Nëse ka një kërkesë drejt nënave apo gjysheve për të gatuar diçka të mirë e të shijshme, padyshim në krye të listës së gatimeve shqiptare janë petullat.
Vështirë t’u rezistosh! Të ngrohta, me pak mjaltë, sheqer pluhur a kanellë, reçel apo djathë. Por edhe pa i shoqëruar fare, me asgjë, shija e tyre e plotë të përfshin tërësisht.
Fantastike për mëngjes dhe shoqëruese të këndshme për drekë, petullat mbeten një nga gatimet speciale jo vetëm për familjen por edhe miqtë e të afërmit.
AgroWeb.org sugjeron më poshtë një recetë të lehtë dhe të shpejtë për përgatitjen e petullave të zonës së Lumës në shtëpi. Një mënyrë fantastike për t’i shijuar me familjen a me miqtë.
Quhen kështu pasi janë specialitet i qytezës së vogël të Kukësit.
Dikur gjyshet i gatuanin ato mëngjeseve dhe i shërbenin të ngrohta për nipërit e mbesat teksa gjithë shtëpia kënaqej me shijen e tyre të mrekullueshme.
Receta e Shijshme e Përgatitjes së Petullave të Lumës
1 gotë uji me miell gruri
Ujë i vakët
Vaj
Pak kripë
Sheqer sipas dëshirës
Përgatitja
Në një tas të madh hedhim vmiellin e situr, kripën dhe ujin e vakët.
Vijojmë t’i rrahim fortë derisa masa e brumit të jetë e njëtrajtshme.
AgroWeb.org ju këshillon që trashësia e brumit të jetë si ajo e kosit të rrahur dhe elastik.
Hedhim vajin në një tigan, të cilin e vendosim në zjarr.
Kur vaji të jetë nxehur nisim të skuqim petullat.
Mund të përdorim një lugë për ndarjen e brumit për çdo petull.
Duhet të kujdesemi që largësia nga njëra tjetra duhet të jetë deri në 3 apo 4 cm sepse gjatë skuqjes brumi hapet.
Petullat skuqen nga njëra anë dhe pastaj kthehen nga ana tjetër.
Pasi të jenë skuqur mirë vendosen në pjatë dhe spërkaten me sheqer pluhur./AgroWeb.org
Lini një Përgjigje