Pavarësisht nga një reduktim masiv në lëvizjet e udhëtimit dhe në shumë aktivitete tregtare gjatë muajve të parë të pandemisë, sasia e karbonit në atmosferën e Tokës në maj arriti nivelin e saj më të lartë në historinë moderne, tregoi një tregues global të hënën.
Shkencëtarët nga Administrata Kombëtare Oqeanike dhe Atmosferike (NOAA) dhe Instituti Scripps i Oqeanografisë në Universitetin e Kalifornisë, San Diego, thanë se gjetjet, bazuar në sasinë e dioksidit të karbonit në ajër në stacionin e motit të NOAA, në Mauna Loa në Hawaii, treguan se ishte më e larta që nga fillimi i matjeve 63 vjet më parë.
Matja, e quajtur Kurba Keeling sipas Charles David Keeling, shkencëtari i cili filloi gjurmimin e dioksidit të karbonit atje në 1958, është një pikë referimi global për nivelet e karbonit në atmosferë.
Instrumentet e vendosura në vëzhgim e majë të malit regjistruan dioksid karboni me rreth 419 pjesë për milion muajin e kaluar, më shumë se shifra e regjistruar në maj 2020, që ishte 417 pjesë për milion.
“Nisur nga fakti se dioksidi i karbonit është një faktor kryesor i ndryshimit të klimës, zbulimet tregojnë se zvogëlimi i përdorimit të lëndëve djegëse, shpyllëzimi dhe praktika të tjera që çojnë në emetime të karbonit duhet të jenë një përparësi kryesore për të shmangur pasojat katastrofike”, shprehet Pieter Tans, një shkencëtar në Laboratorir Global të Monitorimit.
“Ne jemi duke shtuar afërsisht 40 miliardë metra tonë ndotje të CO2 në atmosferë në vit. Ky është një mal me karbon që ne gërmojmë nga Toka, e djegim dhe e lëshojmë në atmosferë si CO2 vit pas viti”, thotë eksperti.
Pavarësisht lockdown-it pandemik, shkencëtarët nuk ishin në gjendje të shihnin një rënie të sasisë së përgjithshme të karbonit në atmosferë pjesërisht për shkak të zjarreve, të cilat gjithashtu lëshojnë karbon, si dhe sjelljen natyrore të karbonit në atmosferë, tha raporti.Popullor në Komunitet
