Katër Perimet dhe Dy Frutat që Kanë Aftësi Shëruese

Rruga drejt shërimit dhe kurimit kalon nga stomaku sidomos në këto kohë që progresi i botës bëhet në një hap me atë të sëmundjeve.

Në këtë artikull të AgroWeb.org do të mësoni më shumë për aftësitë shëruese të 6 frutave dhe perimeve, të cilat duhet të jenë patjetër pjesë e regjimit tuaj ushqimor.

Për shembull, lëkura e qershisë largon dhimbjet njësoj si ibuprofeni. Apo avokado shërben si një zbutës i shkëlqyer për flokët.

Zbuloni për vlera të tjera shëruese të frutave dhe perimeve në rrjeshtat e mëposhtëm.

6 Perime Dhe Fruta Me Aftësi Shëruese

Më Shumë Energji

Nëse dëshironi më shumë energji, konsumoni fruta me gjithë lëkurë.

Molla për shembull ofron shumë fibër, e cila ju mban të ngopur për shumë gjatë.

Kundër Dhimbjeve Muskulare

Qershitë përmbajnë më shumë substanca anti-inflamacion se çdo ushqim tjetër.

Këto substanca gjenden kryesisht tek pjesa e lëkurës së qershive.

AgroWeb.org ju këshillon se lëngu i tyre është shumë efikas kundër dhimbjeve muskulare.

Fuqi për Organizmin 

Spinaqi është një burim i shkëlqyer me vitaminat A, K, C dhe acid folik, përveçse është një burim shumë i mirë me mangan, magnezi, hekur dhe vitaminën B2.

Vitamina K është shumë e rëndësishme për shëndetin e kockave dhe është e vështirë për të gjetur zarzavate me këtë vitaminë, përveç spinaqit.

AgroWeb.org ju bën të ditur porcion me 100 gram spinaq ka 23 kalori, 3 gr proteina, 0 gr yndyrna, 4 gr karbohidrate dhe 2 gr fibër.

Flokë Të Shëndetshëm

Avokado dhe ushqimet e tjera të pasura me acide yndyrore omega-3 janë të nevojshme për një skalp të shëndetshëm.

Avokado përmban sasi të larta të vitaminave B dhe E të cilat janë ideale për rritjen e flokëve.

Kjo është arsyeja përse avokado përdoret gjërësisht në maska flokësh.

Lëkurë Plot Shkëlqim

Karrotat përmbajnë karotenoidë dhe beta karoten, dy substanca që i japin lëkurës shkëlqimin e shëndetshëm.

Për më tepër, AgroWeb.org ju informon se beta karoteni ndihmon në prodhimin e kolagjenit të lëkurës.

Imunitet Të Fortë

Kërpudhat përmbajnë sasi të larta të lentinanit, një substancë që e mban imunitetin të fortë dhe mbi të gjitha ul rrezikun e infeksioneve./AgroWeb.org