A Janë Tiganët e Aluminit Të Sigurt Për Gatim?

Kur blini tigane të reja, do të përballeni me një sërë zgjedhjesh, duke filluar nga madhësia tek materiali tek ngjyra.

Një opsion i popullarizuar për sa i përket materialit është edhe alumini, e kjo për shkak të aftësisë për të duruar nxehtësinë e lartë.

Prandaj është e arsyeshme të pyesin nëse ky material është i sigurt për t’u përdoruar për gatim apo jo.

Më poshtë AgroWeb.org ju njeh me atë çfarë duhet të dini për sigurinë e aluminit si material në enët e gatimi.

Çfarë është alumini?

Alumini është një metal i lehtë dhe i lakueshëm. Për shkak të kësaj, është një material me një shumëllojshmëri të gjerë përdorimesh brenda dhe jashtë kuzhinës. Meqenëse është një element natyral, ekspozimi ndaj sasive të vogla të tij nuk është i rrezikshëm ose toksik.

A është alumini një material i sigurt në enët e gatimi?

Alumini është i lehtë, ka aftësi të durojnë nxehtësi dhe është shumë më i lirë për t’u prodhuar se çeliku i inoksit, gjë që e bën atë një zgjedhje më të mirë kur bëhet fjalë për enët e gatimit.

Është e sigurt për të gatuar dhe për t’u përdoruar në kuzhinë, megjithëse nuk është shumë jetëgjatë dhe me kalimin e kohës fillon të deformohet.

Nëse zgjidhni të blini tigane alumini, atëherë mund t’ju duhet t’i ndërroni ato një herë në vit ose më shumë. Edhe pse enët e aluminit në tërësi janë të sigurta për gatim, ka disa përbërës që duhen shmangur kur gatuani me një tigan alumini.

Kur duhet të shmangni përdorimin e aluminit

Alumini konsiderohet një metal reaktiv, që do të thotë se ka një reaksion kimik ndaj përbërësve acidë si domatet ose agrumet. Kjo mund të prishë shijen e ushqimeve tuaja nëse gatuani me një tigan alumini. Me kalimin e kohës, këto reagime mund të bëjnë që alumini të kalojë në ushqimin tuaj dhe madje mund të dëmtojnë edhe sipërfaqen e tiganit. Nëse tigani juaj.

Alternativat që mund të zgjidhni

Së pari, një alternativë e përshtatshme do të ishte çelik inoksi. Tiganët e inoksit me cilësi të lartë, ose enë të tjera gatimi të veshur me inoks, kanë aftësitë e shkëlqyera që ofron alumini. Ato kanë mbrojte më të fortë, dhe asnjë material nuk do të rrjedhë në ushqimin tuaj.

Një alternativë tjetër janë enët e gatimit që nuk ngjisin.  Shtresa PTFE jo toksike që mbulon këto enë, nuk do të lejojë rrjedhjen e metaleve në ushqimin tuaj.

Por nëse keni tigane alumini, atëherë duhet të keni kujdes se cilët përbërës përdorni gjatë gatimit. /AgroWeb.org