Ndërsa plakemi është e rëndësishme të kujdesemi për shëndetin e trurit tonë. Për të shmangur problemet me mundshme me kujtesën, rol të rëndësishëm krahas regjimit ushqimor luajnë edhe masat parandaluese.

Një ekip studiuesish nga Universiteti Newcastle në Mbretërinë e Bashkuar, kanë propozuar një teori të re që lidh humbjen e dëgjimit me demencën.

Ky studim përfshin lobin temporal,një zonë përgjegjëse për kujtesën afatgjatë.

Sipas studiuesëve, kjo zonë përdoret gjithashtu për përpunimin dhe ruajtjen afatshkurtër të informacionit të marrë me anë të dëgjimit.

Sipas teorisë së tyre, aktiviteti jonormal në lobin temporal mund të kufizojë aftësinë e trurit tuaj në njohjen e tingujve, zërave, në ruajtjen e kujtimeve dhe identifikimin e objekteve.

Këto mund të jenë gjithashtu simptoma të demencës.

Të dhënat ku bazohet AgroWeb.org, tregojnë se ky sistem i kujtesës që lidhet me vështirësi në dëgjim, është vendi më i zakonshëm ku kjo sëmundje fillon të veprojë.

Me fjalë të tjera, aftësia jonë për të dëgjuar na lejon të ruajmë dhe të përpunojmë informacionin e marrë nga mjedisi që na rrethon. Në rastet e njerëzve me demencë, kjo zonë e trurit kompromentohet, duke i çuar studiuesit të studiojnë një lidhje të mundshme midis dëgjimit dhe dobësimin e aftësisë njohëse.

Por çfarë mund të bëni në lidhje me të? Ndërkohë që studimet thellohen për të përcaktuar nëse teoria e re është e qëndrueshme, komunikimi me mjekun për dëgjimin tuaj (dhe përdorimi i një aparati dëgjimi, nëse është e nevojshme) mund të jetë një hap i madh në shmangien e sëmundjeve neurodegjenerative si demenca.

Ekspertët bien dakord që monitorimi i dëgjimit tuaj shërben si masw parandaluese e cila mund të mbrojë trurin dhe kujtesën tuaj për një kohë të gjatë.

Nëse mendoni se dëgjimi juaj nuk është aq i keq,ose jeni të shqetësuar dhe ndiheni të pasigurt nëse duhet të vini një aparat dëgjimi,bëni mirë të caktoni sa më parë një takim me mjekun tuaj./AgroWeb.org