Temperaturat e larta duket se kanë lodhur qytetarët, pasi shumë prej tyre kanë një pyetje: kur do të ulen.
Adiola Bani nga Meteoalb tregon se nga java e ardhshme pritet që të ketë ulje të temperaturave, ndërsa vjeshtën do ta ndjejmë vetëm në muajin tetori.
“10 ditëshi i fundit i shtatorit do të na sjellë fillimin e vjeshtës dhe më pas tetori.
Gjatë kësaj periudhe do të ketë edhe prezencë të vranësirave dhe reshje në zonat malore, kryesisht pas orarit të mesditës. Por nuk do të ketë reshje të dendura.
Shtatori do mbyllet me vlera shumë të larta klimatike dhe fundjavat do të jenë me diell”, shprehet Bani.
