Kjo është receta për një pjatë të dytë e të shijshme, perfekte për festat e fundvitit.
Plot shije dhe vlera ushqyese falë përbërësve të shëndetshëm që përmban.
AgroWeb.org ju njeh më poshtë me mënyrën thjeshtë të përgatitjes së rolesë me gjeldeti të mbushur me spinaq dhe salcës me perime që e shoqëron më së miri.
Përbërësit
- 800 g gjoks gjeldeti
- 50 g spinaq të ngrirë
- 30 g thërrime buke
- 50 djathë
- 2 vezë
- 1 thelpi hudhër
- Kripë dhe piper për shije
- Majdanoz i freskët për shije
- Gjysmë qepe
- 1 karotë
- 1 kërcell selinoje
- Vaj për shije
- 200 ml lëng perimesh
- 80 ml qumësht
- 1 lugë gjelle miell
Përgatitja
Prisni imët hudhrën dhe kuardiseni në një tigan me pak vaj.
Më pas shtoni spinaqin. Vendosni kapakun dhe gatuajeni duke e përzier herë pas here.
Ndërkohë prisni djathin në kubikë.
Në një enë bashkoni spinaqin e gatuar, djathin, vezët, thërrimet e bukës, majdanozin e grirë, kripën dhe piperin.
Përziejeni derisa përbërësit të bashkohen mirë me njëri tjetrin.
Tani prisni në mes gjoksin e gjelit dhe hapeni mirë duke përdorur një çekiç për mishin.
Vendosni mbushjen në qendër të mishit dhe rrotullojeni duke e lidhur disa herë me një file gatimi.
Prisni selinon, karrotën dhe qepën në copa të vogla.
Hidhni pak vaj në një tenxhere, shtoni perimet e grira dhe vendosni rolenë e gjelit të detit. Më pas shtoni qumështin dhe lëngun.
Mbulojeni dhe gatuajeni për një orë e gjysmë.
Pasi të ziejë, lëreni mënjanë gjelin sa të ftohet.
Me një pirun shtypni perimet dhe shtoni miellin duke i përzier mirë.
Pritini mishin në feta dhe shërbejeni me salcën e bërë nga perimet. /AgroWeb.org
