Këto ëmbëlsira të buta dhe të shijshme janë perfekte për të gjithë familjen. Ato janë ideale për mëngjes, si një meze e lehtë por edhe si ëmbëlsira për në pasdite.
Një recetë që për thjeshtësinë dhe shijen që ka, mund të përdoret edhe për raste festive.
Provojini edhe ato duke ndjekur recetën që AgroWeb.org sjell për ju.
Përbërësit
200 ml qumësht i ngrohtë
15 g maja birre
1 vezë
80 g vaj luledielli
80 g sheqer
500 gr miell
0,5 g vanilje
180 g çokokrem
Lajthi për zbukurim
Sheqer pluhur për shije
Përgatitja
Fillimisht ngrohni qumështin. Sapo të ngrohet hidheni në një enë dhe shtoni aty majanë e birrës duke e përzier derisa të tretet plotësisht.
Ndërkohë që vazhdoni përzierjen, shtoni sheqerin, vezën, vajin e lulediellit dhe vaniljen.
Shtoni ngadalë miellin dhe kur brumi të bëhet më i qëndrueshëm punojeni me duar.
Kalojeni brumin në sipërfaqen e punës të lyer me miell dhe punojeni derisa të përftoni një masë të lëmuar dhe homogjene.
Vendoseni brumin në një enë të pastër dhe mbulojeni me qese kuzhine. Lëreni në një vend të ngrohtë derisa të dyfishohet në vëllim. Do të duhen rreth dy orë.
Në këtë moment merrni brumin dhe vendoseni në sipërfaqen e punës të lyer me miell. Hapeni më një petës në një trashësi rreth një centimetër.
Përgatisni një tavë të shtruar me letër furre. Me një gotë me diametër rreth 8 cm, jepini formën etullave dhe më pas vendosini në tavë.
Mbulojeni tavën me qese kuzhine dhe e lëmë mënjaë edhe për 20 minuta.
Tani në qendër të petullave formoni një gropë. Për ta bërë këtë, lyeni lehtë me vaj gishtin e madh dhe jepini formë.
Piqeni tavën për 20 minuta, në 180 °C. Hiqeni nga furra kur petullat të fryhen dhe të skuqen në sipërfaqe.
Në fund hiqini nga tava, spërkatini me sheqer pluhur, mbushini në qendër me çokokrem dhe zbukurojini me nga një kokërr lajthie. /AgroWeb.org
Lini një Përgjigje