerrjen e lëngjeve jashtë organizmit.

Kafeja me kafeinë nuk i nënshtrohet një procesi prodhimi shumë të sofistikuar siç ndodh me kafenë dekafeinato.

Kjo e fundit i nënshtrohet një procesi të quajtur “dekafeinim” që në thelb ka të bëjë me heqjen e kafeinës.

Përgjatë këtij procesi, janë përdorur disa përbërës si benzene, dikloromethan apo kloroform.

Por për arsye sigurie dhe efekte të padëshiruara, prodhuesit e kafesë zgjodhën një metodë të sigurt për heqjen e kafeinës.

Kjo metodë njihet ndryshe si filtrim.

Kokrrat e kafesë zhyten në ujë, më pas, uji që përmban kafeinën bashkë me substancat e tjera të lëshuara nga kokrrat filtrohet nëpërmjet përdorimit të qymyrit të drurit.

Uji i filtruar kthehet sërish tek kokrrat e kafesë të cilat më pas thahen duke marrë së bashku aromën e përqendruar në ujë.

Kafeina e nxjerrë gjatë filtrimit shitet tek prodhuesit e lëngjeve të gazuara.

Kafeja me kafeinë ka një shije dhe aromë superiore në krahasim me kafenë dekafeinato.

Besohet se efektet e padëshiruara të kafesë siç janë nervozizmi dhe rrahjet e shpejta të zemrës nuk shmangen plotësisht edhe nëse pini kafe dekafeinato.

Për ta përmbaledhur

1. Kafeja e zakonshme përmban kafeinë, ndërsa kafeja dekafeinato nuk përmban kafeinë.
2. Kokrrat e kafesë me kafeinë nuk janë subjekt i proceseve kimike siç ndodh me kafenë dekafeinato.
3. Shija dhe aroma e kafesë me kafeinë është më superiore në krahasim me kafenë dekafeinato.
4. Efektet e padëshiruara të kafesë jan&eueuml; të pashmangshme në rastin e të dy llojeve të kafesë./AgroWeb.org

Këto Janë Pesë Perimet më të Shëndetshme që Duhet të Hani

Perimet janë një ndër ushqimet më të shëndetshme që njeriu mund të konsumojë gjatë gjithë jetës së tij.

Por, si me do ushqim tjetër, edhe perimet janë në konkurencë me njëra tjetrën.

Ka disa që janë shumë të mira, e të tjera mjaftueshëm të mira për shëndetin.

Nëse i keni vënë synim vetes që të ushqeheni shumë shëndetshëm atëherë do të zbuloni se lista e pesë perimeve më të shëndetshme është shumë e vyer për ju.

Një nga përfitimet kryesore që merrni duke ngrënë perime të freskëta është se qëndroni të ngopur për shumë kohë.

Nëse hani perimet e mëposhtme, sugjeruar nga AgroWeb.org, jo vetëm që do të ndiheni të ngopur, por edhe nuk do të keni fryrje.

Barishtet

Ato janë të pasura me vitaminat A dhe C të cilat pakësojnë hormonin e stresit që është një ndër përgjegjësit e masës dhjamore në pjesën e belit dhe akumulimin e ujit në trup.

Spinaqi dhe lakrat e egra si lëpjeta apo laboti janë disa prej barishteve me pak kalori dhe shumë fibër.

Kungujt e vegjël

Nëse jeni në kërkim për një dozë të mirë ushqyesish atëherë zgjidhni kungujt e vegjël.

Ato përmbajnë pak kalori dhe ju ngopin menjëherë.

Përveç përdorimit në gatim, zijini kungujt dhe pijeni ujin në mëngjes.

Ky lëng pastron trupin dhe ju mban të hidratuar.

Kastraveci

Kastraveci është një perime e pasur me ushqyes dhe ndihmon kundër fryrjes dhe akumulimit të lëngjeve.

Kastraveci ju mban të ngopur më gjatë.

Ju mund ta përfshini atë në lëngje të ndryshme me mollë, mente për të marrë sa më shumë vitamina dhe freski.

Brokoli

Brokoli dhe perimet e të njëjtës familje si lulelakra apo lakrat e brukselit, luftojnë inflamacionin dhe balancojnë sheqerin në gjak.

Brokoli është një burim i shkëlqyer fibre dhe kalciumi.

Lulelakra nga ana tjetër përmban shumë vitaminë C ndërsa lakrat e vogla janë një burim i shkëlqyer folate dhe vitaminash A dhe C.

Të gjitha këto e ndihmojnë metabolizmin të bëjë një punë të shkëlqyer.

Preshi

Preshi përmban shumë fibër dhe ul kolesterolin.

Ai është i pasur në kalium dhe vitamin C.

Në këtë mënyrë, preshi mbështet sistemin kardiovaskular duke mbrojtur shtresat e brendshme të enëve të gjakut nëpërmjet antioksidantit të quajtur kamferol./AgroWeb.org

 

Lofata – Pema e Dashurisë me Vlera Mjekësore

Lofata është një pemë që rritet tradicionalisht nëpër ara, kopshte, oborre shtëpish apo rrugë. Lofata njihet ndryshe edhe si Pema e Dashurisë dhe gjendet rëndom edhe në Shqipëri ku është mbjellë shumë vite më parë si pemë dekorative.

Kjo pemë e famshme e Mesdheut, e cila ngrihet e lartë deri në 10 metra, çel si fillim lule me ngjyrë rozë. Pema ka një trung të trashë dhe degë të shumta. Ajo çel dy herë në vit, një herë në periudhën mars-maj dhe më pas në tetor deri në nëntor, por në këtë periudhë, lulet janë pothuajse të padukshme për shkak se mbulohen nga gjethet e dendura.

Kjo pemë arrin të mbijetojë 35 deri në 40 vjet. Gjethet e lofatës kanë formën e bukur të zemrës. Farat e saj janë të strehuara në një bishtajë të veçantë. Përpara çeljes së tyre, lulet e vogla mbulojnë degët e pemës me një ngjyrë gri të errët. Forma e çrregullt e luleve dhe gjetheve i bën shkencëtarët të mendojnë se lofata është pjesë e familjes botanike të bizeleve.

Në shumë vende të botës, Lofata njihet si Pema e Judës sepse mendohet që në një pemë të tillë  ka varur veten Juda, tradhëtari më i famshëm i të gjitha kohërave.

Kjo pemë e bukur ka gjetur përdorim jo vetëm në mjekësinë popullore, por edhe në gatime dhe në kozmetikë. Lulet e lofatës së Lindjes janë përdorur zakonisht në gatimin e sallatave dhe ëmbëlsirave. Nuancat e thella të lules janë një tregues i flavonoidëve të shëndetshëm siç është kuercetina.

Këto lule janë të preferuara mes bletëve sidomos për prodhimin e mjaltit. Lulet dhe gonxhet janë të ngrënshme. Ato gatuhen dhe përshtaten mirë me vajin e ullirit dhe me uthullën. Por nëse lulet qëndrojnë në pemë për shumë kohë, ato bëhen të hidhura. Lulet e Lofatës, të njoma ose të thata mund t’i shtohen vajit tuaj shqiptar ekstra virgjër të ullirit dhe të lëshojnë aty vlerat e tyre më të mira medicinale. Një grusht lulesh për gjysëm litër vaj ulliri është masa e duhur.

Tanina që gjendet në pjesën e brendshmë të lëvores që mban farat e pemës dhe pjesa e rrënjës janë përdorur për probleme me mushkëritë, kollën dhe për diarenë. Copëza të lëvores dhe rrënjëve të thara të Lofatës grihen dhe bëhen pluhur dhe nga ky pluhur përftohet një çaj me vlera shumë të mira antioksidante për organizmin.

Rrënjët e pemës kanë gjetur përdorim edhe mes prodhuesve të tekstileve që e kanë shfrytëzuar atë për ngjyrosje.

Lulet e Lofatës mund të tolerojnë mungesën e diellit, thatësirë dhe përmbytjet, por kjo pemë preferon një tokë të lagësht, të kulluar mirë në rrezet e dritës së diellit. Rrënjët e pemës janë të forta dhe arrijnë ta bëjnë tokën ku rriten më të qëndrueshme.

Lofata është një nga pemët më të bukura mbi tokë, ndonëse duket e zakontë në larminë e pemëve të tjera. Ngjyra e tyre e bën panoramën që mund t’ju dalë përpara më pranverore, sidomos pas ditëve të ftohta e gri të dimrit. Gjatë verës, janë lulet me formë të bukur që kënaqin syrin ndërkohë që gjatë vjeshtës, ato marrin ngjyrë të verdhë.

Bishtajat që rriten krah luleve janë gjithashtu një pamje interesante për t’u admiruar. Në dimër, vetë pema merr një formë dhe ngjyrë interesante, sidomos kur e gjithë silueta e lofatës vishet me dëborë.

Lofata mund të mbillet e vetme ose në grup duke ofruar një spektakël ngjyrash për cilëndo vendndodhje të zgjidhni./AgroWeb.org

Shenjat e Shisheve Plastike – Si t’i Dalloni

Me siguri sa herë blini një shishe uji apo lexoni etiketat e tyre shikoni shenja të cilat shpesh mund të uken abstrakte.

Jo të gjitha shishet plastike janë njësoj dhe mund të ripërdoren.

Këtu hyjnë në funksion pikërisht shenjat dhe ikonat e ndryshme të cilat gjenden në pjesën e pasme të etiketës dhe sinjalizojnë mesazhe të ndryshme.

Shikoni fotografinë më poshtë dhe mësoni më shumë rreth tyre.

PETE – Të riciklueshme, jo të ripërdorshme

HDPE- Të riciklueshme, të ripërdoshme

LDPE – Të riciklueshme, të ripërdorshme

PP – Të riciklueshme, të ripërdorshme

V – Jo të riciklueshme, jo ripërdorshme

PS – Të riciklueshme, jo të ripërdorshme

PC – Të riciklueshme, jo të ripërdorshme