Fasulet e Kuqe dhe Të Zeza, Vlerat Më Të Mira Për Zemrën

Fasulet janë një një nga dhuratat më të mira të natyrës për njeriun.

Ato kanë një profil të shëndetshëm ushqimor dhe përmbajnë shumë proteina.

Nëse dikur përçmoheshin si ushqimi i të varfërve, sot lakmohen më shumë, falë vlerave të rëndësishme shëndetësore.

Shumica e këtyre bishtajoreve të rëndësishme ofrojnë vlera të ngjashme.

Në këtë artikull të AgroWeb.org do t’ju njohim me vlerat më të mira të fasuleve të kuqe dhe të zeza.

Fasulet e Zeza

Këto kokrra me ngjyrë të errët janë një burim i jashtëzakonshëm proteine.

Ato përmbajnë fibër, antioksidantë, vitamina dhe minerale.

Fasulet e zeza mbrojnë organizmin nga inflamacioni, sëmundjet e zemrës, mbipesha, diabeti dhe qelizat e dëmshme.

Fasulet e zeza përmbajnë shumë fitoushqyes dhe flavonoidë që ndihmojnë kundër kolesterolit dhe inflamacionit.

Ushqyesit e tyre përmirësojnë shëndetin kardiovaskular.

Fasulet e zeza përmbajnë shumë fibër të tretshme që parandalon atakun në zemër dhe hemoragjinë cerebrale.

Falë fibrës, fasulet e zeza ndihmojnë në parandalimin e ngrënies së tepërt dhe si rrjedhojë mbipeshës.

Fasulet e zeza përmbajnë shumë antioksidantë ndaj janë të dobishme kundër qelizave të dëmshme.

Fasulet e zeza janë burimi më i pasur i antioksidantëve mes bishtajoreve.

Fasulet e kuqe

Fasulet e kuqe janë një burim i shkëlqyer i fibrës dietike.

Ato përmirësojnë tretjen dhe funksionin e zorrëve duke parandaluar konstipacionin.

Fasulet e kuqe janë plot me ushqyes të nevojshëm për bakteret e mira.

Ato përmbajnë pak yndyrë dhe shumë proteinë e si rrjedhojë ulin kolesterolin.

Fasulet e kuqe përmbajnë kalçium, magnez dhe kalium.

Këto tre minerale janë kryesorë për mbajtjen nën kontroll të tensionit të gjakut.

Falë përmbajtjes së lartë të fibrës, fasulet e kuqe janë ideale për rënien në peshë.

Ato shuajnë urinë dhe ju mbajnë të ngopur për shumë kohë.

Fasulet e kuqe janë të dobishme edhe kundër diabetit të tipit 2.

Fibra ngadalëson ritmet e çlirimit të glukozës në gjak dhe parandalon sekretimin e insulinës.

Fasulet e kuqe janë të pasura me antioksidantë që parandalojnë dëmet e shkaktuara nga radikalet e lira.

Sipas ekspertëve të AgroWeb.org, fasulet e kuqe janë të dytat në mesin e bishtajoreve të tjera për sa i përket nivelit dhe larmisë së antioksidantëve.

Fasulet e kuqe dhe ato të zeza mund të përfshihen në receta të ndryshme.

Ato mund të serviren si pjatë kryesore njësoj si fasulet e zakonshme, si garniturë ose sallata të ndryshme./AgroWeb.org