Pesë Ushqimet E Duhura Kundër Tensionit Të Ulët

Tensioni i ulët i gjakut është një sëmundje shqetësuese por që merr një vëmendje të pamjaftueshme në krahasim me hipertensionin.

Nivelet e duhura të tensionit duhet të jenë 120/80 mm Hg thonë të dhënat e AgroWeb.org

Sipas të dhënave, tensioni është i ulët kur zbret në 90/60 mm Hg.

Simptomat më të zakonshme të tensionit të ulët të gjakut përfshijnë: marramendjen, dobësinë, të përzierat dhe mjegullimin e shikimit.

Dehidratimi, ndryshimet në stilin e të ngrënit, aktiviteti i ashpër fizik, anemia, stresi, tiroidja, niveli i ulët i sheqerit në gjak janë disa prej shkaktarëve të uljes së tensionit.

Ky i fundit mund të menaxhohet më mirë nëpërmjet disa ushqimeve të caktuara.

Ushqimet Dhe Pijet Më Të Mira Kundër Tensionit Të Ulët Të Gjakut

Kafeja

Kafeina njihet të ketë aftësinë e rritjes së menjëhershme të tensionit të gjakut.

Nëse ky i fundit ka pësuar një rënie të menjëhershme, pini një filxhan kafeje ose çaji.

Këto dy pije stimulojnë sistemin kardiovaskular dhe rrisin rrahjet e zemrës.

Çaji I Jamballit

Pirja e këtij çaji ndihmon në rritjen e tensionit sepse ngadalëson ndikimin e aldosteronit.

Ky i fundit është hormone që rregullon ndikimin e kripës në trup.

Ullinjtë

Ullinjtë janë të pasur me vitaminë E, hekur dhe bakër.

Shija e tyre e kripur dhe ushqimet e kripura në përgjithësi rrisin tensionin e gjakut.

Ushqimet E Pasura Me Vitaminë B-12

Njerëzit që vuajnë nga tensioni i ulët i gjakut duhet të konsumojnë më shumë ushqime të pasura me vitaminën B-12.

Sasitë e ulëta të kësaj vitamine mund të shkaktojnë anemi, e cila çon pashmangshmërisht në uljen e tensionit të gjakut.

Vezët janë një burim shumë i pasur i vitaminës B-12.

Ato mund t’i konsumoni të ziera, të skuqura apo të pjekura.

Uji

Dehidratimi lë pasoja të rënda në volumin e gjakut.

Ulja e volumit të gjakut shkakton uljen e tensionit të gjakut, veçanërisht në momentet kur njeriu po kryen një aktivitet të caktuar fizik.

AgroWeb.org ju këshillon të pini shumë ujë dhe bëjeni këtë rregullisht./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi: National Library of Medicine

Bukë Misri me Vaj Ulliri – Receta me Butësinë dhe Aromën më të Mirë

Një recetë që vërtetë do t’ju pëlqejë dhe do të bëhet e preferuara juaj.

Ju duhen vetëm 20 minuta dhe do të shijoni një bukë të ngrohtë, të butë dhe plot aromë falë vajit të ullirit dhe erëzave.

Receta që AgroWeb.org ju sjell sot është perfekte për ta shoqëruar me çdo recetë supe apo sallate si me perime të freskëta por dhe me të pjekura.

Madje mund ta konsumoni në çdo vakt të ditës, pasi ajo qëndron e butë për një kohë të gjatë.

Përbërësit

100g miell misri

60g miell gruri

1 lugë gjelle me djathë kaçkavall të grirë

1 lugë e gjysmë me sodë buke

1 lugë çaji me gjethe rozmarine të grirë

Gjysmë thelbi hudhër i grirë

Gjysmë luge çaji me kripë

1 vezë

180 ml qumësht

3 lugë gjelle me vaj ulliri

Përgatitja

AgroWeb.org ju këshillon që në fillim të ndizni furrën në 220 gradë që të ngrohet.

Ndërkohë në një tas të madh hidhni miellin, sodën e bukës, djathin, rozmarinën e grirë, hudhrën dhe kripën.

Përzjejini mirë në mënyrë që përbërësit të krijojnë një masë të njëtrajtshme.

Më pas në një tas tjetër rrihni vezën me qumështin dhe dy lugë gjelle vaj ulliri, derisa të formohet një salcë e hollë.

Hidhni ngadalë miellin me përbërësit e tjerë, dhe përzjejeni pa ndërprerje në mënyrë që të mos krijohen kokrriza.

Pasi brumi të jetë lidhur, duhet ta përzieni edhe për disa minuta të tjera në mënyrë që brumi të ketë ajër.

Ndërkohë tavën spërkateni me vajin e mbetur dhe spërkatni djathë kaçkavall në fundin e saj.

Hidhni aty brumin që përgatitët dhe përhapeni mirë me ndihmën e një luge në mënyrë që buka të piqet njëtrajtësisht.

Futeni për ta pjekur për 12-15 minuta ose derisa sipërfaqja e saj të jetë e artë.

Priteni në katrorë dhe shërbejeni të ngrohtë duke e shoqëruar me djathë apo kos dhe dhallë./AgroWeb.org

Kura e Saktë me Çaj Mali Kundër Kollës, Ftohjeve dhe Virozave

Të ngroh organizmin dhe shpirtin por mbi të gjitha efektet e tij janë fantastike për të mposhtur virozat, gripin dhe të ftohurën.

Çaj i ngrohtë mali me gjalpë, ëmbëlsuar me pak mjaltë dhe pak lëng limoni për vlera më të forta është një ndër kurat më të forta që mbrojnë organizmin.

Një traditë e trashëguar brez pas brezi në gjithë Shqipërinë, çaji i malit përzihet me lëng limoni, mjaltë dhe pak gjalpë.

Ky i fundit është një element që e bën shijen e çajit mjaft interesante dhe aspak të çuditshme, sidomos për ata që kanë probleme me kollën ose fytin.

Nëse ju pëlqen çaji i malit, atëherë përdoreni shpesh kështu, në mëngjes, por edhe në mbrëmje.

Përzierja e tij me gjalpin rrit forcën vepruese të vlerave ushqyese.

Gjalpi është tepër i pasur me vitamina dhe minerale.

Ai përmban kalçium, fosfor, potassium, zinku dhe magnezi.

Receta e Përgatitjes në Shtëpi

Përbërësit

Një grusht me çaj mali

Një lugë çaji me mjaltë

Dy lugë gjellë me lëng limoni

Një lugë çaji me gjalpë të freskët

Një filxhan çaji me ujë

Përgatitja

Si fillim zjejmë ujin.

Në ujin e nxehtë hedhim çajin e malit, e lëmë të zjejë deri në 10 minuta.

E heqim nga zjarri dhe e hedhim në filxhan.

Më pas hedhim lugën e mjaltit dhe lëngun e limonit, në fund gjalpin e freskët.

Çaji pihet kur është i ngrohtë.

Çaji me Fuqitë e Një Mali për Shëndetin

Çaji i malit është aset që natyra i ka dhuruar njeriut për t’a ndihmuar në mirëqenien e organizmit.

Sipas të dhënave të AgroWeb.org, çaji i malit shqiptar ka efekte të fuqishme në forcimin e imunitetit.

Ai ndikon për një tretje shumë të mirë të lehtë ndërsa lufton alergjitë e astmën, dhimbjet e kokën e sinozitin.

Çaji i malit ka një fuqi të jashtëzakonshme gjithashtu në trajtimin e sëmundjeve të të ftohtit.

Gripi, dhimbjet e fytit, kolla apo dhimbjet e kraharorit trajtohen më së miri përmes çajit të ngrohtë të malit.

Vlerat e Limonit dhe Mjaltit

Jo më kot, cilësohet si fruti i jetëgjatësisë. Limoni është një pasuri vlerash të çmuara për shëndetin.

Vetitë kuruese të tij janë të fuqishme falë vitaminave C dhe P, të cilat i bëjnë efektet shëruese të limonit të menjëhershme për organizmin e njeriut.

Mjalti, është cilësuar ndër shekuj si nektari i perëndive, e vijon të jetë i tillë edhe sot. Mjalti ka një përdorim të gjërë dhe jo vetëm si ëmbëlsues.

Përpara shpikjes së antibiotikëve, mjalti përdorej gjërësisht për të trajtuar plagët apo djegiet e lëkurës.

Ai është përdorur edhe për të zbutur kollën ose si maskë lëkure.

Që në lashtësi, mjalti konsiderohej si një ushqim i rëndësishëm për atletët dhe njerëzit që kryenin aktivitete fizike./AgroWeb.org 

Roli i Vitaminës D Për Rënien Në Peshë – Ushqimet Ku Mund Ta Gjeni

Njerëzit mbipeshë që kanë një akumulim të përqendruar të dhjamit në zonën përreth belit, janë më të rrezikuar nga mungesa e vitaminës D.

Gjetjet e një studimi të cilit i referohet AgroWeb.org, nënvizuan rolin e dëmshëm të mbipeshës në shëndetin e njeriut.

Mungesa e vitaminës D reflektohet në dendësinë kockore por edhe rrit rrezikun për sëmundjet e rrugëve të frymëmarrjes, imunitetit dhe zemrës.

Ekspertët thonë se ka një lidhje shumë të fortë mes akumulimit të yndyrnave në zonën abdominale me nivelet e ulëta të vitaminës D.

Mbipesha Dhe Vitamina D

Sipas të dhënave të studimit, meshkujt obezë kanë më pak vitaminë D në organizëm.

Nga ana tjetër, tek femrat mbipeshë, dhjamosja e mëlçisë është ajo që luan rol të fortë në uljen e nivelit të vitaminës D në organizëm.

Burimet e Vitaminës D

Njeriu e merr pjesën më të madhe të vitaminës D nëpërmjet rrezeve të diellit.

Kur këto rreze, sidomos ato të mesditës, bien në kontakt me lëkurën, nxisin prodhimin e vitaminës D.

Njerëzit që jetojnë në vende me klimë të ngrohtë,  përfitojnë më shumë vitaminë D.

Vitaminën D mund ta gjeni në këto ushqime siç janë:

Qumështi

Drithërat

Salmoni

Peshku ton

Skumbria

Vaji  i papërpunuar i peshkut

Vaji i mëlçisë së Merlucit

Ngrënia e këtyre ushqimeve, shkakton një sërë reagimesh pozitive në mëlçi dhe veshka.

Këto organe e transformojnë vitaminën D në formën e përshtatshme për organizmin.

Sa Vitaminë D Duhet Të Marrë Një I Rritur?

Sipas informacioneve të AgroWeb.org, në përgjithësi, të rriturit duhet të konsumojnë 600 njësi të vitaminës D në ditë, pra rreth 15 mikrogramë.

Të moshuarit mbi moshën 70 vjeç duhet të konsumojnë 800 njësi të kësaj vitamine në ditë, pra rreth 20 mikrogramë.

Pasojat e Tjera Të Mungesës Së Vitaminës D

Mungesa e zgjatur e vitaminës D shkakton çrregullime të masës minerale të kockave dhe fraktura tek fëmijët dhe të rriturit.

Mungesa e kësaj vitamine, nxit problemet me kockat, muskujt dhe shkakton dhimbje të gjymtyrëve.

Pamjaftueshmëria e vitaminës D mund të kontribuojë edhe në shfaqjen e osteoporozës.

Studime të shumta e kanë lidhur mungesën e vitaminës D me depresionin, sëmundjet e zemrës, çrregullimet imunitare, infeksionet dhe shtimin e qelizave të dëmshme.

Shkencëtarët thonë se mungesa e kësaj vitamine nuk i shkakton këto sëmundje por është një nxitës biologjik për disa procese inflamatore të lidhura me sëmundjet./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi: U.S. National Library of Medicine

Si Të Parandaloni Problemet Me Zemrën Në Çdo Moshë

Zemra është një organ për të cilin duhet të kujdessesh në çdo moshë.

Fundja nuk je kurrë shumë e re apo shumë e moshuar për të treguar kujdes me të.

Parandalimi i sëmundjeve të zemrës, falë zgjedhjeve të mençura në jetë, do të jetë masa më shpërblyese që mund të merrni për veten.

Mungesa e aktivitetit fizik, ushqyerja e keqe dhe vese të tjera mund të shkaktojnë dëme afatgjatë në zemrën tuaj të vetme.

Në këtë artikull të AgroWeb.org do të mësoni për hapat e thjeshtë që mund të merrni në çdo moshë për mbrojtjen e shëndetit të zemrës.

Të Njëzetat

Mbrojtja e zemrës duhet të fillojë që në të njëzetat.

Gjithçka që bëni e që nuk bëni në këtë moshë do të lërë pasoja afatgjata.

Në këtë moshë duhet të siguroheni që:

  • Të kryeni analiza dhe kontrolle të rregullta mjekësore për shëndetin e zemrës,
  • Të mbani nën kontroll nivelin e sheqerit në gjak,
  • Të kryeni aktivitet fizik
  • Të mos pini duhan.

Të Tridhjetat

Në këtë moshë, shumë njerëz nuk kanë kohë të shqetësohen për zemrën dhe shëndetin duke e marrë kështu të mirëqenë.

Ajo që mund të bëni në këtë moshë është:

  • Të ndiqni një regjim ushqimor të shëndetshëm për zemrën,
  • Të kaloni më pak kohë në divan e më shumë kohë në lëvizje,
  • Të informoheni për historikun familjar të sëmundshmërisë dhe të njiheni me faktorët e rrezikut.
  • Të mos pini duhan
  • Të tregoni shumë kujdes me stresin.

Të Dyzetat

Nëse deri më tani nuk jeni shqetësuar për zemrën dijeni që siç thotë populli “ më mirë vonë se kurrë.”

Nuk jeni vonë për të bërë zgjedhje të shëndetshme dhe ndryshime në stilin e jetesës.

  • Kujdesuni për peshën dhe metabolizmin që ngadalësohet në këtë moshë.
  • Kontrolloni nivelin e sheqernave në gjak.
  • Shkoni në palestër ose kryeni më shumë aktivitet fizik,
  • Kujdesuni për gjumin dhe jini të vëmendshëm ndaj gërrhitjes. Kjo mund të tregojë probleme me frymëmarrjen dhe të kontribuojë në rritjen e tensionit dhe problemeve me zemrën.

Të Pesëdhjetat

Kapërcimi i këtij pragu ka një ndikim të fortë në shëndetin e zemrës.

Gjasat janë që në këtë moshë të jeni prekur nga tensioni i gjakut, kolesteroli i lartë, ose diabeti, të cilat rrisin rrezikun e sëmundjeve të zemrës.

Në këtë moshë ju duhet të:

  • Ushqeheni shëndetshëm,
  • Informoheni mirë për shenjat paralajmëruese të atakut në zemër dhe ishemisë,
  • Kujdesuni të merrni ilaçet me përpikmëri,
  • Të mos pini duhan,
  • Të kryeni aktivitet fizik

Mbi të Gjashtëdhjetat

Në këtë moshë rreziku i sëmundjeve të zemrës është më i lartë.

Ndaj, njerëzit duhet të tregohen të kujdesshëm dhe të përpiktë me analizat mjekësore dhe medikamentet.

Njerëzit duhet të:

  • Kujdesen për peshën,
  • Të ushqehen shëndetshëm,
  • Të pijnë ujë mjaftueshëm,
  • Të kryejnë aktivitet fizik.
  • Të informohen për  shenjat paralajmëruese të atakut në zemër dhe ishemisë,

Kjo e fundit është shumë e rëndësishme dhe mund të shpëtojë jetë./AgroWeb.org

Thjerrëza me Uthull dhe Hudhra – Receta me Shije Fantastike

E ngrohtë, e shijshme, kjo është një pjatë fantastike, e cila falë ushqyesve që ka plotëson në mënyrë perfekte normën ditore të organizmit për fibra, hekur dhe proteina.

Thjerrëzat janë një burim i shëndetshëm karbohidratesh, një ushqyes makro të cilin organizmi e transformon në glukozë dhe më pas në energji.

Më poshtë AgroWeb.org ju sugjeron përgatitjen e thjerrëzave me hudhra dhe uthull.

Përgatitja e Thjerrëzave në Shtëpi

Përbërësit

(Përbërësit më poshtë janë për 4-5 persona)  

2 filxhanë çaji me thjerrëza

1 filxhan kafeje me vaj ulliri

Spec djegës

2-3 thelpinj hudhra

Dy lugë gjelle uthull molle

Përgatitja

Thjerrëzat pastrohen, lahen, u hidhet kripë dhe vendosen të ziejnë.

Në një enë me vaj ulliri shtohet pak spec i kuq djegës, hudhra të shtypura dhe uthull.

Masa e përgatitur u hidhet thjerrëzave që kanë zierë.

Kjo është një nga mënyrat e thjerrëzave. Por mund t’i përgatisni edhe ndryshe.

Vihen në zjarr me qepë, karrota të prera në kubikë të vegjël, pak vaj ulliri dhe në fund u hidhet pjesa tjetër e vajit të ullirit, hudhrat e shtypura dhe majdanoz i grirë hollë.

Për ta trashur pak lëngun mund të hidhet edhe një kokërr patate e cila, pasi zjen shtypet.

Vlerat Shëndetësore

Supa me thjerrëza është një burim i mirë proteinash dhe fibre. Çdo racion i kësaj supe përmban 11.1 gramë fibër që plotëson një pjesë të rëndësishme të dozës prej 25-38 gramë të fibrës që duhet të konsumoni çdo ditë.

Fibra i bën mirë sistemit tretës dhe zorrëve, duke parandaluar diarenë, konstipacionin dhe sëmundje të tjera të aparatit tretës.

Një racion me supë me thjerrëza plotëson pothuaj të gjithë nevojën tuaj ditore për hekur.

Në mesin e ekspertëve të mjekësisë popullore besohet se ushqimet pikante mund të luftojnë të ftohtit, ky është edhe rasti i supës me thjerrëza./AgroWeb.org

Skuqja e Veshit – Shkaqet dhe Trajtimi me Metoda Natyrale

Skuqja e veshit është një fenomen i shpeshtë tek të gjithë njerëzit.

Në terma popullore thuhet se kur njëri nga veshët të skuqet atëherë dikush është duke folur për ju. Por në të vërtetë, ky fenomen lidhet drejtpërdrejtë me të tjera shkaqe.

Në shumë raste, personat përjetojnë jo vetëm skuqje të veshit por edhe nxehtësi në pjesën e skuqur.

Në disa raste, ky fenomen zgjat për disa minuta por në raste të tjera edhe për orë të tëra.

Çfarë e shkakton skuqjen e veshit?

Ka disa faktorë që shkaktojnë skuqjen e veshit të cilët kryesisht kanë të bëjnë me:

Stresin dhe ankthin

Emocionet – gjatë një ataku prej panikut, nervozizmi dhe ankthi i injektojnë trupit disa lëndë kimike që rrisin presionin e gjakut duke shkaktuar edhe skuqjen apo nxehtësinë në njërin apo të dy veshët.

Ndryshime hormonale- problemet me tiroidet dhe të tjera probleme shëndetësore që ndikojnë në ndryshimet hormonale nxisin skuqjen e veshit.

Alkoli

Dehidratimi

Migrena – në këtë rast skuqja, nxehtësia por edhe dhimbja e veshëve shoqërohet edhe me dhimbje koke.

Skuqja e veshit shkaktohet edhe nga faktorë jo shëndetësorë si për shembull: 

Prekja apo kruarja e veshit

Moti ekstremisht i ftohtë por edhe ekstremisht i ngrohtë

Disa lëvizje si përtypja e shpeshtë, teshtima, kollitja, lëvizja e nofullave.

Krehja e flokëve apo edhe bërja e dushit etj

Metodat natyrale për trajtimin e skuqjes së veshit   

Ka disa mënyra shumë të thjeshta natyrale të cilat ndalojnë skuqjen e veshit dhe nivelin e lartë të nxehtësisë së tij.

Në këto raste, lani fytyrën dhe veshët me ujë të ftohtë.

Dehidratimi ndihmon gjithashtu tek skuqja e veshit ndaj në një rast të tillë pini 1 apo dy gota ujë.

Mos hani ushqime të shpejta të cilat përmbajnë toksina dhe yndyrna të shumta

Hani fruta dhe perime të pagatuara apo pini lëngje frutash dhe perimesh.

Hani arra, lajthi e bajame.

Përdorni për masazhimin e veshit vaj ulliri apo vaj rigoni.

Të gjitha këto metoda do t’ju ndihmojnë që të largoni sikletin e veshit të skuqur dhe nxehtësinë e tij krejt shpejt./AgroWeb.org

Patëllxhani Turk – Varieteti I Veçantë Plot Shije Dhe Vlera

Ky lloj patëllxhani në gjuhën shkencore njihet si Solanum melongena.

Ai është një varietet që origjinën e ka nga Turqia dhe prodhon fruta në ngjyrë të portokalltë të cilat ngjasojnë me domatet.

Patëllxhanët kanë nevojnë për shumë diell, ujitje të bollshme dhe një tokë të pasur, fertile dhe me drenazhim të mirë.

Ato nuk rriten mirë në tokë me shumë ujë dhe me aciditet të lartë.

Por si mund të përdoret në kuzhinë dhe për qëllime mjekësore? AgroWeb.org ju njeh shkurtimisht me përgjigjet e sakta.

Përdorimi në kuzhinë

Patëllxhani Turk është shumë i ëmbël dhe i shijshëm.

Ju mund t’i përdorni ata edhe nëse janë akoma jeshilë dhe farat nuk janë të zhvilluara plotësisht.

Kur janë ende të rinj mund të zihen ose të përdoren për të bërë salcë.

Kur ngjyra e tyre është e kuqe e ndezur, ato janë ideale për t’u pjekur.

Ato janë gjithashtu të përkryera edhe për skuqje, mbushje por edhe mund të përdoren edhe për pica.

Ju gjithashtu mund t’i shoqëroni me patate, domate e speca.

Mund të kombinohen në mënyrë prefekte me hudhra, kopër dhe rigon, koriandër ose majdanoz.

Struktura e tij “mishtore” e bën patëllxhanin një element kryesor në dietat vegjetariane.

Patëllxhani turk ka një jetëgjatësi të shkurtër dhe duhet të përdoret brenda dy deri tre ditësh.

Këshillohet t’i ruani në një vend të ftohtë e të thatë derisa të jenë gati për t’u përdorur.

Përdorimi për arsye mjekësore

Patëllxhani turk është një burim i pasur i likopenit, i cili konsiderohet si një antioksidant.

Likopeni gjendet në lëkurën e patëllxhanit dhe zhvillohet sapo fruti piqet.

Likopeni mund të ndihmojë kundër kancerit. Ai mund të parandalojë, luftojë dhe riparojë dhe dëmtimin e qelizave.

Patëllxhani Turk është i pasur edhe me bioflavonoidë që ndihmojnë gjithashtu në luftimin e kancerit.

Ai është ulët në yndyrna të ngopura, natrium e kolesterol dhe i lartë në fibra.

Një nga ushqimet më të mira që ndihmon nëse dëshironi të humbisni peshë sepse përmban vetëm 25 kalori për racion.

Përmban folate, kalium, mangan, vitamina C dhe K, Tiaminë, Niacin, B-6, Acid Pantotenik, Magnez, Fosfor dhe Bakër.

Patëllxhani i papërpunuar mund të aplikohet në sipërfaqe në rast pickimi nga akrepi dhe një kompresë e mbushur me patëllxhan mund të aplikohet për të trajtuar morthin./AgroWeb.org

Pufka me Sherbet nga Tradita e Ëmbël Shqiptare  


Pufkat me sherbet janë një ëmbëlsirë tradicionale shqiptare, fantastike për të ëmbëlsuar familjen e më të dashurit, por edhe për t’u servirur si gosti ndaj miqve.

Receta e përgatitjes së tyre është trashëguar brez pas brezi nga amvisat shqiptare, ndërsa sot gjendet në çdo pastçeri të vendit.

Receta për Pufka me sherbet është mjaftë e thjeshtë dhe nuk kërkon shumë mundim por shija delikate e tyre pasi janë përgatitur të përfshin tërësisht me ëmbëlsinë e saj.

AgroWeb.org ju sugjeron më poshtë përgatitjen e pufkave krejt lehtë në shtëpi.

Përgatitja e Pufkave në Shtëpi

Përbërësit

4 filxhan kafeje me niseshte

4 kokërr vezë

4 filxhan kafe me qumësht pluhur

1 lugë e vogël kafeje me sobë buke

Për Sherbetin

1/2 -1 kg sheqer

1 litër ujë

Disa karafila

Përgatitja  

Si fillim rrahim vezët. Më pas, në një tas shtojmë qumështin pluhur, vezën e rrahur dhe niseshtenë.

I përzjejmë mirë derisa masa e brumit të bëhet e njëtrajtshme. Brumi duhet të jetë i hollë.

Shtrojmë një letër pjekjeje në një tavë dhe përmes një luge vendosim masën e brumit si toptha të vegjël një e nga një me rradhë në tavë.

Kujdesemi që sa herë të marrim brumin me lugë, lugën më parë ta fusim në një gotë me ujë në mënyrë që brumi të mos ngjitet pas lugës.

E fusim tavën me pufkat në furrën e parangrohur me 180 gradë. I lëmë të piqen për 15 minuta. Më pas i nxjerrim nga furra dhe i lëmë të ftohen.

Ndërkohë përgatisim sherbetin. Hedhim në një tenxhere, ujin, sheqerin dhe karafilat, nëse dëshironi mund të shtoni edhe pak vanilje.

Pasi sherbeti është gati shtojmë në të pufkat derisa të përthithin sherbetin nga të dyja anët dhe më pas i vendosim në një pjatancë.

Nëse dëshironi sipër mund t’u shtoni arra ose bajame të thërrmuara imët, ose lëkura portokalli apo limoni të grira shumë hollë.

Gjithashtu sipas dëshirës, pufkave mund t’u hidhni sipër edhe pak kanellë në momentin kur i servirni./AgroWeb.org

Gabimet Që Duhet Të Shmangni Para Se Të Gatuani Mishin e Pulës


Mishi i pulës është një ushqim lehtësisht i kombinueshëm për një vakt të shijshëm e të shëndetshëm.

Megjitatë një nga sekretet e garantimit të këtyre vlerave qëndron në përpunimin e mishit të pagatuar.

Në këtë artikull të AgroWeb.org do të mësoni për gabimet e rrezikshme që duhet të shmangni me mishin e pagatuar të pulës.

Mbajtja e Mishit në Temperaturë Ambienti për Shumë Kohë

Ndodh që një amvisë të nxjerrë pulën në banak për ta shkrirë dhe më pas si pasojë e angazhimeve të tjera në shtëpi ta harrojë atë.

Në temperaturë ambienti, mishi kthehet në një vatër të baktereve të dëmshme të cilat më pas kanë aftësinë të shkaktojnë helmim.

Mishi i pulës duhet nxjerrë nga frigoriferi vetëm nëse jeni gati ta gatuani atë.

Nëse e ruani në ngrirje, mund ta fusni në kutizat e tjera të frigoriferit ku të shkrihet për 2 ditë.

Më pas mund ta gatuani.

Ruajtja e Mishit

Mishi ka tendencën të lëshojë lëngje që mund të rrjedhin në frigorifer dhe të ndotin ushqime të tjera.

Mishi i pulës duhet mbajtur në një enë të mbuluar dhe të futet në zonën e poshtme të frigoriferit.

Shpëlarja e Mishit

Mishi i pagatuar nuk duhet shpëlarë me ujë.

Uji nuk i eliminon bakteret por nxit përhapjen e baktereve në sipërfaqet përreth.

Mishin që nuk është i ngrirë mund ta skuqni ose piqni direkt.

Marinimi

Marinimi e zbut mishin dhe e bën gati për gatim.

Por nëse e lini atë në banak të marinohet për shumë gjatë atëherë do të nxisni rritjen e baktereve.

Pulën mund ta marinoni duke e futur në një qese plastike ose në një enë të mbyllur dhe ta fusni në frigorifer.

Lëngjet e marinuara të pulës nuk duhet t’i përdorni më.

Mjetet e Kuzhinës

Përpunimi i mishit të pagatuar të pulës kërkon shumë kujdes, në të kundërt mund të rrezikoheni nga salmonela.

Rrjedhimisht, çdo mjet kuzhine që përdoret për mishin e pulës nuk duhet kurrësesi të përdoret për ndonjë ushqim, mish apo perime tjetër.

Kontakti me Ushqime të Tjera

Kufizime të ndryshme në kuzhinë i nxisin amvisat të përdorin një dërrasë prerjeje si për mishin e pulës ashtu edhe për sallatën jeshile.

Në këtë mënyrë ndotja mes ushqimeve është e paevitueshme.

Mishi i pagatuar i pulës duhet mbajtur larg ushqimeve të tjera për sigurinë tuaj.

Larja e Duarve

Pas përpunimit të mishit të pulës ju duhet të lani duart menjëherë dhe të fshini e pastroni çdo mjet, dollap, raft apo shishe të prekur.

Mungesa e higjenës mund të rritë rrezikun e prekjes nga baktere të rrezikshme.

Një aspekt tjetër i higjenës është të ndërroni sfungjerët dhe napat e kuzhinës rregullisht.

Sfungjeri i enëve duhet pastruar çdo ditë duke e futur në mikrovalë për 2 minuta.

Ato duhen zëvendësuar çdo dy-tre javë për sigurinë tuaj dhe të familjes./AgroWeb.org

Rënia e Flokut, Si Ta Zgjidhni Problemin Që Në Rrënjë!


Shumë njerëz përjetojnë fenomenin e rënies së shpeshtë të flokëve.

Megjithëse shumë studime janë bërë ende nuk ka një specifikim të qartë se përse rënia e flokëve është sezonale.

Një problem, i cili padyshim është shqetësues për të gjithë njerëzit e vuajnë e që përpiqen me mënyra të ndryshme, ndonjëherë edhe të kushtueshme.

Disa nga faktorët kryesorë që shkaktojnë rënien e flokëve janë kushtet klimatike, mosha, niveli i lartë i stresit dhe dieta e varfër ushqimi.

Mungesa e balancës hormonale, faktorët genetik, infeksionet e skalpit të kokës dhe duhanpirja mund të shkaktojnë gjithashtu rënien e  flokëve.

Ashtu siç mund të ndikojë edhe përdorimi i produkteve të pasura me kimikate, disa medikamente të caktuara.

Në këtë dukuri aspak të pëlqyer ndikojnë dhe sëmundje të caktuara siç janë çregullime e tiroideve, imuniteti i dobët, anemia, pra, mungesa e hekurit si dhe sëmundjet kronike.

Rënia e Flokëve, Si Ta Zgjidhni Problemin Që Në Rrënjë?

Pavarësisht faktorëve të lartpërmendur, rënia e flokëve thjesht ndodh.

Termi mjekësor për rënien e flokëve është ” alopecia.”

Njerëzit që vuajnë prej saj janë përgjithësisht të shëndetshëm por ka disa raste specifike kur alopecia është e lidhur ngushtë me hipotiroidizmin.

Alopecia ndahet në dy kategori: e kthyeshme ose e pakthyeshme.

Në rastin e kësaj të fundit, floku thjesht fik mekanizmin e rritjes së flokut.

Kjo mund të ndodhë si pasojë e imunitetit, qelizat e së cilës sulmojnë veten dhe nxisin rënien e flokëve ‘me tufa’ duke lënë hapësira boshe në skalpin e kokës.

Shembuj të tillë gjenden kryesisht tek meshkujt që krejt papritur mbeten pa flokë, veçanërisht në majë të kokës dhe sipër ballit.

Cilado qoftë arsyeja përse bien flokët, është e rëndësishme që të lini një takim me një mjek ekspert i cili do t’ju kërkojë kryerjen e analizës së gjakut.

Në varësi të analizave, vetëm mjeku mund t’ju japë kurën e duhur.

Pra thënë shkoqur, problemi i rënies së flokëve mund të zgjdhet ose trajtohet vetëm nëpërmjet konsultës me mjekun.

Një mënyrë për të bërë një vetë-vlerësim të situatës, është që të numëroni flokët që u bien.

Sasia normale e qimeve të rëna (me rrënjën e plotë) tek floku i palarë është 50-100 në ditë.

Gjatë larjes, floku ka tendencën të bjerë më shumë, ndaj vetëm ju mund të dalloni nëse rënia e flokut është shqetësuese apo diçka e përkohshme./AgroWeb.org 

Ushqimet Më Të Mira Për Shëndetin e Mushkërive dhe Jetë të Gjatë


Pa mushkëritë nuk ka jetë.

Ato janë të nevojshme për pastrimin e oksigjenit nga toksinat dhe transportimin e tij nëpërmjet gjakut drejt të gjithë organizmit.

Sistemi i frymëmarrjes duhet mbrojtur me fanatizëm për një jetë më të gjatë.

Mbrojtja fillon duke u kujdesur në ushqimet, pijet dhe substancat që lejojmë të futen në organizëm.

Në këtë artikull të AgroWeb.org do të mësoni për ushqimet dhe pijet më të domosdoshme për shëndetin e mushkërive.

Uji

Uji është i pari në listë sepse ai e hidraton organizmin plotësisht.

Sa më të dehidratuara mushkëritë aq më i lartë niveli i irritimit të tyre.

Për më tepër, në çdo gotë me ujë ju do të merrni më shumë oksigjen të nevojshëm.

Frutat e Pyllit

Shëndeti i mushkërive është i lidhur fort me praninë e toksinave.

Frutat e pyllit janë perfekte për pastrimin e mushkërive nga toksinat.

Boronicat, rrushi, luleshtrydhet kanë shumë antioksidantë që ofrojnë mbrojtje nga kanceri, përfshirë këtu atë të mushkërive.

Fasulet

Fasulet janë të mira si për zemrën, ashtu edhe për mushkëritë.

Ato janë një burim shumë i mirë i fibrës dhe një racion i tyre plotëson 50 përqind të nevojës ditore për fibër.

Një regjim ushqimor i pasur me fibër luan një rol kyç në shëndetin e mushkërive.

Mollët

Mollët përmbajnë vitamina dhe minerale thelbësore për funksionin e duhur të mushkërive.

Bëhet fjalë për vitaminën C, prania e së cilës ul rrezikun e kancerit të mushkërive.

Për më tepër, ato përmbajnë fibër dhe ujë.

Shega

Shega është një heroinë e vërtetë në mesin e ushqimeve të shëndetshme.

Ajo është e pasur me antioksidantë dhe acid elagjik që ngadalëson rritjen e qelizave kancerogjene në mbarë trupin, përfshirë mushkëritë.

Specat e Kuq Djegës

Specat djegës janë mirëbërës jo vetëm kundër sinozitit por edhe për pastrimin e sistemit të frymëmarrjes nga infeksionet.

Kapsaicina, një përbërës aktiv i specave, pastron mushkëritë dhe ngadalëson rritjen e qelizave kancerogjene në mushkëri./AgroWeb.org

Formula Kundër Barishteve të Këqija që Dëmtojnë Lulet dhe Bimët në Ballkon


Nuk ka kënaqësi më të madhe dhe ndjesi shlodhëse se sa ajo e të paturit vazo me lule nue ballkon apo në kopështin e shtëpisë.

Për fat të keq, bashkë me to vijnë edhe barishtet e këqija që kanë tendencën të pushtojnë dhe zaptojnë gjithçka që u del përpara.

Barishtet e këqija rishfaqen sado të përpiqeni t’i hiqni qafe. Ato ngushtojnë hapësirat e luleve dhe bimëve për të cilat kujdeseni aq fort dhe ngrejnë krye pareshtur.

Është njësoj sikur të përballeni me një ushtri të vazhdueshme të barit të keq. A ka zgjidhje për këtë problem?

Ekspertët, të cilueve u referohet AgroWeb.org kundërshtojnë përdorimin e kimikateve të dëmshme që përveç barit të keq shkatërrojnë edhe bimët e mira.

Në vend të tyre ato rekomandojnë pesë mënyra natyrale që do të nënshtrojnë barishtet e këqija dhe do të mbajnë kopshtet tuaja të pastra dhe të bukura.

1. Komposti organik

Plehu organik dhe komposti i dheut nuk do t’i mbajë larg barishtet e këqija. Megjithatë, ai mundet të ngadalësojë dhe vonojë rritjen e tyre.

Ka disa barishte që ngrejnë kokë pavarësisht plehut organik.

Ky i fundit do t’u vijë në ndihmë bimëve tuaja, duke i forcuar dhe ushqyer ato.

Për më tepër, plehu do të mbrojë lagështinë dhe do t’i mbajë bimët të ngopura me ujë.

2. Uthulla e bardhë

Ky produkt i kuzhinës sonë është fantastik.

Ai përdoret për të pastruar shtëpinë, hequr aromat e këqija dhe pasuruar sallatat tona të preferuara.

Natyralisht, uthulla mund të përdoret edhe për të shkatërruar barishtet e këqija. Mjafton t’i spërkatni ato me uthull.

Sigurisht që kjo e fundit nuk do të funksionojë aq shpejt sa kimikatet, por nuk do të shkatërrojë mjedisin përreth.

Kur të spërkatni barishtet e këqija me uthull, mundohuni ta hidhni atë në pjesën e rrënjëve dhe të tregoni kujdes edhe me bimët e tjera sepse uthulla mund t’i shkatërrojë edhe ato.

3. Uji i valuar

Uji i valuar është zgjidhja më e lashtë dhe efektive kundër barishteve të këqija.

Uji i valuar i përvëlon ato deri në rrënjë, pavarësisht sa keq tingëllon.

Megjithatë kini kujdes, uji i valuar nuk arrin të dallojë cila është barishte e mirë apo e keqe.

4. Uji me kripë

Uji me kripë funksionon gjithashtu.

Ai dehidraton bimët e këqija duke i parandaluar përthithjen e lëngjeve të tjera.

Kini kujdes sepse uji me kripë mundet të dëmtojë pjesën përreth bimëve dhe të ndikojë edhe në rrënjët nëntokësore të bimëve të mira.

Një majë luge me kripë në ujë nuk shkakton shumë dëme, por nuk ia vlen të rrezikoni me bimët organike për të cilat jeni kujdesur aq shumë.

Përdoreni këtë metodë nëse barishtet e këqija zaptojnë trotuaret, rrugicat ose zona të tjera të hapësirave përreth shtëpisë suaj.

5. Mielli i misrit

Përdorni miellin e misrit kundër barishteve të këqija. Gluteni shkatërron filizat e këqija dhe ndalon rritjen e tyre.

Spërkatni zonën e prekur nga barishtet e këqija me miell misri.

Ndonëse kjo alternativë nuk është shumë efikase kundër bimëve të këqija tashmë të rritura, duhet ta përdorni gjithsesi për të siguruar një kopsht vazhdimisht të mbrojtur nga barishtet e këqija.

Për më tepër, mielli i misrit u jep bimëve të mira nitrogjenin e nevojshëm./AgroWeb.org

Çfarë Tregon Dhimbja e Kokës Në Mëngjes


Zgjimi në mëngjes me dhimbje koke, është mënyra më e keqe për të nisur ditën.

Dhimbjet e kokës në mëngjes shpesh tingëllojnë të pakuptimta, për vetë faktin se trupi supozohet të ketë pushuar gjatë natës.

Atëherë, çfarë e shkakton dhimbjen e kokës në mëngjes?

Në këtë artikull të AgroWeb.org do të mësoni për shkaktarët më befasues të dhimbjes së kokës që shpërthen në mëngjes.

Gjumë i Pamjaftueshëm

Trupi ka nevojë për shtatë deri në tetë orë gjumë që të funksionojë siç duhet.

Nëse flini më pak, atëherë ka diçka që nuk shkon dhe organizmin e kap paniku.

Hormonet arrijnë kulmin, bashkë me rrahjet e zemrës,tensionin e gjakut dhe stresin thonë ekspertët e sëmundjeve neurologjike.

Një zgjidhje e shpejtë për këtë problem janë disa medikamente kundra dhimbjeve që funksionojnë menjëherë.

Nëse mundeni përpiquni të dremisni për 20-30 minuta që t’i jepni mundësi trupit të funksionojë më mirë.

Gjumë i Tepruar

Nëse flini më shumë se nëntë orë, atëherë bie niveli i serotoninës, një hormon i çliruar nga truri.

Sa më të ulëta të jenë nivelet e serotoninës, aq më pak gjak qarkullon në tru, gjë që nxit dhimbjen e kokës.

Luhatjet Hormonale

Në mëngjes, nivelet e endorfinës, hormonit të humorit të mirë janë të ulëta.

Një gjë e tillë mund të shkaktojë migrenë tek disa njerëz.

Sipas të dhënave të AgroWeb.org mungesa e hormoneve vështirëson qarkullimin e gjakut në tru dhe rrjedhimisht koka dhemb.

Aktiviteti fizik në mëngjes nxit prodhimin e hormoneve dhe mund të pushojë dhimbjen e kokës.

Pasojat e Alkolit

Nëse një natë më parë e keni tepruar me alkolin, atëherë përgatituni për dhimbje koke mëngjesin e të nesërmes.

Pirja e alkolit shkakton dehidratim dhe pakësim të qarkullimit të gjakut në tru.

Mënyra më e mirë është që të hidratoheni me ujë ose pije të pasura me elektrolite.

Vitamina C e tretur në ujë ndihmon mëlçinë të përpunojë alkolin në mënyrë më efikase dh eta nxjerrë atë nga sistemi sa më parë.

Gërrhitja

Gërrhitja, mungesa e ajrit, marrja e frymës pakësojnë sasinë e oksigjenit në tru dhe prishin cilësinë e gjumit.

Mungesa e oksigjenit zgjeron enët e gjakut dhe qarkullimin e tij në tru.

Presioni është i lartë dhe koka dhemb.

Mungesa e  Kafesë

Kafeina luan rol stimulus për sistemin nervor.

Nëse jeni mësuar duke e pirë kafenë në një orë të caktuar dhe nuk i përmbaheni rutinës, do të ndieni dhembje të fortë të kokës.

Sipas të dhënave të AgroWeb.org heqja dorë nga kafeja ka të njëjtin efekt dhe rrit presionin në tru duke shkaktuar dhimbje koke.

Depresioni

Dhimbjet e kokës mund të ndodhin edhe si pasojë e depresionit.

Ky i fundit ka lidhje të fortë me nivelet e ulëta të serotoninës.

Studimet që disponon AgroWeb.org tregojnë se depresioni prish gjumin dhe dhimbja e kokës prish humorin, duke krijuar kështu një rreth vicioz të pakapërcyeshëm.

Tensioni i lartë

Nëse vuani nga tensioni i lartë i gjakut, atëherë dhimbjet e kokës janë më frekuente.

Tensioni i lartë i gjakut është një sëmundje që kurohet nëpërmjet ndryshimeve thelbësore në regjimin ushqimor dhe medikamenteve përkatëse./AgroWeb.org

Ky Zakon i Përditshëm në Punë Po ju Dëmton Shëndetin Mendor

Nëse puna është pjesë e përditshmërisë tuaj me siguri i kujtoni ditët stresuese e të lodhshme që mund të keni kaluar.

Stresi në punë është një nga shqetësimet më të mëdha që njerëzit përjetojnë ndaj dhe ekspertët kanë kthyer sytë nga ky problem.

Sipas tyre fokusimi i gjithë ditës tuaj në profesionin që mbani mund t’ju dëmtojë shëndetin mendor.

Çfarë duhet të dini?

Me nisjen e pandemisë puna në shtëpi u bë një detyrim, por edhe trend me orare të tejzgjatura të cilat ndikuan jetesën e përditshme.

Në këtë mënyrë normaliteti i ri shfaqi edhe problemet e para tek njerëzit të cilat shpreheshin se ishin tej mase të lodhur.

Në një studim ku morën pjesë 2000 persona u vu re se një të rrituri i duhen rreth 4 ditë për të mos menduar më për punën.

E një nga problemet më të mëdha të njerëzve sot është mbingarkesa me punën edhe pas orarit zyrtar.

Një studim nga Universiteti i South Australia, tregon se kur puna ju dominon jetesën, rezultatet mund të jenë negative.

Rreth 26% e punonjësve në këtë studim u përgjigjën se janë të detyruar t’ju përgjigjën mesazheve edhe pas mbarimit të orarit të punës.

Ekspertët bëjnë thirrje që të gjitha punët t’i mbyllni brenda orës 5 pasi rrezikoni të vuani nga stresi dhe lodhja e vazhdueshme.

Relaksi dhe koha kushtuar vetes nuk duhet të nënvlerësohen asnjëherë.

Sipas ekspertëve kur injoroni telefonatat mesazhet apo thirrjet e ndryshme për punë pas orarit zyratr i jepni mundësi vetes të jeni një punonjës më i mirë.

Në këtë mënyrë keni më shumë kohë të shplodheni nga ana psikologjike dhe do të jeni njeri më i shëndetshmëm.

Çfarë rekomandohet

Siç ju theksuam edhe më sipër, është shumë e rëndësishme që punëdhënësit dhe punonjësit të jenë fleksibël në këtë pjesë.

Është shumë më e shëndetshme që  t’i lini punët e mbetura përgjysmë për orarin zyrtar të punës se sa të mbingarkoheni çdo ditë të javës.

Kjo duhet të vlejë sidomos për personat të cilët ndihen sikur puna po ju dominon jetesën dhe janë tej mase të stresuar./AgroWeb.org

Pfizer: Përforcuesi i COVID-19 mund të jepet bashkë me vaksinën e pneumonisë

Kompania farmaceutike Pfizer dha se dozat e saj përforcuese kundër COVID-19 mund të administrohen së bashku me vaksinën kundër pneumonisë, dhe ky kombinim vaksinash prodhon një përgjigje më të fortë dhe më të sigurt imunitare.

Pfizer tha se këto të dhëna dalin te studimet e kryera te personat mbi 65 vjeç dhe se studimi është në fazën e fundit.

Në studimin, që nisi në muajin maj, kompania ka testuar vaksinën e gjeneratës së ardhshme pneumokokale të quajtur PREVNAR 20 dhe 570 pjesëmarrësit në studim e kanë marrë këtë vaksinë së bashku me dozën përforcuese të vaksinës Pfizer/BioNTech kundër coronavirusit, raporton agjencia e lajmeve Reuters.

Qëllimi i studimit ishte që të testohet siguria e këtij kombinimi dhe përgjigja imunitare, duke shtuar vaksinën kundër pneumonisë dhe vaksinës ekzistuese kundër COVID-19.

Të dhënat e këtij studimi mbështesin administrimin potencial të PREVNAR 20 së bashku me vaksinën e Pfizerit kundër coronavirusit, që thuhet se redukton numrin e vizitave të njerëzve te mjekët apo farmacitë për imunizimin e rekomanduar, tha Pfizer.

Administrata amerikane për Ushqim dhe Barna në qershor të vitit të kaluar miratoi përdorimin e PREVNAR 20 me qëllim që të ndihmojnë popullsinë e rritur kundër sëmundjeve pneumokokale dhe kundër pneumonisë.

Pjesëmarrësit në këtë studim ishin marrë nga studimi i fazës së fundit për vaksinën kundër COVID-19. Që të gjithë kishin qenë të imunizuar me dozën e dytë të paktën gjashtë muaj para se të merrnin pjesë në këtë studim të ri./Burimi:EuroNews

A Mundet Misri Lejla Të Reduktojë Inflamacionin Dhe Menaxhojë Diabetin?

Të ndjekësh një regjim ushqimor të shëndetshëm mund t’ju ndihmojë në parandalimin dhe menaxhimin e shumë sëmundjeve përfshirë edhe diabetin.

Edhe pse misri lejla mund të mos jetë zgjedhja juaj e parë kur bëhet fjalë për diabetin, ai mund të jetë vërtetë një zgjedhje perfekte.

Një studim i vitit 2017, ku AgroWeb.org u bazua, zbuloi se minjtë që u ushqyen me këtë lloj misri, patën më pak dhjamë rreth barku, nivele optimale të kolesterolit, triglicerideve dhe ulje të tensionit të lartë,

Sipas të dhënave të mbledhura nga AgroWeb.org nga studime të ndryshme, studiuesit dolën në përfundimin se fitokimikatet në varietet e misrit lejla mund të reduktojnë inflamacionin dhe të përmirësojë nivelet e insulinës në gjak. Por si ndodh kjo?

Si misri lejla mund të menaxhojë inflamacion dhe obezitetin?

Për këtë hulumitn, studiuesit shpenzuan 4 vjet duke rritur 20 varietete të reja misri, derivate të misrit të kuq Apache.

Ata nxorrën përbërjet kimike të pranishme në shtresën e jashtme të kokrrave të misrit.

Çdo ekstrakt i nxjerrë kishte një profil unik të antocianineve, fitokimikateve dhe të polifenoleve.

Pasi testuan fuqinë e këtyre ekstrakteve tek qelizat e infamuara dhe qelizat përgjegjëse për diabetin tek minjtë, ata vunë re disa ndryshime pozitive në lidhje me diabetin dhe inflamacionin.

Studiuesit po vazhdojnë punën e tyre me qëllimin e mbarështimit të hibrideve të misrit duke kombinuar fitokimikatet që treguan potencial më të madh në studim.

Pse fitokimikatet janë të mira për shëndetin?

Fitokimikatet janë një grupim i 500 llojeve polifenolesh.

Polifenolet janë një kategori kimikatesh që gjenden natyrshëm tek bimët dhe mund të kategorizohen si mëposhtë:

flavonoidet

acidet fenolike

stilbene

lignanet

Në përgjithësi, polifenolet duket se ofrojnë shumë përfitime premtuese shëndetësore.

Megjithatë, nevojiten më shumë kërkime përpara se polifenolet të rekomandohen si doza shtesë.

Tani për tani, është më mirë të konsumoni polifenole në formën e tyre natyrale.

Një model i të ushqyerit që përfshin shumë ushqime të të pasura me polifenole është zgjedhja e duhur që mund të bëni për shëndetin tuaj.

Ushqimet me shumë polifenole

Ushqimet me bazë bimore si perimet dhe frutat priren të jenë të larta në polifenole.

Numri i polifenoleve në një ushqim mund të ndryshojë në varësi të vendit ku rritet ushqimi, si kultivohet dhe transportohet, sa i pjekur është dhe si gatuhet ose përgatitet.

Disa nga burimet më të zakonshme të polifenoleve janë:

Frutat si: agrumet, mollët, rrushi, pjeshka, qershitë, boronica, lëngu i shegës, mjedra, manaferrat e zeza, kumbullat, luleshtrydhet, kajsitë.

Perimet si: spinaqi, qepët, patatet, ullinj të zi dhe jeshil, angjinare, brokoli, asparagu, karrotat.

Drithërat e plota si: miell gruri, thekër dhe tërshërë

Gjithashtu edhe tek arrorët, farat dhe legumet.

Pijet si: kafeja, çaji, vera e kuqe.

Tek yndyrnat si: çokollata e zezë, vaj ulliri i virgjër, vaj susami. Tek erëzat si: shafrani, rigoni i thatë, rozmarinë e thatë, salcë soje, karafil, mente i thatë, ylli anise, sherebela e thatë, mente e thatë, trumzë e thatë, borzilok i thatë, xhenxhefil i tharë, kanellë./AgroWeb.org

Lënda Ushquese Që Mbron Qelizat E Trupit Nga Dëmtimi

Rutina është një nga shumë lëndët ushqyese që marrim nga frutat dhe perimet.

Si shumë fitonutrientë, Rutina klasifikohet si antioksidant.

Kjo do të thotë se ajo mbron qelizat tuaja nga dëmtimi prej substancave të dëmshme të tilla si duhani, ajri i ndotur etj.

Gjithashtu antioksidantët ndihmojnë trupin të balancojë nivelet e inflamacionit në trup.

Roli i veçantë i Rutinës është të përmirësojë qarkullimin e gjakut duke forcuar funksionin e enëve të gjakut.

Shumica e njerëzve që kanë një regjim ushqimor të pasur me fruta dhe perime e kanë të lehtë të marrin sasinë e duhur të Rutinës.

Megjithatë ekzistojnë edhe disa suplemente ditore nga të cilat mund të përfitoni më tepër lëndë të tilla ushqyese.

Por, a janë vërtetë këto suplemente të sigurta për shëndetin tuaj? AgroWeb.org ju njeh më poshtë me të dhënat e mbledhura.

Përfitimet e mundshme nga suplementet e Rutinës

Kërkimet shkencore kanë hulumtuar për mënyrën se si ky suplement mund të ndihmojnë me diabetin, kancerin, shëndetin e lëkurës, syve, zemrës etj.

Studiuesit shprehen se evidencat janë të pakta dhe se përfundimet e studimeve mbështeten vetëm tek eksperimetet me kafshë.

Ky është shkaku pse ata nuk mund të thonë me siguri se si suplementet me Rutinë mund të ndikojnë në organizëm.

Për më tepër ekspertët thonë se shumica e studimeve kanë më shumë se një dekadë që janë kryer.

Rreziqet dhe efektet anësore

Njëjtë si për përfitimet edhe kërkimet për rreziqet dhe efektet anësore të këtij suplementi janë të kufizuara.

Por duke u bazuar në të dhënat që janë në dispozicion, mund të thuhet se disa nga efektet anësore mund të jenë:

Dhimbje koke

Rrahje të çrregullta zemre

Turbullim në shikim

Nervozizëm

Marrje mendsh

Acarim i lëkurës

Ndjesi rëndese tek këmbët

Enjtje e gjymtyrëve

Prani e ujit në gjunjë

Kapsllëk

AgroWeb.org ju sugjeron që përapara se të merrni suplemente të tilla të konsultoheni fillimisht me mjekun tuaj.

Për arsye se disa suplemente kanë efekte anësore dhe mund të interferojnë me medikamentet që mund të jeni duke marrë.

Ushqimet e pasura me Rutinë

Duke qenë se trupi juaj nuk mund të prodhojë Rutinë është e rëndësishme t’a merrni atë nga ushqimet.

Dhe sigurisht që kjo është mënyra më e sigurtë për të marrë çdo vlerë ushqyese që i duhet trupit.

Ushqimet më të pasura me Rutinë janë:

Mollët (kur konsumohen me lëkurë)

Çaji i zi dhe jeshil

Asparagu

Agrumet

Boronica

Hikërra

Fiqtë

A e dëmton doza e tretë e vaksinës sistemin imunitar të një personi?

Drejtoresha e departamentit të sëmundjeve infektive në ISHP, Siva Bino ka hedhur poshtë aludimet që qarkullojnë se përdorimi i dozës përforcuese të vaksinës anti-Covid mund të dëmtojë sistemin imunitar të një personi.

Sipas Binos, doza përforcuese kryhet pasi ka rënë niveli i kundërtrupave tek një person.

“Dozat përforcuese njihen e kryhen në të gjitha sëmundjet infektive që parandalohen nga vaksinat”, theksoi Bino.

Pyetje: Përdorimi i dozës përforcuese të vaksinimit a rrezikon dëmtimin e imunitetit?

Silva Bino: Nuk ka asnjë lidhje me dëmtimin e imunitetit, se dëmtimi i imunitetit është koncept tjetër, dëmtohet për arsye të ndryshme.

Pjesa tjetër është interferenca që mund të ketë për prodhimin e kundërtrupave, gjë që nuk ndodh se ka kohë të caktuar kur kryhet doza përforcuese.

Doza përforcuese kryhet sepse kemi rënie të nivelit të kundërtrupave sa kohë kemi rënie të këtij niveli s’kemi si të kemi dëmtime apo mos reagime të tilla.

Dozat përforcuese njihen e kryhen në të gjitha sëmundjet infektive që parandalohen nga vaksinat./Burimi:Panorama

A Është Gjenetike Sëmundja e Depresionit? – Flasin Mjekët Për Faktet Që Duhet T’i Dini


Çrregullimi i madh depresiv është një sëmundje e zakonshme mendore, që prek 19 milionë adoleshentë dhe të rritur. Kjo sëmundje shkakton ndjenjën e trishtimit, zbrazëtisë dhe humbjen e interesit për gjërat që keni shijuar dikur, sipas “Health Line”.

Ekzistojnë shumë lloje të ndryshme të depresionit dhe për shumicën e tyre, gjenetika mund të ketë një ndikim të madh. Por faktorët mjedisorë dhe mënyra e jetesës përcaktojnë gjithashtu rrezikun tuaj. Ja çfarë duhet të dini!

A është depresioni gjenetik?

Nuk ka asnjë gjen specifik që dihet se shkakton depresionin. Me shumë gjasa, ekzistojnë disa, ose më shumë, gjene që nëse trashëgoni disa prej tyre nga prindërit tuaj biologjikë, ato do të rrisin rrezikun tek ju.

Nëse keni një prind ose një vëlla ose motër me depresion, rreziku juaj për të zhvilluar depresion është 20% deri 30% më i madh se një person tjetër normal, i cili ka një rrezik prej 10%.

Ne e dimë që ekzistojnë faktorë gjenetikë, që duket se janë të trashëgueshëm, por gjithashtu e dimë se ka shumë faktorë të tjerë të përfshirë“,- thotë Renee Witlen, psikiatre në Portland.

Studimet e ndryshme ndër vite kanë qenë një metodë e dobishme për studiuesit për të hetuar sesa rol luan trashëgimia në zhvillimin e depresionit.

Trashëgimia i referohet asaj sesa gjenet tuaja llogaritin për tipare të ndryshme. Studimet binjake shpesh përdoren sepse binjakët identikë kanë të njëjtat gjene, duke eliminuar gjenet si një ndryshore.

Një studim i vitit 2009 në “Regjistrin e Binjakëve të Universitetit të Uashingtonit” vlerësoi trashëgiminë e depresionit në 58% midis 1.064 çifteve binjake.

Një studim tjetër i binjakëve në Suedi i vitit 2006 publikuar në “American Journal of Psychiatry” zbuloi se trashëgimia e depresionit të madh ishte 42% tek gratë dhe 29% tek burrat, duke treguar që disa faktorë gjenetikë të rrezikut mund të jenë specifikë për seksin.

Faktorët e rrezikut për depresion

Witlen thotë se shkaku i depresionit është multifaktorial, kështu që ndërsa gjenet tuaja mund të rrisin rrezikun tuaj për të zhvilluar depresion, ato nuk janë gjithë arsyet e mundshme. Faktorët mjedisorë dhe mënyra e jetesës kontribuojnë në depresion, stili i jetesës, ushqimi, etj./Burimi:Panorama