Stina e dimrit sjell ndryshime ekstreme të motit që prek edhe bimët e kopshtit tuaj.

Dhe kur bëhet fjalë për bimët ju shpesh mund të keni dëgjuar fjalët “brymë” dhe “ngrirje”.

AgroWeb.org ju fton të mësoni në këtë artikull ndryshimin midis tyre në mënyrë që të jeni gati për ditët e ftohta të stinës.

Cili është ndryshimi midis brymës dhe ngrirjes?

Vesa, era e ftohtë dhe kushte të tjera të motit mund të bëjnë që temperaturat të bien më shumë nga se parashikohet.

Shumë nga banorët e kopshtit tuaj janë mjaft të ndjeshëm dhe ju duhet të ndërmerrni hapa të veçantë për t’i mbrojtur nga ngrirja.

Mbrojtja e bimëve nga ngrica mund të jetë gjithashtu e nevojshme nëse bima nuk është e qëndrueshme ndaj temperaturave të ulta.

Dallimi midis brymës dhe ngrirjes nuk është domosdoshmërisht temperatura, por vendi ku sulmon i ftohti.

Bryma ndodh kur një bimë ekspozohet ndaj temperaturave prej 0 gradë Celsius.

Zakonisht ajo vërehet në pjesën e jashtme të bimës. Bima çliron nxehtësi gjatë natës e cila lëshon avujt e ujit që ngrijnë në sipërfaqen e bimës.

Ngricat e hershme të vjeshtës shpesh bëjnë që kopshti i perimeve dhe bimët e tjera të buta të vdesin.

Ndërsa ngrirja është përgjithësisht një proces më i gjatë dhe ndodh kur temperatura e brendshme e bimës arrin në 0 gradë Celsius.

Rezultati janë njollat kafe të errëta në të zeza dhe zona të njomura me ujë që bëhen të lëmuara, duke çuar në në vdekjen e bimës.

Si mund t’i mbroni bimët tuaja?

Meqenëse ngrica ndodh në pjesën e jashtme të bimëve, mënyra më e thjeshtë për t’i mbrojtur ato është duke i mbuluar.

Kjo mund të bëhet me një çarçaf të vjetër, një mbulesë tjetër të lehtë ose duke blerë pëlhurë të posatshme.

Një ngricë mund të zgjasë minuta ose orë, por ngrirja zakonisht zgjat gjithë natën.

Prandaj është e rëndësishme që bimët e ndjeshme të zhvendosen brenda.

Bimët në serra të pa ngrohura mund të mbahen të ngrohta me një varg dritash.

Vetëm sigurohuni që llambat të mos prekin drejtpërdrejt pëlhurën ose materialin bimor./AgroWeb.org