Çmimet e konsumit kanë shënuar tendencë të lehtë rritëse në shtator, të ndikuara nga ushqimet, ndonëse ato mbeten shumë poshtë objektivit prej 3% të bankës së Shqipërisë, duke treguar për konsum të dobët.
INSTAT raportoi se ndryshimi vjetor i indeksit të çmimeve të konsumit në muajin Shtator2020 është 1,5%. Një vit më parë ky ndryshim ishte 1,3%. Ndryshimi mujor i indeksit të çmimeve të konsumit në muajin Shtator2020, krahasuar me Gusht2020, është 0,4%.
Ndikuan ushqimet dhe qiraja e energjia
Rritja vjetore e çmimeve në muajin Shtator është ndikuar kryesisht nga grupi “Ushqime dhe pije joalkoolike” me +1,39pikë përqindje, pasuar nga grupi“ Qira, ujë, lëndë djegëse dhe energji” me +0,31pikë përqindje. Çmimet e grupit “Mobilje, pajisje shtëpie dhe mirëmbajtje e shtëpisë” kanë kontribuar me +0,08 pikë përqindje. Çmimet e grupit “Mallra dhe shërbime të ndryshme” kanë kontribuar me +0,06 pikë përqindje.
Çmimet e grupit “Hotele, kafene dhe restorante” kanë kontribuar me +0,02pikë. Çmimet e grupeve “Pije alkoolike dhe duhan” dhe “Komunikimi” kanë kontribuar me +0,01pikë përqindje secili.
Çmimet e grupit “Transporti” kanë kontribuar me -0,29pikë përqindje. Çmimet e grupit “Veshje dhe këpucë” kanë kontribuar me -0,03 pikë përqindje. Çmimet e grupeve “Shëndeti” dhe “Argëtim dhe kulturë” kanë kontribuar me -0,01 pikë përqindje secili.
Ndryshimet vjetore të grupeve kryesore: Krahasuar me muajin Shtator2019, rritja më e madhe e çmimeve vërehet në grupin “Ushqime dhe pije joalkoolike” me 3,8%,pasuar nga grupet “Qira, ujë, lëndë djegëse dhe energji” me 1,5 %, “Mobilje, pajisje shtëpie dhe mirëmbajtje e shtëpisë” me 1,3%, “Mallra dhe shërbime të ndryshme” me 0,9 %, “Hotele, kafene dhe restorante” me 0,6 %, “Komunikimi” me 0,5 % dhe “Pije alkolike dhe duhan” me 0,4 %.
Nga ana tjetër çmimet e grupit “Transporti” u ulën me 4,6 %, pasuar nga grupet “Veshje dhe këpucë” me 0,7 % dhe “Argëtim dhe kulturë” me 0,4 %.Brenda grupit të ushqimeve çmimet e nëngrupit “fruta” u rritën me 13,3%, pasuar nga nëngrupet “zarzavate përfshirë patatet” me 6,3 %, “vajra dhe yndyrna” me4,4%, “peshk” me 4,0 %, “sheqer, reçel, mjaltë, çokollata, dhe ëmbëlsira” me 3,4%,“qumësht, djathë dhe vezë” me 2,6%, etj.
Ndryshimet mujore të grupeve kryesore:
Krahasuar me muajinGusht2020, çmimet e grupit “Ushqime dhe pije joalkoolike” u rritën me 1,0 %, pasuar nga grupet “Mallra dhe shërbime të ndryshme” me 0,3 % dhe “Hotele, kafene dhe restorante” me 0,1 %.Nga ana tjetër çmimet e grupit “Mobilje, pajisje shtëpie dhe mirëmbajtje e shtëpisë” u ulën me 0,4 %, pasuar nga grupet “Veshje dhe këpucë” me 0,3 %, “Transporti” me 0,2 % dhe “Shëndeti” me 0,1 %./Monitor
