Të nisësh një biznes është shumë interesante por mos harroni; pa regjistruar biznesin tuaj ai nuk mund të quhet i tillë. Keni zgjedhur biznesin me të cilin doni të merreni, keni zgjedhur emrin e duhur për biznesin tuaj, keni menduar një plan biznesi atëherë hapi i parë është regjistrimi i tij në Qendrën Kombëtare të Regjistrimit.
Aplikimi për regjistrimin fillestar mund të bëhet në sportelet e QKR-së në Tiranë ose në sportelet e shërbimit, të vendosura në bashki.
Çfarë duhet për regjistrimin fillestar?
Për të filluar një regjistrim, një aplikanti i duhet të plotësojë formularin e aplikimit. Formularët e aplikimit mund të merren në dy mënyra: a) pranë çdo sporteli të QKR-së; ose b) mund të shkarkohen si më poshtë:
- Person Fizik (links te QKR)
- Shoqëri Kolektive/ Komandite/ Përgjegjësi të Kufizuara dhe të Thjeshta
- Shoqëri Anonime
- Shoqëri Kursim Krediti
- Degë ose Zyra Përfaqësimi
- Shoqëri të Bashkëpunimit Reciprok
- Shoqëri të Bashkëpunimit Bujqësor
Dokumentet dhe te dhënat e detyrueshme për regjistrimin fillestar për Shoqëritë e bashkëpunimit bujqësor
Të dhënat e detyrueshme të cilat duhet të përfshihen në aktet e detyrueshme per regjistrimin e shoqërive të bashkëpunimit bujqësor, parashikohen në nenin 8 dhe 11 të ligjit Nr. 38/2012, “Për shoqëritë e bashkëpunimit bujqësor”, të cilat janë si më poshtë:
• Në aktin e themelimit duhet të përfshihen:
- Identitetin e themeluesve dhe te administratorit apo administratoreve
- Deklaraten e permbushjes se kritereve per te qene anetar
- Emertimin e shoqerise
- Objektin e shoqerise
- Seline
- Kapitalin e shoqerise
- Perqindjen e kapitalit te zoteruar nga secili anetar.
• Statuti duhet të përmbajë këto të dhëna:
- Emërtimin
- Objektin e veprimtarisë
- Selinë dhe adresën e saj
- Afatin e veprimtarisë, nëse parashikohet që shoqeria të ngrihet me afat të kufizuar
- Vleren e kapitalit te nenshkruar
- Vleren minimale të detyrueshme për derdhje në kapital si kontribut, si dhe formën e afatet për të fituar statusin e anëtarit.
- Numrin e pjesëve, në të cilat ndahet kapitali, dhe vleren e secilës pjesë sipas kontributit të anëtarëve
- Të dhënat për anëtarët themelues
- Kriteret për pranimin e anëtareve, kushtet e afatet për largimin vullnetar dhe përjashtimin e anëtareve
- Të drejtat dhe detyrimet e anëtarëve
- Organet e shoqërisë, kompetencat e tyre, mënyrën e funksionimit dhe të vendimmarrjes
- Identitetin e administratorit ose të administratorëve në çastin e përpilimit të statutit, si dhe afatet, largimin e përgjegjësitë e administratorit gjatë përmbushjes së funksioneve
- Të drejtën për rimbursim të kontributeve të anëtarëve që largohen
- Të dhënat e ekspertit/eve kontabël të shoqerisë
Dokumentacioni shoqërues:
- Formulari i aplikimit për regjistrimin fillestar të plotësuar me të dhënat e detyrueshme sipas ligjit të Q.K.R (plotësohet pranë sportelit)
- Dokumentet e identifikimit të administratorit të shoqërise
- Specimeni (nënshkrimi) i administratorit
- Nqs se aplikimi nuk kryhet nga administrator i shoqërisë, por nga një person i autorizuar prej tij, aplikanti duhet të paraqesë autorizimin nga administratori
- Dok. identifikimi i aplikantit ose personit te autorizuar, shtetas shqiptar (leternjotim elektronik – kartë identiteti, pasaportë biometrike
- Statuti dhe Akti i Themelimit të shoqërisë
Informacion të mëtejshëm do të gjeni në faqen zyrtare të QKR-së
