Xhenxhefil, Piper, Limon- Si të Pastroni Sistemin Tretës gjatë Natës

Xhenxhefili është një nga miqtë më të mirë të sistemit tretës të njeriut.

Mjafton një dozë e vogël me xhenxhefil përpara ushqyerjes dhe do të ndiheni shumë në formë.

Në këtë artikull të AgroWeb.org, do të mësoni se si të përgatisni një kurë natyrale të çmuar për sistemin tretës me disa përbërës të thjeshtë: xhenxhefil, mjaltë, limon, piper.

Këto përbërës janë të ngrohtë dhe qetësues për stomakun.

Përbërësit:

4 limonë

3 copa xhenxhefil nga 1 cm secili

Çerek filxhani caji me mjaltë

Çerek luge gjelle me piper të zi.

Një filxhan me ujë

Përgatitja:

Shtrydhini limonët në një filxhan.

Në një mikser shtoni copat e xhenxhefilit dhe pak ujë. Përziejini së bashku deri sa të formohet një masë e qullët. Më pas shtoni sërish ujë dhe kullojeni lëngun në një filxhan tjetër.

Në një enë qelqi, përzieni lëngun e limonit me atë të xhenxhefilit.

Shtoni piperin e zi dhe mjaltin.

Futini sërish në mikser për një përzierje të shkurtër por përfundimtare.

Më pas lëngun futeni në frigorifer.

Vlerat e Kurës Me Xhenxhefil, Mjaltë Dhe Limon

Kjo kurë është ideale për problemet me stomakun dhe pastrimin e zorrëve.

Ajo është efikase kundër gazrave dhe fryrjes.

Ju mund të pini një gotë me lëng xhenxhefili përpara se të bini për të fjetur që të merrni vlerat e këtij zhardhoku ndërkohë që jeni në gjumë.

Ky lëng ka aftësi pastruese të të gjithë sistemit tretës.

Mund ta pini 3-4 herë në javë për rreth 2 muaj.

Xhenxhefil Për Të Gjithë Organizmin

Stimulon qarkullimin e gjakut

Xhenxhefili është i pasur me zink dhe magnez që janë të nevojshëm për qarkullimin e mirë të gjakut dhe largimin e kolesterolit të keq të akumuluar në mëlçi.

Përmirëson përthithjen e ushqyesve

Xhenxhefili stimulon sekretimin e enzimave në stomak dhe pankreas dhe përthithjen e ushqyesve thelbësorë.

Nëse vuani nga mungesa e oreksit, atëherë përtypni një copë të vogël xhenxhefil përpara çdo vakti dhe do të vini re përmirësim të menjëhershëm.

Kundër virozave dhe të ftohurës

Xhenxhefili është përdorur prej shekujsh kundër virozave dhe të ftohurës sepse konsiderohet si antibiotik natyral i fuqishëm.

Forcon sistemin imunitar

Nëse konsumoni xhenxhefil në mënyrë të rregullt, do të vini re se sistemi imunitar funksionon shumë mirë.

Xhenxhefili ju vjen në ndihmë kundër infeksioneve, kollës, gripit, të ftohurës dhe sëmundjeve kronike./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi: U.S. National Library of Medicine

Peshk i Pjekur në Kripë të Ashpër – Shije Perfekte

Një recetë fantastike, e cila mbetet një nga specialitet e restoranteve të peshkut por që shumë thjeshtë dhe lehtë mund të përgatitet në shtëpi.

Peshku i pjekur në kripë të ashpër është një gatim fantastik me një shije shumë të veçantë, e cila do t’ju përfshijë tërësisht sapo ta provoni.

E veçanta e kësaj recete është që peshku duhet të jetë i madh dhe të mos i hiqen luspat, pasi këto të fundit ndihmojnë që kripa të depërtojë aq sa duhet gjatë kohës së pjekjes së peshkut.

Më poshtë do të mësoni nga AgroWeb.org recetën unike të pjekjes së peshkut në kripë.

Përgatitja e Peshkut të Pjekur në Kripë

Përbërësit

 (Përbërësit më poshtë janë për 4-5 persona)

1.5 kg peshk kocë ose levrek (llojin e peshkut mund ta zgjidhni sipas preferencës)

1kg kripë e ashpër (e gjeni në markete)

Vaj ulliri

Rozmarinë

Fetat e një kokrre limoni

Pergatitja

Si fillim, AgroWeb.org ju udhëzon që të shtroni letër pjekjeje në një tavë në të cilën të shtroni kripë të ashpër aq sa është gjatësia dhe trashësia e peshkut.

Peshkun pasi e kanë pastruar mirë (pa i hequr luspat), thajini lëngjet me letër kuzhine dhe lyejeni me vaj ulliri.

Futini në pjesën e prerë të barkut feta limoni dhe pak rozmarinë për t’i dhënë edhe më shumë shije dhe aromë.

Vendoseni në tavën ku keni shtruar kripën dhe mbulojeni tërësisht me kripë deri sa të mos duket fare.

Futeni në furrë të parangrohur  në 200 gradë celcius të piqet përreth 1 orë e 30 minuta derisa pjesa e sipërme e kripës nis të bëhet e kuqërremtë.  

Pasi piqet, nxirreni peshkun nga furra dhe hiqeni me kujdes nga kripa.

Hiqni me kujdes lëkurën dhe skeletin dhe priteni në fileto dhe është gati për t’u shërbyer.

Peshku do të ketë sasinë e duhur të kripës dhe një shije të mrekullueshme gjithashtu.  Shoqërohet me sallata të freskëta të stinës apo edhe perime të pjekura.

Si të Dalloni Peshkun e Freskët

Peshku duhet të jetë i freskët. Kjo është një nevojë e panegociueshme për çdo konsumator, dhe freskia nuk duhet të merret për e mirëqenë.

Kur të afroheni tek zona e peshkut duhet të ndieni aromën e detit, kripës dhe jodit. Kjo është aroma e freskisë.

Peshku i freskët shkëlqen. Është kaq e thjeshtë! Sa më i freskët të jetë peshku aq më e pastër dhe shkëlqyese duket lëkura e tij.

Ndoshta e keni të vështirë ta prekni, por peshku i freskët nuk qëndron dot në dorë sepse ka tendencën të rrëshqasë. Shikojini duart e shitësit me kujdes, bashkë me mënyrën si qëndron peshku në to.

AgroWeb.org ju udhëzon që të bëni kujdes që peshku duhet të jetë mjaftueshëm i ngurtë dhe i tendosur për të qëndruar horizontalisht.

Mishi i peshkut të freskët nuk shkëputet lehtë nga pjesa kurrizore. AgroWeb.org

Fyti i Thatë – Pse Shkaktohet Dhe Cilat Janë Zgjidhjet Natyrale

Fyti i thatë është një problem i pakëndshëm dhe shpesh i dhimbshëm, që mund të çojë në një shumëllojshmëri sëmundjesh shoqëruese.

Ato përfshijnë vështirësinë e gëlltitjes, kollitjen, urthin, dhimbje të trupit, vjellje dhe ethe.

Fyti i thatë është shpesh i lidhur me frymëmarrjen dhe nganjëherë është një simptomë e hershme e një ftohjeje apo gripi.

Shkaqet e tjera më serioze, si azma ose sëmundja e gastritit të ezofagut, gjithashtu mund të jenë burimi i problemit.

Çfarë e shkakton fytin e thatë?

Shkaqet e fytit të thatë variojnë nga faktorët e mjedisit, si ajri i thatë ose i ftohtë, apo mënyrat e jetesës si pirja e duhanit dhe konsumimi i alkoolit.

Fyti i thatë është gjithashtu një efekt anësor nga medikamente të caktuara. Shkaqe të tjera përfshijnë:

  • Ngrohësit e brendshëm të shtëpisë apo zyrave që thajnë ajrin
  • Konsumi i tepërt i kafeinës dhe alkoolit
  • Irritimi i mukozës
  • Pirja e duhanit
  • Ndotja e ajrit nga pluhurat
  • Alergjia

Identifikimi i shkakut të fytit tuaj të thatë është hapi i parë drejt gjetjes së lehtësimit.

Konsultohuni me mjekun tuaj nëse keni mundësi për shkaqet e mundshme. Një mjek mund të testojë për shkaqe më serioze.

Nëse jeni duke marrë ilaçe mjeku është në gjendje të reduktojë ose të ndryshojë medikamentet me efekte anësore problematike.

Trajtimet Natyrale për Fytin e Thatë

Kur vjen puna te trajtimi i gojës së thatë dhe fytit të thatë, rritja e konsumit të lëngjeve është një mënyrë e mirë për të filluar. Trajtime të tjera në shtëpi përfshijnë:

Gargarë me ujë me kripë

Uji i ngrohtë është një mënyrë e thjeshtë për të ndihmuar në lehtësimin e thatësirës së fytit.

Kripërat punojnë për të pastruar dhe tharë lagështinë e krijuar nga bakteret.

Provoni gargarën për rreth një minutë, një ose dy herë në ditë.

Nuk iu pëlqen kripa? Alternativa të tjera të gargarës përfshijnë uthull molle, lëng aloe vera, ose një gjysmë lugë çaji sodë buke përzier në një gotë me ujë të ngrohtë.

Çaj me mjaltë

Mjalti ka veti anti-bakteriale dhe prej shumë kohësh është përdorur për të zbutur fytin e thatë dhe të lënduar.

Përzieni pak mjaltë me çaj mali të ngrohtë për një lehtësim të ndjeshëm.

Lagështia në ajër

Përdorimi i një rregulluesi të lagështrës në dhomën e gjumit është një mënyrë për të luftuar faktorët e mjedisit që mund të çojnë në fytin e thatë.

Ajri i thatë, i përkeqësuar nga përdorimi i ngrohësve të brendshëm gjatë muajve të dimrit, është një nga fajtorët më të zakonshëm.

Nëse nuk keni mundësi të merrni një rregullues lagështie mund të vendosni një enë me ujë ku keni zierë më parë gjethe eukalipti ose gjethe dafine.

Ose në një enë me ujë të nxehtë hidhni vaj esencial bimor, që e gjeni në farmaci.

Ndryshimet e jetesës

Nëse jeni vazhdimisht duke vuajtur me fytin e thatë, duhet të redultoni apo ndaloni pirjen e duhanit, të alkoolit dhe kafeinës.

Cigaret dhe alkooli janë veçanërisht irrituese për indet e fytit./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi: U.S. National Library of Medicine

Komposto Qershie – Mrekulli për Shijen dhe Shëndetin

Në doni të freskoni veten dhe më të dashurit tuaj me një ëmbëlsi unike e delikate, përgatisni komposto me qershi.

Është një nga recetat më të ëmbla të stinës dhe qershitë janë në kulmin e sezonit të tyre.

Përgatitja e kompostos me qershi është shumë e thjeshtë dhe e lehtë por shija e saj freksuese është e mrekullueshme po aq sa edhe vlerat që ka për organizmin.

AgroWeb.org ju sugjeron një recetë të thjeshtë të përgatitjes së qershive si komposto.

Përgatitja e Kompostos së Qershisë Krejt Lehtë në Shtëpi

Përbërësit

(Përbërësit më poshtë janë për dy kavanoza 500 – 600 gr secili)

1 kg qershi

6-7 lugë gjelle sheqer

1 kavanoz ujë

2-3 lugë gjelle lëng limoni

Përgatitja

Për përgatitjen e kompostos së qershive duhen qershi kokërr plota dhe me ngjyrë të fortë, të kuqe ose të zeza.

Si fillim, AgroWeb.org ju kshillon që të steriziloni vazot e qelqit që do përdorni për përgatitjen dhe mbajtjen e kompostos.

Pastroni qershitë nga bishtat, nëse dëshironi mund t’u hiqni dhe bërthamat, lajini me ujë të rrjedhshëm dhe lërini që të kullojnë mirë.

Mbushni vazot e sterilizuara me qershi.

Në një tenxhere të madhe, shtoni ujin dhe sheqerin.

Pasi sheqeri nis të shkrijë lëreni shurupin të ziejë edhe për 5 minuta, më pas largojeni nga zjarri dhe mbushini kavanozat me qershi me shurupin e përgatitur, i cili duhet të jetë i ngrohtë.

Nëse preferoni brenda kavanozave mund të vendosni nga një shkop kanelle, disa karafila apo edhe pak vanilje.

Lërini rreth 10 minuta dhe më pas mbyllini kavanozat me kapakët e tyre.

Kavanozat e vulosur mirë futini në një tenxhere me ujë deri nën kapakët e kavanozave pa i mbuluar tërësisht ata.

Vendoseni tenxheren në zjarr dhe lëreni të zjejë përreth 20 minuta.

Më pas largojini vazot nga zjarri dhe lërini të ftohen dhe komposto është gati.

Kavanozat me komposto mund t’i ruani në një vend të freskët ose në frigorifer./AgroWeb.org

Reçel Me Petale Trëndafili, Delikatesë Unike – Ndiqeni Këtu

Trëndafilat janë ndër lulet më të bukura që përdoren jo vetëm për dekorim por edhe në kuzhinë.

Me petalet e shumë prej trëndafilave që çelin mbi tokë, shumë gatime përfitojnë një shije më të plotë dhe unike.

Aroma e trëndafilave nuk ka të dytë.

Atë mund ta dallojmë symbyllur në mesin e shumë aromave të tjera.

Paraqitja e trëndafilit është po aq e mrekullueshme sa shija e tij, ndaj me plot të drejtë, trëndafili gjen një vend të merituar në kuzhinë.

Në mesin e ëmbëlsirave që mund të gatuajë një amvisë, gjendet edhe reçeli i petaleve të trëndafilit i cili është një delikatesë mjaft joshëse për shqisat, recetën e të cilit AgroWeb.org e sjell më poshtë.

Përgatitja e Reçelit Unik me Petale Trëndafilash

Përbërësit

300 gramë petale trëndafili të bardhë ose të kuq

2 filxhanë çaj sheqer

4 gota e gjysmë me ujë

Lëngu i dy limonëve

Përgatitja

Lajini petalet me ujë të bollshëm.

Në fund të secilës petale gjendet një shirit i bardhë që duhet prerë.

Më pas, AgroWeb.org ju udhëzon të hidhni petalet në një enë dhe t’i spërkatni bollshëm me gjysmën e sheqerit.

Fërkojini me duar dhe më pas mbulojeni enën me një mbështjellëse plastike.

Enën vendoseni në një vend të freskët ose në frigorifer dhe mbajeni gjatë gjithë natës.

Sheqerin e mbetur hidheni në një tigan bashkë me ujin dhe lëngun e limonit.

Në vijim, AgroWeb.org ju udhëzon të shtoni edhe farat e limonëve të cilët ofrojnë pektinë, një substancë e cila ofron dendësinë e duhur të reçelit. (Farat e limonit do t’i largoni pasi të jetë përgatitur reçeli dhe para se ta hidhni në kavanoz).

Më pas, shtoni petalet e trëndafilit dhe lërini të ziejnë për 20 minuta në zjarr të ngadaltë.

Rriteni temperaturën dhe lëreni reçelin të ziejë për 5 minuta të tjera deri sa lëngu të trashet.

Hidheni reçelin në një kavanoz të pastër dhe të sterilizuar, mbylleni me kapak dhe vendoseni në një vend të freskët e të errët./AgroWeb.org

Pse Vitaminat B Dhe D Janë të Rëndësishme Për 40-50 Vjeçarët

Çfarë ju vjen ndërmend kur lexon për vitaminat?

AgroWeb.org ju rekomandon t’i perceptoni ato si një ushtri të mirëfilltë ushqyesish që mbrojnë organizmin nga simptomat më të këqija të plakjes.

Një regjim i mirë ushqimor është thelbësor në çdo moshë, por bëhet shumë i rëndësishëm pas moshës 40 vjeçare kur ‘rregullat e lojës’ ndryshojnë tërësisht.

Trupi nuk funksionon njësoj pas moshës 40 vjeç. Shtimi në peshë, sëmundjet e zemrës, diabeti dhe sëmundje të tjera kronike e kanë organizmin në shënjestër.

Një nga mënyrat më të mira për të qenë të shëndetshëm është të merrni vitaminat dhe ushqyesit e duhur dhe jo vetëm nga ushqimet por edhe suplementët.

Lista e Vitaminave 

Më poshtë do të lexoni nga AgroWeb.org për vitaminat më të rëndësishme që nuk duhet të mungojnë në regjimin tuaj ditor pas moshës 40 vjeçare.

Vitamina B12

Kur mbush 40 vjeç dhe i afrohesh të pesëdhjetave, vitamina B12 nuk duhet të mungojë.

Ajo është thelbësore për gjakun dhe trurin.

Kjo vitaminë gjendet tek produktet shtazore, të bulmetit dhe vezët, por suplementët janë të nevojshëm sepse me kalimin e moshës përthithja bëhet më e vështirë.

Ushqimet e rekomanduara nga AgroWeb.org me Vitaminë B12 janë:

  • Sardelet
  • Salmoni i egër
  • Drithërat e plota
  • Qumështi
  • Kosi
  • Djthai i bardhë
  • Vezët

Nëse nuk konsumoni shumë nga këto ushqime, merrni suplementë në sasinë 2.4 mg në ditë.

Vitamina D

Vitamina D është e rëndësishme pas të dyzetave.

Mungesa e saj ka lidhje me diabetin, sëmundjet e zemrës, sklerozën, kancerin e gjirit dhe zorrës.

Vitamina D është e nevojshme edhe për përthithjen e kalçiumit.

Ushqimet me Vitaminë D janë vaji i mëlçisë së peshkut, vaji i peshkut, produktet e pasuruara të bylmetit, drithërat e pasuruar.

Dielli është burimi më i mirë i kësaj vitamine por edhe suplementët.

Probiotikët

Probiotikët nuk janë as vitamina as minerale por janë të nevojshme për personat mbi 40 vjeç.

Probiotikët e mbajnë stomakun të shëndetshëm dhe ulin rrezikun e sëmundjeve të zemrës, goditjeve në tru dhe diabetit.

Probiotikët janë të dobishëm pas moshës 40 vjeçare kur masa muskulore tkurret dhe tendenca për të shtuar në peshë është më e madhe.

Probiotikët janë kultura të gjalla që gjenden kryesisht tek produktet e bulmetit siç është kosi./AgroWeb.org

Omletë me Spinaq Për Një Mëngjes Plot Shije e Shëndet

Spinaq dhe Vezë – dy burimet më të fuqishme të hekurit dhe proteinave, bazike për mirëqenien e organizmit në një pjatë të vetme në vaktin më të rëndësishëm të ditës: atë të mëngjesit.

Një mënyrë fantastike për të mbajtur trupin dhe organizmin në formë, për të nisur ditën mbarë me energji dhe shëndetshëm.

Veza është një ndër produktet që mbart vlera të jashtëzakonshme ushqyese renditur në listën e 10 super-ushqimeve dhe nuk ka mëngjes më të këndshëm se vezët, sido të jenë të gatuara.

Vezët janë një burim i shkëlqyer i kompleksit të proteinave cilësore dhe nga ana tjetër ofrojnë pak kalori. Një vezë e plotë përmban 5.5 gramë proteinë dhe 68 kalori.

Spinaqi është një nga barishtet më të kërkuara dhe më të përdorura nga konsumatorët. Ai njihet për vlerat e tij ushqyese dhe është parë gjithnjë si një bimë me aftësi të jashtëzakonshme për të të kthyer energjinë, që rrit vitalitetin dhe përmirëson cilësinë e gjakut.

E para është se është i pasur me hekur, i cili luan një rol kryesor në funksionimin e qelizave të kuqe të gjakut.

Më poshtë AgroWeb.org sugjeron përgatitjen e një recete të thjeshtë por të pasur në vlera të omletës me spinaq dhe djathë të bardhë.

Omleta me Spinaq

Përbërësit

(Përbërësit e kësaj recete janë për dy persona, sasia përzgjidhet bazuar në numrin e personave për të cilët do gatuhet)

Dy – tre kokrra vezë

Pak qumësht

Një tas mesatar me spinaq të freskët

Djathë i bardhë i thërmuar

Vaj ulliri

Kripë

Piper

Pak hudhër (Sipas dëshirës)

Përgatitja

Pastrojmë me ujë të bollshëm spinaqin, e këpusim disa herë me dorë dhe e vendosim në një tigan mesatar të zjejë me ujin e tij për disa minuta derisa uji të avullojë.

Nga ana tjetër, vezët i rrahim në një tas bashkë me qumështin, shtojmë spinaqin e zjerë, kripën dhe piperin.

I përzjejmë të gjitha bashkë dhe i hedhim në tigan, ku kemi hedhur më parë pak vaj ulliri.

Pasi piqet njëra anë e omletës, e kthejmë nga ana tjetër.

Pasi është pjekur nga të dyja anët, e heqim dhe e kalojmë në një pjatancë ku sipër i hedhim djathë të bardhë të thërrmuar dhe sipas preferencës pak hudhër të grirë gjithashtu./AgroWeb.org

Soda E Bukës Largon 96% Të Pesticideve Toksike Nga Frutat Dhe Perimet

Në ditët e sotme, shqetësimi për sasinë e pesticideve të përdorur në frutat dhe perimet që konsumojmë çdo ditë është i ndjeshëm, jo vetëm në Shqipëri por edhe në botë.

Ndërgjegjësimi për pasojat e këtyre pesticideve në shëndetin tonë është gjithnjë e në rritje.

Studimet më të fundit konfirmojnë se soda e bukës është një element i fuqishëm në eliminimin e të paktën 96% të pesticideve nga frutat dhe perimet.

Për më tepër, sipas të dhënave të AgroWeb.org ekspertët kanë zbuluar se soda e bukës është alternativa më e mirë për një ushqyerje të pastër.

Soda e bukës, sipas tyre, ka një nivel të lartë alkaline dhe shpërbën pesticidet në molekula të imëta duke i neutralizuar më pas plotësisht ato nga ushqimet.

Si Përdoret Soda E Bukës Për Pastrim

Gjatë studimit u përdor sodë buke për pastrimin e frutave, veçanërisht mollëve.

Frutat ishin të spërkatura me dy pesticide shumë të përdorura në bujqësi për ruajtjen e bimëve.

Më pas, frutat u shpëlanë me tre lëngje të ndryshme, përfshirë ujin e rubinetit.

Një prej lëngjeve përmbante sodë buke.

Mollët që u mbajtën në ujë me sodë buke për të paktën 2 minuta kishin më pak mbetje pesticidesh.

AgroWeb.org, sugjeron që koha e pastrimit të frutave dhe perimeve duhet të jetë 12-15 minuta.

Kështu ajo mundëson eliminimin e të gjitha pesticideve.

Pastrimi me sodë buke është një mënyrë shumë efikase dhe pa asnjë problem për organizmin.

Ai mundëson eliminimin e një sasie të jashtëzakonshme të pesticideve të akumuluara në produktet bujëqësore.

Hidhni ujë në një tas.  Shtoni disa lugë gjelle me sodë buke dhe mbani frutat dhe perimet për 12-15 minuta.

Sasia e ujit dhe sodës varet nga sasia e frutave dhe perimeve që doni të pastroni.

Për një gotë ujë përdorni 2-3 lugë çaji sodë.

Më pas shpëlajini ato me ujë të rrjedhshëm e të ftohtë.

Një mënyrë tjetër është që frutat dhe perimet t’i fërkoni me sodë buke dhe pas shpëlarjes mund t’i konsumoni lirisht dhe pa u shqetësuar./AgroWeb.org

Shëndeti i Mëlçisë – Ushqimet Më Të Mira Kurative

Mëlçia është një organ aq i rëndësishëm sa ndonjëherë duket sikur ajo i ka frerët e pushtetit në organizëm.

Mëlçia kryen një sërë detyrash dhe funksionesh, duke nisur që nga prodhimi i proteinave, kolesterolit, ruajtjes së vitaminave, mineraleve dhe karbohidrateve.

Ajo shpërbën toksinat që shoqërojnë alkolin, ilaçet apo nënproduktet natyrale të metabolizmit. Mbajtja në formë e mëlçisë është tejet e rëndësishme për shëndetin. Ky artikull i AgroWeb.org rendit ushqimet më të mira që sigurojnë shëndetin e mëlçisë.

Çaji

Çaji konsiderohet si i dobishëm për shëndetin, por studimet kanë treguar se ai është plot vlera veçanërisht për mëlçinë.  Një studim zbuloi se pirja e 5-10 filxhanëve me çaj mali në ditë përmirësonte treguesit e shëndetit të mëlçisë në gjak.

Boronicat

Boronicat përmbajnë anthocianinë, antioksidantë që u japin këtyre frutave të pyllit ngjyrat e tyre të veçanta. Këto antioksidantë ofrojnë shumë vlera shëndetsore.

Konsumi i këtyre frutave për 3-4 javë e mbron mëlçinë nga dëmtimet. Për më tepër, boronicat rrisin ndërveprimin e qelizave imunitare dhe enzimave antioksiduese.

Rrushi

Rrushi, veçanërisht ai me ngjyrë të kuqe ose vjollcë përmban një sërë substancash mirëbërëse siç është resveratroli që ka një larmi vlerash për shëndetin e njeriut. Shumë studime kanë treguar se rrushi dhe lëngu i tij ndihmojnë mëlçinë.

Lëngu i panxharit

Sipas të dhënave të AgroWeb.org. lëngu i panxharit është një burim nitrati dhe antioksidantësh që mbajnë emrin betalainë që mundet të përmirësojë shëndetin kardiovaskular dhe pakësojë dëmin oksidues dhe inflamacionin.

Është e arsyeshme të mendohet që ngrënia e panxharit në vetvete ka të njëjtat efekte shëndetsore. Lëngun e panxharit mund ta përgatisni vetë në shtëpi.

Perimet

Perime si lakra e vogël, brokoli ose barishtet janë të njohura për përmbajtjen e lartë të fibrës dhe shijen karakteristike.

Ato kanë substanca bimore mjaft të rëndësishme. Ekstraktet e lakrës së vogël dhe brokolit rrisin nivelet e enzimave detoksifikuese dhe mbrojnë mëlçinë nga dëmtimet.

Arrorët

Arrorët janë të pasur me yndyrna, substanca bimore dhe ushqyes, duke përfshirë këtu vitaminën E, një antioksidant i fuqishëm. Kjo larmi përbërësish i jep organizmit, veçanërisht zemrës dhe mëlçisë shëndet të mirë.

Peshku

Peshqit që kanë një nivel të lartë yndyre janë të mirë për mëlçinë. Studimet kanë treguar se ato ndihmojnë në parandalimin e akumulimit të yndyrnave të rrezikshme, ruajnë nivelin e enzimave, luftojnë inflamacionin dhe përmirësojnë rezistencën e insulinës.

Vaji i Ullirit

Vaji i ullirit konsiderohet i shëndetshëm, sepse ka shumë vlera dhe ndikim në shëndetin e zemrës dhe të metabolizmit. Ky vaj ka ndikim pozitiv në mëlçi.

Akumulimi i yndyrnave në mëlçi është faza e parë e sëmundjes së saj. Ndaj ndikimi i vajit të ullirit në shëndetin e mëlçisë, por edhe aspekteve të tjera të shëndetit, e bën atë të rëndësishëm për një ushqyerje të shëndetshme./AgroWeb.org

Si të Mbillni Limonë në Vazo – Ndiqeni Këtu

Agrumet janë tekanjoze. Disa prej tyre mund të rriten lehtësisht, disa të tjera janë të vështira. Por nëse lexoni këshillat e AgroWeb.org do të mësoni sa lehtë është të rrisësh limonë në kushtet e shtëpisë.

Për të mësuar më tepër mbi një mënyrë të thjeshtë të mbjelljes së limonit, AgroWeb.org ju fton të shikoni shumë shkurt videon në fund të tekstit.

Blini në tregun e fidanëve dhe luleve apo në farmaci bujqësore, një fidan limoni paksa të rritur (2-3 vjeçare) që të përftoni rezultatet më të mira. Merrni një vazo plastike ose balte (me vrima në pjesën fundore) të thellë deri në 35 centimetra dhe me një diametër prej 45-50 centimetra.

Përdorni guralecë që të siguroni qarkullimin e plotë të ajrit, mbusheni me dhe të plehëruar dhe vendoseni pemën në vazo.

Lëreni vazon në ndriçimin e diellit për 8-10 orë në ditë dhe mos e teproni me vaditjen.

Limonët duan të paktën 6-9 muaj të piqen dhe kur të marrin ngjyrën karakteristike, atëherë jeni gati t’i mblidhni.

Nëse dëshironi, mund të zgjidhni edhe farat e limonit për një rrugëtim më të plotë të kësaj agrumeje të dashur

Blini limonë organik, sepse limonët jo-organikë përmbajnë shpesh fara që nuk mbijnë. Dheu që do të përdorni duhet të jetë pjellor e të përmbajë fertilizues natyralë dhe minerale.

Ndiqni hapat e mëposhtëm:

1. Dheu në vazo duhet të jetë i lagësht.
2. Mbusheni vazon e vogël me dhè deri në 2.5 centimetra nga sipërfaqja
3. Prijeni limonin në gjysmë dhe merrni një farë
4. Farën duhet ta fusni të paktën 1 centimetër nën tokë, në mes të vazos
5. Përdorni një shishe spërkatëse për ta ujitur pjesën e sipërfaqes së vazos
6. Mbulojeni vazon me një qese plastike. Lidheni me llastik dhe shpojeni qesen me laps duke krijuar vrima të vogla.
7. Vendoseni vazon në një vend me diell dhe të ngrohtë
8. Herë pas here spërkateni me ujë. Dheu nuk duhet të jetë i thatë.
9. Pas dy javësh, kur filizat të kenë çelur, hiqeni mbulesën plastike. Nëse bima ka nevojë për më shumë diell, përdorni një llampë speciale për të zëvëndësuar ndriçimin natyral. Filizët kanë nevojë për 8 orë diell çdo ditë.
10. Kujdesuni që të ushqeni filizët me fertilizues organik.
11. Mbrojini nga insektet dhe hiqni gjethet e thara.
12. Kur filizët të jenë rritur mjaftueshëm, duhen transferuar në një vazo më të madhe. Kujdesuni që filizët të jenë të ngopur me ujë.

Këto janë dy mënyrat më të thjeshta për kultivimin e limonit në shtëpi sugjeruar nga AgroWeb.org, falë të cilave agrumja e preferuar nuk do t’ju mungojë kurrë./AgroWeb.org

Një Gotë Ujë Esëll Në Mëngjes – Përfitimet në Organizëm

A mund të qëndrosh pa pirë ujë, çaj apo çdo lëng tjetër për të paktën tetë orë?

Vetëm idea e kësaj sfide tingëllon shqetësuese apo jo?

Uji është shumë i rëndësishëm dhe këtë nuk mund ta nënvizojmë mjaftueshëm.

Ekspertët rekomandojnë që ta pini ujin sapo të hapni sytë.

Sipas tyre, gjatë gjumit, trupi dehidratohet ndaj uji duhet pirë që në mëngjes.

A jeni zgjuar ndonjëherë dhe jeni ndjerë të etur dhe të dehidratuar?

Kjo ka ndodhur sepse trupi nuk ka marrë asnjë lëng për të paktën 8 orë.

Uji luan një rol thelbësor për të gjitha funksionet e trupit.

Hidratimi është shumë i rëndësishëm dhe duhet të nisë që në mëngjes, sepse siç thotë populli ‘fillimi i mbarë, gjysma e punës.’

5 Arsyet Përse Duhet të Pini Ujë Që Në Mëngjes

Do të hidratoheni

Trupi dehidratohet pas shtatë ose tetë orësh gjumë.
Nëse pini ujë sapo të zgjoheni do të rrisë nivelin e oksigjenit në organizëm.
Për më tepër, uji ndihmon muskujt dhe qelizat e gjakut.

Metabolizmi do të përmirësohet

Pirja e të paktën një gote të madhe me ujë në mëngjes mund të përmirësojë metabolizmin me të paktën 24 përqind.
Një gjë e tillë do ju vijë në ndihmë për mbajtjen e një peshe të mirë trupore.

Trupi do të pastrohet nga toksinat

Kur pini ujë në mëngjes përpara se të ushqeheni, do të pastroni zorrën e trashë dhe do të përshpejtoni përthithjen e ushqyesve.

Për më tepër, veshkat do të funksionojnë më mirë nëse trupi furnizohet me lëngje.

76 % e indeve e trurit përmbajnë ujë

Kur jeni të dehidratuar, është njësoj sikur truri të mos ketë ushqim.

Kështu, ju do të ndiheni të lodhur, të drobitur, do të keni dhimbje koke dhe luhatje humori.

Do të ndiheni më të ngopur

Uji mbush stomakun.

Nëse pini ujë përpara se të hani ushqim, nuk do ta teproni dhe do të ndiheni më të ngopur.

Pirja e ujit në mëngjes do ju bëjë të ndiheni të ngopur deri në drekë.

Këshilla Për Pirjen e Ujit

Pini të paktën 1-2 gota me ujë pasi të zgjoheni.

Mos konsumoni ushqim për të paktën një orë pasi të keni pirë ujë.

Mos pini pije alkolike përpara gjumit.

72 përqind e trupit të njeriut përbëhet nga uji.

75 përqind e muskujve përbëhen nga uji
82% e gjakut është ujë
90% e mushkërive është ujë
76% e trurit përbëhet nga uji
25% e kockave përbëhen nga uji

Këto shifra janë të mjaftueshme për të kuptuar rëndësinë e hidratimit.
Trupi varet nga uji që të mbijetojë.
Çdo qelizë, ind apo organ i trupit ka nevojë për ujë që të funksionojë.

Për më shumë shije ju rekomandojmë ta shoqëroni me pak limon./AgroWeb.org

Këshillat kundër Rrahjeve të Çrregullta të Zemrës

A e keni përjetuar ndonjëherë ndjesinë sikur zemra do t’ju dalë nga kraharori?

Po ndjesinë e zemrës që sikur resht së rrahuri për një sekondë?

Ajo për të cilën po flasim në këtë artikull ka të bëjë me rrahjet e shpeshta dhe të çrregullta të zemrës, një fenomen që zgjat krejt pak, por që mund të ndodhë shpesh, jo vetëm kur jeni në lëvizje, por edhe kur jeni ulur, shtrirë ose duke qëndruar në heshtje.

Lajmi i mirë është që jo të gjitha rastet e rrahjeve të shpeshta të zemrës janë një tregues i një problem shëndetësor që ka prekur këtë organ.

Ndonjëherë, rrahjet e shpeshta të zemrës shkaktohen nga situatat kur zemra sforcohet nga stresi, sëmundjet, dehidratimi ose aktiviteti fizik. Shkaqe të tjera të rrahjeve të shpeshta të zemrës përfshijnë:

Shtatëzania

Përdorimi i tepruar i kafeinës

Simptoma të tjera mjekësore

Marrja e ilaçeve

Duhani dhe produktet e tij

Vazhdoni të lexoni këtë artikull të AgroWeb.org dhe mësoni për pesë mënyrat më të mira se si mund të mbani nën kontroll rrahjet e çrregullta dhe të shpejta të zemrës në kushtet e shtëpisë, ose kur ju duhet të vizitoni një mjek, dhe mbi të gjitha për pasjen e një zemre të shëndetshme.

1. Provoni teknikat e vetëqetësimit

Stresi mund të shkaktojë ose përkeqësojë rrahjet e çrregullta të zemrës. Stresi dhe ekzaltimi i tepërt mund të rrisin nivelet e adrenalinës. Menaxhimi i stresit nëpërmjet vetë-qetësimit ju vjen në ndihmë.

Provoni të qëndroni ulur me këmbë të kryqëzuara dhe merrni frymë ngadalë me hundë dhe nxirreni nëpërmjet gojës. Përsëriteni këtë ushtrim disa herë deri sa të ndiheni më të qetë.

2. Ushtrimet për stimujt nervorë

Nervi vagus luan një sërë funksionesh përfshirë atë të ndërlidhjes së trurit me zemrën.

Ushtrimet që kanë të bëjnë me këtë nerv e stimulojnë atë dhe ndihmojnë në rregullimin e rrahjeve të zemrës. Stimujt nervorë mund t’i bëni në shtëpi, por së pari duhet të merrni mendimin e mjekut.

Bëni një dush të ftohtë. Shpëlajeni fytyrën me ujë të ftohtë ose vendosni mbi të një peshqir të lagur me ujë të ftohtë apo një kompresë për 20-30 sekonda. Shoku i të ftohtit ndihmon në stimulimin e këtij nervi.

3. Pini ujë

Dehidratimi mund të shkaktojë rrahje të çrregullta të zemrës, sepse gjaku përmban ujë dhe kur jeni të dehidratuar, gjaku trashet më shumë. Sa më i trashë gjaku, aq më fort duhet të punojë zemra ta dërgojë atë nëper vena.

Pulsi shtohet dhe rrahjet janë më të çrregullta dhe më të shpejta. Nëse e ndieni një gjë të tillë, pini një gotë me ujë. Nëse vini re se urina ka një ngjyrë të verdhë të errët, atëherë pini më shumë ujë për të shmangur rrahjet e shpeshta të zemrës.

4. Riktheni ekuilibrat e elektroliteve

Elektrolitet ndihmojnë në transmetimin e sinjaleve në të gjithë trupin. Disa prej elektroliteve që i bëjnë mirë zemrës janë: Kaliumi, Kalciumi, Magnezi. Shumica e këtyre elektroliteve merren më mirë nëpërmjet ushqimit.

Avokado, banania, patatja e ëmbël dhe spinaqi janë burime shumë të mira të kaliumit. Nëse dëshironi të rrisni dozën e kalciumit, konsumoni më shumë barishte me ngjyrë të gjelbër dhe produkte bulmeti.

Barishtet së bashku me arrorët dhe peshkun janë një burim i shkëlqyer i magnezit. Kujdes me kripën. Shumë njerëz marrin më shumë kripë nëpërmjet ushqimeve të paketuara, produkteve të mishit dhe ushqimeve të shpejta.

5. Shmangni stimuluesit

Zemra është e ndjeshme ndaj substancave të ndryshme.

Pijet dhe ushqimet me kafeinë

Alkoli i tepërt

Disa ilaçe kundër të ftohtit dhe kollës

Ilaçet kundër oreksit

Ilaçet kundër sëmundjeve mendore

Ilaçet kundër tensionit të lartë të gjakut.

Këto janë gjërat nga të cilat duhet të hiqni dorë ose të konsumoni më pak, nëse dëshironi që zemra të rrahë siç duhet./AgroWeb.org

Pesë Vlerat E Kastravecit Kundër Tensionit Të Lartë

Kastraveci është një nga perimet që sjell më shumë freski në gatime.

Por freskia nuk është e vetmja arsye përse kastraveci duhet konsumuar rregullisht.

Sipas të dhënave të AgroWeb.org, kastraveci përmban fibër, proteinë, kalçium, si dhe vitaminat A, B12, B6, C dhe D.

Një nga përfitimet madhore që kastraveci ofron për organizmin është stabilizimi i kolesterolit.

Për më tepër, kastraveci forcon imunitetin dhe ka aftësi të jashtëzakonshme në uljen e tensionit të lartë të gjakut.

Përqendrimi i lartë i ujit tek kastraveci e bën atë një aleat të dobishëm kundër dehidratimit.

Në këtë artikull të AgroWeb.org do të mësoni më shumë se çfarë mund të bëjë kastraveci për të ulur tensionin e lartë të gjakut.

Stabilizimi i Tensionit Të Gjakut

Përmbajtja e vitaminave dhe mineraleve të kastravecit e bën atë tepër të dobishëm për shëndetin, veçanërisht për ata që vuajnë nga tensioni i lartë i gjakut.

Konsumi i vazhdueshëm i kastravecave çon në mënyrë të pashmangshme në stabilizimin e tensionit të gjakut.

Ulja E Tensionit Të Gjakut

Njerëzit që vuajnë nga tensioni i gjakut duhet të konsumojnë kastravecë rregullisht.

Ekspertët rekomandojnë që në momentin që tensioni i gjakut rritet, duhet të konsumoni kastravecë për ta ulur atë shpejt dhe për ta stabilizuar.

Mirëmbajtja E Tensionit Të Gjakut

Nëse tensioni i gjakut rritet në mënyrë të vazhdueshme dhe të përsëritur, mund të shkaktojë sëmundje të ndryshme kronike siç janë sëmundjet e zemrës apo ishemia.

Për të mirëmbajtur tensionin e gjakut dhe parandaluar ngritjen e tij të shpeshtë, njeriu duhet të konsumojë rregullisht kastravecë.

Qetësimi I Tensionin E Gjakut

Konsumi i vazhdueshëm i kastravecit jo vetëm e parandalon ngritjen tensionin e gjakut por edhe përsëritjen e këtij problem.

Megjithatë, që të mos mërziteni me shijen e kastravecit, mund ta përfshini atë në receta të ndryshme si sallata, lëngje e të tjera.

Kundër Dhimbjeve Të Kokës

Tensioni i lartë i gjakut shoqërohet me dhimbje koke dhe dobësi.

Për të shmangur këtë gjendje dhe larguar dhimbjen e kokës, AgroWeb.org ju rekomandon të pini lëng kastraveci.

Ky lëng është i freskët dhe zgjidhje shumë e mirë dhe e shpejtë kundër dhimbjes së kokës.

E mira e kastravecit është që jo vetëm që shmang ngritjen e përsëritur të tensionit të gjakut por edhe e zgjidh atë si problem./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi: U.S. National Library of Medicine

Çaji me Mese Arrash për Zemrën, Mushkëritë dhe Imunitetin

Për shumë njerëz ky është një çaj që funksionon kundër kollës dhe problemeve me frymëmarrjen, por do të habiteni nga vlerat e tyre ndaj shumë funksioneve të organizmit.

Shumë prej lexuesve të AgroWeb.org janë në dijeni për vlerat shëruese të arrave.

Të paktë janë ata që dinë për vlerat unike të meseve të arrave, pjesa e brendshme e tyre, që pas qërimit të arrave përgjithësisht hidhet bashkë më levozhgat.

Meset e arrave për shumë njerëz japin një çaj që funksionon kundër kollës dhe problemeve me frymëmarrjen, por do të habiteni nga vlerat e tyre ndaj shumë funksioneve të organizmit.

Nëse do t’i vinim veshin këshillave të të parëve tanë, atëherë meset e arrave duhen përdorur sepse luftojnë sëmundjet e zemrës.

Këto copëza të veçanta janë si një pëlhurë e hollë që ndajnë arrat në katër pjesë. Çaji i meseve të arrave funksionon më së miri kundër bllokimit të arterieve koronare që e furnizojnë zemrën me gjak. Meset e arrave rekomandohen në veçanti për duhanpirësit.

Nëse konsumohen rregullisht, meset e arrave kanë ndikim kundër tensionit të lartë të gjakut dhe ulin dhimbjet e kraharorit.

Duhanpirësit, veçanërisht ata që i janë nënshtruar këtij vesi për shumë kohë, përballen me një rrezik më të lartë të një ataku në zemër.

Rrjedhimisht, duhanpirësit këshillohet të pinë çajin me meset e arrave, por edhe të lënë duhanin.

Përgatitja e çajit me meset e arrave është shumë e thjeshtë

Në mbrëmje, zhysni në ujë katër ose pesë prej tyre. Në mëngjes, vini çajnikun në zjarr, zjeni ujin dhe hidhni në të meset e zbutura të arrave.

Lëreni çajin të ftohet dhe pijeni me gllënka të vogla me stomakun bosh.

Këtë proçedurë duhet ta zbatoni pa ndërprerje për shumë kohë.

Arrat nga ana tjetër janë një produkt shumë i shëndetshëm që duhet konsumuar nga të gjithë.

Arrat që i ngjasojnë trurit të njeriut kanë një ndikim tek funksionet e tij për shkak të përmbajtjes së lartë të acideve yndyrore Omega 3, të cilat ulin stresin dhe depresionin.

Efektet e mira të arrave ndihen edhe në gjumë, falë hormonit të melatoninës që sjell gjumin dhe qetësinë.

Arrat janë plot me antioksidantë dhe forcojnë sistemin imunitar.

Ato mbajnë një nivel normal të insulinës në gjak dhe rrjedhimisht janë të mira për diabetin.

AgroWeb.org ju rekomandon të hani çdo ditë 7 arra që keni një dozë optimale të substancave të shëndetshme në trup.

Receta e çajit me mese arrash

Merrni gjysëm filxhani me mese arrash, hidhini në një çajnik së bashku me dy gota ujë.

Lërini të ziejnë së bashku dhe më pas të ftohen për 10 minuta. Pini nga një gllënkë para se të hani.

Ky trajtim duhet të zgjasë nga një në 4 muaj dhe do të kini në kontroll fluksin e jodit në organizëm, por edhe do të përfitoni një shëndet më të përmirësuar, metabolizëm normal dhe qetësi.

Meset e arrave ndihmojnë njerëzit që kalojnë shumë kohë përpara kompjuterit.

Grini meset e arrave, ziejini ato me 1 gotë e gjysëm ujë, lërini të ftohen për 20 minuta.

Kullojeni lëngun mirë në një napë dhe lyeni me to kapakët e syve disa herë. Përsëriteni këtë proçedurë për 2 javë.

Meset e arrave përdoren edhe për trajtimin e adenomës në prostat dhe cisteve në vezore.

Merrni dy lugë gjelle me mese arrash, hidhini në një çajnik të mbushur me një gotë e gjysëm ujë.

Lërini të ziejnë ngadalë në një nxehtësi të ulët.

Lëreni çajnikun të ftohet për një orë dhe pijeni lëngun 3 herë në ditë.

Versione të tjera përgatitjeje

Përveç çajit, meset e arrave kanë edhe mundësi të tjera për t’u përgatitur, në formën e tretësirave apo tonikut.

Tretësirat me mese arrash përdoren për trajtimin e mungesës së jodit, sëmundjen e tiroideve, të traktit gastrointestinal, tensionit të lartë, hipertensionit, diabetit, dridhjen e duarve, djersitjen, pagjumësinë, irritimet, dhimbjet e kokës etj.

Mbushni 1/3 e një shisheje me meset e arrave, hidhni raki ose konjak.

Ruajeni në një vend të errët e të ngrohtë për tre javë, kullojeni dhe merrni nga një lugë gjelle para vakteve, tre herë në ditë./AgroWeb.org

Produktet Italiane Tashmë Rriten Në Divjakë – Vlerat e Tyre Për Shëndetin

Rukola, finok, brokoli.  I vetmi rreng që mund të na bëjnë këto delikatesa italiane është të na bëjnë të pastër brenda e të bukur jashtë, siç thonë me krenari dhe vetë italianët.

Këto produkte të Mesdheut kanë hyrë tërë delikatesë në kuzhinën tonë, në restorante, por dhe në tokën tonë.

Rukola siç njihet ndryshe, prodhohet masivisht edhe në Divjakë e Lushnjë së bashku me finokun dhe lakrën e vogël pranverore, apo lakrën e Brukselit.

Arbër Gjoka, është një nga fermerët e rinj nga Divjaka që po e provon fatin pikërisht me lakrën e Brukselit.

Ai ka nisur ta kultivojë këtë lakër të vogël, për shkak të kërkesës në rritje për të.

“Në Divjakë mund të ketë afro 20 ha të mbjellë me lakrën e vogël me një prodhim prej rreth 1.140 ton në vit”, konfirmon Gjoka për AgroWeb.org, duke pohuar se gjatë viteve të fundit kërkesat për këtë lakër speciale janë shtuar veçanërisht nga Polonia dhe Lituania.

Por me shumë gjasë ju mund të pyesni, po pse atëherë ne shohim kaq pak lakra të vogla dhe finok në treg?

Kjo ndodh sepse prodhohet shumë pak. Luto Goga, ekspert i bujqësisë shpjegon për AgroWeb.org, se kjo vjen edhe si pasojë e një tregu të vogël.

“Këto në fakt janë bimë shumë interesante, por tregu ynë është shumë i vogël. Duke qenë se janë shumë delikate ato kanë nevojë për një kujdes më të veçantë nga fermerët dhe njohje më të madhe nga konsumatorët në lidhje me cilësitë dhe vlerat e tyre” thotë Goga për AgroWeb.org.

Pikërisht mosnjohja e këtyre produkteve dhe tregu i vogël, i bëjnë fermerët skeptikë, nëse duhet të prodhojnë më shumë, pasi nuk dinë a do të mund të ketë treg për to.

Rukola 

Rukola siç dhe e njohim më shumë, është një nga ato perime që qëndrojnë në piedestal për shkak të shumë vitaminave e mineraleve.

Nëse do të krahasonim rukolën me sallatën jeshile, rukola përmban tetë herë më shumë kalcium, pesë herë më shumë vitaminë A, vitaminë C dhe vitaminë K dhe katër herë më shumë hekur sa e njëjta sasi me sallatë jeshile.

Zgjedhja është e thjeshtë. Rukola për një sallatë të shëndetshme.

Për më tepër, fibrat tek rukola ju ndihmojnë në aparatin tretës, duke ju bërë që të ndiheni të ngopur për një kohë më të gjatë. Gjithashtu ndihmon për të ulur kolesterolin, për të balancuar sheqerin në gjak dhe për të ulur rrezikun e sëmundjeve të zemrës.

Finoku

Të mirat shëndetësore të finokut janë aq të shumta, sa e meriton me të vërtetë emrin finok. Ndihmon për aneminë, tretjen, konstipacionin, diarenë, çrregullimet e frymëmarrjes, çrregullimet menstruale dhe ndihmon për shikimin.

Finoku ose Fennel, emri shkencor i së cilit është Foeniculum Vulgare Miller, përdoret masivisht në të gjithë botën për përdorime të shumta kulinare.

Brussel Sprout ose lakra e vogël e Brukselit

Eshtë e habitshme se sa shumë proteina kanë lakrat e Brukselit, duke qenë se janë veçse një perim i gjelbërt.

Në një tas me këtë lakër të vogël nevojat tuaja për vitaminë C dhe për vitaminë K për ditën do të jenë të përmbushura.

Ato renditen mes 20 ushqimeve me më shumë vlera ushqyese, ku maten vitaminat, mineralet dhe fitoushqyesit në raport me sasinë e kalorive.

Duke konsumuar një racion me lakra Brukseli ju do të merrni vitaminë K,  vitaminë C, dhe shumë vitaminë A, vitaminë B-6, folat, potas dhe manganez që ju duhen në një ditë./AgroWeb.org

Sekretet e Mbjelljes së Hithrave në Shtëpi

Hithra është përdorur prej shekujsh për të kuruar dhimbjen e kyçeve, ekzemën, artritin, sëmundjet e tretjes dhe aneminë.

Shumë njerëz zgjedhin të marrin vlerat e hithrës nëpërmjet çajit. Hithra është e mbushur me antioksidantë, siç janë luteina, likopeni dhe hekuri.

Përveç vlerave shëndetësore, hithrat janë shumë të shijshme. Gjetja dhe këputja e hithrave është mision më vete, ndaj përse të mos i rrisësh në shtëpi?

Lexoni artikullin e mëposhtëm të AgroWeb.org dhe të mësoni më shumë mbi metodat e mbjelljes së hithrave në shtëpi.

Hithra (Urtica Dioica) është një nga 50 varietetet e bimës së hithrës në botë. Hithra është një kushërirë mjaft e largët e nenexhikut dhe mentes.

Nëse dëshiron ta rrisësh në shtëpi, duhet të kesh parasysh që hithra ka një natyrë pushtuese dhe duhet mbajtur nën kontroll.

Në Shqipëri, hithra rritet kudo në natyrë, por ajo do të lulëzojë njësoj edhe në shtëpi.

Hithra rritet shpejt. Kërcenjtë e saj janë të mbushur me push pickues, një mburojë e nevojshme e bimës për të mbajtur larg kafshët.

Ndaj, nëse dëshironi të zgjidhni problemin e kafshëve dhe brejtësve që shkatërrojnë ç’tu dalë përpara në kopështin tuaj, atëherë mbillni hithra përreth të mbjellave.

Mbjellja dhe mbledhja e hithrave

Mbillni një deri në tre fara në një saksi. Farat e hithrave mund t’i blini ose t’i merrni nga bima e t’i thani përpara se t’i mbillni.

Mbulojini lehtë farat me dhé dhe sigurohuni që të kenë lagështirë të mjaftueshme. Farat do të lëshojnë rrënjë pas 14 ditësh.

Farat mund t’i mbillni direkt edhe në kopshtin tuaj, duke zgjedhur vendin më të pasur e më të lagësht, larg barishteve të tjera.

Farat mbillini në pranverë në një distancë prej 2 centimetrash nga njëra-tjetra dhe ujitini shpesh.

Nëse dëshironi ta rrisni hithrën në ambient të brendshëm, atëherë transferojini rrënjët dhe kërcenjtë e njomë në një vazo tjetër.

Hithrat do të jenë gati 80-90 ditë pas mbjelljes së farave. Periudha më e mirë për të këputur hithrat është kur gjethet janë të njoma dhe të buta.

Krasiteni bimën duke mbledhur gjethet në pjesën e sipërme. Vazhdoni me krasitjen edhe gjatë verës, duke u përqendruar tek gjethet.

Sigurohuni që të keni veshur doreza dhe të keni mbuluar duart mirë. Pushi përvëlues i hithrës përmban disa kimikate që shkaktojnë ndjesinë e djegies që zgjat për disa orë.

Përdorni gërshërë të mprehta dhe tregoni kujdes në përpunimin e hithrës në kuzhinë. Valojini për pak minuta që t’i zhvishni ato nga pushi djegës.

Transplantimi

Mund të përdorni edhe metodën e transplantimit të bimës.

Këpusni bimën e hithrës me gjithë rrënjë në një gjatësi nga 15 deri në 25 centimetra nga toka, dhe mbilleni në vazo mesatare në shtëpinë tuaj.

Ose provoni të lini hithrat e blera në treg, në një gotë ujë deri sa të lëshojnë rrënjë e më pas transferojini në vazo.

Varietetet e hithrës janë të shumta, ndaj përpiquni të provoni disa prej tyre në mënyrë që të gjeni shijen që ju pëlqen./AgroWeb.org

Dëmtimi i Nervave – Tetë Shenjat Që Nuk Duhen Neglizhuar

Trupi i njeriut përshkohet nga miliarda nerva.

Shumica prej tyre janë periferikë dhe kanë një funksion primar: shpërndarjen dhe transmetimin e mesazheve e sinjaleve në tru dhe në shtyllën kurrizore.

Kur gjithçka shkon siç duhet, truri merr të gjithë informacionin për të cilin ka nevojë që mundësojnë lëvizjen e muskujve, njohjen e dhimbjes dhe funksionin e organeve.

Kur këto nerva dëmtohen atëherë ecja është e vështirë, dhimbja e fortë dhe rreziku është i lartë.

Diabeti është shkaktari kryesor i dëmtimit të këtyre nervave.

Megjithatë  nuk përjashtohet as trauma (e shkaktuar nga një aksident) plakja, mungesa e vitaminave, ekspozimi ndaj toksinave, hepatitis C, dhe sëmundje imunitare.

Sipas të dhënave të AgroWeb.org, kjo sëmundje zhvillohet ngadalë, që do të thotë se njeriu mund ta kurojë atë përpara se të përkeqësohet.

Ndonëse diagnostikimi nuk është gjithmonë i thjeshtë, simptomat e kësaj sëmundjeje janë një këmbanë alarmi që nuk duhen injoruar.

Mpirje, Therje, Djegie

Nëse vëreni mpirje, therje ose djegie të këmbëve dhe duarve duhet të dini që kjo ndodh nga kompresimi i nervave ndijorë gjatë gjumit.

Këto simptoma janë të përkohshme, por nëse zgjasin shumë gjatë, AgroWeb.org ju sugjeron të shkoni tek mjeku.

Vështirësi Në Lëvizje

Dëmtimi i nervave motorikë shkakton dobësi, vështirësi në lëvizje ose paralizë, thonë ekspertët.

Vështirësia në lëvizje mund të jetë një shenjë paralajmëruese e një infarkti ndaj sigurohuni që të shkoni tek mjeku sa më parë.

Dhimbje Në Këmbë

Dhimbjet e forta, ndjesia e therjes në fundshpinë që shpërndahet vetëm në njërën këmbë, nënkupton dëmtimin e nervit shiatik.

Sipas të dhënave të AgroWeb.org, nervi shiatik mund të dëmtohet nga hernia diskale ose nga diabeti.

Ngathtësi Dhe Plogështi  

Nëse krejt papritur vëreni se rrëzoheni shpesh, jeni të ngathët dhe nuk qëndroni në këmbë, atëherë duhet të dini se kjo ndodh nga dëmtimi i nervave.

Ngathtësia është gjithashtu simptomë e sëmundjeve nervore siç është Parkinsoni.

Urinim i Shpeshtë

Dëmtimi i nervave nënkupton se fshikëza e urinës merr informacionin e gabuar.

Kjo shoqërohet me dëshirën në rritje për të shkuar në banjë.

Njerëzit që vuajnë nga diabeti janë më të prekur nga ky problem.

Dhimbje Të Papritura Koke

Nëse prekeni nga dhimbje koke të papritura por shumë të forta, atëherë duhet të dini që kjo vjen si pasojë e dëmtimit të nervave të qafës.

Ky problem zgjidhet nëpërmjet një injeksioni që bllokon përkohësisht nervin përgjegjës që transmeton sinjalin e dhimbjes.

Djersitja e Tepërt

Djersitja e tepërt mund të jetë tregues i dëmtimit të nervave që dërgojnë informacion nga gjëndrat e djersës tek truri.

Ndjesi Minimale Të Dhimbjes

Nervat ndijorë i tregojnë trurit nëse diçka është e rrezikshme dhe nuk duhet prekur.

Nëse këto nerva janë dëmtuar, ju mund të shihni sobën ndezur por truri nuk e percepton rrezikun e nxehtësisë.

Kështu jeni më të rrezikuar nga djegia ose diçka tjetër.

Nëse vëreni se keni pësuar një lëndim të tillë nga përdorimi i sobës, enëve të kuzhinës e të tjerë, atëherë vizitohuni tek një mjek./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi: U.S. National Library of Medicine

Krem Karamel – Lehtësia e Ëmbël e Shijes

Krem Karameli është një ëmbëlsirë delikate, plot finesë dhe shije fantastike.

Receta është shumë e lehtë për t’u përgatitur në çdo kohë dhe është një mënyrë fantastike për ta ndarë me familje apo për t’ia ofruar miqve apo të afërmve teksa na vizitojnë në shtëpi.

Shija e krem karamelit është tërësisht e lehtë dhe butë, aq sa nëse e gatuan në shtëpi vështirë se mund të rrish pa ngrënë të paktën dy të tillë.

Fantastik në shoqërimin e kafesë, ekspres qoftë apo turke, apo edhe çajra të ndryshëm gjithashtu.

Mund të kombinohet e shoqërohet gjithashtu edhe me fruta të freskëta, sidomos me shegë apo luleshtrydhe.

AgroWeb.org u sugjeron më poshtë një recetë të thjeshtë të përgatitjes së krem karamelit në shtëpi.

Përgatitja e Krem Karamelit në Shtëpi

Për përgatitjen e karamelit

150 gramë sheqer

50 ml ujë

3 pika lëng limoni

Për përgatitjen e kremit  

1 l qumësht

1 gotë ujë me sheqer

6 kokrra vezë

Dy lugë të vogla vanilje

Procesi i përgatitjes

Përgatisim karamelen duke hedhur në një enë sheqerin dhe ujin. I vendosim në zjarr deri sa të marrë ngjyrën kafe të errët të karameles.

Ashtu siç është e nxehtë dhe karamelja është duke pluskuar e hedhim në enën apo kupat e aluminit ose qelqi të trashë ku do ta pjekim.

Nga ana tjetër nisim përgatitjen e kremit. Hedhim në një enë vezët, sheqerin dhe vaniljen dhe shtojmë pak nga pak qumështin e nxehtë duke i trazuar.

Sigurohemi që qumështin e nxehtë të mos e hedhim menjëherë pasi priten vezët.

Masën e përgatitur e shtojmë tek ena ku kemi hedhur karamelen e shkrirë.

Enën me krem karamel e vendosim në tepsi në të cilën hedhim një gotë të madhe me ujë.

I fusim në furrë për pjekje me 180 gradë për 30 minuta derisa kremi të mpikset.

Pasi fikim furrën i lëmë edhe pak në ngrohjen e furrës dhe kur e servirim, sipas preferencës mund ta përmbysim në mënyrë që pjesa e sipërme të jetë e mbuluar nga karameli./AgroWeb.org

 

Kura Me Tre Përbërës Për Imunitetin Dhe Pastrimin E Mushkërive

Stina e virozave shoqërohet me një sërë simptomash problematike siç janë rrjedhja e hundëve, kolla, tështimat dhe sekrecionet e tepërta.

Këto të fundit duhen larguar nga rrugët e frymëmarrjes me shpejtësi dhe në mënyrë efikase.

Kura e mëposhtme arrin të trajtojë me efikasitet të gjitha simptomat e virozave dhe të largojë sekrecionet.

Kura e sugjeruar nga AgroWeb.org ka tre përbërës: mjaltin, limonin dhe xhenxhefilin.

Të tre këto përbërës forcojnë sistemin imunitar, eliminiojnë sekrecionet dhe mbrojnë shëndetin.

Receta e Kurës Ideale Për Imunitetin Dhe Kundër Sekrecioneve

Përbërësit:

Një copë xhenxhefil 2 cm

100 ml ujë

100 gramë mjaltë

4 lugë gjelle me lëng limoni

Përgatitja:

Ziejeni xhenxhefilin në një çajnik me ujë për 10 minuta.

Më pas hidheni në një filxhan dhe lëreni të ftohet.

Shtoni mjaltin dhe limonin dhe më pas lërini përbërësit të rrinë gjithë natën.

AgroWeb.org këshillon që në mëngjes të filloni konsumimin dhe pjesën e mbetur futeni në frigorifer për ta konsumuar në vijim.

Përdorimi i Kurës

Ju duhet të pini 40 ml nga ky lëng çdo mëngjes përpara se të konsumoni ushqim.

Pësëriteni kurën për 40 ditë, pas të cilave duhet të bëni dy javë pushim dhe ta përsërisni procedurën për 40 ditë të tjera.

Pas kësaj periudhe, imuniteti juaj do të jetë më i fortë dhe më i mirë.

Nëse këtë kurë dëshironi ta përdorni për të larguar sekrecionet, ju mund ta shoqëroni atë me disa trajtime me avull.

Lëngun e përgatitur mund ta zieni dhe të qëndroni sipër avullit për 5 minuta.

Vlerat Shëndetsore Të Përbërësve të Kurës

Mjalti

Mjalti është i fuqishëm kundër mykut, virozave, baktereve dhe inflamacionit.

Ai përmban antioksidantë të shkëlqyer dhe rekomandohet kundër alergjive.

Sipas të dhënave të AgroWeb.org, mjalti forcon ndjeshëm imunitetin dhe ju ndihmon të pastroni mushkëritë dhe të qetësoni fytin nga irritimet e stinës.

Limoni

Limoni është i pasur me vitaminë C dhe kalium, dy substanca të nevojshme për një imunitet të fortë.

Vitamina C dhe kaliumi luftojnë inflamacionin, mikrobet dhe sekrecionet.

Limoni ruan nivelin e pehashit,  tensionit të gjakut dhe ekuilibrat hormonalë.

Ai parandalon lodhjen dhe dehidratimin.

Xhenxhefili

Ky zhardhok i rëndësishëm është efikas në largimin e sekrecioneve.

Ai rekomandohet në rastet e sinozitit dhe për pastrimin e mushkërive.

Xhenxhefili përmirëson qarkullimin  e gjakut dhe zgjidh problemet me azmën./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi: U.S. National Library of Medicine

Luani i Zemrës, Bima Mbrojtëse e Jetës

Që në lashtësi, luani i zemrës është përdorur për të trajtuar rrahjet e çrregullta të zemrës të shkaktuara nga ankthi.

Grekët dhe Romakët e lashtë e vlerësonin luanin e zemrës sepse besonin që ai i shëronte nga shqetësimet fizike dhe emocionale të zemrës.

Emri botanik i luanit të zemrës është Leonurus cardiaca dhe përshkruan më së miri paraqitjen dhe përdorimin mjekësor të kësaj bime.

Leonurus do të thotë “bishti i luanit” sepse shumë njerëz mendonin se gjethet e bimës i ngjanin bishtit të luanit. “Cardiaca” do të thotë “për zemrën.”

Në Shqipëri, kjo bimë rritet e egër në natyrë.

Njerëzve u duket si një barishte e zakontë, por ata që sigurojnë të ardhura falë bimëve mjekësore, e konsiderojnë veten me fat kur e gjejnë luanin e zemrës, pasi ia dinë mjaft mirë vlerat.

Vlerat shëndetësore të luanit të zemrës

Substanca alkaloid lenourine që gjendet tek luani i zemrës qetëson muskujt dhe parandalon mpiksjen e gjakut. Ajo ul tensionin e gjakut dhe largon yndyrnat prej tij.

Disa prej vlerave më të shquara shëndetësore të luanit të zemrës janë :

Përdoret për kurimin e problemeve me zemrën

Aftësitë diuretike të luanit të zemrës shmangin kalcifikimin e arterieve dhe ulin hipertensionin. Luani i zemrës ul tensionin e gjakut sepse ka vitaminat A dhe C.

Ai përdoret edhe për të trajtuar sëmundjet kardiovaskulare, ul ritmet e larta të rrahjeve të zemrës, çrregullimet me zemrën dhe ul rrezikun e mpiksjes së gjakut.

Kjo bimë ul rrahjet e çrregullta të zemrës të shkaktuara nga stresi, tensioni apo ankthi.

Përdorimi i luanit të zemrës për këtë çrregullim është miratuar edhe nga Autoriteti Gjerman i Mjekësisë.

Hipertiroidizimi është një simptomë që shkakton rrahje të çrregullta të zemrës dhe Komisioni Gjerman shprehet se luani i zemrës mund të përdoret edhe kundër kësaj simptome.

Tonik për femrat

Luani i zemrës është një nga tonikët më të mirë bimorë për femrat.

Ka plot vlera për shqetësimet shëndetësore duke përfshirë edhe irritimin nervor.

 Çrregullimet e lëkurës

Ekstrakti i luanit të zemrës ndihmon për të trajtuar disa probleme me lëkurën siç janë dermatiti, ekzema dhe kruarjet e tepërta.

Kundër irritimit dhe problemeve me sytë

Luani i zemrës përdoret kundër kruarjeve, problemeve me sytë dhe parandalimin e mpiksjes së gjakut.

Lufton ethet, temperaturën dhe probleme të tjera të frymëmarrjes

Luani i zemrës parandalon ethet dhe temperaturën. Trajton kollën dhe simptomat e bronshitit.

Kundër edemës dhe problemeve me veshkat

Luani i zemrës përmirëson funksionet e veshkave dhe trajton edemën e shkaktuar nga problemet në këtë organ.

Shton oreksin

Luani i zemrës ka një shije të hidhur që nxit tretjen. Ajo duhet kombinuar me disa bimë të tjera aromatike në përgatitjen e një tretësire e cila duhet konsumuar me pika përpara çdo vakti.

Luani i zemrës është i dobishëm edhe kur pihet si çaj.

Shija e hidhur mund të zbutet duke shtuar erëza ose ëmbëlsues. Mjalti është një prej tyre.

Luani i zemrës kombinohet mirë edhe me trëndafilin e egër për përgatitjen e tonikëve të shëndetshëm të zemrës./AgroWeb.org