Dita e Verës është pritur në Korçë me zjarret që ndizen para shtëpive dhe me ritualet e përhershme që banorët kryejnë çdo fund shkurti.
Banorët një ditë para ndezin zjarret dhe organizohen me fqinjët e tyre për të pritur ardhjen e pranverës. Jo vetëm fëmijët, por edhe të rriturit festojnë duke u mbledhur rreth zjarrit që e shoqërojnë edhe me rituale të tjera.
Kjo simbolikë e zjarreve shoqërohet edhe me tradita të tjera siç është përgatitja e ushqimeve tradicionale të kulaçit me vezë apo servirja e fiqve të thatë.
Dita e Verës në Korçë, përvec festës zyrtare, ndryshe nga qytetet e tjera, festohet edhe në datën 1 mars nga besimtarët ortodoksë.
Burimi: Top Channel
Lini një Përgjigje