Çaji i Lëkurave të Portokallit – Një Mrekulli për Shëndetin

3.2k 0

Nëse zakoni i përditshëm është që të hash tulin e portokallit dhe të hedhësh lëkurat e saj mos e bëni më!

Sipas të dhënave të AgroWeb.org lëkura e një portokalli ka dy herë më shumë vitaminë C se sa tuli.

Gjithashtu tek ajo gjenden nivele të larta të vitaminës B6, kalciumit, magnezit dhe kaliumit.

Flavonoidët që gjenden tek lëkura kanë vlera anti kancerogjene dhe anti inflamatore.

Ndonëse lëkura e këtyre agrumeve është e thartë, kjo nuk duhet t’ju pengojë për ta ngrënë atë.

Lëkurat e Portokallit janë përdorur për mijëra vjet nga mjekësia popullore për mbajtjen e organizmit shëndetshëm.

Lëkurat e portokalleve janë fantastike në formën e çajit.

Më poshtë, AgroWeb.org liston disa nga përfitimet shëndetësore nga çaji i lëkurave të portokallit.

Përfitimet Shëndetësore nga Çaji i Lëkurave të Portokallit  

Çaji i lëkurave të portokallit është i pasur me vitaminë C, ai përmban një sasi të konsiderueshme pektine e cila ndihmon në uljen e kolesterolit.

Ky çaj fantastik është një agjent i fuqishëm anti inflamator, ndihmon në uljen e presionit të gjakut, ndihmon në qendrueshmërinë e nivelit të insulinës, fuqizon sistemin imunitar dhe shëron një sërë komplikacionesh shëndetësore.

Lëkura e portokallit shërbejnë si një agjent i fuqishëm anti inflamator që ndihmon në lehtësimin e artritit apo dhimbjes së kyçeve. 

Gjithashtu çaji nga lëkurat e portokalleve ndihmon në qendrueshmërinë e nivelit të sheqerit në gjak duke ndihmuar personat që vuajnë nga diabeti.

Ky çaj ka veti fantastike në lehtësimin e dhimbjeve të kokës dhe migrenës.

Nëse konsumohet i ngrohtë, çaji i lëkurave të portokalli ndihmon jashtëzakonisht në lehtësimin e simptomave të gripit, virozave dhe të ftohtit.

Falë vitaminës C, lëkurat e portokalleve përshpjetojnë rigjallërimin e organizmit të drobitur nga i ftohti.

AgroWeb.org u sugjeron më poshtë mënyrën se si të përgatisni çajin e lëkurave të portokalleve në shtëpi dhe të përfitoni më të mirat prej tij.

Çaji i Lëkurave të Portokallit në Shtëpi  

Përbërësit  

  • Një lugë gjelle me lëkura të thata portokallesh, të prera në copëza të vogla për një filxhan çaji.
  • Dy lugë gjelle me lëkura të freskëta portokallesh, të prera në copëza të vogla për një filxhan çaji.

Përgatitja

Hidhni lëkurat e thata ose të njoma sipas masës më sipër në një ibrik sipas masës më sipër dhe lërini të zjejnë.

Pasi i hiqni nga zjarri lërini rreth një orë në mënyrë që lëkurat e portokallit të lëshojnë gjithë vlerat e tyre.

Përdorni një kullesë kuzhine në momentin që hidhni çajin në filxhan.

Sipas preferencës mund t’i shtoni një lugë mjaltë.

Ky çaj mund të konsumohet i ngrohtë dhe i ftohtë./AgroWeb.org

Lini një Përgjigje

Adresa juaj email s’do të bëhet publike.