Si të Parandalojmë Alergjitë Ndaj Frutave dhe Perimeve

27 0

Alergjitë ndaj frutave dhe perimeve mund të shkaktojnë simptoma të rënda të cilat për fat të mirë mund të trajtohen menjëherë.

Megjithatë, kjo lloj alergjie e njohur si sindroma e alergjisë orale, parandalohet lehtësisht, duke qenë se nuk kërkon shmangien e plotë të frutave dhe perimeve që shkaktojnë këto simptoma.

Megjithatë, nëse këto të fundit nuk pakësohen, atëherë duhet të rishqyrtoni mënyrat e ushqyerjes dhe kontaktoni mjekun.

Llojet e Frutave dhe Perimeve

Disa lloje frutash dhe perimesh mund të shkaktojnë alergjinë e mësipërme.

Frutat që shkaktojnë alergji përfshijnë: mollët, kivit, kumbullat, dardhat, pjeshkët, kajsitë, nektarinat, portokallet, pjepri, shalqini dhe domatet.

Perimet që shkaktojnë alergji përfshijnë drithërat, karrotat, majdanozin, patatet, specat, qimnonin dhe koriandrën.

Shkaqet

Sindroma e alergjisë orale shkaktohet ose nga një reagim ndaj proteinave në ushqime apo nga poleni. Poleni gjendet zakonisht tek bananja, kastraveci dhe kungujt e njomë.

Ky lloj poleni bimor është në pikun e tij kryesisht gjatë muajve të vjeshtës dhe dimrit.

Ekspertët e AgroWeb.org shpjegojnë se domatet, kivi, pjepri dhe portokalli mund të përkeqësojnë alergjitë ekzistuese ndaj barit dhe bimëve.

Simptomat

Nëse jeni alergjikë ndaj frutave dhe perimeve të freskëta, simptomat mund të shfaqen menjëherë pas konsumimit.

Simptomat e kësaj alergjie shkaktojnë kruarje ënjtje dhe tharje të gojës, gjuhës, fytit dhe fytyrës.

Tështimat, rrjedhjet e hundës dhe kruarjet e syve i atribuohen polenit tek frutat dhe perimet.

Sindroma të rënda të kësaj alergjie përfshijnë një ënjtje massive të fytit dhe vështirësi në frymëmarrje.

Parandalimi

Nëse jeni prekur nga kjo alergji, nuk do të thotë që duhet t’i shmangni plotësisht këto fruta dhe perime.

Ekspertët e AgroWeb.org shpjegojnë se simptomat e kësaj sindrome shfaqen pasi keni ngrënë fruta dhe perime me lëkurë të pahequr dhe nuk shfaqen kur perimet dhe frutat janë gatuar ose përpunuar.

Për më tepër, disa njerëz të prekur nga kjo sindromë mund të hanë perimet dhe frutat shkaktare të alergjisë, nëse heqin lëkurën e tyre përpara konsumit.

Sindroma e kësaj alergjie mund të rëndohet edhe nga bishtajoret, farat e lulediellit, dhe arrorët siç janë bajamet, lajthitë dhe arrat.

Trajtimi

Alergjitë e vazhdueshme ndaj frutave dhe perimeve mund të shërohen dhe kurohen me trajtime që shënjestrojnë imunitetin.

Trajtimet me substanca kundër alergjive rimëkëmbin rezistencën e trupit ndaj polenit dhe proteinave ushqimore që shkaktojnë alergji./AgroWeb.org

Lini një Përgjigje