Sot AgroWeb.org ju sugjeron të provoni një recetë vërtetë të thjeshtë, të bërë në mënyrë klasike, me perime dhe salcë domatesh.
Nëse preferoni ju mund t’i shërbeni thjerrëzat e ziera si pjatë e dytë apo gjatë vaktit të mbrëmjes.
Ndiqni më poshtë këtë recetë mjaft të shijshme dhe përgatiteni atë për të dashurit tuaj.
Përbërësit
- 500 g thjerëza
- 1 l salcë domatesh
- Vaj ulliri për shije
- 1 karotë
- 1 kërcell selinoje
- ½ qepë e artë
- 1 thelpi hudhër
- 3 gjethe dafine
- Rozmarinë dhe sherebelë për shije
- Kripë dhe piper i zi për shije
Përgatitja
Për të përgatitur thjerrëzat e ziera, filloni me qërimin e karrotave dhe prerjen e tyre në kubikë prej rreth 4 mm.
Vazhdoni njëjtë edhe për selinon dhe qepën e cila duhet grirë sa më hollë.
Hidhni pak vaj në një tenxhere dhe shtoni perimet e grira dhe një thelpi hudhër.
Skuqni lehtë për 5-7 minuta, derisa perimet të zbuten.
Hidhni në tenxhere thjerrëzat e lara paraprakisht nën ujë të rrjedhshëm.
Bashkoni bimët aromatike në një tufë, lidhini mirë dhe vendosini edhe ato në tenxhere.
Shtoni salcën e domateve e më pas mbushni enën me ujë, derisa thjerrëzat të mbulohen.
Për këtë do t’ju duhen rreth 300 ml ujë.
Trazojeni dhe kaurdiseni për 45-60 min në zjarr të ulët.
Gjatë kësaj kohe duhet t’i përzieni herë pas here dhe të shtoni më shumë ujë nëse është e nevojshme.
Pas 45 minutash, provoni thjerrëzat për të kontrolluar shijen e tyre dhe për të vlerësuar nëse duhet të vazhdoni me gatimin.
Në fund shtoni pak kripë dhe piper, hiqni tufën me bimët aromatike dhe thelpin e hudhrës.
Shërbejini thjerrëzat të ngrohta ose të vakëta, duke shtuar sipas shijes rozmarinë dhe piper.
Këshilla
Zakonisht zierja e thjerrzave zgjat 20 minuta më shumë nga sa tregohet në paketim, por kjo varet edhe nga varieteti që përdorni./AgroWeb.org
