Kush mund ta mohojë nepsin që të ndjellin petullat sapo i sjell ndërmend e që të drejton menjëherë në Kuzhinë për të nisur përgatitjen.
Ato janë receta më familjare për të gjitha amvisat dhe më e preferuara e të gjithëve ne.
Të ngrohta me djathë a me reçel në mëngjes por edhe gjatë ditës ato të përfshijnë tërësisht me shijen fantastike që kanë.
AgroWeb jus jell më poshtë një recetë fantastike të amvisës Silvana Belishaku, recetë e publikuar nga Kuzhinaime.
Përgatitja e Petullave me Qumësht të Ngrohtë
Përbërësit
- 500 gr miell,
- 300 ml qumësht të vakët,
- 1 vezë,
- pak kripë,
- pak sheqer (një majë luge kafeje)
- 1/2 pako pluhur fryrës ose 1 lugë kafeje me sodë,
- 50 gr gjalp të shkrirë
Përgatitja
Hedhim miellin në një enë, më pas hedhim kripën, sheqerin, pluhurin fryrës, vezën dhe qumështin e vakët, i përziejmë mirë me tel kuzhine sa të bëhet një brumë as shumë i trashë as shumë i hollë,
E lemë të pushojë 20 minuta më pas i skuqim në vaj të nxehtë me ndihmën e një luge u bëjmë format sipas dëshirës.
I shoqërojmë me mjaltë, reçel ose edhe djathë apo gjalpë sipas shijeve qe ju pëlqen.
Lini një Përgjigje