Makaronat me qiqra dhe salcë domatesh janë një version i shijshëm dhe një mënyrë e thjeshtë për t’u përgatitur.
Një pjatë e dashur dhe e përshtatshme për drekë apo darkë, sepse është një pjatë e plotë dhe shumë e shpejtë për t’u bërë!
Ndiqni më poshtë recetën që sjell sot AgroWeb.org për ju, dhe provoni ta përgatisni edhe vetë.
Përbërësit
320 g makarona tub
240 g qiqra të gatuara paraprakisht
350 g pure domatesh
½ qepë
1 karotë
1 kërcell selinoje
1 lugë çaji piper i kuq djegës
vaj ulliri
kripë për shije
Përgatitja
Filloni me zierjen e makaronave në ujë të vluar me kripë dhe ndërkohë përgatisini salcën.
Në një tigan hidhni pak vaj ulliri, selinonë, karotën dhe qepën e prerë në kubikë.
Kuardiseni sa përbërësit të zbuten mjafteshëm dhe më pas shtoni purenë e domates, pak piper djegës sipas dëshirës, kripë dhe gatuajeni për rreth 5 minuta.
Pas kësaj kohe, shtoni qiqrat, përziejini dhe ziejini edhe për disa minuta të tjera.
Kulloni makaronat dhe trasferojini në tiganin me salcë.
Përziejini mirë, fikni sobën dhe lërini të mbuluara me kapak për 5-10 minuta.
Shërbejini të zbukuruara me pak rozmarinë.
/AgroWeb.org
Lini një Përgjigje