Qeveria lehtëson barrën fiskale në mbështetje të zhvillimit të agroturizmit.
Në këtë mënyrë synohet të sillet rivitalizimi i sektorit agroturistik në vendin tonë.
Uje e TVSH-së dhe Tatimit mbi fitimin
Zv.ministri i Bujqësisë, Dhimitër Kote u shpreh për ATSH-në se bizneset që regjistrohen dhe certifikohen si sipërmarrje agroturistike, përfitojnë uljen e TVSH-së në 6% dhe Tatimin mbi Fitimin në 5% nga 15% që është aktualisht.
Gjithashtu ky vendim përcakton standardet që duhen të plotësojnë sipërmarrjet që do të operojnë në sektorin e agroturizmit.
Ndërsa për ata që do të ndërtojnë struktura të reja akomoduese në këtë sektor, parashikohet të jenë të përjashtuar për 10 vjet nga taksa e ndikimit në infrastrukturë.
Subjektet që përfitojnë
Vendimi citon se, subjektet, që zhvillojnë veprimtari pritëse të klasifikuar si “agroturizëm”, duhet të ofrojnë, minimalisht, njërin nga shërbimet e mëposhtme:
- Akomodim;
- Ushqim dhe pije;
- Veprimtari argëtuese/çlodhëse, të lidhura me fermën ose mjedisin përreth.
Vendoset kështu për të gjithë subjektet ekzistuese, që përdorin emërtimin agroturizëm, detyrimi që të aplikojnë brenda 6 muajve për çertifikimin e tyre./Burimi: ATSH
Lini një Përgjigje