Çomleku është një pjatë shumë mbresëlënese dhe e plotë në aromë.

Kjo pjatë përgatitet me disa lloje mishrash siç është ai i viçit, qengjit apo pulës.

Në këtë recetë të AgroWeb.org do të mësoni si të gatuani një çomlek të shijshëm me mish viçi, patëllxhanë dhe djathë kaçkavall të butë.

Kjo recetë vjen nga periudha Otomane  dhe besohet të ketë qenë e preferuara e shumë sulltanëve.

Patëllxhanët dhe djathi përbëjnë një bazë shumë të shijshme për copat e mishit të viçit duke u transformuar në një pjatë për të lëpirë gishtat.

Kjo recetë çomleku nuk është e njëjtë me atë të çomlekut tradicional.

Përbërësit:

750 gramë mish viçi

4 filxhanë çaji me copa patëllxhani të pjekur

1 qepë të grirë hollë,

1 domate të kaluar në rende,

1 lugë gjelle salcë domate

Gjysëm luge çaji me piper të zi

Gjysëm luge çaji me sheqer

3 lugë gjelle me vaj ulliri

2 lugë gjelle me miell

3 gota ujë

Treçerek filxhan çaji me djathë kaçkavall të butë

1 lugë çaji me kripë

Piper të bardhë

Përgatitja:

Qepën e grirë futeni në një napë dhe shtrydheni nga lëngu i tepërt.

Vendosni tenxhere në zjarr dhe hidhni mishin e ndarue në copa të vogla, qepën dhe domatet.

Shtoni kripën, piperin, sheqerin dhe ujë.

Uleni zjarrin, mbylleni kapakun dhe lëreni mishin të ziejë në lëngun e vet duke e përzier herë pas here për rreth një orë.

Sa i përket patëllxhanëve, ju mund të përdorni të freskët ose të pjekur.

Në një tigan të thellë hidhni miellin dhe përziejeni vazhdimisht deri sa të marrë një ngjyrë të çelët kafe.

Shtoni ujin dhe përziejeni shpejt që të formohet një salcë pak e trashë.

Shtoni kripën, piperin dhe pak hudhër.

Pa marrë valë akoma, shtoni copat e patëllxhanit dhe djathin e butë deri sa e gjithë masa të jetë e qullët dhe e njëtrajtshme.

Uleni temperaturën në nivelin më të ulët të mundshëm dhe lërini copat e patëllxhanit të ziejnë për 5 minuta.

Më pas, servireni duke e hedhur në pjatë dhe sipër saj copat e mishit.

Sipër pjatës mund të hidhni pak majdanoz të freskët./AgroWeb.org