Biskotat e Shkrifëta Yll –  Të thjeshta dhe të Shijshme

1.3k 0

Biskotat në formë ylli janë biskota të shijshme dhe shumë të thjeshta për t’u përgatitur.  Ideale për mëngjes ose si një meze e ëmbël për të gjithë familjen.

Një recetë që kërkon vetëm pak përbërës si miell, gjalpë, sheqer pluhur dhe vezë. E veçanta e saj është përdorimi i të verdhës të zier brenda brumit, e cila do t’u japë këtyre ëmbëlsirave një konsistencë unike. Të calt ju mund t’i shërbeni duke i shoqëruar me çaj, kafe ose lëngje frutash.

AgroWeb.org ju mëson më poshtë se si t’i përgatisni në perfeksion.

Përbërësit

250 g miell

150 g gjalpë

75 g sheqer pluhur

3 të verdha veze

Lëkurë limoni për shije

Përgatitja

Filloni duke zier vezët. Ndërkohë që vezët ziejnë vazhdoni me përgatitjen e biskotave duke përzier miellin me sheqerin pluhur.

Shtoni aty gjalpin e prerë në kubikë. Hidhni lëkurën e grirë të një limoni dhe më pas përziejeni masën me dorë, derisa përbërësit të bashkohen dhe të përftoni brumin e biskotave.

Pasi vezët të kenë zier dhe të jenë ftohur, hiqni prej tyre të verdhat dhe shtypini ato me një pirun.

Pas kësaj, shtojini vezët tek masa e brumit.

Lëreni brumin të pushojë në frigorifer për të paktën 20 minuta.

Pas kësaj kohe, hapeni brumin në një sipërfaqe të lyer me miell, dhe formoni një petë rreth 1 cm të trashë.

Me një formë ylli, prisni nga kjo masë 30 deri në 40 biskota.

Vendosini biskotat në një tavë të veshur me letër pjekjeje dhe piqini në 170°C për 20 minuta.

Hiqini biskotat nga furra dhe lërini të ftohen.

Në fund spërkatini me sheqer pluhur dhe shijojini së bashku me të dashurit tuaj. /AgroWeb.org

Lini një Përgjigje

Adresa juaj email s’do të bëhet publike.