Me siguri e keni dëgjuar thënien “Ha mëngjes si një mbret, drekë si një princ dhe darkë si një i varfër”.
Por një studim i fundit, në të cilin AgroWeb.org u mbështet, tregon se nëse doni të parandaloni shtimin në peshë, mund t’ju duhet ta vini në dyshim këtë shprehje.
Brenda një harku kohor tre vjeçar, ata zbuluan se anashkalimi i vaktit të darkës ishte një nga shkaqet kryesore të shtimit në peshë, i cili me shumë gjasa mund të cojë edhe në mbipeshë.
Bashkautori i studimit Toshiki Moriyama, profesor në “Qendrën e Shëndetit dhe Këshillimit të Universitetit” të Osaka-s në Japoni, thotë se nëse nuk konsumoni darkë, atëhere ju mund të konsumoni më shumë kalori ditën tjetër.
Nidkimi tek Pesha – Si qëndron e vërteta?
Kjo gjë gjithashtu mund të ndikojë në regjimin tuaj ushqimor, duke e bërë atë më të varfër në marrjen e proteinave nga bimët .
“Por kjo nuk do të thotë se vaktet e tjera nuk janë po aq të rëndësishme”, shton Moriyama. Studimi i tyre, mund të mos ketë treguar se anashkalimi i mëngjesit ose i drekës çon në shtim në peshë, por ai thotë se studimet e kryera më parë kanë arritur në këtë përfundim.
Për shkak se ky studim është bërë mbi studentët e universitetit të cilët kanë tendencë të flenë më pak sesa njerëzit e moshuar, kjo mund të ketë një efekt tjetër në vaktin e mëngjesit.
Në përgjithësi, mendohet se mënyra më e mirë për të parandaluar shtimin e peshës është duke përhapur marrjen e kalorive gjatë ditës dhe të mos anashkaloni asnjë vakt.
E thënë thjesht, vakti i darkës mund të jetë një faktor jetësor kritik për parandalimin e mbipeshes, po aq sa ai i mëngjesit, thonë studiuesit.
Për të humur peshë, sigurohuni që të konsumoni vaktin e mbrëmjes në të njëjtin orar, këshillojnë ekspertët e shëndetit./AgroWeb.org
