Ndodh rëndom që atëherë kur na duhet një medikament i caktuar përballemi me faktin se ai që kemi në gjendje është ose i skaduar ose shumë pranë datës së skadencës.

Dilema është e madhe.

Çfarë Do Të Thotë Data e Skadencës Tek Ilaçet

Në vitin 1979, autoritetet amerikane miratuan me ligj vendosjen e datës së skadencës tek medikamentet.

Data e skadencës është një garanci për fuqinë dhe sigurinë e ilaçit.

Sidoqoftë, autoritetet bënë disa kërkime mbi efikasitetin e ilaçeve që janë pranë datës së skadencës ose të skaruara dhe u befasuan.

Sipas tyre në 90% të rasteve, medikamentet që jepen me apo pa recetë janë në gjendje shumë të mirë edhe pas 15 vjet nga data e skadencës.

Për rrjedhojë, autoritetet mjekësore thonë njëzëri se data e skadencës edhe mund të injorohet.

Por në çdo rast, AgroWeb.org ju këshillon të konsultoheni me mjekun në lidhje me skandencën e ilaçeve.

Sa Të Sigurta Janë Ilaçet Pas Skadencës?

Studimet të cilave u referohet AgroËeb.org konfirmojnë se efikasiteti i barnave shtrihet në një afat kohor prej 15 vitesh.

Megjithatë, ka disa përjashtime.

Për shembull, barnat kundër dhimbjeve, amfetamina dhe aspirina humbasin forcën e tyre pas skadencës.

Një ilaç, efikasiteti i të cilit dobësohet me kalimin e viteve, mund të bëjë punë sigurisht.

Megjithatë, është e udhës që ilaçet t’i marrim me një datë skadence të largët për të shmangur efekte të caktuara anësore.

Përse Vendosen Datat e Skadencës Tek Ilaçet?

Në një intervistë për Pharmacology Today, Francis Flaherty, ish drejtor i programit të testimit të ilaçeve të departamentit amerikan për ushqimin dhe barnat e shpjegoi shumë qartë.

Sipas tij, datat e skadencës vendosen në kutitë e barnave për arsye marketingu dhe jo shkencore.

Ai tha se kompanitë farmaceutike fitojnë më shumë para duke vendosur datë skadence.

Asnjërit prej tyre nuk u intereson të mbajnë në raft ilaçe për vite të tëra, shpjegoi Flaherty.

Sigurisht Që Ka Përjashtime

Ekspertët amerikanë thonë se ilaçet e mëposhtme nuk duhen përdorur pas datës së skadencës:

Tetraciklina,

Nitroglicerina

Insulina

Antibiotikët e lëngshëm.

Gjithsesi, ekspertët e AgroWeb.org këshillojnë që nëse ilaçet që merrni për një sëmundje të caktuar kanë skaduar, është e udhës të konsultoheni me mjekun./AgroWeb.org/