Kjo është një recetë me të vërtetë magjepsëse. Me një kombinim perfekt të kekut me kosin me arra dhe mjaltë.
AgroWeb.org ju sjell më poshtë përgatitjen e kësaj recete e cila do t’ju mrekullojë me shijen e saj fantastike.
Përgatitja e Kekut me Kos dhe Arra
Përbërësit
- 7 kokrra vezë
- 7 lugë gjelle miell
- 7 lugë gjelle sheqer
- 1 lugë kafeje lëkurë portokalli
- 1 lugë kafeje gjalpë
- 400 gr kos
- 2 lugë gjelle mjaltë
- 1 gotë me arra të qëruara
Përgatitja
Si fillim, AgroWeb.org ju udhëzon të rrihni vezët në një tas të madh.
Më pas, shtoni sheqerin dhe vijoni t’i rrihni përreth 20-25 minuta derisa vëllimi i vezëve të trefishohet.
Mielli sitet dhe hidhet pak nga pak në masën e vezëve të rrahura duke e trazuar lehtë me telin e rrahjes së vezëve.
I gjithë sekreti i kësaj ëmbëlsire qëndron në kujdesin që duhet treguar në ruajtjen e vëllimit të masës.
Shtohen lëkurat e grira të portokallit. Lyhet tava me gjalpë, spërkatet me pak miell dhe më pas shtohet masa.
Piqet në nxehtësi mesatare përreth 25-30 minuta dhe më pas lihet të ftohet.
Ndërkohë, AgroËeb.org ju udhëzon të përgatisni sherbetin. Hidhni në një tenxhere sheqerin dhe ujin dhe lëreni të ziejë derisa sheqeri të shkrijë dhe të bëhet në formën e shurupit.
Më pas sherbetin e nxehtë hidhjani sipër ëmbëlsirës së ftohtë.
Pandispanja mund të përgatitet edhe në një mënyrë tjetër.
Të bardhat e vezëve rrihen veç që të bëhen marengë e qendrueshme, pastaj rrihen të verdhat e vezëve me tre lugë sheqer.
Shtohet gjysma e sasisë së miellit dhe kjo e fundit më pas bashkohet me marengën duke e përzier lehtë dhe duke hedhur miellin e mbetur e më pas futet në furrë të piqet.
Në fund, rrihni kosin në një tas derisa masa të bëhet kremoze. Hidhjani përsipër kekut që është ftohur, spërkateni me arrat e qëruara dhe në fund mjaltë e pak kanellë nëse dëshironi./AgroWeb.org
Lini një Përgjigje