Patatet e ëmbla janë nga perimet më të shijshme që vijnë bashkë me vjeshtën.
Megjithatë edhe pse janë të mbushura me vlera, të ëmbla e plot shije siç kanë dhe emrin, shpesh njerëzit hezitojnë t’i blejnë.
Një nga arsyet kryesore të këtij hezitimi sipas tyre është mënyra e përgatitjen apo kufizimi në receta.
Kjo pasi këto patate mund të zbutën pak më shumë gjatë gatimit dhe më së shumti gatuhen si të pjekura.
Është e vërtetë që këto patate kanë një përbërje pak më ndryshe se ato të zakonshmet, por në gatim mund t’i përdorni njësoj.
Madje edhe në skuqje për t’i përfituar krokante e plot shije, mjafton të dini mënyrën e saktë të përgatitjes së tyre.
Si t’i përgatisni?
Si fillim lani dhe pastroni mirë patatet duke i prerë në fije të holla siç bëni zakonisht me patatet e skuqura.
Ndërkohë vendosni në zjarr një tigan të lyer me 1 lugë vaj ulliri dhe kur të ngrohet shtoni patatet.
Lërini të skuqen në nxehtësi mesatare duke i përzier çdo 2 minuta derisa të fillojnë të marrin ngjyrë të kaftë të lehtë.
Pasi t’i keni skuqur vendosini në një letër në mënyrë që të hiqni vajin e tepërt.
Më pas vendosini në një pjatë dhe spërkatini me pak spec djegës pluhur.
Patatet e ëmbla të skuqura mund t’i shijoni në çdo vakt, madje edhe në mëngjes të shoqëruara me vezë./AgroWeb.org
Lini një Përgjigje