Recetat e brumit kërkojnë gjithnjë një përbërës special që është fryrësi apo majaja.
Funksioni i këtij përbërësit është aq i thjeshtë sa aktivizimi dhe fryrja e brumit për të përfituar receta të mrekullueshme.
Pra nëse doni të përgatisni bukë të butë e të fryrë ju duhet të përdorni patjetër maja birre.
Sa herë që është pjesë e recetave tona, majaja ngre pyetje të shumta mbi përdorimin e saj.
Ndaj në këtë artikull do ju shpjegojmë disa nga pikëpyetjet më të shpeshta lidhur me të.
A mund ta zëvëndësoj majanë e birrës me pluhurin pjekës?
Majaja e birrës ka një gamë të mirëpërcaktuar recetash me të cilat funksionon më së miri.
Ajo përdoret për të bërë bukë, pica, brioshë apo disa lloje pitesh.
Përdoret për ato receta të cilat kërkojnë që brumi të fryhet për disa orë para se të futet në furrë.
Gjithësesi jo të gjithë produktet e brumit e kërkojnë këtë lloj majaje.
Për biskota, krostata, torta, kek apo petulla mjafton të përdorni pluhurin e zakonshëm të pjekjes që mjafton ta hidhni në përbërje dhe nuk ka nevojë ta lini të pushojë apo fryhet.
Në këtë rast fryrja e recetës do të ndodhë brenda në furrë teksa piqet.
Pra po flasim për dy përbërs shumë të ndryshëm nga njëri tjetri në mënyrën se si veprojnë.
Kështu që përgjigja e shkurtër do të ishte të mos i përzieni dhe as t’i zëvëndësoni gjatë recetave tuaja.
Këto dy lloj produktesh përdoren për receta të ndryshme dhe mund të ndikojnë shumë në rezultatin përfundimar të tyre nëse nuk përdoren në menyrën e duhur.
Kë duhet të përdor majanë e birres të freskët apo të thatë?
Majaja e birrës zakonisht në treg gjendet e thatë, në formën e pluhurit apo kokrrizave të vogla kafe.
Në të dy rastet kjo maja ka të njejtin funksion në recetë atë të shtojë brumin para se ta fusni në furrë.
I vetmi ndryshim mes të dyjave është se tek majaja e thatë, duke qenë se nuk përmban ujë si ajo e freskëta, pesha është më e vogël.
Për këtë arsye përdorimi i tyre në receta mund të ndryshojë për nga sasia që hidhet.
Majaja e thatë peshon thuajse sa një e treta e asaj të fresktës.
Pra nëse do të përgatisni një recetë që kërkon 3 gramë maja të thatë, në rastin e asaj të freskëtës mund të shtoni 9 gramë.
Kështu kini gjithnjë parasysh se 1 gramë maja e thatë është sa 3 gramë maja e freskët.
Si përdoret majaja e freskët dhe e thatë e birrës?
Maja e freskët përfitohet nga shkrirja apo aktivizimi i majasë në një gotë me ujë apo qumësht të vakët.
Nxehtësia e ujit do të ndihmojë në aktivizmin e majasë në disa minuta, por nuk duhet të jetë shumë i ngrohtë pasi ndikon në përbërjen e majasë.
Më pas shtohet tek brumi në formën e një kremi te trashë.
Ndërsa majaja e thatë mjafton të shtohet bashkë me përbërësit e tjerë tek mielli ku do të shkrihet dhe bashkohet me brumin teksa e punoni atë.
Në këtë rast për ta fryrë më shumë brumin shtojini recetës pak mjaltë apo sheqer edhe nëse po përgatisni diçka të kripur.
Si mund t’i ruajmë në shtëpi?
Nëse keni një dozë të madhe majaje të freskët në shtëpi ndajeni atë në pjesë të vogla nga 20-25 gramë dhe mbulojini me një qese kuzhine.
Futini në ngrirje dhe në momentin kur ju duhet t’i përdorni merrni nga frigoriferi dozën që ju duhet.
Më pas shkrijeni direkt në ujë të vakët dhe vazhdoni me përgatitjen e recetës.
Kini parasysh të zgjasni pak kohën e fryrjes së brumit, duke qenë se majaja ka ndejtur e ngrirë në frigorifer për një kohë të gjatë.
Në rastin e majasë së thatë konservimi është shumë herë më i thjshtë pasi shpesh shitet në paketime te vogla dhe mund ta mbani në shtëpi për një kohë të gjatë.
Nëse ju mbetet mja e thatë birre nga receta të tjera, vendoseni në një qese hermetike dhe ruajeni në frigorifer për 5-6 ditë për ta përdorur më vonë.
A mund ta ndryshoj sasinë e majasë së parashikuar në recetë?
Në këtë pikë mund të eksperimentoni pak me përbërësit tuaj.
Mund të shtoni pak më shumë ose më pak maja birre në një recetë të caktuar.
Gjithashtu mund edhe të përgjysmoni sasinë e këshilluar nga receta, por më pas mos harroni ta lini pak më shumë kohë të fryhet brumin që keni përgatitur./AgroWeb.org
