Nëse jeni duke kërkuar një recetë të përsosur, makaronat me patëllxhanë të pjekur janë sekreti!
Një pjatë shumë e shijshme në të gjitha stinët, por akoma edhe më e mirë në këtë periudhë kur patëllxhanët janë shumë të ëmbël!
Përgatitja e tyre është një proces shumë i thjeshtë, mjafton të piqni patellxhanët në një tigan me pak vaj, të përgatisni një salcë me borzilok, të shtoni pak dhjathë dhe ta vendosni këtë tavë në furrë.
AgroWeb.org ju njeh me poshtë me hapat që duhet të ndiqni për të përgatitur këtë recetë kaq të thjeshtë, por shumë të shijshme.
Përbërësit:
- 320 g makarona pene të vogla
- 400 g patëllxhan
- 300 g pure domate
- 200 g djathë i bardhë ose mozzarella
- 3 thelpinj hudhër
- 40 g djathë kaçkavall i grirë
- 5 gjethe borziloku
- Kripë dhe vaj ulliri ekstra i virgjër për shije
Përgatitja:
Për të përgatitur këtë pjatë, filloni duke larë dhe prerë patëllxhanët në kube të vegjël.
Në një tigan shtoni pak vaj ulliri, dy thelpinj hudhër dhe lërini të nxehen për disa çaste, pastaj shtoni patëllxhanët.
Gatuajini në zjarr të fortë, derisa të zbuten dhe të marrin ngjyrë kafe të artë. Hiqni hudhrën dhe lërini patëllxhanët mënjanë.
Në një tenxhere, shtoni pak vaj dhe një thelpi hudhër. Skuqini ato në nxehtësi mesatare dhe shtoni salcën e domateve.
Shtoni në të gjethet e borzilokut dhe gatuajini në zjarr të ngadaltë për rreth 15 minuta, duke mos harruar të hiqni hudhrën.
Ndërkohë, në një enë tjetër shtoni ujë për të filluar me vlimin e makaronave.
Kur makaronat të jenë zier, kullojini ato dhe transferojini direkt në tenxheren ku ndodhet salca e domates duke i përzier së bashku.
Vazhdoni duke shtuar patëllxhanët, por mos harroni të ruani disa mënjanë. Gjithashtu shtoni djathin e bardhë të prerë në kubikë, duke mbajtur sërisht mënjanë rreth 50 g.
Makaronat më pas vendosini në një enë pjekje, shtoni mbi to djathin e bardhë të mbetur, djathin kaçkavall dhe patëllxhanët, duke i shpërndarë në të gjithë sipërfaqen.
Piqini në një furrë të ngrohur në 240 gradë. Hiqeni nga furra kur të jetë pjekur mirë dhe shërbejeni të nxehtë ose të vakët.
Makaronat me patëllxhanë të pjekur mund të ruhen në frigorifer për disa ditë./AgroWeb.org
