Kjo recetë fshati shërben si një pjatë e dytë e përkryer për çdo drekë apo darkë të minutës së fundit.
Mjafton ta shoqëroni me disa feta buke të freskët dhe vaktin e shijshëm do ta pëlqejnë të vegjël e të mëdhenj.
Të lehta dhe të shpejta për t’u përgatitur, vezët mund të përgatiten në çdo stinë dhe për çdo vakt.
Ju mund të shtoni në to edhe përbërës të tjerë si kërpudha, sallami, djathi kaçkavall në vend të djathit të bardhë ose barishte aromatike si trumzëa, rigoni, nenexhiku dhe borziloku.
Nëse ju pëlqejnë shijet pikante, mund të shtoni edhe një majë speci djegës të freskët ose të thatë.
Përdorni vezë shumë të freskëta, organike dhe mundësisht të blera nga një fermer i besuar.
AgroWeb.org ju fton të zbuloni më poshtë se si të përgatisni vezë të stilit të fshatit duke ndjekur procedurën dhe këshillat hap pas hapi.
Përbërësit
- 6 vezë
- 300 gr pure domatesh
- 130 gr djathë i bardhë
- 2 degëza rozmarinë
- Vaj ulliri ekstra i virgjër
- Kripë piper për shije
Përgatitja
Përhapni purenë e domates në një enë pjekjeje.
Spërkateni me pak vaj ulliri ekstra të virgjër.
Thyeni një nga vezët në një tas të vogël dhe më pas kalojeni në tavën me purenë e domateve, duke u përpjekur të mbani të verdhën e paprekur.
Bëni të njëjtën gjë edhe me vezët e mbetura.
Shtoni sipër djathin e copëtuar
Shpërndajini në mënyrë të barabartë pa i mbivendosur tek të verdhat e vezëve.
Jepini shije me kripë dhe piper sipas dëshirës tuaj.
Në fund shtoni rozmarinën dhe piqeni në 180°C për rreth 20 minuta. Nëse preferoni nuk edhe ta skuqni në një tigan.
Hiqni tavën nga furra dhe shërbejini menjëherë./AgroWeb.org
