Bletaria është shndërruar tashmë në një biznes fitimprurës dhe me shumë interes jo vetëm për fermerët por edhe ata që duan të merren me biznes në sektorin rural.
Të dhënat e INSTAT, tregojnë se prodhimi i mjaltit në vitin 2019 arriti në 4 mijë e 116 tonë me një rritje 4,5% në raport me vitin e kaluar, ndërsa numri i koshereve u rrit vetëm me 0,9%.
Prodhimi mesatar për koshere i mjaltit në vitin 2019 shënoi 14,4 kilogramë nga 12,6 kilogramë që ishte në 2018.
Ndërsa rendimenti i prodhimit u rrit për koshere me 14%.
Sipas të dhënave zyrtare, një e katërta e sasisë së mjaltit prodhohet në Qarkun e Vlorës, më pas për sasitë e larta të prodhimit vijnë qarqet e Korçës, Shkodrës, Elbasanit.
Në shkallë vendi, prodhimi i mjaltit gjatë periudhës 2008-2019 është rritur me 56%./Burimi:ATSH
