Kalimi nga cigaret tradicionale sjell përfitime për shëndetin publik. Studimet shkencore evidentojnë se efektet e dëmshme të pirjes së duhanit vijnë kryesisht nga procesi i djegies, gjë që produktet alternative e shmangin, duke mundësuar minimizimin e riskut.
Një studim i kryer së fundmi ka zbuluar rritjen e numrit të duhanpirësve që kanë lënë duhanin dhe janë drejtuar nga produktet alternative, të cilat konsiderohen si më pak të dëmshme. Studimi me një kampion prej 4,514 të rritur, rrëzoi të gjitha pretendimet se produktetet alternative shërbejnë si motivim për të nisur duhanin.
Të dhënat nga Anketa Kombëtare e Ekzaminimit të Shëndetit dhe të Ushqyerit tregojnë se 99.4% e përdoruesve të produkteve alternative ose kanë kaluar nga cigaret tradicionale ose janë përdorues të dyfishtë, me vetëm 0.6% që janë duhanpirës të rinj. Studiuesit thanë se pranimi sa më i shpejtë në tregjet globale të produkteve alternative i shërben politikave rregullatore të duhanit.
Duhani me ngrohje apo cigaret elektronike janë produkte pa tym të krijuar për të eliminuar djegien në shpërndarjen e nikotinës. Administrata Amerikane e Ushqimit dhe Barnave tha se tymi i duhanit përmban mijëra kimikate dhe është kjo përzierje kimikatesh – jo nikotina – që shkakton probleme serioze shëndetësore. Ndryshe nga cigaret tradicionale, të cilat djegin duhanin, produktet alternative e ngrohin atë, gjë që përkthehet në reduktimin e dëmit nga kimikatet.
Kjo teknologji novatore ofron një alternativë për duhanpirësit e rritur, të cilët mund të vijojnë konsumin e duhanit me më pak risk për shëndetin e tyre. Studimin në fjalë e komentoi edhe Presidenti i Unionit të Konsumatorëve të Nikotinës në Filipine, Antion Israel. Ai u shpreh se ky zbulim demonstron se teknologjia mund të zbusë rreziqet që lidhen me konsumin e duhanit si dhe të ndikojë në luftën me dezniformimin.
“Nikotina nuk është problemi kyç, është mënyra sesi shpërndahen kimikatet gjatë djegies së cigares. Produktet pa tym eliminojnë dëmin që vjen nga tymi.”- u shpreh ai.
Cigaret tradicionale djegin duhanin në temperatura të larta, duke prodhuar tym dhe hi që përmbajnë substanca toksike. E anasjellta ndodh me produktet alternative, të cilat ngrohin duhanin duke lëshuar një avull që përmban nikotinë në vend të tymit.
Sëmundjet e lidhura me duhanin janë përgjegjëse për mbi 8 milionë vdekje çdo vit, duke nënvizuar nevojën urgjente për metoda më të sigurta të shpërndarjes së nikotinës. Studimet kanë treguar se produktet pa tym lëshojnë aerosole ose avuj me 95% më pak kimikate të dëmshme sesa tymi i prodhuar nga cigaret tradicionale. Presidenti i Unionit, Anton Israel theksoi gjithashtu se produktet pa tym si HTP-të, së bashku me avujt dhe qeskat e nikotinës, u lejojnë duhanpirësve të reduktojnë dëmin duke shmangur ekspozimin e tyre ndaj kimikateve toksike.
Studimi arriti në përfundimin se adoleshentët kanë më shumë gjasa të fillojnë të pinë duhan me cigare tradicionale sesa me produkte alternative. Ndër pjesëmarrësit e studimit, 2,356 ishin jo-duhanpirës, 1,316 ishin duhanpirës tradicionalë të cigareve dhe 842 ishin përdorues të produkteve alternative.
Në të gjithashtu theksohet se gratë e rritura, individët me arsim të lartë , ato me fëmijë, punonjësit e zyrës dhe ato me shqetësime të shtuara shëndetësore kishin më shumë gjasa të kalonin nga cigaret tradicionale në produkte alternative. Gratë e rritura të moshës 20 deri në 39 vjeç ishin më të prirura për të kaluar në produkte alternative, pavarësisht nga të ardhurat, ndërsa meshkujt mbi 40 vjeç kishin më shumë gjasa të adoptonin opsionet pa tym nëse kishin të ardhura më të larta.
Kalimi nga cigaret tradicionale sjell përfitime për shëndetin publik. Studimet shkencore evidentojnë se efektet e dëmshme të pirjes së duhanit vijnë kryesisht nga procesi i djegies, gjë që produktet alternative e shmangin, duke mundësuar minimizimin e riskut.
Lini një Përgjigje