Buka e bërë vetë në shtëpi ka një shije shumë më të plotë e të thellë, ndryshe nga ato të prodhimit në masë në furrat e bukës.
Për dashamirësit e saj, ekspertët e AgroWeb.org këshillojnë një recetë perfekte për t’u shijuar kurdoherë.
Buka e bërë në shtëpi me djathë rikota kërkon vetëm pak impenjim por shija është e mrekullueshme dhe ia vlen çdo minutë që kërkon përgatitja e saj.
AgroWeb.org ju premton që receta e bukës me rikota do të kthehet në të preferuarën tuaj.
Për Brumin
- 450 gramë miell shumë-përdorimësh
- 75 gramë sheqer,
- 4 lugë çaji maja të thatë,
- 1 lugë e çerek çaji kripë të hollë
- 3 vezë të mëdha
- Treçerek filxhani salcë kosi
- 140 gramë gjalpë pa kripë.
Për Mbushjen
- 60 gramë gjalpë pa kripë në temperaturë ambienti,
- 300 gramë gjizë
- 100 gramë krem djathi
- 80 gramë sheqer pluhur
- 1 vezë
- 1 të verdhë veze,
- Një lugë e gjysmë çaji me miell misri
Përgatitja:
Për përgatitjen e brumit përzieni miellin, sheqerin dhe majanë.
Përziejini mirë dhe shtoni kripën.
Më pas tek brumi shtoni vezët dhe salcën e kosit dhe përziejini me duar deri sa brumi të marrë formë.
Ngadalë shtoni gjalpin dhe vazhdoni me punimin e brumit deri sa ai të jetë i butë dhe elastik.
Transferojeni brumin në një enë të lyer me pak vaj ulliri, mbulojeni me një letër kuzhine dhe mbajeni në frigorifer për 6-8 orë ose gjatë gjithë natës.
Për mbushjen duhet të përzieni të gjithë përbërësit e lartpërmendur por masa e mbushjes nuk duhet të jetë shumë e lëngshme dhe e hollë.
Nxirreni brumin nga frigoriferi.
Në tepsitë e bukës shtroni letër pjekjeje dhe spërkateni me pak yndyrë.
Ndajeni brumin në dy copa dhe secilën prej tyre punojeni edhe njëherë në një sipërfaqe të lyer me miell.
Jepini brumit formë drejtkëndore, mbusheni me masën e gjizës dhe rrotullojeni në formën e rolesë.
Transferojeni atë në tepsitë përkatëse dhe mbulojini me letër kuzhine për 1-2 orë deri sa brumi të vijë plotësisht.
Ndizeni furrën në 170 gradë dhe kur ajo të jetë ngrohur futeni tepsinë e parë, piqeni bukën për 25-30 minuta deri sa të marrë ngjyrën kafe.
Lëreni të ftohet pak dhe servireni në temperaturë ambienti.
Kjo bukë qëndron e freskët në temperaturë ambienti për 24 orë ose në ngrirje për deri në 2 muaj./AgroWeb.org
