Shqiptarët po konsumojnë mish pule më shumë se ndonjëherë më parë, sepse është burimi më ekonomik dhe më i përballueshëm në treg i proteinave për organizmin.

Dhe ndërsa pulat janë kthyer në një burim të tillë popullor ushqimi, nuk duhet të vijë asnjë surprizë që fermerët duhet të nxjerrin më shumë në treg produkte pule me shpejtësi rekord.

Në Shqipëri pjesa më e madhe e mishit të pulës vjen nga importi, pasi oferta vendase akoma nuk e përballon dot kërkesën e konsumatorëve.

Por ka një efekt anësor! Mishi i gjoksit të pulës është zakonisht me një ngjyrë rozë lehtësisht të tejdukshme.

Por nëse i keni kushtuar vëmendje gjokseve të mishit të pulës që blini në treg, sidomos atij të importuar, atëherë do të keni vërejtur ndonjëherë disa vija shtesë të bardha në sipërfaqe.

Këto vija të bardha janë një tregues se pula ka patur një çrregullim anormal të muskujve të quajtur "vizat e bardha." Nuk ekzistojnë studime që të tregojnë se një mish i tillë pule është i dëmshëm për konsumim. Por një anomali e tillë tregon për kushtet në të cilat janë rritur pulat.

Çrregullimi i Vizave të Bardha dëmton cilësinë e mishit në masën mbi 200% duke rritur përmbajtjen e yndyrës sipas një studimi të botuar në Revistën Italiane të Shkencave të Kafshëve. Shikoni fotot AgroWeb në fund të lajmit për dallimet.

Ajo që po haset gjithnjë e më shumë tek prodhuesit e pulave të importit është fakti që pulat duhet të rriten sa më shumë dhe sa më shpejt.

Sipas të dhënave të AgroWeb.org, pulat nisen për në treg kur arrijnë një mesatare peshe prej mbi 2,5 kg që e arrijnë në vetëm 47 ditë.

Jo më larg se disa dekada më parë, do të duheshin 70 ditë që pulat të arrinin gjysmën e asaj peshe.

Pse po ndodh? Kërkesa në rritje për pula është përgjegjësja e kësaj situate. Qendrat kërkimore raportojnë se konsumi mesatar i pulave është rritur disa herë më tepër krahasuar me vitet 70.

Çfarë mund të bëjnë konsumatorët për të? Zgjidhja është relativisht e lehtë: Kontrolloni mishin para se të blini atë. Vizat e bardha janë të lehta për t'u dalluar dhe për t'u shmangur nga konsumatorët./AgroWeb.org

Zgjedhje e Mirë

Zgjedhje e Dyshimtë