Ata janë miqtë me besnikë të njeriut. Por duket se tashmë edhe njerëzit janë kthyer në miqtë më të mirë të katër putroshëve.
Erko Prifti është mjek veteriner, në një spital të kujdesit për kafshët dhe na tregon se ndërgjegjësimi për kafshët është shumë i lartë. Jo vetëm një pjatë me ushqim dhe ujë, por kujdesi për qentë është tashmë njësoj si për një njeri.
“Më përpara nuk e perceptonin dot që një qen të sëmurët të shtrohet në spital, thjesht një qen jo një pjesëtarë i familjes. Kanë kuptuar që qeni është një individ dhe jo një kafshë. Duhet të kuptuar që kemi të bëjmë me një qenie me 4 këmbë që quhet individ, ndjejnë të njëjtin emocion, pasiguri dhe dhimbje si njeriu”, tha Prifti.
Natyra i ka dhënë dhunti këtyre qenieve të na kuptojnë më mirë se çdo kush tjetër. Si për një fëmijë të vogël, i tillë është për një kujdestar qensh, kujdesi i treguar.
“Sa hërë kam një gjëndje emocionale apo shëndetësore, nëse kam Borën pranë ndihem I qetë dhe e më kupton të gjitha, kemi një lidhje shpirtërore bashkë sesa fizike, sa herë që nuk jam në shtëpi, rri shtrire nuk lëviz, kur isha jashtë, kaloi një si tip paniku, filluan duke I rënë qimet, për shkak të mungesës time”, tha kujdestari për qen Kevin Gjoreca.
Kevin dhe Bora kanë 13 vite të pandarë dhe ai as nuk do ta mendojë që një ditë qenushja e tij nuk do ta presë tek dera kur të kthehet në shtëpi.
“Nuk e mendoj, me moshën që ka Bora nuk jetojnë shumë gjatë, por besoj se do të jetë edhe pak mes nesh. Nuk do mundem ta zëvendësoj kurrë, as me një njeri sepse është shoqja ime më e mirë… kur vjen puna te Bora ime është diçka shumë e rëndësishme për mua”, tha Gjoreca./Burimi:EuroNews
