Me pak kalori, pa kolesterol, me shumë fibra dhe vitaminë C, mjedrat janë të shëndetshme, po aq sa janë dhe të bukura.

Jo më kot janë pagëzuar dhe si karamelet e natyrës.

Deri pak kohë më parë mjedrën, ndryshe të njohur dhe si mana e kuqe e tokës mund ta shijonim vetëm në një stinë.

Tani falë teknologjive të prodhimit në sera mund të vilet dy ose më shumë herë në vit.

Këto ditë para Vitit të Ri i gjejmë të zbukurojnë dukshëm tregjet e fruta – perimeve duke tërhequr syrin e konsumatorëve vendas.

Në Shqipëri dhe sidomos në Kosovë, fermerët e kanë përqafuar kultivimin e mjedrave, duke parë potencialin e madh të këtij fruti dhe kërkesave në rritje për të duke qenë një mrekulli për shëndetin.

Mjedrat konsumohen si fruta të freskëta, por edhe përpunohen në formën e lëngut dhe përbën një nga lëngjet matyrale më të pëlqyera nga konsumatorët.

Vlerat ushqyese që merren nga mjedrat

Një kupë me manaferra të kuqe (rreth 123 gramë) përmban 64 kalori, 1.5 gram proteinë, 0.8 gram yndyrna dhe 15 gram karbohidrate (duke përfshirë 8 gram fibra dhe 5 gram sheqer).

Manaferrat e kuqe ose mjedrat variojnë në ngjyra, ku secila prej tyre ka një përbërje unike të vitaminave, mineraleve dhe antioksidantëve.

Nga një kupë me mjedra ju siguroni 54% të nevojave tuaja ditore për vitaminë C, 12% për Vitaminën K, 6% folat, 5% të Vitaminës E, hekur dhe kalium.

Një racion i tillë plotëson 41% të nevojave ditore për manganez, gjithashtu dhe vitamin B-6, kalcium, magnez, zink dhe bakër. Mjedrat përmbajnë dhe antioksiduesit alfa dhe beta-karoten dhe kolinë.

Në Shqipëri, fermerët e kanë përqafuar kultivimin e mjedrave, duke parë potencialin e madh të këtij fruti dhe kërkesave në rritje për të.

Përfitimet shëndetësore nga mjedrat

Konsumimi i ushqimeve bimore, si manaferrat e kuqe ul rrezikun e obezitetit, diabetit, sëmundjeve të zemrës dhe vdekshmërisë në përgjithësi, duke ju rritur energjinë dhe duke ulur peshën. Gjithashtu një sërë studimesh kanë treguar për një lidhje pozitive mes konsumimit të mjedrave dhe përmirësimit të kujtesës.

Shëndeti i zemrës

Ushqimet e pasura me flavonoide, siç është dhe rasti i mjedrave ulin rrezikun ndaj sëmundjeve të zemrës. Kaliumi tek mjedrat ndihmon shumë edhe në shëndetin e zemrës.

Në një studim, njerëzit që konsumuan 4,069 mg kalium në ditë kishin 49% më pak rrezik ndaj sëmundjeve ishemike, krahasuar me ato që konsumonin më pak rreth 1,000 mg në ditë.

 

Mirëmban nivelet e sheqerit në gjak

Çdo ushqim bimor që ka lëkurë është shumë e pasur me fibra dhe mjedrat kanë shumë lëkurë. Ushqimet me fibra të larta e mbajnë sheqerin në gjak të stabilizuar.

Studimet kanë treguar se diabetikët e tipit 1, që konsumojnë dieta me fibra të larta kanë nivel të ulët të glukozës në gjak, ndërkohë që ato të tipit 2, kanë një përmirësim të sheqerit në gjak në nivelet e lipideve dhe të insulinës.

Ndihmon tretjen

Fibrat dhe sasia e ujit tek mjedrat ndihmojnë konstipacionin duke e mbajtur të shëndetshëm sistemin tretës, duke nxjerrë në këtë mënyrë jashtë toksinat.

Kthjellon shikimin

Ushqimet e pasura me vitamin C, si mjedrat kanë treguar se i mbajnë sytë e shëndetshëm, pasi i mbrojnë ato ndaj dëmtimit të rrezeve UV.

Mjedrat gjithashtu përmbajnë antioksidantin zeaxanthin, që filtron rrezet e rrezikshme blu si dhe mendohet se kanë një rol mbrojtës në shëndetin e syrit./AgroWeb.org