Padyshim që do t’i shijoni pamasë sapo t’i përgatisni.
Të buta nga brenda, pakëz krokante nga jashtë e të fryra bubulake, receta e këtyre petullave do shndërrohet patjetër në të preferuarën.
Mund t’i shoqëroni me çfarë të doni dhe ato shijojnë në mënyrë të mrekullueshme.
Kjo është një recetë e thjeshtë, nuk kërkon mundim por mënyra e përgatitjes bën që petullat të dalin fantastike dhe shija e tyre e përsosur.
Më poshtë, AgroWeb.org ju sjell udhëzimet se si të përgatisni lehtë dhe shpejt petulla të fryra.
Petulla të Fryra
- 400 gr miell
- 300 ml ujë
- 20 gr maja të thatë
- 2 kokrra vezë
- Një lugë uthull molle
- Kripë
Përgatitja
Si fillim, AgroWeb.org ju udhëzon që në një tas të vogël të tretni majanë me pak ujë të vakët.
Në një tas të madh shtoni miellin, hapni një gropëz në mes, shtoni aty vezët e rrahura, kripën, shtoni uthullën e mollës.
Punoni brumin duke shtuar ngadalë ujin derisa i gjithë mielli të krijohet në formën e një brumi pak më të trashë se ai i krepave.
Uthulla e mollës do ndihmojë që petullat të mos thithin shumë vaj.
Lëreni brumit të pushojë përreth 30 minuta, më pas ngrohni tiganin me vaj dhe sapo vaji të jetë gati nisni të skuqni petullat në madhësinë që preferoni./AgroWeb.org
