Përgatitja e tortave në shtëpi është një proces i veçantë që mund të dhurojë një shumëllojshmëri emocionesh.
Me një tortë të mirë e të përgatitur nga duart tuaja, mund të kaloni ditëlindjet apo festat familjare me të dashurit.
Në recetën e sotme AgroWeb.org ju mëson se si të bëni pikërisht këtë.
Ndiqni mëposhtë tortën me krem kafeje të përgatitur në shtëpi vetëm me 3 përbërës. E cila do t’i mbushë ditët tuaja me ëmbëlsi të jashtëzakonshme.
Përbërësit
Për bazën:
150 g biskota
1 lugë gjelle sheqer
75 g gjalpë
Për shtresën e kremit:
500 gr krem djathi
70 g qumësht të kondensuar
Për kremin e kafesë:
3 lugë çaji kafe të çastit
3 lugë çaji sheqer
3 lugë çaji ujë të nxehtë
Përgatitja
Filloni duke grirë 150g biskota në një mikser. Masën e përftuar kalojeni në një tavë. Hidhni sipër një lugë gjelle sheqer dhe përziejini mirë me njëra-tjetrën.
Shtoni 75g gjalpë të shkrirë dhe përziejini sërisht përbërësit. Me ndihmën e një luge shtypeni lehtësisht masën.
Tani përzieni me një rrahëse elektrike kremin e djathit me qumështin e kondensuar. Përhapeni kremin sipër bazës me biksota.
Për të përgatitur kremin e kafesë: Përzieni sheqerin me kafenë e çastit dhe qumështin e nxehtë.
Shtresa e fundtit duhet të jetë ai me kremin e kafesë. Vendoseni tavën në frigorifer dhe lëreni të ftohet për 3 orë.
Në fund dekorojeni me pluhur kakaoje dhe shërbejeni./AgroWeb.org
