Një detyrë kaq e thjeshtë si gatimi i makaronave ka grumbulluar një sërë këshillash të çuditshme.

Në të vërtetë, një nga gjërat kryesore gjë që duhet të merrni parasysh kur përgatisni makarona është kriposja e ujit, pasi kështu do të përftoni një shije të mrekullueshme.

AgroWeb.org ju njeh më poshtë me sasinë e duhur që ju duhet për të kriposur ujin e makaronave dhe rëndësinë që ka.

Sasia e duhur të kripës

Ekziston një shprehje e vjetër që thotë se uji i makaronave duhet të shijojë si uji i detit. Por kjo nuk është e nevojshme!

Në përgjithësi duhet të shtoni rreth 1 lugë e gjysëm gjelle kripë për çdo kg makarona dhe duhet të përdorni tre ose katër litra ujë për të zier 1kg makarona.

Megjithatë ju mund të eksperimentoni për të gjetur masën e duhur sipas shijes tuaj.

Mos harroni të vlerësoni edhe llojin e salcave dhe shoqëruesisht do të shtoni në pjatën tuaj.

Nëse planifikoni të përdorni salcë apo shoqërues të kripur si açuget ose djathi kaçkavall, AgroWeb.org ju këshillon të jeni pak më të rezervuar me kripën.

Kur bëhet fjalë për kriposjen e ujit të makaronave, përdorni kripën e zakonshme. Nuk është e nevojshme që të përdorni më të kushtueshmen.

Dhe pavarësisht asaj çfarë dëgjoni, sigurohuni që të mos shtoni kurrë vaj në ujin e makaronave.

Kur duhet të shtoni kripë në ujin e makaronave?

Idealja është që të prisni derisa uji të vlojë. Uji i vluar do të trazojë dhe do të shpërndajë shpejt kripën.

Por nëse preferoni, mund të shtoni kripë edhe kur uji është ende i ftohtë. Mjafton të mos harroni të shtoni kripë në ujë!

Nëse shtoni kripë kur uji është ende i ftohtë AgroWeb.org ju këshillon ta përzieni ujin në mënyrë që kripa të fillojë të tretet.

Dhe meqenëse kripa mund të ketë veti gërryese për disa lloje tenxheresh dhe tiganësh është më mirë të mos e lini të bjeri në në fund të tenxheres tuaj.