Fushata më e madhe botërore e vaksinimit, e kryer ndonjëherë nga njerëzimi është në zhvillim, teksa vende përpiqen të krijojnë imunitetin e tufës në popullatat e tyre me shtimin e përpjekjeve të imunizimit.
Por nga se janë të përbëra vaksinat?
Sipas analizes se rrjetit nga Hong Kong, SouthChinaMorningPost, të gjitha vaksinat kundër Covid -19 përmbajnë atë që quhet “ingredienti aktiv”, që është elementi biologjikisht aktiv në një mjekim farmaceutik.
Vaksinat e koronavirusit përmbajnë tre ingredientë kryesorë aktivë.
mRNA është elementi i përdorur nga vaksinat e Pfizer dhe Moderna (RNA në anglisht quhet materiali gjenetik ARN), në vaksinën e Oxford-Astra-Zeneca dhe Johnson&Johnson përdoret metoda e vektorit viral, ndërsa vaksina kineze Sinovac përdor metodën e virusit të deaktivuar.
mRNA quhet ndryshe “mesazheri në acidin ribonukleik” dhe është materiali gjenetik që i urdhëron trupin të krijojë proteina.
Ndersa Vektori viral është versioni i modifikuar i virusit të padëmshëm, që dërgon informacione të rëndësishme te qelizat tona.
Metoda e virusit te deaktivizuar; ky i fundit është i rritur në laborator dhe më pas është vrarë për të shkatërruar aftësinë e tij të shkaktimit të sëmundjes
Të gjitha metodat kanë të njëjtin objektiv: Të aktivizojnë krijimin e anti-trupave nga trupi i njeriut për të luftuar koronavirusin.
Studiuesit thonë me siguri se nga vaksinat askush nuk infektohet me koronavirus dhe se ato nuk ndërhyjnë në ADN-së e njeriut. Përveç ingredientëve, përbërësi kryesor i vaksinave është uji.
Vaksiant përmbajnë gjithashtu disa tipe kripërash që stimulojnë reagimet trupore për krijimin e anti-trupave. Sheqernat ndihmojnë në stabilizimin e vaksinës në temperatura të ulëta ndërsa kimikatet si Polysorbate 80 ndihmojnë në ruajtjen e vaksinës të tretshme në ujë. Ato përdoren gjithashtu në ushqime si akulloret.
Shqetësime janë ngritur nga besimtarë katolikë për lidhjet e prodhimit të vaksinës me abortin, prej përdorimit të materialeve nga fetuset e bebeve të vdekura ose të abortuara. Disa nga kompanitë prodhuese thonë se qelizat fetale te përdorura prej tyre, janë rritur në laborator prej fetuseve të vdekura prej viteve 1970 e 1980-të.
Shqetësime janë ngritur dhe nga ente të klerit musliman për përdorimin e qelizave të derrit në faza të ndryshme të prodhimit, për çka raportohet se është preferuar vaksina kineze.
Pfizer, Moderna e Johnson&Johnson thonë se përdorin qeliza fetusesh njerëzore për krijimin e vaksinave por dozat finale të injektuara nuk kanë përmbajtje të tyre.
Vatikani ka folur mbi çështjen duke thënë se “është moralisht e pranueshme të merren vaksina të Covid-19 nga fetuse të abortuara që janë përdorur gjatë procesit të kërkimit dhe prodhimit”.
Teksa prodhuesit rrisin prodhimin e vaksinave prej kërkesës, ingredientët e tyre duket se jane të mjaftueshëm për të gjithë popullsinë e botës./Burimi:Top Cahnnel
