Në fillimin e pandemisë mësuam se simptomat e pandemisë së COVID-19 zgjasin nga 2 deri në 14 ditë.
Kohët e fundit, mjekët po zbulojnë se disa simptoma mund të zgjasin për javë të tëra në mos muaj.
COVID-19, Simptomat Që Nuk Largohen Lehtë
Përpos problemeve me mushkërinë, disa pacientë kanë raportuar probleme të tjera pas shërimit nga COVID-19
Humbja e Shqisës së Nuhatjes Dhe Shijes
Një nga simptomat e pazakonta të zbuluara tek disa pacientë të shëruar prej COVID-19 është humbja e shqisës së nuhatjes dhe shijes.
Tek disa njerëz këto shqisa nuk janë kthyer pavarësisht shërimit prej virusit.
Mjekët nuk kanë arritur t’i japin akoma një shpjegim këtyre rasteve.
Mungesa e Ekuilibrit
Disa pacientë të prekur nga sëmundja kanë pranuar se koronavirusi u ka marrë ndjesinë e ekuilibrit. Ata thonë se vuajnë nga marramendja dhe humbja e ekuilibrit, pavarësisht se janë shëruar prej virusit.
Problemet Me Zemrën
Të dhënat të cilave u referohet AgroËeb.org, thonë se pas shërimit disa pacientë kanë vënë re luhatje të rrahjeve të zemrës dhe çrregullime të lehta.
Disa kanë raportuar sikur zemra do u dalë nga kraharori e disa të tjerë ndjesinë sikur zemra resht së rrahuri.
Kolla e Thatë
Kolla e thatë që është një nga simptomat kryesore të COVID-19, mesa duket vazhdon edhe pas infeksionit.
Kjo ndodh për shkak të irritimit të mushkërive. Kalimi i ajrit në mushkëri pranë indeve të irrituara nxit kollën.
Ajo, sipas ekspertëve, vazhdon deri sa indet e irrituara të shërohen plotësisht.
Dëmtime Në Tru
Sipas ekspertëve, ndryshimet në funksionet e veshkave dhe mushkërive tek pacientët që kanë qenë shumë të sëmurë me COVID-19 kanë nxitur praninë e disa kimikateve në gjak, të cilat janë toksike për trurin.
Këto substanca kimike nxisin ndryshime në funksionet e trurit që mund të zgjasin për muaj të tërë apo edhe më gjatë./AgroWeb.org
