Qumështi siguron dhjetë lëndë ushqyese thelbësore për kocka dhe muskuj të shëndetshëm, duke përfshirë vitaminën B2 (riboflavin) dhe B12.
Është një nga pijet më të njohura në mbarë botën, një ushqim i shijshëm, i pasur me lëndë ushqyese për të cilat trupi juaj ka nevojë! Disa nga lëndët ushqyese që gjenden në qumësht janë kalciumi, vitamina D, kaliumi, riboflavina dhe proteinat.
Njerëzit zakonisht e lidhin qumështin me kalcium dhe vitamina të tjera. Sipas një studimi të kryer nga Universiteti i Kalifornisë Riverside, qumështi i lopës nuk përmban vetëm kalcium dhe proteina. Ai përmban gjithashtu një gamë të gjerë mikroorganizmash që ruajnë shëndetin e sistemit tretës dhe ofrojnë përfitime të tjera shëndetësore.
Nga ana tjetër vlerë shumë të madhe ka edhe qumështi bimor i cili kohët e fundit ka marrë një vëmendje të madhe. Më i përdoruri ndër to është qumështi i tërshërës dhe shpesh efekti i tij në shëndet diskutohet.
Ne kemi zgjedhur ta analizojmë atë në këtë artikull dhe kemi pëzgjedhur një prej produkteve më të njohura në treg, qumështin e tërshërës Alpro.
Çfarë është Alpro?
Qumështi i tërshërës Alpro ka mbi 20 vjet që është në treg dhe është përdorur nga njerëzit që duan të shijojnë një pije të shëndetshme me shije të mrekullueshme!
Alpro, prodhohet në Britaninë e Madhe. Ky është ndër markat kryesore që prodhojnë qumësht me bazë bimore dhe është zëvendësuesi i përsosur i qumështit të lopës.
Qumështi i tërshërës Alpro, për të cilin AgroWeb.org flet në këtë artikull, është një ndër produktet e qumështit me bazë bimore që kjo markë prodhon. Për të mësuar më tepër rreth vlerave ushqyese dhe mënyrës se si ndikon në organizëm, AgroWeb.org ju fton të vazhdoni më tej me leximin.
A është i shëndetshëm ?
Qumështi i tërshërës Alpro është një produkt që përbëhet nga tërshëra dhe uji, dhe ka vitamina e minerale të shtuara. Megjithatë, ka disa shqetësime në lidhje me përfitimet shëndetësore.
Ofron një burim të madh të vitaminave të rëndësishme si vitamina D, thelbësore për shëndetin e kockave dhe dhëmbëve.
Ai përmban vitaminë A, e cila është e domosdoshme për shëndetin e syve, përmban kalcium, i cili është i rëndësishëm për shëndetin e kockave, dhe ka edhe vitaminë B12, e cila ndihmon në prodhimin e qelizave të kuqe të gjakut.
Cilat janë përfitimet e qumështit të tërshërës Alpro?
Edhe pse qumështi i tërshërës Alpro nuk përmban proteina dhe ka një indeks glicemik disi të lartë, ai mbetet një alternativë e shëndetshme, pasi përmban më pak yndyra të ngopura, kolesterol dhe kalori. Prandaj është i përkryer për ata që janë në dietë, që stërviten, por edhe për ata persone me nivele të larta të yndyrnave në gjak.
Është një burim i mirë i kalciumit dhe vitaminës D, të cilat mund të ndihmojnë në kockat të qëndrojnë të forta.
Duke qenë një qumësht me bazë bimore, i cili nuk përmban laktozë, është një zgjedhje e shkëlqyer për intolerantët ndaj laktozës.
Shija e tij është e ëmbël dhe të shijshme. Megjithatë, ata që janë intolerantë ndaj glutenit mund të kenë nevojë të jenë më të kujdesshëm me sasinë që konsumojnë.
- Qumështi i tërshërës është një burim i mirë fibrash sepse ka dyfishin e sasisë që gjendet në qumështin e lopës.
- Ai është i dobishëm për shëndetin e sistemit tretës dhe mbështet atë imunitar duke parandaluar infeksionet dhe përmirësuar aftësitë vetëshëruese të trupit.
- Tërshëra është e pasur me vitamina B, duke përfshirë tiaminën, e cila ndihmon në zbërthimin e karbohidrateve për energji dhe qelizat e kuqe të gjakut që bartin oksigjen.
- I pasur me fibra të tretshme beta-glukan, ngadalëson përthithjen e karbohidrateve nga sistemi tretës dhe siguron një rritje më të qëndrueshme dhe më të ngadaltë të sheqerit në qarkullimin e gjakut.
- Ky qumësht ofron edhe disa vitamina dhe minerale si magnezi, kaliumi dhe zinku, të cilat janë të dobishme për shëndetin tuaj.
Përfundimi
Qumështi i tërshërës Alpro është një alternativë shumë e shëndetshme për çdo person dhe mund të përdoret për të përgatitur një gamë të gjerë recetash.
Një qumësht me bazë bimore dhe me përbërës natyralë që nuk përmbajnë asnjë aromë apo ngjyrues artificial.
Është zgjidhja perfekte për njerëzit që kërkojnë një pije të lehtë, të shëndetshme, që ka gjithashtu edhe një shije të mrekullueshme!/AgroWeb.org
Lini një Përgjigje