Si të Përdorni Eukaliptin Për Shëndetin e Mirë Të Mushkërive

Shqiptarët janë njohur me pemën e eukaliptit në vitet 60-70.

Asokohë, kjo pemë me lule me ngjyra të ndezura përdorej për dekorimin e hapësirave publike.

Megjithatë, eukalipti ofron vlera të jashtëzakonshme që shkojnë përtej dekorimit.

Gjethet e eukaliptit munden të çlirojnë një vaj esencial me shumë vlera për organizmin.

Disa prej vlerave më të mira shëndetësore të eukaliptit përfshijnë: përmirësimin e sistemit të frymëmarrjes, forcimin e imunitetit, uljen e ankthit, shkatërrimin e viruseve, baktereve dhe inflamacionin.

Në këtë artikull të AgroWeb.org do të mësoni më shumë për vlerat specifike të eukaliptit për shëndetin e mushkërive.

Shpërbën Sekrecionet

Eukalipti luan rolin e barnave që synojnë të çlirojnë mushkëritë nga sekrecionet dhe substancat e huaja që akumulohen në to.

Ai i pastron mushkëritë dhe nxjerr prej tyre sekrecionet që nuk dalin dot.

Sekrecionet bëhen më të holla dhe shpërbëhen imtësisht duke dalë më lehtë nga sistemi i frymëmarrjes.

Antioksidantët

Të gjitha nënproduktet e eukaliptit janë të pasur me antioksidantë, të cilët i vijnë në ndihmë imunitetit.

Ekspertët kinezë kanë arritur në konkluzionin se vaji i eukaliptit përmban shumë antioksidantë të cilët parandalojnë të ftohurën, gripin, kollën dhe shumë sëmundje të tjera të rrugëve të frymëmarrjes.

Kundër Acarimeve Të Rrugëve Të Frymëmarrjes

Vaji esencial i eukaliptit ka aftësinë të ulë enjtjet dhe largojë skuqjet e fytit gjatë të ftohurës dhe gripit.

Shkencëtarët spanjollë argumentojnë se vaji esencial është efikas kundër këtyre acarimeve sepse ndalon prodhimin e oksidit nitrik.

Zhbllokimi i Hundëve

Eukalipti arrin të zhbllokojë hundët e e zëna dhe të inflamuara si pasojë e sëmundjeve.

Ai shpërbën sekrecionet dhe lehtëson frymëmarrjen.

Sëmundjet E Tjera Të Rrugëve Të Frymëmarrjes

Eukalipti mund të shërojë të ftohurën, të luftojë simptomat e gripit apo azmës.

Ai është efikas kundër bronshitit, pneumonisë, tuberkulozit dhe sinozitit.

 

Terapia E Aromave 

Eukalipti dhe vaji esencial i tij mbron shëndetin e sistemit të frymëmarrjes edhe falë aromës qetësuese.

Për më tepër, aroma që lëshon vaji esencial ka aftësinë pastruese të ajrit.

Nëse nuk arrini të gjeni vajin esencial të eukaliptit, ju mund të shfrytëzoni mirësinë e tij nëpërmjet çajit.

Si Të Përgatisni Çajin E  Eukaliptit

Në një filxhan qelqi hidhni gjysëm luge çaji me gjethe të thata eukalpiti.

Më pas shtoni një filxhan me ujë të valuar.

Mbulojeni filxhanin me kapak për 10 minuta, kullojeni dhe shtoni mjaltë.

Pini 2-3 filxhanë në ditë për të marrë përfitimet maksimale./AgroWeb.org

Si të Përdorni Xhenxheflin Kundër Problemeve të Lëkurës

Përveç përdorimit në kuzhinë dhe të vlerave për shëndetin, xhenxhefili mund të shfrytëzohet edhe për bukurinë e lëkurës.

Xhenxhefili është një zhardhok i rëndësishëm për shëndetin e lëkurës.

Ky produkt organik mund të përdoret në shumë maska për fytyrën.

Ai përmban vajra esencialë, amino acide, vitaminat C, B1, B2, A dhe mineralet si kalçiumi, hekuri, magnezi, fosfor, kalium, sodium, zink e të tjerë.

 

Për fytyrat me yndyrë, xhenxhefili ndihmon në fshirjen e shkëlqimit të tepërt, pastrimin e poreve dhe largimin e puçrave.

Për fytyrat e ndjeshme, maska e mbron atë nga ndikimi i motit, largon skuqjet dhe i jep asaj shkëlqim dhe freski.

Për fytyrat normale dhe të thata, maska me xhenxhefil e gjallëron lëkurën dhe i jep asaj freski.

Maska Kundër Akneve

Grijeni xhenxhefilin dhe përdorni një lugë gjelle me grimca të vogla.

Lërini ato në në një sasi prej 250 ml ujë. Më pas lyejeni fytyrën me pambuk dhe mbajeni gjatë gjithë natës.

Maskë Me Xhenxhefil Dhe Vaj Ulliri

Përzieni një lugë gjelle me xhenxhefil të grirë me një lugë gjelle me vaj ulliri.

Vendoseni maskën dhe mbajeni për 20 minuta e më pas shpërlajeni me ujë të ngrohtë.

Kjo maskë mund të aplikohet deri në 2 herë në javë dhe është e përshtatshme për të gjitha lëkurat.

Xhenxhefil Dhe Mjaltë Kundër Rrudhave

Përzieni 40 gramë mjaltë me një majë luge çaji xhenxhefil pluhur.

Pasi t’i keni përzier mirë, vendoseni maskën në fytyrë dhe qafë dhe mbajeni për 15 minuta.

Më pas, lajeni fytyrën me ujë të ftohtë.

Kjo maskë përmirëson qarkullimin e gjakut dhe zbut rrudhat.

Ajo mund të aplikohet dy herë në javë.

Xhenxhefil Me Limon Dhe Kos

Përzieni 20 gramë xhenxhefil të grirë, 15 ml lëng të freskët limoni, një lugë çaji me vaj ullirir dhe 10 mililitra kos.

Më pas, maskën vendoseni në fytyrë dhe në qafë dhe mbajeni për 10 minuta.

Lajeni me ujë të ngrohtë.

Maskat me xhenxhefil janë shumë të mira veçanërisht kundër akneve.

Ndjesia që merrni është ajo e një fytyrë të pastër, elastike dhe të freskët.

Kujdes

Xhenxhefili mund të jetë irritues për disa lëkura dhe mund të shkaktojë ndjeshmëri ndaj dritës së diellit.

Ai mund të shkaktojë reagime alergjike.

Xhenxhefili është shumë i fuqishëm. Nëse përdorni xhenxhefil pluhur rekomandohet të përdorni një majë luge për çdo lugë gjelle me xhenxhefil të freskët. /AgroWeb.org

Luleakulli – Bima që Ndihmon Organizmin të Jetojë Gjatë

Në latinisht, emri i luleakullit është ‘sempervivum’ dhe përkthehet ‘ jeto përgjithmonë,’ duke rrëfyer kështu vetitë e mrekullueshme të saj.

Luleakulli përdoret shpesh në mjekësinë popullore për shkak të aftësive luftuese kundër inflamacionit dhe nxitëse të urinimit.

Luleakulli përmban taninë, vajra esencialë, acid malik, rrëshirë, acid methanoik e të tjerë.

Shumë studime kanë konfirmuar se luleakulli përmban flavonoidë dhe karbohidrate. Luleakulli mund të përdoret në formën e lëngut, yndyrës dhe çajit.

Në formën e çajit, kjo bimë e njohur përdoret për të trajtuar lëndimet, çarjet e lëkurës, ulçerën, hemoroidet, parazitët në zorë, acarimet e fytit apo diabetin.

Në artikullin e mëposhtëm të AgroWeb.org do të zbuloni se si të përgatisni çajin e luleakullit.

Përbërësit për trajtimin e dhimbjeve

  • 200 mililitra ujë të nxehtë
  • 2 gjethe të luleakullit të grira hollë.

Përgatitja:

Hidhini gjethet në një çajnik dhe hidhni sipër tyre ujin e nxehtë. Lërini të qëndrojnë për 2 orë dhe më pas kullojeni lëngun.

Pini çerek filxhani përpara çdo vakti 3 deri në 4 herë në ditë.

Ky çaj është i dobishëm kundër diaresë, dhimbjeve të barkut dhe dhimbjeve të veshit.

Nëse vuani nga diabeti, konsumoni çdo mëngjes një gjethe të freskët të luleakullit.

Përbërësit për kurën që pastron organizmin

  • 500 gramë luleakulli
  • 1kg mjaltë

Gjethet e luleakullit duhet t’i copëtoni dhe t’i shtypni me dorë në një enë të thellë. Shtoni mjaltin dhe përziejini të gjithë përbërësit. Lërini të qëndrojnë në një vend të ngrohtë për 7 ditë.

Më pas, konsumoni një lugë gjelle çdo mëngjes me stomakun bosh dhe hani ushqim vetëm pas dy orësh.

Kjo kurë natyrale pastron organizmin nga toksinat dhe përshpejton metabolizmin.

Luleakulli kundër hemorroideve

  • 300 gramë gjethe luleakulli të shtypura fort,
  • 750 gramë mjaltë lulesh
  • 1 limon

Vendoseni limonin e qëruar në ujë dhe shtoni një lugë çaji me sodë buke. Lërini për një orë dhe më pas lajeni limonin dhe prijeni në feta.

Këto të fundit së bashku me gjethet e luleakullit duhen grirë së bashku dhe më pas tuli i formuar duhet kulluar nëpërmjet një nape. Lëngu dhe mjalti duhen përzier me një lugë druri.

E gjithë masa e krijuar duhet mbajtur në frigorifer. Çdo mëngjes përpara ngrënies duhet të konsumoni një lugë çaji. Kura duhet ndjekur me përpikmëri për një muaj e gjysëm./AgroWeb.org

Si të Jetoni Shëndetëshëm në 8 Hapa të Thjeshtë

Ruajtja e shëndetit është një punë që zgjat gjithë jetën.

Ekspertët e AgroWeb.org rekomandojnë që secili prej nesh mund të ndërmarrë disa hapa të vegjël çdo ditë për t’u ndjerë më mirë dhe për të shmangur shumë probleme shëndetsore.

Janë identifikuar 8 hapat kryesorë prej të cilave njerëzit e shëndetshëm nuk heqin kurrë dorë.

1. Flini në orën 22:00

Nëse nuk flini mjaftueshëm, shëndeti do të vuajë. Mungesa e gjumit ka pasoja serioze në shëndetin kardiovaskular. Një tjetër aspekt i rëndësishëm është që të bëni 7-8 orë gjumë në ditë.

Ekspertët rekomandojnë që koha më e mirë për të rënë në gjumë është ora 22:00. Fjetja në orën e duhur ndihmon në procesin e shërimit, imunitetin, lufton radikalet e lira dhe inflamacionin.

2. Merrni frymë thellë

Meditimi ose frymëmarrja e thellë, larg shpërqendrimeve të teknologjisë ju vjen shumë në ndihmë. Merrni frymë thellë që të pakësoni stresin, ankthin, të rregulloni nivelin e sheqerit në gjak dhe të ndihmoni sistemin imunitar.

Përpiquni ta përvetësoni këtë traditë, mbyllni sytë dhe merrni frymë thellë për të paktën 10 minuta në ditë nga ora 13 deri në orën 15:00.

3. Lidhjet shpirtërore

Njerëzit që kanë marrëdhënie të shëndosha me të tjerët jetojnë më gjatë, janë më të lumtur dhe më të shëndetshëm. Një studim tregoi se të pasurit një jetë të pasur shoqërore ka të njëjtën ndikim tek njeriu si lënia e duhanit.

Kaloni më shumë kohë me miqtë dhe familjen dhe stresi do t’ju qëndrojë larg.

4. Hani arra

Ekspertët e AgroWeb.org thonë se një grusht me arrorë në ditë ul ndjeshëm rrezikun e vdekjeve nga sëmundjet kardiovaskulare.

Arrorët janë shumë të mirë për mbajtjen e peshës nën kontroll, mbrojtjen e syve, shëndetit të trurit dhe metabolizmin. Arrorët janë plot me ushqyes të rëndësishëm, yndyrna të shëndetshme, vitamina, minerale dhe substanca kundër inflamacionit.

5. Mos rrini shumë ulur

Aktiviteti fizik është i rëndësishëm për shëndetin, por të shkuarit në palestër nuk mjafton nëse ju kaloni gjithë ditën ulur në zyrë. Nëse keni një punë të tillë që ju mban ulur për shumë kohë, atëherë po i bëni shumë dëm trupit.

Sigurohuni të jeni herë pas here në lëvizje për 2 ose 3 minuta çdo orë. Shtendosuni dhe lëvizni çdo orë që të shmangni efektet negative.

6. Qeshni

Kur qeshni me shpirt, shpenzoni kalori por edhe ndiheni të lumtur. E qeshura largon stresin dhe çliron endorfinë. Një studim i vitit 2014, zbuloi se të moshuarit që shikonin video humori kishin më pak hormone stresi dhe kujtesë më të mirë.

7. Gatuani

Mos porosisni jashtë, por gatuani në shtëpi. Do të keni mundësi të ruani peshën dhe të shmangni sëmundje kronike. Në shtëpi mund të hani më shumë fruta dhe perime dhe të mbani nën kontroll racionet.

Në këtë mënyrë ju do të ulni rrezikun e shfaqjes së sëmundjeve si kanceri, problemet me zemrën, diabeti  i tipit 2, tensioni i lartë i gjakut etj.

Kur ndiheni sikur puna dhe jeta po ju vënë përfund, mendoni për gatimet, planifikoni, zgjidhni në mendjen tuaj ushqimet që dëshironi dhe do të ndiheni më mirë.

8. Dilni në natyrë

Shëtitjet në natyrë ju furnizojnë me vitaminë D, thelbësore për shëndetin e kockave dhe dhëmbëve. Një studim i vitit 2015 zbuloi se njerëzit që ecin më shumë në natyrë kanë më pak mendime negative.

Për më tepër, ecja në natyrë ul aktivitetin në zonën e trurit që ka lidhje me rrezikun e sëmundjeve mendore, shumë më tepër se ecja në një rrugë të mbushur me njerëz. Dilni jashtë shtëpisë. Do të ndiheni me mirë dhe më të qetë./AgroWeb.org

Në Mëngjes apo Në Mbrëmje Kur Duhet të Dilni për Vrap

Me kalimin e viteve metabolizmi ngadalësohet dhe përpjekjet për të qëndruar në formë bëhen gjithnjë e më të vështira. Por këto përpjekje kanë nevojë për një aleat, dhe ajo është koha.

Gjatë ditës, ka momente kur ndiheni plot energji, dhe ka çaste të tjera kur ndiheni të këputur. Edhe nëse ndiheni “buf nate” ose preferoni të zgjoheni herët, vrapi është një aktivitet i cili mund t’ju japë një sërë përfitimesh.

Arsyet për të vrapuar janë të ndryshme, duke nisur nga rënia në peshë, mirëqenia fizike dhe mendore. Cilado qoftë arsyeja përse dëshironi të vraponi, çelësi i suksesit është vazhdimësia.

Është e rëndësishme të zgjidhni kohën e duhur dhe bindjuni verbërisht këtij plani.

Cila është periudha më e mirë për të bërë vrap?

Avantazhet e vrapit të mëngjesit:

E mira e të vrapuarit në mëngjes është që mund të përfundosh së vrapuari dhe më pas të vazhdosh me programin e ditës. Kjo do t’ju bëjë të ndjeheni mirë për faktin që keni mbaruar së ushtruari dhe keni përfituar energji dhe të mira për trupin.

Së dyti, mëngjesi mund të jetë e vetmja kohë e ditës kur mund t’ia lejosh vetes këtë aktivitet të rëndësishëm fizik.

Së treti, endorfina dhe adrenalina që vërshojnë në organizëm pas vrapit janë gjallëruese për organizmin. Çlirimi i tyre rikthen humorin dhe janë përcaktuese për vazhdimësinë e mirë të ditës. Një vrap në mëngjes nuk të bën dëm, përkundrazi përbën një fillim të mirë të ditës.

Disavantazhet e vrapit të mëngjesit :

Pas vrapit, ndoshta mund të ndiheni të lodhur, të përgjumur dhe të shkëputur nga aktivitetet e tjera të planifikuara gjatë ditës.

Për të vrapuar duhet të zgjoheni herët në mëngjes që t’i vendosni gjërat në vijë. Por nëse jeni nga ata tipat që flenë natën vonë, atëherë ky zgjim do të jetë thuajse i pamundur për ju.

Të paktë janë ata që u pëlqen të hanë herët në mëngjes, por vrapi kërkon energji dhe energjia merret nëpërmjet ushqimit. Mungesa e saj ndikon në intensitetin e këtij aktiviteti fizik.

Avantazhet e të vrapuarit në mbrëmje:

Nëse vraponi në mbrëmje ose pasdite, do të thotë se nuk keni bërë kompromise me gjumin.

Me siguri keni ngrënë të paktën 2 ose 3 vakte kryesore dhe 1 ose 2 vakte të ndërmjetme dhe jeni furnizuar me energji të nevojshme për një vrap të plotë.

Keni qenë në lëvizje gjatë gjithë ditës, ndaj trupi është i ngrohtë, aktiv dhe fleksibël. Në këtë mënyrë mënjanoni rrezikun e lëndimeve, kontraktimeve ose tërheqjeve muskulare dhe dhimbjeve shoqëruese.

Disavantazhet e të vrapuarit në mbrëmje:

Aktivitetet që përfshijnë familjen ose punën mund të mos jua mundësojnë vrapin në mbrëmje. Kur punoni deri vonë, ose duhet të kujdeseni për familjen, vrapi është gjëja e fundit që dëshironi të bëni. Me kalimin e orëve, bie gjallëria dhe motivimi dhe shtrati është i vetmi, thirrjen e të cilit e dëgjoni qartë dhe fort.

Në varësi të profesionit, lodhja në fund të ditës është shumë e madhe dhe aftësia fizike shumë e ulët.

Nëse nuk ju pëlqejnë makineritë e vrapit, vrapi gjatë mbrëmjes është një aktivitet fizik sfidues. Mund të detyroheni të vraponi në rrugë të pandriçuara mirë ose në rastin më të keq, me puseta të hapura./AgroWeb.org

Çaji i Jaseminës – Vlerat Fanastike Për Një Gjumë Të Qetë

Përdorimet terapeutike të çajit të jaseminës gjallërojnë trupin dhe mendjen.

Çaji në fjalë ka një aromë, shije dhe vlera fantastike që duhen shfrytëzuar rregullisht.

Sipas të dhënave të AgroWeb.org, çaji i jaseminës përmban antioksidantë të fuqishëm që e ushqejnë trupin dhe mirëmbajnë lëkurën.

Më poshtë do të mund të mësoni disa prej vlerave më të rëndësishme të çajit të jaseminës.

Për Një Gjumë Të Qetë

Njerëzit që kanë probleme me gjumin duhet të pinë çaj jasemine në mënyrë të rregullt.

Ky çaj qetëson nervat dhe ju ndihmon të bëni një gjumë të qetë.

Kundër Stresit

Çaji i jaseminës është shumë qetësues ndaj duhet pirë rregullisht në situata stresuese apo ankthi.

Nëse vuani nga depresioni, dhimbjet e kokës apo tensioni, jeni akoma në kohë për të pirë çajin çdo ditë.

Shëndeti Mendor

Çaji i jaseminës përmirëson vigjilencën dhe gjallërinë mendore.

Konsumi i rregullit i këtij çajit përmirëson funksionet e trurit.

Qetësi për Shpirtin

Studimet kanë treguar se aroma e këndshme e jaseminës përmirëson humorin, qetëson shpirtin dhe ul rrahjet e zemrës.

Ky çaj qetëson trupin, mendjen dhe shpirtin, thonë studimet.

Kundër Baktereve

Përbërësit e këtij çaji janë shumë efikasë kundër infeksioneve bakteriale dhe virozave.

Ato janë efikasë edhe në mbrojtjen e lëkurës nga dëmtimet e ndryshme.

Kundër Mbipeshës

Çaji i jaseminës është perfekt për tu përfshirë në një regjim të shëndetshëm ushqimor.

Duke qenë se ai është i pasur me antioksidantë, ky çaj ndihmon në humbjen e kilogramëve të tepërt.

Përmirëson Metabolizmin

Çaji i jaseminës përmban shumë antioksidantë të cilët kanë aftësinë të përmirësojnë metabolizmin në organizëm.

Me një metabolizëm të shpejtë, shanset për mbipeshë pakësohen.

Ky çaj rekomandohet të pihet rregullisht nga njerëzit e rrezikuar nga mbipesha.

Përmirëson Imunitetin.

Çaji i jaseminës përmirëson funksionet e imunitetit në trup.

Ai lufton bakteret dhe është efikas kundër të ftohurës dhe gripit./AgroWeb.org

Shurupi i Xhenxhefilit – Si ta Përgatisni Për Të Trajtuar Kollën

Shurupi i xhenxhefilit mund të përgatitet mjaft lehtë dhe të befason me shijen e mirë.

Xhenxhefili është ndoshta një nga erëzat më të përdorura në botë sepse gjallëron çdo pjatë apo gatim.

Shija e tij zbut edhe njerëzit më tekanjozë me ushqimin.

Xhenxhefili është një nga erëzat më të njohura. Është i mbushur me ushqyes dhe përbërës bioaktivë që i japin organizmit shëndet të mirë.

Kjo bimë është përdorur prej më shumë se 2000 vitesh si një instrument i rëndësishëm në mjekësinë popullore të shumë qytetërimeve.

Xhenxhefili forcon shëndetin e kockave dhe zbut dhimbjet e kyçeve.

Por studimet ku bazohet AgroWeb.org, kanë treguar se xhenxhefili dhe shurupi i tij është shumë më efikas se antibiotikët kundër infeksioneve  të stafilokokut.

Shurupi i xhenxhefilit është rekomanduar kundër sëmundjeve dhe infeksioneve të çdo grupmoshe.

Ai ka një efekt qetësues ndaj simptomave dhe kundërpërgjigjeve emergjente të trupit ndaj qelizave të dëmtuara në organizëm.

Qelizat e bardha kanë një rol rregullator dhe mbrojtës, ndërkohë që xhenxhefili shërben si pengesë kundër lipideve që nxisin ethet, dhimbjet e kokës dhe kontraktimet muskulare.

Shurupi i xhenxhefilit është efikas për tretjen dhe kundër të vjellave, por lufton edhe inflamacionin, kontraktimet muskulare e të tjerë. Ai stimulon qarkullimin e gjakut dhe oreksin.

Receta e shurupit që sugjerohet nga ekspertët e AgroWeb.org shërben si një kurë ideale kundër të vjellave, dhimbjeve të stomakut, të ftohtit, kollës dhe shumë më tepër.

Përbërësit

225 gramë xhenxhefil të freskët ose 2 zhardhokë të gjatë rreth 25 centimetra.

1 filxhan me sheqer

2 gota me ujë

1 filxhan me mjaltë

Udhëzimet

Qërojeni xhenxhefilin dhe ndajeni në forma të holla rrethore. Ziejeni ujin bashkë me sheqerin në një tenxhere.

Më pas shtoni fetat e xhenxhefilit dhe lërini të ziejnë sërish. Hiqeni nga zjarri dhe lëreni lëngun të ftohet për 30 minuta.

Shurupin kullojeni duke përdorur një napë. Shtrydhni edhe masën e zjerë të xhenxhefilit dhe më pas hidheni.

Shurupin hidheni në një shishe të mbyllur hermetikisht dhe mbajeni në frigorifer.

Shurupin mund ta konsumoni duke e shtuar në lëngje frutash, qumësht, çaj, akullore, panine, tërshërë, sallata ose fruta./AgroWeb.org

Mënyra më e Shpejtë e Përgatitjes së Vajit të Sherebelës në Shtëpi

Ekspertët e bimëve mjekësore, betohen për vajin esencial të sherebelës dhe aftësitë kuruese e shëruese të tij kundër mykut, mikrobeve, inflamacionit dhe baktereve.

Ai luan një rol të rëndësishëm në mbrojtjen e lëkurës, pastrimin e saj, heqjen e njollave, tretjen, stimulimin e ciklit tek femrat dhe uljen e temperaturës.

Ndiqni këshillat e AgroWeb.org dhe mësoni si të bëni vajin e sherebelës në kushtet e shtëpisë.

Përbërësit

2 filxhanë me vaj ulliri

2 filxhanë me gjethe sherebele

Një kavanoz të madh qelqi me kapak

Shishe vaji

30 kokrra piperi

Përgatitja e Vajit të Sherebelës

Lajini dhe thajini gjethet e sherebelës dhe futini në kavanozin e qelqit. Shtoni 20 kokrra të grira të piperit të zi. Hidhni sipër tyre vajin e ngrohtë dhe mbulojini gjethet mjaftueshëm.

Shtypini me një lugë druri deri sa të jeni mbuluar me vajin që keni përzgjedhur. Lëreni vajin të ftohet dhe më pas mbylleni kapakun e kavanozit.

Vendoseni kavanozin në një vend të errët e të freskët për 2 deri në 3 javë.

Kontrollojeni aromën e vajit është është e ndezur mjaftueshëm për shijet tuaja. Tre javë është maksimumi i ruajtjes së kavanozit me vajin e sherebelës në një vend të errët dhe të ftohtë.

Gjatë kësaj periudhe duhet ta tundni kavanozin tre ose katër herë në javë për të përmirësuar procesin e tretjes.

Pas 2 ose 3 javësh, kullojeni vajin dhe vendoseni në enën përfundimtare duke shtuar 10 kokrrat e mbetura të piperit të zi.

Vlerat shëndetsore të vajit të sherebelës

Përveç rolit që luan në kozmetikë, ky vaj i jashtëzakonshëm ka vlera të tjera shëndetsore të pakrahasueshme të cilat i gjeni të renditura më poshtë.

Lufton mykun, mikrobet dhe bakteret

Ky vaj ka aftësinë të luftojë mykun, bakteret dhe mikrobet nga organizmi. Ai është efikas kundër një sërë infeksioneve të lëkurës, plagëve, ose të çarave që shkaktohen nga infeksione të rrezikshme.

Antioksidantët

Vaji esencial përdoret gjërësisht në trajtimet e lëkurës kundër plakjes.

Ai është i pasur me antioksidantë të cilët luftojnë radikalet e lira në organizëm të cilët shkaktojnë edhe plakjen e parakohshme.

Kundër inflamacionit

Vaji i sherebelës lufton inflamacionin në lëkurë, inflamacionin e shkaktuar prej etheve dhe largon toksinat që futen në gjak.

Ndihmon me tretjen

Vaji i sherebelës lehtëson stomakun dhe përmirëson funksionet e të gjithë sistemit tretës kundër inflamacionit të shkaktuar nga aciditeti i tepërt.

Kundër njollave në lëkurë

Vaji esencial i sherebelës përdoret për eliminimin e njollave, strijave apo shenjave të shkaktuara nga lija, apo pezmatimi i lëkurës.

Ka efekt pastrues

Vaji esencial i sherebelës përshpejton largimin e toksinave nga gjaku nëpërmjet djersitjes dhe pastron gjakun duke shërbyer kështu si një pastrues efikas i organizmit.

Luan rol disinfektues

Vaji i sherebelës luan rol të fortë kundër mykut, baktereve dhe mikrobeve duke u transformuar në një disinfektues natyral që mbron trupin e njeriut nga infeksionet që i kanosen jashtë dhe brenda./AgroWeb.org

Pesë Ushqimet e Mbrëmjes Që Ndihmojnë Të Humbisni Peshë

Gjumi është shumë i rëndësishëm për mbarëvajtjen e organeve dhe të gjithë organizmit.

Ai është i lidhur ngushtë jo vetëm me shëndetin mendor por edhe me mbipeshën dhe rënien prej saj.

Ndërprerja e tij ose cilësia e dobët e gjumit është faktor i rëndësishëm në shtimin në peshë.

Ekspertët rekomandojnë që njerëzit që përkujdesen për shëndetin duhet të jenë të vëmendshëm ndaj ushqimeve që konsumojnë përpara se të shkojnë për të fjetur.

Ndërkohë sipas tyre, ka disa ushqyes që ju ndihmojnë të eliminoni yndyrnat dhe të përmirësoni nivelin e sheqerit në gjak.

AgroWeb.org ju rekomandon pesë pijet dhe ushqimet e duhura që mund të konsumoni përpara se të flini:

Qumështi dhe Kosi 

Qumështi përmban triptofan dhe kalçium të cilat ju ndihmojnë të bëni një gjumë të qetë.

Një gjumë i tillë pakëson oreksin e tepërt të nesërmen.

Qumështi përmban edhe proteina që janë të ngadalëta në tretje.

Këto proteina ju ndihmojnë të krijoni masë muskulare ndërkohë që jeni në gjumë.

Kosi është një produkt mirëbërës për të rritur dhe për fëmijë.

Ai prodhohet nga fermentimi i qumështit dhe është i pasur me proteina, kalçium, vitaminë B6, B12 dhe probiotikë.

Lëngu i rrushit

Përmban karbohidrate të thjeshta të cilat nxisin sekretimin e insulinës ndërkohë që jeni në gjumë.

Ky lëng gjithashtu rregullon orën biologjike të trupit ndërkohë që antioksidantët eliminojnë yndyrnat.

Çaji Kamomil

Çaji kamomil luan rolin e qetësuesit natyral.

Ky çaj gjithashtu është i lidhur fort me përmirësimin e kontrollit mbi glukozën dhe rënien në peshë.

Kefiri

Kefiri është i pasur me probiotikë të cilët mirëmbajnë nivelet e shëndetshme të baktereve.

Probiotikët përmirësojnë gjithashtu përthithjen e vitaminave dhe mineraleve.

Sipas të dhënave të AgroWeb.org ky lëng është shumë i pasur me probiotikë dhe i dobishëm për stomakun.

Ky produkt në të vërtetë ka më shumë probiotikë se kosi.

Probiotikët janë baktere të mira që e mbajnë stomakun të shëndetshëm.

Bakteret e mira nuk duhen nënvlerësuar sepse 75% e sistemit imunitar të njeriut e ka pikënisjen tek sistemi tretës.

Ujë me limon jeshil, mente dhe fruta

Nëse gjatë natës ju duket sikur jeni të uritur, pini një gotë me ujë me limon jeshil, mente dhe fruta.

Në këtë mënyrë do të merrni ushqyes të dobishëm dhe nuk do ta teproni me ushqimin.

Gjithashtu AgroWeb.org ju këshillon se një zgjedhje e duhur është edhe konsumimi i kastravecit në mbrëmje sepse ndihmon për tretjen dhe falë përmbajtjes së fibrave ndihmon të japë ndijesinë e ngopjes për më gjatë./AgroWeb.org

Reçeli i Konkave të Pishës, Ëmbëlsia Kuruese për Shëndetin

Reçeli i pishës është special, i njëtrajtshëm, tejet aromatik dhe i shijshëm. Ai është jashtëzakonisht i dobishëm për sëmundjet e frymëmarrjes.

Reçeli i pishës konsiderohet si një ëmbëlsirë delikate dhe e veçantë.

Rrjedhimisht kushton shtrenjtë sidomos në Europë dhe shitet vetëm në zona turistike ekskluzive.

Por ky informacion nuk duhet t’ju ndalojë që ta përgatisni atë në shtëpi.

Reçeli me aftësi kuruese përdoret dhe rekomandohet kundër kollës.

Konet e pishës duhen kontrolluar nëse janë të përshtatshme për t’u gatuar. Për ta bërë këtë, shpojini lehtë me majën e thikës.

Konet e gjelbra me përmasa nga një deri në 5 centimetra janë të përshtatshme për reçel në kushtet e shtëpisë.

Përbërësit e nevojshëm:

1 kg kone pishe të njoma

1 litër ujë

1 kg sheqer

Udhëzimet

Për përgatitjen e reçelit është e domosdoshme që të mblidhni konet e buta e të gjelbra të një peme të shëndetshme. Ato duhen pastruar nga halat me kujdes.

Më pas duhen larë me ujë të bollshëm dhe duhen mbuluar me ujë në një enë të madhe.

Lërini të qëndrojnë në ujë për gjatë gjithë natës. Të nesërmen, përzierjen me gjysmën e koneve bashkojeni me sheqerin dhe vendoseni në një tenxhere. Lërini të ziejnë së bashku.

Pasi të jetë formuar shurupi i sheqerit, shtoni të gjitha konet e pishës. Gjatë zierjes, konet do të ndryshojnë ngjyrë menjëherë. Uleni temperaturën dhe lëreni zierjen të vazhdojë për një orë e gjysëm.

Nëse gjatë kësaj kohe, vëreni formimin e shkumës, uleni zjarrin në nivel minimal. Reçeli është bërë kur konet të jenë të buta dhe të përtypshme.

Reçeli i duhur do të ketë një nuancë mes të kuqes dhe kafes.

Pas zierjes, lëngu duhet lejuar të ftohet dhe më pas të hidhet në kavanozë. Ruajini ato në një vend të errët dhe të freskët./AgroWeb.org

Çaji i Gjetheve të Mështeknës Për Pastrimin e Gjakut dhe Imunitet të Fortë

Mështekna, pema e mirë dhe popullore e maleve të Shqipërisë ka dhënë gjithnjë rezultate pozitive në mjekësinë popullore.

Mështekna konsiderohet si një nga llojet më të lashta të pemëve në botë.

Kjo pemë rritet shpejt dhe në vende ku asnjë bimë ose pemë tjetër nuk reziston dot.

Mështekna në fakt është përdorur edhe për të pastruar tokën e ndotur dhe për ta gjallëruar atë. Aftësitë pastruese të mështeknës janë tregues të natyrës mirëbërëse të saj.

Çaji i bërë prej gjetheve të mështeknës ka aftësinë të pastrojë dhe t’i japë organizmit shëndet të mirë.

Ky çaj është fantastik për shëndetin e lëkurës, kundër inflamacionit dhe për shëndetin e sistemit imunitar.

Imunitet të fortë

Çaji i gjetheve të mështeknës lufton bakteret, virozat dhe parazitët, rrjedhimisht duke e ndihmuar organizmin të rimëkëmbet shpejt.

Ky çaj ul temperaturën. Ai përmban vitaminë C, një ushqyes i rëndësishëm për një sistem imunitar të fortë.

Tretje më të mirë

Çaji i gjetheve të mështeknës përmirëson tretjen dhe këshillohet kundër diaresë dhe dhimbjeve abdominale.

Ai njihet si toniku i tretjes dhe arrin të balancojë funksionet e tretjes.

Ky tonik ka edhe një ndikim laksativ dhe ndihmon lëvizjen normale të zorrëve.

Kundër dhimbjeve të gjymtyrëve

Ky çaj rekomandohet kundër dhimbjeve të gjymtyrëve.

Ai lufton inflamacionin dhe enjtjen e kyçeve.

Ky çaj përmban salicilat, një substancë natyrale kundër dhimbjeve.

Për veshkat dhe fshikëzën

Çaji i gjetheve të mështeknës përbën një kurë ideale për shëndetin e veshkave dhe fshikëzës.

Duke nxitur urinimin, çaji ndihmon në largimin e toksinave dhe lëngjeve të tepërta nga organizmi. Kjo veti është e dobishme për të parandaluar rrezikun e shfaqjes së gurëve në veshka.

Pastrimi i gjakut

Çaji përmirëson shëndetin e veshkave dhe pastron gjakun duke larguar papastërtitë prej tij. Në këtë mënyrë, çaji është i dobishëm për të luftuar disa çrregullime të gjakut.

Përgatitja e çajit të gjetheve të mështeknës

1. Merrni një grusht me gjethe të freskëta ose të thata. Periudha më e mirë për mbledhjen e tyre është mesi i verës ose mesi i Qershorit.

2. Zieni ujin në një çajnik dhe shtoni gjethet. Ziejini për pesë minuta.

3. Doza maksimale është tre filxhanë në ditë për 2 javë./AgroWeb.org

Mjalti i Maresë – Produkti Me Shijen e Veçantë Nga Shqipëria

Mjalti i Maresë është konsideruar prej shekujsh si Magjistari i Shëndetit të Mirë. Ky lloj mjalti është unik dhe gjendet më shumë vështirësi.

Mjalti me veti të veçanta mjekësore vjen nga vetëm katër vende të botës siç janë; jugu i Portugalisë, Sardenja, Shqipëria dhe Greqia.

Shija e tij është një përzierje e pazakontë e të hidhurës dhe të ëmblës të cilën e zbulon shtresë pas shtrese.

Ky tipar e bën këtë mjaltë jo të përshtatshëm për të gjithë. Ata që e preferojnë mjaltin e maresë mund të konsiderohen si tipa aventurierë, sepse shija i përngjan karamelit të hidhur.

Në Shqipëri, përgatitja e këtij mjalti është traditë shumë vjeçare e Përmetit, por jo ekskluzivitet i tij. Mareja rritet në shumë zona të Shqipërisë, kryesisht në ato të jugut.

Marea është një pemë mesdhetare që çel fruta dhe lule të vogla. Frutat ngjajnë me luleshtrydhet.

Mjalti i maresë mund të dallohet lehtësisht nga produktet e tjera së pari nga shija e hidhur dhe ngjyra bezhë.

Ky mjaltë prodhohet kryesisht nga mesi i Tetorit deri në mes të Nëntorit.

Pasi bletët prodhojnë këtë mjaltë, ai mblidhet nga hojet dhe vendoset nëpër kavanozë për një ruajtje afatgjatë.

Mjalti i maresë është prodhuar prej brezash të tërë në Shqipëri dhe është i famshëm për vlerat kuruese dhe ushqyese.

Zona e Përmetit është një ndër të paktat në Shqipëri dhe Evropë ku mareja rritet e patrazuar nëpër pyje e lëndina, dhe kjo është arsyeja përse kjo zonë siguron prodhimtari të lartë të këtij mjalti.

Por për fat të keq, migrimi urban i ditëve të sotme ka pakësuar ndjeshëm numrin e bletarëve të angazhuar në këtë aktivitet të rëndësishëm.

Mjalti i maresë prodhohet në zonat e ndërmjetme mes fshatrave të Carvovës dhe Pagrit në jug të Shqipërisë.

Atë mund ta gjeni në shitje në sasi të vogla, duke qenë se shumica e prodhojnë për përdorim shtëpiak.

Vlerat mjekësore dhe antioksidantët

Mjalti i Maresë vlerësohet për përfitimet mjekësore që ofron.

Ai është mjaft i pasur me antioksidantë dhe shija është e mrekullueshme për njerëzit që kanë guxim.

Çuditërisht ky mjaltë është i hidhur dhe i ëmbël, një përzierje që sfidon qiellzën por pasuron shijet dhe shëndetin.

Aroma e mjaltit është e thellë dhe intense. Por si çdo gjë e mirë, edhe ky mjaltë kërkon kohë për t’u shijuar dhe vlerësuar.

Ai është si një dhuratë e mbështjellë me disa shtresa që kërkon kohë, mund dhe dëshirë për t’u zbuluar.

Mjalti i Maresë përmban acid homogentistik, një acid i fuqishëm fenolik.

Antioksidantët dhe substancat anti-bakteriale të këtij mjalti e bëjnë atë të jashtëzakonshëm dhe më të fuqishmin kundër baktereve në botë. Ai është më i pasur me antioksidantë se çdo mjaltë tjetër.

Ky mjaltë nuk rrit nivelin e sheqerit në gjak dhe përdoret edhe nga pacientët që vuajnë nga diabeti.

Ai lavdërohet gjithashtu edhe për shëndetin e mushkërive./AgroWeb.org

Pesë Arsye Përse Nuk Duhet Ta Lini Mëngjesin Pa Ngrënë

Nëse mendoni të hiqni dorë nga mëngjesi për të rënë nga pesha, mendojeni mirë.

Ka patur plot artikuj ku argumentohet rëndësia e një mëngjesi të shëndetshëm për organizmin tonë.

Stomakut i duhet më shumë se sa një filxhan me kafe për të funksionuar siç duhet, e njëjta gjë edhe për organizmin.

AgroWeb.org ju ka listuar më poshtë  pesë arsye përse duhet të hani mëngjes çdo ditë.

Rregulloni peshën

Ekuilibroni peshën tuaj duke ngrenë mëngjesin e duhur.

Sipas të dhënave ku bazohet AgroWeb.org nëse ju konsumoni një numër të konsiderueshëm kalorish në mëngjes, arrini të ruani një peshë të shëndetshme.

Prandaj duhet të hani mëngjes të plotë dhe jo vetëm fruta.

Një zemër të shëndetshme

Mund të mos kesh dëshirë të hash mëngjes, por zemra juaj e kërkon.

Meshkujt që nuk konsumojnë mëngjesin sipas statistikave kanë një rrezik 27% më të lartë  për t’u prekur nga sëmundjet e zemrës.

Prandaj nëse doni që të keni një zemër të shëndetshme dhe një qarkullim të mirë të gjakut mos e lini pa ngrënë mëngjesin.

Lufton inflamacionin

Sipas një studimi nga Shoqëria Amerikane e Dietologëve, u vëzhgua se inflamacioni mund të parandalohej me ngrënien e mëngjesit.

Inflamacioni i lartë në organizëm shkakton dhe përkeqësim të metabolizmit si dhe rrezik ndaj diabetit.

Prandaj mbusheni pjatën tuaj në mëngjes me ushqime si vezët, spinaqi, domate, kos dhe mollë.

Merrni vitaminat që ju duhen

Personat që konsumojnë mëngjes çdo ditë arrijnë të plotësojnë që në orët e para nivelet e duhura të vitaminave që i duhen organizmit.

Ushqime të pasura me vitaminën D, B12 dhe A që janë vitale për mirëqenien e organizmit.

Mungesa e vitaminës D është lidhur me një probabilitet më të madh të prekjes nga diabeti apo sëmundjeve kardiovaskulare. Prandaj mbushni një gotë me lëng portokalli dhe hani mirë.

Më mirë për trurin tuaj

Trurit i duhen më shumë minuta për t’u kthjelluar se sa koha që shpenzoni për të fikur zilen e alarmit të mëngjesit.

Mëngjesi është ajo pjesë e regjimit ushqimor që ju jep energjinë e duhur që ju duhet përgjatë gjithë ditës.

Prandaj jepini furnizimin e duhur duke përgatitur mëngjese të plota duke kombinuar fruta dhe perime, por pa anashkaluar dhe proteinat apo bulmetin./AgroWeb.org

Një Gotë Me Lëng Shege – Për Shëndet, Fuqi Dhe Energji Menjëherë

Shega njihet si fruti i parajsës plot vlera fantastike dhe mbetet mbretëresha e sezonit.

Këtë e konfirmojnë shkencëtarët sipas të cilëve, burrat dhe gratë që pijnë një gotë me lëng shege çdo ditë për 2 javë, përjetojnë një rritje të hormoneve që nxisin energjinë dhe qarkullimin e vrullshëm të gjakut.

Një studim i Universitetit Queen Margaret të Edinburgut, të cilit i referohet AgroWeb.org, konfirmoi se lëngu i shegës funksionon si një pije energjike krejt natyrale.

Për të arritur në këtë konkluzion, shkencëtarët analizuan performancën dhe të dhënat e një grupi personash të moshave nga 21 deri në 64 vjeç.

Në fund të studimit, të gjithë pjesëmarrësit patën një rritje të ushqyesve që janë të dobishëm për balancimin e hormoneve, plus vitalitetin e përgjithshëm.

Përveç vetërregullimit hormonal, studimi rezultoi edhe në rritjen e humorit të mirë dhe energjisë së organizmit.

Shega dhe lëngu i saj bëjnë mrekulli për nivelet e hormoneve si testosteroni tek meshkujt dhe estrogjeni tek femrat.

Testosteroni ndihmon në përmirësimin e humorit dhe kujtesës, thanë studiuesit.

Pas pirjes dy javore të këtij lëngu, niveli i këtij hormoni rritej nga 16 deri në 30%. Pjesëmarrësit treguan se ishin në humor të mirë dhe ndjenjat e tyre negative ishin shuar.

Estrogjeni është një hormon shumë i nevojshëm në trupin e çdo gruaje për të qëndruar të forta, energjike dhe me një cikël të shëndetshëm.

Vlerat E Tjera Të Rëndësishme Të Lëngut Të Shegës

Sipas të dhënave të AgroWeb.org, studimet e mëparshme mbi rolin e lëngut të shegës, kanë veçuar rëndësinë e tij për shëndetin e zemrës dhe qarkullimin e gjakut.

Ky superfrut lufton disa forma të tumoreve, lehtëson simptomat e osteoartritit dhe kuron problemet me stomakun.

Ai është i pasur me shumë antioksidantë, vitamina dhe minerale të cilat përmirësojnë shëndetin e njeriut nga koka tek këmbët.

AgroWeb.org rekomandon pirjen e një gote 250 ml me lëng shege çdo ditë për të pasur përfitime afatgjata.

Sa Gota Me Lëng Shege Mund Të Pini Çdo Ditë

Deri më tani, ekspertët tregojnë se nuk nevojitet një dozë standarde ditore të lëngut të shegës.

Me përafërsi, një sasi prej 250 ml deri në 350 ml lëng shege në ditë, është jo vetëm e shëndetshme por edhe e sigurt.

Megjithatë, është shumë e rëndësishme të siguroheni që lëngu që po pini është 100% shegë e pastër dhe jo e gatshme me sheqerna të shtuara./AgroWeb.org

Burimi shkencor i informacionit gjendet në këtë link

Përse Duhet të Konsumoni sa më Shumë Mashurka të Verdha

mashurkat e verdha janë një ushqim fantastik dhe i pasur në vlera ushqimore.

Një racion me mashurka të verdha përmban 31 kalori dhe një sërë ushqyesish të dobishëm për shëndetin.

Karbohidrate dhe proteina

Pjesa më e madhe e kalorive të mashurkave të verdha vjen si pasojë e karbohidrateve.

Një racion mashurka ofron 7 gramë karbohidrate të plota dhe 3.4 gramë prej tyre vijnë nga fibra dietike.

Gjatë tretjes, shumica e karbohidrateve shpërbëhen në sheqerna dhe furnizojnë funksionet normale të organizmit.

Fibra tek mashurkat e verdha parandalon kostipacionin dhe rregullon nivelin e sheqernave në gjak.

Çdo racion i këtyre mashurkave ofron 2 gramë proteinë që forcon kockat dhe lëkurën.

Hekuri dhe Mangani

Mashurkat e verdha i bëjnë mirë shëndetit duke përforcuar nivelet e nevojshme të manganit dhe hekurit.

Të dyja këto minerale kanë aftësinë të aktivizojnë enzimat, përfsirë ato që janë të domosdoshme për të prodhuar energji dhe mbështetur metabolizmin.

Hekuri luan një rol thelbësor për funksionin e qelizave të kuqe të gjakut ndërkohë që manganic rregullon prodhimin e hormoneve dhe indeve lidhore.

Në një filxhan me mashurka të verdha do të gjeni 1.04 miligramë hekur dhe 0.21 miligramë mangan, duke plotësuar 13% të dozës së nevojshme ditore për hekur dhe 9 përqind të asaj për mangan për meshkujt.

E njëjta sasi plotëson 6 përqind të dozës ditore për hekur dhe 1 përqind të dozës ditore për mangan tek femrat.

Vitamina C

Mashurkat e verdha janë një burim i shkëlqyer i vitaminës C, një antioksidant i dobishëm për shëndetin e mirë.

Antioksidantët parandalojnë dëmin oksidues në qeliza dhe ADN. Mbrojtja e qelizave nga oksidimi, i mban ato të shëndetshme dhe parandalon zhvillimin e sëmundjeve të shumta.

Konsumi i vitaminës C ndihmon në shërimin e plagëve dhe forcon kockat.

Në një filxhan me mashurka të verdha do të gjeni 16.3 miligramë të vitaminës C, ose 18% të dozës së rekomanduar për meshkujt dhe 22% të dozës së rekomanduar për femrat.

Konsumoni më shumë mashurka

Mashurkat e verdha mund t’i kombinoni në sallata, me fasule, bizele, qiqrra, qepë dhe uthull balsami.

Ato mund t’i piqni me kungulleshkat dhe domatet e vogla duke shtuar hudhër.

Për më tepër, mund t’i kavërdisni me perime të tjera për më shumë proteina ose mund t’i konsumoni me panine të lyer me salca të ndryshme siç është humusi./AgroWeb.org

Jufkat e Dibrës – Historia e Recetës Mbi 500 Vjeçare, Trashëguar Brez pas Brezi

Jufkat e Dibrës janë të njohura kombëtarisht dhe ndërkombëtarisht.

Ciceroni i Muzeut të Kastriotëve në Dibër, Valdrin Vlesha tregon për AgroWeb.org historinë e krijimit të jufkave sipas dëshmive që ai ka mbledhur nga njerëz të ndryshëm të zonave të Dibrës së Madhe.

Sipas tij, Jufka daton të jetë një produkt ushqimor shekullor.

“Ky produkt është prodhim autokton i zonës së Dibrës së Madhe. Ka përbërje 100% organike me bazë miellin e grurit i bluar në mulli me ujë, vezën e pulës të rritur e të ushqyer në natyrë dhe qumësht lope të kullotur në bjeshkët e Dibrës.

Pas procesit të pergatitjes jufkat priten  me thikë sipas dëshirës por e mira është me një trashësi diku ke 1.5cm dhe lihen të gjata diku me një gjatësi që varion nga 10-15 cm” thotë Vlesha teksa tregon mbi mënyrën tradicionale të përgatitjes së jufkave.

Krijimi i Jufkave Në Mesin e Shek XIV

Sipas të dhënave të mbledhura nga Vlesha, mendohet që prodhimi i tyre ka filluar që në mesin e shekullit të XIV nga familjet ortodokse ne zonën e Rekës.

Dibra si një zonë malore dhe me një klimë relativisht të ftohtë dimri zgjat diku afërsisht 5-6 muaj, dhe për rrjedhojë përgatitjet për dimër fillojnë që ne vjeshtën e hershme.

“Nga takimi me Efiminë ( ortodokse) një zonjë nga Reka e Epërme tregon që jufka (petka) ka një legjendë interesante ku tregon që mielli i grurit simbolizon bardhësinë( zemërgjërsinë dhe mikpritjen e dibranëve), veza simbolizon bërthamën (familjen) , qumështi (begatinë)  është tretësi  dhe bën lidhjen.

Po të njëjtën histori e tregon dhe Dimitra banore po aty.  Pra nga historia e Efimisë dhe e Dimitrës janë dëshmi të rëndësishme që tregojnë se Jufka është ushqim i zonës së Dibrës”.

Zahireja Kryesore për Stinën e Dimrit

Ndërsa në Dibër të Madhe, Vlesha tregon se ka një histori tjetër që tregohet për jufkat.

Sipas Asimes një zonjë e vjetër që banon në Banisht në një fshat, pranë qytetit tregon që jufkat janë berë si rezultat pasi kanë proteina e vitamina që në dimër ky ushqim shërben për të na mbrojtur edhe nga i ftohti.

Asimja një grua me moshë diku tek të 60-tat tregon që jufka është një ndër zahiret më kryesore për stinën e dimrit ku përgatitet në kushte shtëpiake.

Ajo tregon se kur shkonte tek gjyshja e nënës së saj në kohën kur ishte fëmijë, gjyshja mbyllte me çelës odën ku përgatiteshin jufkat.

Gjithësesi, VLesha thotë se duhet një studim më i gjërë rreth këtij produkti për ta përforcuar dhe ta ditur më të detajuar historinë e jufkave.

Ai vlerëson se këto dy histori janë një gur themeli për mbledhjen e të dhënave rreth Jufkave  të Dibrës./AgroWeb.org

Si Të Përgatisni Djathin E Njomë Në Shtëpi – I Butë, I Freskët Plot Shëndet

Është një nga llojet më të veçanta të djathrave që prodhohen në Shqipëri.

Në zonat e jugut të vendit njihet si djathë i njomë ndërsa në ato të veriut si kajmak.

Mënyra e përgatitjes së këtij lloj djathi është trashëguar brez pas brezi deri në ditët e sotme, ku shumë amvisa preferojnë ta përgatisin atë vetë në shtëpi, recetën e të cilit AgroWeb.org e sjell më poshtë.

Djathi i njomë është një produkt tradicional i freskët, i njomë, i butë, që përgatitet nga qumështi jo i pasterizuar dhe jo i homogjenizuar që kryesisht ofrohet nga fermerët e vegjël në vend.

Ai shërbehet kryesisht me bukë të thekur ose shoqërohet me panine dhe salçice.

Ai përshtatet shumë mirë dhe plotëson shijen e mishit por dhe shumë gatimeve të tjera.

Nëse lejohet të fermentohet, kajmaku i vjetëruar ka një shije të fortë dhe ngjyrë të verdhë.

Në këtë pikë ai përdoret në një sërë gatimesh dhe recetash brumi.

Për përgatitjen e tij ju nevojiten

5 litra qumësht lope ose dele jo të pasterizuar dhe jo të homogjenizuar.

3-4 lugë çaji me kripë

Përgatitja 

Merrni një tenxhere mesatare dhe lëreni qumështin të ziejë.

Fikeni zjarrin dhe lëreni qumështin të ftohet plotësisht pa e përzierë për 4 deri në 5 orë.

Hiqeni ajkën e akumuluar në sipërfaqe dhe futeni në frigorifer.

Zakonisht sa më i paskremuar të jetë qumështi aq më shumë ajkë do të prodhojë ai.

Proçesin e zierjes dhe ftohjes së qumështit përsëriteni disa herë, duke mbledhur sa më shumë ajkë dhe ruajtur në frigorifer.

Ajkës shtojini kripën dhe përzijeni mirë.

Ruajeni masën në një enë të mbyllur mirë dhe ruajeni në frigorifer për deri në 2 javë.

Shënim: Djathi i njomë tradicional përgatitet duke zierë qumësht të freskët të lopës ose deles dhe duke e vendosur në enë me grykë të gjerë.

Me ftohjen e qumështit, ajka mblidhet në sipërfaqe dhe formon një shtresë të hollë.

Ajka e mbledhur vendoset në shtresa të ndryshme me kripë në një enë të gjërë druri.

Ky proçes përsëritet disa herë deri sa ena të mbushet.

Përveç prodhimit për përdorim shtëpiak, kohët e fundit, industria e bulmetit po përqendrohet më shumë tek ky produkt i veçantë i cili përbën krenarinë e shumë vendeve të Ballkanit.

Djathi më i shtrenjtë është ai më i freskëti që shitet një ose dy ditë pas prodhimit.

Ky djathë, emri i të cilit vjen nga Turqishtja, qëndron për javë të tjera në frigorifer por forcohet dhe më pas nuk ka të njëjtën shije.

Kajmaku mund të vjetërohet në shtresa të përgatitura nga lëkura kafshësh, një traditë kjo e Shqipërisë dhe disa vendeve të Ballkanit të cilët mburren me këtë recetë të veçantë./AgroWeb.org 

Shërimi i Infeksioneve Të Bajameve Nis Në Kuzhinë – Çfarë Duhet Të Përdorni

Një nga problemet më të përhapura shëndetësore gjatë stinës së vjeshtës dhe dimrit janë infeksionet e bajameve dhe grykëve.

Këto infeksione prekin kryesisht fëmijët por nuk përjashtohen as të rriturit.

Infeksionet e bajameve shkaktohen kryesisht nga bakteret nëpërmjet ushqimeve të konsumuara por edhe ajrit të ndotur.

Sipas të dhënave të AgroWeb.org, bakteret përgjegjëse për këto infeksione janë kryesisht: stafilokoku, streptokoku, myku dhe virozat.

Infeksionet shoqërohen me probleme si: vështirësia në gëlltitje, njolla të bardha në formë rrethore, dhe skuqja e bajameve.

Simptomat më të zakonshme të problemeve me bajamet janë; djegia e fytit, humbja e oreksit, fryrje të gjendrave limfatike në anë të qafës dhe fytit, ethe, temperatura dhe dhimbjet e fytit.

Ekspertët nuk përjashtojnë as humbjen e dëgjimit, vështirësi në të folur, dhimbje të veshit dhe erë të keqe të gojës.

Kurat Natyrale Për Shërimin E Bajameve

Gjyshet tona kanë gjithnjë zgjidhje, që sado të çuditshme të tingëllojnë, funksionojnë me të vërtetë kundër këtyre infeksioneve të dhimbshme.

Gargarë Me Sodë Buke

Ky trajtim është një ndër më të rëndësishmit për shërimin e bajameve tek të rriturit dhe fëmijët.

Ju duhet të përzieni 125 ml ujë të vakët me një lugë çaji me sodë buke.

Përziejeni mirë dhe bëni gargarë duke e mbajtur kokën lart në mënyrë që tretësira të arrijë tek bajamet.

Vërviteni në gojë tretësirën dhe më pas hidheni në lavaman.

Kjo gargarë duhet bërë patjetër një herë në ditë.

Një alternativë tjetër shumë e praktikuar nga nënat shqiptare është lyerja e bajameve me sodë buke duke përdorur gishtin tregues,.

Por duart duhen desinfektuar mirë me alkol para dhe pas aplikomit.

Mjaltë Me Hudhër

Për këtë trajtim ju nevojiten një lugë gjelle me mjaltë dhe 4 thelbinj hudhër të shtypur fort.

Ato duhen përzier në 250 ml ujë.

Kjo tretësirë duhet pirë 3 deri në 4 herë në ditë për 4 ditë me rradhë.

Në fillim duhet të pini gjysmën e gotës së lëngut dhe më pas të hani grimcat e mbetura në fund të gotës.

Hudhra ju mbron me efikasitet ndaj infeksioneve dhe zbut enjtjen e bajameve.

Borzilok Dhe Limon

Zieni 10 deri në 12 gjethe borziloku në rreth 400 ml ujë.

Lërini të ziejnë për 10 minuta. Pasi ta keni kulluar, shtoni lëngun e një limoni, një lugë çaji me mjaltë dhe 2 gramë piper të zi.

Kjo kurë duhet pirë tre herë në ditë për 2 deri në 3 ditë.

Kripë Dhe Piper Të Zi

Piperi i zi shpërbën me efikasitet sekrecionet dhe largon infeksionet.

Sipas informacioneve të AgroWeb.org, kripa shërben si disinfektues ndërsa limoni lufton bakteret.

Në një tenxhere hidhni 250 ml ujë, shtoni një lugë gjelle me lëng limoni, një lugë çaji me piper kokërr dhe një majë luge çaji me kripë.

Pasi të kenë zier së bashku për 5 minuta, kullojeni çajin dhe shtoni një lugë çaji me mjaltë.

Ky çaj duhet pirë 3-4 herë në ditë, çdo ditë deri sa bajamet të shërohen plotësisht.

Një tjetër çaj i rekomandueshëm për shëndetin e bajameve është edhe ai me xhenxhefil, mjaltë dhe limon.

Ky çaj lufton bakteret, inflamacionin dhe rrit rezistencën e trupit ndaj këtij problemi./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Si Të Përgatisni Krejt Lehtë Në Shtëpi Hamburger Të Shijshëm

Kjo është një recetë me shije speciale, fantastike për t’u përgatitur dhe shijuar në çdo kohë.

Jo vetëm e shijshme por mbi të gjitha e shëndetshme.

AgroWeb.org ju sjell më poshtë përgatitjen e thjeshtë të hamburgerave të shtëpisë.

Përbërësit

(Me këta përbërës mund të përgatisni 12 hamburgera)

 1 lugë gjelle me majë me maja

1 lugë kafeje sheqer

2 lugë çaji kripë

1 filxhan çaji qumësht i ngrohtë

½ filxhan çaji me ujë të ngrohtë

60 gr gjalpë i tretur

4 filxhan çaji e gjysmë me miell gruri

1 kokërr vezë

1 lugë gjelle me fara susami (nëse preferoni t’i shtoni)

Përgatitja

AgroWeb.org ju udhëzon të përzjeni në një tas të madh si fillim, sheqerin, kripën, qumështin e ngrohtë dhe ujin e ngrohtë.

Përzjeini për pak derisa masa të njëtrajtësohet.

Më pas, shtoni gjalpin e tretur dhe 3 filxhanë e gjysmë çaji me miell.

Përzjeheni masën me ngadalë derisa i gjithë mielli të bashkohet plotësisht me masën.

Më pas, shtoni me ngadalë pjesën e mbetur të miellit duke e përzjerë masën njëkohësisht.

Punojeni miellin derisa të mos ngjisë më në duar dhe masa e brumit të jetë e butë.

Më pas, vendoseni brumin e përgatitur në një enë më të madhe dhe lëreni të pushojë në temperaturë ambjenti përreth 1 orë derisa masa e tij të dyfishojë vëllimin.

Në vijim, ndajeni brumin në 12 toptha të barabartë dhe rrotulloijini me dy pëllëmbët e duarve për t’i dhënë rrumbullakësinë e duhur dhe pas shtypini që forma e rrumbullakët të bëhet e sheshtë.

Shtroni një letër pjekjeje në tepsi, lyejeni me pak vaj ulliri të gjithë sipërfaqen me ndihmën e një furçe kuzhine.

Vendosni me kujdes topthat e brumit në pak centimetra distancë me njeri-tjetrin pasi gjatë pjekjes masa e tyre do rritet.

Rrihni në një tas të vogël vezën bashkë me një lugë ujë të ngrohtë derisa masa të njëtrajtësohet dhe lyeni me këtë masë sipërfaqen e të gjithë topthave të hamburgerave.

Spërkatini topthat e hamburgerave me pak fara susami nëse preferoni dhe futini të piqen në furrë të parangrohur në 200 gradë celcius përreth 12-15 minuta derisa sipërfaqja e tyre të marrë ngjyrë kafe të artë.

Përgatitja e Qofteve të Hamburgerit

Përbërësi kryesor i mbushjes së hamburgerit janë qoftet, të cilat mund t’i përgatisni vetë në shtëpi.

Qoftet e hamburgerave janë ndryshe nga qoftet e shtëpisë. Për këtë recetë do t’ju duhen rreth 700 gr mish i grirë, kripë dhe piper i zi.

Mishi i grirë kriposet, i hidhet piper i zi, përzihet shtrohet në një tavë, ku më parë keni shtruar një letër kuzhine të cilën e keni spërkatur me pak vaj, mishi hapet si petë në trashësinë 1 cm, pritet në katrorë, llogariteni për 12 copë.

Pasi t’i keni ndarë, largojini pak nga njeri tjetri, jepuni me gishta një formë të rrumbullakët dhe spërkatini me vaj. Futini furrë derisa të piqen, e më pas vijoni me mbushjen e hamburgerave.

Përsa i përket përbërësve të tjerë, mund ta kombinoni me feta perimesh të ndryshme si domate a kastraveca të freskëta, gjethe sallate, patate të skuqura, salca të ndryshme siç është salca e kosit apo majoneza.

Një kombinim perfekt për shijen është edhe mbushja me qofte dhe turshi të ndryshme siç janë lakrat turshi apo edhe kastravecat./AgroWeb.org

Gështenjat e Pjekura – Përfitimet e Mëdha në Shëndet përtej Shijes Fantastike

Dalja në treg e gështenjave është një lajm i mirëpritur nga të gjithë.

Kjo ndodh jo vetëm për faktin se gështenjat janë të shijshme.

Ato janë të buta dhe të sjellin ndërmend atmosferën festive të darkave në familje.

Mënyrat më të mira për shijimin e gështenjave janë zierja ose pjekja.

Nutricionistët thonë se pjekja e gështenjave e bën më të thellë aromën e tyre karakteristike, më të mprehtë shijen por mbi të gjitha ruan vlerat fantastike të tyre.

Vlerat Për Shëndetin Të Gështenjave Të Pjekura

Sistemi Tretës

Gështenjat janë shumë të pasura me fibër.

Kjo e fundit është thelbësore për mbarëvajtjen e punëve në sistemin tretës.

Ajo gjithashtu ul kolesterolin dhe stabilizon nivelin e sheqerit në gjak.

Sipas të dhënave tue AgroWeb.org, një sasi  prej 85 gramësh gështenja të pjekura ofron 4 gramë fibër.

Gështenjat përmbajnë kryesisht fibër të patretshme e cila pastron zorrët nga mbetjet ushqimore.

Nivelet E Energjisë

Ndryshe nga arrorët e tjerë, gështenjat përmbajnë sasi të larta karbohidratesh.

Një sasi prej 85 gramësh gështenja të pjekura përmban 45 gramë karbohidrate.

Ato nevojiten për energjinë afatshkurtër dhe afatgjatë në organizëm dhe ndihmojnë funksionin e sistemit nervor.

Karbohidratet që përmbajnë gështenjat janë komplekse, që do të thotë se treten ngadalë dhe energjia që ofrojnë është e qëndrueshme.

Gështenjat E Pjekura Për Shëndetin E Trurit

Gështenjat përmbajnë vitaminat e kompleksit B që treten në yndyrë.

Ato ndihmojnë në prodhimin e rruazave të kuqe, për shpërbërjen e proteinave, përçimin e energjisë, shëndetin e lëkurës dhe funksionet e trurit.

Një sasi prej 85 gramë gështenja të pjekura gjeni 21 % të dozës së rekomanduar ditore të vitaminës B-6.

Sipas të dhënave të AgroWeb.org, e njëjta sasi ofron 15% folat, 14% thiaminë dhe 9% riboflavinë.

Një vakt i pasur me vitamina B mund të plotësohet shumë mirë me sallatë jeshile, mish pa yndyrë dhe gështenja të pjekura.

Mangani

Ky antioksidant i rëndësishëm lufton radikalet e lira që rrisin rrezikun e kancerit dhe sëmundjeve të zemrës.

Mangani luan rol të rëndësishëm edhe në parandalimin e plakjes.

Një sasi prej 85 gramë gështenja të pjekura ofron 1 mikrogramë mangan.

Kjo sasi përbën 50% të dozës së rekomanduar ditore.

Nëse dëshironi një mëngjes të pasur me këtë mineral mund të konsumoni tërshërë me gështenja të pjekura.

Kockat

Një sasi prej 85 gramë gështenja të pjekura ofron 22 % të dozës së rekomanduar ditore të bakrit.

Ky mineral është i domosdoshëm për sistemin imunitar por edhe për kockat.

Ju mund t’i kombinoni gështenjat e pjekura me kumbullat e thata për një vakt të pasur me bakër. /AgroWeb.org