Moti i ngrohtë dhe me diell edhe për pak orë do të largohet. Rreshjet intensive të shiut dhe rënia e temperaturave do të mbizotërojë në të gjithë vendin.
Lajmi bëhet i ditur nga Meteoalb, i cili përmes një njoftimi në rrjetin social facebook bën të ditur ndryshimin e menjëhershëm të motit në orët që vijnë dhe rënien e temperaturave.
Rreshje intensive shiu
“Kthjellime dhe vranësira kalimtare mbizotërojnë deri sot në orët e mbrëmjes kur pritet shtim i vranësirave dhe shira, të cilët gjatë natës dhe ditën e enjte do të jenë mesatar dhe lokalisht intensiv.
Gjithashtu problematik paraqitet parametri i erës sidomos në brigjet detare ku shpejtësia do të jetë mbi 55 km/h” thuhet në njoftimin e Meteoalb.
Ndërkohë, luhatjet e forta të motit vijnë edhe si pasojë e efekteve të Uraganit kërcënues, me emrin Lorenzo që po vjen drejt Evropës pritet të kalojë afër Portugalisë, duke sjellë rryma uji kërcënuese dhe erërat deri në 100 mph, sipas Qendrës Kombëtare të Uraganëve në SH.B.A.
Valët deri në 25 metra gjithashtu mund të shiheshin rreth pjesëve të arkipelagut portugez gjatë kësaj kohe, tha shërbimi meteorologjik i Portugalisë, ndërsa shkollat gjithashtu janë vendosur të mbyllen raporton Top Channel.
Vendet më të prekura
Uragani mendohet se më pas mund të dobësohet në një stuhi ekstratropike ndërsa lëviz në veri në trajektoren e saj drejt Irlandës dhe Anglisë, ku ka shkaktuar përmbytje të mëdha.
Uragani Lorenzo theu rekorde gjatë fundjavës pasi u ngrit në një stuhi të Kategorisë 5, për të cilën Qendra Kombëtare e Uraganit në SHBA thotë se është më e forta për veriun dhe lindjen në Oqeanin Atlantik.
Që nga ajo kohë ka rënë në një Kategori 2, por ka akoma ndikim vdekjeprurës.
Një operacion kërkimi dhe shpëtimi është duke filluar që nga fundi i javës së kaluar për ekuipazhin e zhdukur të një varke që u përmbys në Atlantik ra në vorbullën e stuhisë.
Një anëtar i ekuipazhit është konfirmuar i vdekur pasi trupi i tij u mor nga oqeani, thanë pronarët e anijes në një deklaratë të hënën.
Tre janë raportuar të jenë shpëtuar ndërsa dhjetë janë ende të humbur./AgroWeb.org
