Siç mund ta imagjinoni hapi i parë drejt një vakti të shkëlqyer është të keni në kuzhinë paisjet e duhura.
Investimi në këto mjete do ta bëjë gatimin një aktivitet të këndshëm dhe të lehtë, të cilin e prisni me padurim. Për kërë arsye, sot AgroWeb.org ju njeh me mjetet më të nevojshme të kuzhinës.
Thika
Pa thikën e duhur, përgatitja e ushqimit mund të jetë e mundimshe.
Si fillim ju nevojiten vetëm tre të tilla: një thikë e dhëmbëzuar, një thikë 15 deri në 20cm e gjatë dhe një thikë e vogël.
Blini thikat më të mira që mundeni sepse ato do të zgjasin për shumë vite.
Mprehësja e thikës
Pasi të keni thikën e duhur, do t’ju duhet ta mbani atë të mprehtë. Prandaj hapi tjetër është të investoni në një mjet të tillë, i cili do t’ju ndihmojë ta përdorni thikën në potencialin e saj maksimal.
Dërrasa prerëse
Idealja është të keni dy dërrasa prerëse për ushqimet tuaja. Një për ushqimet e papërpunuara dhe një për ushqimet dhe produktet e gatuara, për të shmangur ndotjen gjatë gatimit.
Tasat
Një grup me 3 tasa prej çeliku inoksi që futen brenda njëri-tjetrit, përkthehet në një kursim hapësire.
Ato janë të lirë, të gjithanshëm dhe do të zgjasin gjithë jetën.
Lugët dhe gotat matëse
Do t’ju duhet një grup i plotë i lugëve matëse dhe dy grupe gotash matëse. Një grup gotash duhet të jetë për matjen e lëngjeve dhe një grup lugësh për matjen e përbërësve të thatë.
Tiganët që nuk ngjisin
Tiganët që nuk ngjisin janë mjete të shkëlqyera për fillestarët. Mos përdorni kurrë vegla metalike në këto tiganë sepse nëse gërvishten sipërfaqet e tyre dëmtohen dhe fillojnë të ngjisin.
Një tigan i vogël dhe një i madh do të ishte perfektë si fillim.
Termometri
Gjetur në pothuajse çdo seksion mishi në supermarket ose me pajisje të tjera kuzhine, një termometër është thelbësor për t’u siguruar që mishi dhe shpendët të gatuhen në mënyrë të sigurt dhe sipas preferencës tuaj.
Enë të ndryshme si…
Të kesh një shumëllojshmëri enësh është e dobishme për të bërë receta të ndryshme. Nëse ju pëlqen të gatuani, enët si qëruesi i perimeve, lugët prej druri, çekiçi i mishit, luga me vrima, darët apo spatulat janë perfekte.
Kullesa
Variantet që kanë këmbë dhe ku mund të vendosni shumë makarona janë perfekte. Është gjithashtu e rëndësishme të siguroheni që kullesa do të përshtatet më së miri në lavamanin tuaj!
Tavat e pjekjes
Pavarësisht nëse piqni një tortë ose një pulë, është e rëndësishme të keni tavat e duhura për furrën tuaj.
Kontejnerët
Kontejnerët nuk janë vetëm për ruajtjen e ushqimeve të mbetura. Ato janë gjithashtu të dobishëm për të mbajtur çdo përbërës të papërdorur që mbetet nga përgatitja e një vakti.
Multikuker
Një mjet i përsosur nëse nuk keni kohë të gatuani por doni ta pëshpejtoni procesin dhe njëkohësisht të siguroheni se vakti do të jetë i shijshëm.
Sigurohuni që të blini një paisje me madhësinë që i përshtatet familjes tuaj.
Mikser dore elektrik
Shuëm receta këkojnë një të tillë pasi janë shumë të lehta dhe efikase.
Mikser
Të kesh një mikser është diçka e shkëlqyer për të përgatitur shumë pije, salca dhe çdo gjë që iu sugjeron receta.
Zgjidhni një mikser të fuqishëm dhe në madhësinë që ju mendoni se është e mjaftueshme.
Një tenxhere për zierjen me avull
Është shumë më e shpejtë sesa të përdorësh sobën dhe i mban perimet të ngrohta për nnjë kohë të gjatë. /AgroWeb.org
