Aplikimi i kremit kundër diellit mund të parandalojë dëmtimin e pariparueshëm të lëkurës.
Kremrat kundër diellit me një masë mbrojtëse më shumë se 30, janë ato më të rekomanduarit për mbrojtjen e lëkurës nga rrezet e dëmshme.
AgroWeb.org ju njeh me 6 rregullat që tregojnë se si ta aplikoni dhe ta përdorni atë siç duhet!
Lani fillimisht fytyrën
Larja e fytyrës do të ndihmojë në heqjen e yndyrës së tepërt ose grimit në mëngjes.
Kjo do të lejojë që kremi kundër diellit të përmbushë objektivin e tij në mënyrë më efektive, pasi lëkura do të jetë në gjendje ta thithë më lehtë atë
Aplikojeni në mëngjes
Kremi kundër diellit duhet të aplikohet në lëkurë përpara se të dilni nga shtëpia.
Gjëja më e rëndësishme është të siguroheni që të kenë kaluar të paktën 30 minuta nga aplikimi i tij, përpara se të ekspozoheni në diell.
Edhe pse kjo rutinë mund të duket disi e lodhshme, e vërteta është se është një investim që do të bëjë ndryshim në lëkurën tuaj, e cila do të duket më e shëndetshme.
Vendosni sasinë e rekomanduar
Në mënyrë ideale, përdorni të paktën rreth 25-30 gr krem kundër diellit për kujdesin e përditshëm.
Kjo sasi duhet të shpërndahet në të gjitha pjesët e trupit që janë më të ekspozuara si fytyra, qafa, duart, krahët dhe këmbët, nëse është e nevojshme.
Riaplikojeni pas dy orësh
Kremi kundër diellit do të jetë më efektiv nëse keni një rutinë të kujdesshme, e cila përfshin një aplikim çdo 90-120 minuta.
Kjo praktikë rekomandohet veçanërisht nëse bëni aktivitete si noti apo vrapi i cili iu bën të djersini.
Vendosni krem edhe në duar
Mos e shpërdoroni kremin kundër diellit! Edhe një pikë e vogël mund të jetë ndryshimi që ju nevojitet për të qëndruar të sigurt.
Nëse mendoni se keni aplikuar një sasi të mjaftueshme në fytyrë, qafë dhe krahë, atëherë tepricën aplikojeni në duart tuaja.
Kjo është një pjesë të trupit që shpesh harrohet në rutinën e kujdesit të lëkurës.
Alpikoni të parin kremin e diellit
Vendoesni kremin para kremit hidratues apo çdo produkti tjetër që përdorni.
Mos harroni se është shumë e rëndësishme të ndiqni këtë process në mënyrën e duhur, veçanërisht nëse keni një histori të kancerit të lëkurës ose nëse aktivitetet tuaja të përditshme përfshijnë një ekspozim të madh ndaj diellit./AgroWeb.org
