Zhurmat e çuditshme që dëgjoni kur vendosni një tavë në furrë, janë për shkak të metalit që deformohet ndërsa zgjerohet dhe tkurret.

Në fakt, kjo ndodh shpesh, veçanërisht nëse kanë disa vite përdorim ose janë shumë ta holla.

Por çfarë efekti ka në gatim? A është e shëndetshme të gatuash ushqim në to? AgroWeb.org më poshtë ju shpjegon pse ndodh ky fenomen dhe si ta shmangni atë.

Përse tavat deformohen?

Metali i tyre ka dukshëm një temperaturë më të ulët se nxehtësia e furrës dhe kjo bën që ai të zgjerohet shpejt ndërsa nxehet në furrë.

Ky fenomen krijon një farë stresi dhe baza e sheshtë fillon të ngrihet, duke bërë që disa tava të deformohen ose të përdridhen.

Ato më të hollat priren të shtrembërohen më shpesh sesa ato më të rëndat, por të gjitha llojet ka të ngjarë të shtrembërohen pak në një moment.

A është kjo një gjë e keqe?

Nuk është domosdoshmërisht një gjë e keqe. Ato zakonisht drejtohen kur arrijnë temperaturën e duhur. Një tavë pak e deformuar do të funksionojë po aq mirë sa një i zakonshme.

Deformimi i tyre nuk është aq i madh sa që ushqimi të derdhet jashtë, ndaj nuk ka asgjë për t’u shqetësuar.

Problemi kryesor që mund të bëjë ndryshimin është nëse keni nevojë për një sipërfaqe shumë të sheshtë për ndonjë recetë specifike.

Si të parandaloni deformimin e tavës

Së pari, përpiquni të shmangni vendosjen e tavës së ftohtë në një furrë të nxehtë.

Ju gjithashtu mund të vendosni një tavë të zbrazët në furrë për tu ngrohur, gjë që është gjithashtu një truk i shkëlqyer për të përftuar perime të pjekura ekstra krokante.

Së dyti, përdorni tavën me madhësinë e duhur për atë që duhet të përgatisni.

Sipërfaqja e tavës duhet të jetë e lyer në mënyrë të barabartë. Çdo njollë e zbrazët do të nxehet më shpejt se ato të mbuluarat nga produkti ushqimor dhe ndryshimi i temperaturës mund të shkaktojë deformimin e saj.

Kini kujdes të mos e mbushni tavën plot, sepse në rastin e perimeve ato kanë nevojë për hapësirë ​​që të skuqen. Përpiquni ta shpërndani ushqimin në të gjithë tavën, duke mbushur boshllëqet më të mëdha.

Në fund, kushtojini vëmendje pikave të nxehta dhe të ftohta në furrë, në mënyrë që tavën ta vendosni aty ku nxehtësia është më e barabartë.

Në përgjithësi furra është më e ngrohtë në pjesën e sipërme dhe të poshtme në qendër, ku ndodhen elementët e ngrohjes, dhe në të dy anët e saj (muret e furrës).

Provoni ta vendosni tavën në qendër të telit qëndror, duke e rrotulluar gjatë gatimit nëse është e nevojshme. /AgroWeb.org