Lulelakra konsiderohet si një nga perimet më të shëndetshme në botë.
Ajo kombinohet mjaft mirë në shumë receta të ndryshme gatimi, por edhe konsumohet veçmas e zier apo e pjekur në furrë me pak vaj ulliri, kripë, piper e hudhër.
Lulelakrën mund ta shoqëroni me sallata të freskëta të stinës, byrekë të ndryshëm shtëpie, turshi etj por edhe për salcë makaronash.
Një recetë për përfshirjen e lulelakrës në makarona e gjeni më poshtë duke lexuar në AgroWeb.org.
Mënyra Më e Shijshme Për Gatimin e Lulelakrës
Përbërësit
1 lulelakër të ndarë në tufa të vogla,
Kripë dhe piper të zi pluhur
Gjysëm filxhan çaji vaj ulliri
85 gramë copa të vogla buke
4 fileto sardele
3 thelbinj hudhër të grirë hollë
Spec djegës pluhur
1 pako makarona rigatoni
2 lugë gjalpë të shkrirë
3 lugë gjelle majdanoz të grirë
Djathë Parmigiano-Reggiano
Lëngu dhe lëkura e grirë hollë e një limoni.
Përgatitja:
Vendosni një tenxhere të madhe në zjarr me ujë dhe kripë për makaronat
Ndizeni furrën dhe në një enë të madhe hidhni tufat e lulelakrës, dy lugë gjell vaj ulliri dhe kripë.
Lulelakrën më pas shtrojeni në një tepsi dhe piqeni për 15-20 minuta.
Ndërkohë, kaurdisni copat e bukës me vaj ulliri për 2 minuta derisa të bëhen pak krokante dhe lërini mënjanë.
Vendosni një tigan të madh në zjarr dhe hidhni pjesën e mbetur të vajit të ullirit.
Tiganisni filetot e sardeleve me hudhër dhe specin djegës. për 1-2 minuta.
Më pas hidhni lulelakrën dhe kaurdiseni për 2-3 minuta të tjera.
Shtoni pak ujë nga ai i makaronaave dhe lëreni masën e lulelakrës të ziejë për 5 minuta.
Kur makaronat të jenë thuajse të bëra, kullojini por ndani mënjanë dy gota me ujë.
Në tenxhere hidhni gjalpin, shtoni masën e lulelakrës dhe makaronat.
Përziejeni mirë dhe shtoni dy gotat e ujit të makaronave.
Fikeni zjarrin, mbylleni kapakun dhe lëreni për pak minuta.
Përpara servirjes, shtoni djathin parmixhano, spec djegës, lëngun dhe lëkurën e limonit, majdanozin dhe copat krokante të bukës./AgroWeb.org
